”كاسىپ سالاسى + جۇمىستاندىرۋ“ كەدەيلىكتەن ارىلتۋ جولىن كەڭەيتە ءتۇستى
”بۇرىن ءۇيىمىزدىڭ 4 مۋ جەرىنە ءبيداي مەن جۇگەرى ەگەتىنبىز، بارقىت ءشوپ ەككەن سوڭ، تابىسىمىز بىردەن 3 − 4 ەسەلەندى“، - دەيدى كەريا اۋدانى سەنبى بازار قالاشىعى سەكىداشمان قىستاعىنىڭ تۇرعىنى ءمارامنيساحان قۇربان.
ءمارامنيساحاننىڭ ۇيىندەگى وزگەرىس وسى قىستاق اتقارعان كاسىپ سالاسى ارقىلى كەدەيلەردى سۇيەمەلدەۋ ساياساتىنىڭ ارقاسى.
”ەرەكشە كاسىپ سالاسى ارقىلى سۇيەمەلدەۋ − كەدەيلىكتەن ارىلتۋدىڭ ماڭىزدى تۇتقاسى، شەبەرلىكتى ءوسىرۋ − شەشۋشى تەتىك“. كەريا اۋدانى سەنبى بازار قالاشىعى سەكىداشمان قىستاعىنىڭ ءبىرىنشى شۋجيى، ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتىنىڭ باستىعى ۋاڭ حۇڭشاننىڭ ايتۋىنشا قىستاق تۇرعىندارىنىڭ ەگىن ەگۋ شەبەرلىگىن ءوسىرۋ ءۇشىن، قىستاق تۇرعىندار كوميتەتى اۆتونوميالى رايوننىڭ، ايماقتىڭ، اۋداننىڭ اۋىل شارۋاشىلىعى ماماندارىن شاقىرىپ، پياز، بارقىت ءشوپ ەگۋ - باپتاۋ بويىنشا جۇمىس باسىندا تاربيەلەۋ ۇيىمداستىرىپ ورىستەتتى. بۇكىل قىستاقتاعى 122 كەدەي وتباسى 194.9 مۋ جەرگە پياز ەكسە، قىستاقتىڭ 108 تۇرعىنى 563.5 مۋ جەرگە بارقىت ءشوپ ەگىپ، ءار وتباسىنىڭ كىرىسى ورتاشا ەسەپپەن 1800 يۋاننان استام ارتتى.
كاسىپورىنداردىڭ كەدەيلىكتەن ارىلتۋدان قامال الۋداعى ماڭىزدى رولىن ساۋلەلەندىرۋ ءۇشىن، اۆتونوميالى رايوننىڭ ءبىر تۇتاس ورنالاستىرۋىنا ساي شينجياڭ ءتۇستى مەتال توبى سەرىكتەستىگى كەريا اۋدانىنداعى 4 اۋىل - قالاشىقتىڭ 15 كەدەي قىستاعىنا باعىتتامالى كومەكتەسىپ، سۇيەمەلدەدى. شينجياڭ ءتۇستى مەتال توبى سەرىكتەستىگىنىڭ ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتىنىڭ كومەكتەسۋ - سۇيەمەلدەۋىندە وسى كەدەي قىستاقتاردىڭ كاسىپ سالالارى، جۇمىستاندىرۋى سايكەسە دامىپ، كەدەي قىستاق تۇرعىندارىنىڭ كەدەيلىكتەن ارىلۋدى، كىرىس ارتتىرۋدى جۇزەگە اسىرۋىنا كومەكتەسەتىن ”قوس قامسىزداندىرۋعا“ اينالدى.
باعىتتامالى كومەكتەسەتىن - سۇيەمەلدەيتىن كەريا اۋدانى تۋراقاز اۋىلىندا شينجياڭ ءتۇستى مەتال توبى سەرىكتەستىگىنىڭ كەدەيلەردى سۇيەمەلدەۋ كاسىپ سالاسى بازاسى قۇرىلىس باستادى، 6 - ايدىڭ باسىندا قۇس تۇرلەرىن شوعىرلى باعىپ، بالاپان جەتىلدىرەتىن 10 باعىمشىلىق ءتۇيىنىنىڭ قۇرىلىسى باستالىپ، 600دەن استام كەدەي وتباسىن قامتىپ، بارلىعى تاپسىرىس بويىنشا باعۋدى جۇزەگە اسىردى.
ەرەكشە اۋىل شارۋاشىلىعى ونىمدەرى تەك ساتىلعاندا عانا پايدا اكەلەدى. سوندىقتان شينجياڭ ءتۇستى مەتال توبى سەرىكتەستىگى ”تاپسىرىس بويىنشا ءوندىرۋ“ جانە ”جىلۋعا اتاۋدىڭ ورنىنا ساتىپ الۋ“، ”كومەكتەسۋدىڭ ورنىنا ساتىپ الۋ“ سياقتى تاسىلدەرمەن كەدەي وتباسىلارىنىڭ كىرىس ارتتىرۋىنا دەم بەردى.
كاسىپ سالاسىن دامىتۋدان سىرت، جۇمىستانۋ دا كەدەيلىكتەن ارىلتۋدان قامال الۋداعى ماڭىزدى قىزمەتتىڭ ءبىرى. شينجياڭ ءتۇستى مەتال توبى سەرىكتەستىگىنىڭ ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتىنىڭ باس جەتەكشىسى، تۋراقاز اۋىلى چاقا قىستاعىنىڭ ءبىرىنشى شۋجيى، قىزمەت اترەتىنىڭ باستىعى جاڭ شۋەحىنىڭ قاراۋىنشا ەرەكشە كاسىپ سالاسىن دامىتۋ مەن جۇمىستاندىرۋ كەدەيلىكتەن ارىلتۋدىڭ ەكى اياعى ىسپەتتى، ەكەۋى بىرگە قيمىلداۋ كەرەك.
قىزمەت اترەتى مەن قىستاق ”ەكى كوميتەتى“ قايتا - قايتا تەكسەرۋ - زەرتتەۋ جۇرگىزە كەلە ورتاق تانىمعا كەلەدى، ”ءبىر ادام جۇمىستانىپ، بۇكىل وتباسى كەدەيلىكتەن ارىلۋ“ كەدەي وتباسىلارىنىڭ كەدەيلىكتەن ارىلۋىن جەبەۋدەگى ەڭ قولايلى، ەڭ ۇتىمدى جولدىڭ ءبىرى.
قىستاق تۇرعىنى ابدۇراحىمان يبىراھيم 2017 - جىلى شينجياڭ ءتۇستى مەتال توبى كەن كاسىپورنىنىڭ قىزمەتشىسى بولىپ، ايىنا 4800 يۋان ەڭبەكاقى الىپ كەلەدى. قۇلشىنۋ ارقىلى ابدۇراحىمان جۇمىس ورنىندا ابدەن ىسىلىپ قانا قالماستان، ۇيىنە جيھاز، ءۇي ەلەكتر جابدىقتارىن دا ساتىپ الدى.
2 بالاسى بار كەدەي بۇمايرامحان ءماتتۇردىنىڭ جەر ەگۋدەن باسقا ەكونوميكالىق كىرىسى جوق ەدى. قىزمەت اترەتى مەن قىستاق ”ەكى كوميتەتى“ ونىڭ 2 بالاسىنا ەڭ تومەنگى تۇرمىستى قامتاماسىزداندىرۋ قاراجاتىن الۋىنا ءوتىنىش بەرگەننەن كەيىن، بۇمايرامحاننىڭ جۇمىس تابۋىنا كومەكتەسۋگە كىرىستى.
”قىزمەت اترەتى مەنىڭ ءبىر حوگو دۇكەنىنەن جۇمىس تابۋىما كومەكتەستى، قازىر اي سايىن تۇراقتى ەڭبەكاقىم بار“. بۇمايرامحاننىڭ ايتۋىنشا 2 اي ىستەگەن سوڭ، وتباسىنىڭ تۇرمىس دەڭگەيى ايتارلىقتاي جاقسارعان. قازىر بۇمايرامحان ءۇيىن اشەكەيلەۋدى، اۋلاسىن رەتتەۋدى جوسپارلاپ ءجۇر ەكەن.
قىستاق تۇرعىندارىنىڭ جۇمىستانۋىنا اناعۇرلىم كەڭ كولەمدە كومەكتەسۋ ءۇشىن، قىزمەت اترەتى اۋىل - قىستاق ماڭىنداعى جۇمىسشى ىستەتۋشى بازارلارعا ءجىتى نازار سالىپ، جۇمىسشى ىستەتۋ سۇرانىسىن جانە جۇمىسشى ىستەتۋ شارتتارىن ۇعىستى، قىستاق تۇرعىندارى ىستەي الاتىن جۇمىس ورنى بولسا، قىزمەت اترەتى دەر كەزىندە جۇمىسشى كورسەتىپ وتىردى.
ساناققا نەگىزدەلگەندە، بيىل شينجياڭ ءتۇستى مەتال توبى سەرىكتەستىگى ءبىر ميلليون 800 مىڭ يۋان قارجى سالىپ، باعىتتامالى كومەكتەسەتىن - سۇيەمەلدەيتىن قىستاقتاردىڭ باعىمشىلىق كاسىبىن، ەگىنشىلىك كاسىبىن دامىتۋىنا قولداۋ كورسەتتى، مۇنىڭ ىشىندە چاقا قىستاعى بوس تۇرعان باعىمشىلىق قورالارىنان پايدالانىپ 3 شوجە جەتىلدىرۋ ءتۇيىنىن سالىپ، 3000 شوجەنى جەتىلدىرىپ شىعىپ شارۋالاردىڭ قولىنا تاراتىپ بەردى، 5000 شوجە تاۋىق فەرماسىنا كىرىپ، قاتارعا قوسىلۋ مولشەرى ％90كە جەتتى. چاقا قىستاعىنان سىرت، تومەنقۇمباق قىستاعى، سەكىداشمان قىستاعى سياقتى 3 قىستاق قارجى سالىپ، 612 قاز ساتىپ الىپ شوعىرلى باقتى، بۇل 51 وتباسىنداعى 237 ادامدى پايداعا كەنەلۋگە جەتەكتەي الادى. جۇمىستاندىرۋ جاعىندا، 15 قىستاقتا جالپى 4854 وتباسىنداعى 18 مىڭ 269 ادام شەبەرلىككە باۋلۋ ارقىلى سول جەردە، جاقىن ماڭدا جۇمىستاندى.
