ءسوزسىز، جەڭىسكە جەتۋ سەنىمىمەن ”كەدەيلىكتەن ارىلتۋ جاۋاپناماسىن“ ويداعىداي جازدى
جاز باسى، لوپ اۋدانىنىڭ ەگىنجايلارىندا ەگىس جۇمىستارى قاۋىرت جۇرىلۋدە، كەدەيلىكتەن ارىلتۋ سەحتارىنداعى قاربالاستىق جالعاسۋدا، 1833 وتباسى، 7383 كەدەي حالقى بار وسى كەدەي اۋدان كەدەيلىكتەن ارىلتۋدى دەر كەزىندە جۇزەگە اسىرۋ ءۇشىن بار قايراتپەن اتوي سالۋدا.
تاياۋ جىلداردان بەرى، لوپ اۋدانى كاسىپ سالاسى ارقىلى كەدەيلەردى سۇيەمەلدەۋ، جۇمىستاندىرۋ ارقىلى كەدەيلەردى سۇيەمەلدەۋ، كەدەيلەردى قونىس جاڭالاپ سۇيەمەلدەۋ، قۇرىلعىلى اۋىل شارۋاشىلىعى سياقتى جاقتاردا ورتاق كۇش سالىپ، كەدەي بۇقارانىڭ كىرىسىن ۇزدىكسىز ارتتىرىپ، كەدەي بۇقارانىڭ باقىت كورسەتكىشىن ۇزدىكسىز جوعارىلاتىپ، ءسوزسىز، جەڭىسكە جەتۋ سەنىمىمەن ”كەدەيلىكتەن ارىلتۋ جاۋاپناماسىن“ ويداعىداي جازدى.
كاسىپ سالاسى ارقىلى كەدەيلەردى سۇيەمەلدەۋ كەدەيلىكتىڭ تامىرىن ءۇزدى
5 - ايدىڭ 13 - كۇنى لوپ اۋدانى ليتيان شياڭنۇڭ ازىق - تۇلىك شەكتى سەرىكتەستىگىنىڭ ءوندىرىس سەحىندا قىزمەتكەرلەر ۇيرەكتىڭ ەتىن تۇرگە ءبولۋ، سالماعىن ولشەۋ، قوراپتاۋ، كولىككە تيەۋ جۇمىستارىمەن قاربالاس. ءماتيۇسۇن باكىر مەن ايەلى تاڭ اتىسىمەن سەحقا كەلىپ، ءبىر كۇندىك جۇمىستارىن باستادى.
ءماتيۇسۇن لوپ اۋدانى دول اۋىلى چاقما قىستاعىنداعى ارحيۆ تۇرعىزىلىپ، كارتچكالاندىرىلعان كەدەي وتباسى، 2019 - جىلى ەرلى - زايىپتى ەكەۋى ليتيان شياڭنۇڭ ازىق - تۇلىك شەكتى سەرىكتەستىگىنە بارىپ جۇمىستانىپ، ورنىقتى جۇمىسقا يە بولىپ قالماستان، ەكەۋى اي سايىن تاعى 5000 يۋاننىڭ ۇستىندە ەڭبەكاقى الىپ، ءبىر ءۇيلى جاننىڭ تۇرمىسى بارعان سايىن جاقسارا ءتۇستى.
2018 - جىلى لوپ اۋدانى ليتيان شياڭنۇڭ ازىق - تۇلىك شەكتى سەرىكتەستىگىن ەنگىزىپ، ”سەرىكتەستىك + سەلبەستىك كووپەراتيۆى + ءوزارا كومەكتەسۋ گرۋپپاسى + كەدەي وتباسى“ سىندى باعىمشىلىق ۇلگىسىن قولدانىپ، 6 اۋىل - قالاشىقتا 250 ءناسىلدى ۇيرەك باعىمشىلىق قالتقىسىن سالدى.
”وسى 2 جىلداعى دامۋدان سەرىكتەستىك ءبىرشاما كەمەلدى ەتتى ۇيرەك بالاپانىن باسىپ شىعارۋ، باعىپ كوبەيتۋ، سويۋ كاسىپ سالاسى تىزبەگىن قۇردى، ۇيرەك باعۋ كاسىپ سالاسى لوپ اۋدانىندا تامىر تارتتى“. ليتيان شياڭنۇڭ ازىق - تۇلىك شەكتى سەرىكتەستىگى سويۋ، مانەرلەۋ زاۆودى باستىعىنىڭ كومەكشىسى جاڭ يۇڭشىڭ بىلاي دەدى: سەرىكتەستىك شوعىرلى كولەمدەندىرىپ باعۋدى قولداندى، ءبىر جىلدا 6 مارتە باعىلسا، 5000 كەدەيدى كىرىستەرىن ارتتىرۋعا جەتەكتەيدى.
ەتتى ۇيرەك كاسىپ سالاسىنان تىس، اعاش ساڭىراۋقۇلاعى ەگىمشىلىك كاسىپ سالاسى دا لوپ اۋدانىنداعى بۇقارانىڭ كىرىستەرىن ارتتىرۋداعى جاڭا ارناعا اينالدى. 2018 - جىلى كۇنلۇنشۋە بيوعىلىم - تەحنيكا شەكتى سەرىكتەستىگى لوپ اۋدانىنا ىرگە تەۋىپ، ازىقتىق ساڭىراۋقۇلاق كاسىپ سالاسىن دامىتىپ، ”جەتەكشى كاسىپورىن +سەلبەستىك كووپەراتيۆى + بازا + ءوزارا كومەكتەسۋ گرۋپپاسى + كەدەي وتباسى“ سىندى جۇمىس ۇلگىسىن قولدانىپ، بازارلانعان، ولشەمدەنگەن ەگۋدى جۇرگىزدى. قازىر لوپ اۋدانى جىلىنا 30 ميلليون ساڭىراۋقۇلاق بۋماسىن وندىرەتىن ءوندىرىس بازا سالدى، 6 ەگىمشىلىك سەلبەستىك كووپەراتيۆىن قۇردى، 7 قارا ساڭىراۋقۇلاق ەگىمشىلىگى بازاسىن، 162 ەگىمشىلىك جىلىجايىن سالدى، بۇل بۇكىل اۋدانداعى 6 اۋىل - قالاشىقتى شارپىپ، 7000عا جۋىق شارۋانى كىرىستەرىن ارتتىرۋعا تىكەلەي جەتەكتەدى.
دول اۋىلى دوڭكوزلۇك قىستاعىنىڭ كەدەي تۇرعىنى ءميناۋار ءماتقۇربان كۇنلۇنشۋە بيوعىلىم - تەحنيكا شەكتى سەرىكتەستىگىنە جۇمىسقا كەلگەن ءبىر جىلدان استام ۋاقىتتان بەرى، وتباسى ايەلىنەن سەرىكتەستىكتىڭ تىرەكتىسىنە اينالىپ، بۇكىل وتباسىنداعىلاردىڭ تۇرمىسى دا بارىنشا جاقساردى. ”قازىر ءۇيدىڭ جانىنداعى سەرىكتەستىكتە جۇمىس ىستەيمىن، بالالارىما قارايلاسۋمەن بىرگە، كىرىسىم دە بار، تۇرمىسىم بارعان سايىن جاقسارا ءتۇستى“، - دەگەن ءميناۋاردىڭ جۇزىنەن باقىت لەبى ەستى.
ءناسىلدى كەپتەر باعىمشىلىعى، ەتتى ۇيرەك باعىمشىلىعى، قارا ساڭىراۋقۇلاق ەگىمشىلىگى... وسى كاسىپ سالالارى ارحيۆ تۇرعىزىلىپ، كارتچكالاندىرىلعان كەدەي وتباسىلارىنا كەدەيلىكتەن ارىلۋ جولىن ازىرلەدى.
جۇمىسشىعا اينالىپ، وندىرىسپەن قاربالاس بولدى
لوپ اۋدانى اچچىق اۋىلى كالتابەل قىستاعىنىڭ تۇرعىنى امينا ابدۇقادىر ءار كۇنى ءدال ۋاعىندا اۋىلداعى كەدەيلەردى سۇيەمەلدەۋ سەحىنا كەلىپ، تىگىن ماشيناسىنىڭ الدىندا قاربالاس بولادى. امينانىڭ ءۇيى ارحيۆ تۇرعىزىلىپ، كارتچكالاندىرىلعان وتباسى، بيىل 22 جاستاعى ونىڭ كەدەيلەردى سۇيەمەلدەۋ سەحىندا جۇمىس ىستەگەنىنە ءبىر جىلدان استى.
”مەن ايىنا 1600 يۋان تابامىن، بۇل ارا ءبىزدى تەگىن تۇسكى اسپەن قامدايدى، قىستاقتاعى كوپتەگەن اپەكە - سىڭلىلەرىمىز وسىندا جۇمىس ىستەپ جاتىر“، - دەدى امينا.
كەدەيلەردى سۇيەمەلدەۋ سەحىندا تۇراتىن كادر بۇرازيا ابدۇكەرىم بىلاي دەپ تانىستىردى: قىزمەتكەرلەردى ۋايىمنان شىن مانىندە ارىلتۋ ءۇشىن، كەدەيلەردى سۇيەمەلدەۋ سەحىندا تازالىق بولمەسى، باۋلۋ بولمەسى، قىزمەتكەرلەر اسحاناسى ورنالاستىرىلىپ قالماستان، تاعى ياسلي اشىلدى.
امينامەن بىرگە زاۆودقا كىرگەن قالبينۇر ابدۇحيلىل جاقىندا سەح مەڭگەرۋشىسى بولىپ ءوستى. ”وسىندا جۇمىس ىستەۋ ءوز قۇنىمدى تابۋىما، سەنىم ورناتۋىما مۇمكىندىك بەردى!“، ول ماقتانىشپەن بىلاي دەدى: بۇرىن وتباسى ايەلى ساناتىندا ەگىس جۇمىستارىنان تىس، قازان - وشاقتى جاعالاپ، بالا باعۋمەن ءجۇرۋشى ەدىم، نە السام دا قولىمدى سوزىپ كۇيەۋىمنەن اقشا سۇرايتىنمىن. قازىر ءوزىم دە اقشا تابا الامىن، كۇندەلىكتى شىعىنعا ءوزىم شەشىم جاساي الامىن، ءتىپتى رۋحتانىپ كەتتىم.
اچچىق اۋىلىنىڭ كەدەيلەردى سۇيەمەلدەۋ سەحىنا 46 تىگىنشىلىك جابدىعى سەپتەلگەن، 37 قىزمەتكەر بار، ونىڭ ىشىندە 12سى كەدەي، ادام باسىنا شاققاندا ايلىق ورتاشا ەڭبەكاقىلارى 1500 يۋاننىڭ ۇستىندە.
سوڭعى جىلدارى، لوپ اۋدانى بۇكىل ەلدىڭ جەر - جەرىنەن 21 كاسىپورىن ەنگىزىپ، كاسىپ سالاسى باقشاسىن قۇرىپ، 4000 جۇمىس ورنىن ازىرلەدى.
لوپ اۋدانى كەدەيلەردى سۇيەمەلدەۋ كەڭسەسىنىڭ مەڭگەرۋشىسى لي جوۋجوۋ بىلاي دەپ تانىستىردى: اۋىل قىستاقتاعى ارتىق ەڭبەككۇشتەردى جۇمىستانۋعا اناعۇرلىم ويداعىداي جەتەكتەۋ ءۇشىن، لوپ اۋدانى اۋداندا جەتەكشى كاسىپورىن، اۋىلدا كولەمدى كاسىپورىن، قىستاقتا كەدەيلەردى سۇيەمەلدەۋ سەحى، وتباسىلاردا شاعىن شەبەرحانا بولعان 4 دارەجەلى كاسىپ سالاسىن دامىتۋ جانە جۇمىستاندىرۋ جۇيەسىن قالىپتاستىرىپ، بەلسەندى تۇردە ەڭبەك شوعىرلى كاسىپورىنداردى ىرگە تەبۋگە باۋرادى.
قونىس جاڭالاپ، جاڭا تۇرمىسپەن قاۋىشتى
سۇيىق كريستالدى تەلەۆيزور، توڭازىتقىش، قۇبىر سۋى، سۋمەن شايىلاتىن دارەت شەلەگى... لوپ اۋدانى كۇلامالى الەۋمەتتىك اۋماعى حۇڭچياۋ شاعىن اۋماعىنىڭ تۇرعىنى احىمەت ءدولات ءوزىنىڭ كەڭ دە جارىق عيماراتقا كوشىپ كىرەتىنىن تۇسىندە دە كورمەگەن ەدى.
2019 - جىلى 4 - ايدا احىمەتتى قامتىعان 336 وتباسى 2137 كەدەي حۇڭچياۋ شاعىن اۋماعىنا كوشىپ كىرىپ، قالالىقتاردىڭ تۇرمىسىن كەشىردى.
”بۇرىن ءبىر ءۇيلى جان قارا كەرپىشتەن قالانعان ۇيدە تۇراتىنبىز، قازىر قالاعا كوشىپ كەلىپ، بالالارىمىزدى جاقىن جەردە وقىتىپ قالماستان، مەن دە ۇكىمەتتىڭ كومەگىندە جۇمىس تاپتىم، كۇندەرىمىز بارعان سايىن جاقسارا ءتۇستى“، - دەدى احىمەت جايراڭداپ.
كوشىرىپ شىعارعان سوڭ، تاعى ورنىقتى قونىستاندىرۋ، بايۋىنا مۇمكىندىك جاساۋ كەرەك. حۇڭچياۋ شاعىن اۋماعىندا تۇراتىن كۇلامالى الەۋمەتتىك اۋماعى پارتيا ياچەيكاسىنىڭ ءبىرىنشى شۋجيى شيۇڭ تيڭ بىلاي دەپ تانىستىردى: الەۋمەتتىك اۋماق قونىستى ءوندىرىس ارقىلى جۇمىس ورنى ارقىلى بەلگىلەۋگە تاباندى بولىپ، قالا - قالاشىقتاندىرۋ قۇرىلىسى جوباسىنىڭ ورنالاستىرۋىمەن ۇشتاستىرىپ، 2000 شارشى مەتر كەلەتىن ءبىر شوعىرلى ساۋدا بازارىن تۇلعالاپ، ”كەدەيلەردى قونىس جاڭالاپ سۇيەمەلدەۋ + كەدەيلىكتەن ارىلتۋ كاسىپ سالاسى + جۇمىستاندىرۋ“ ۇلگىسى بويىنشا تۇرعىندارعا 200دەن استام جۇمىس ورنىن ازىرلەدى.
تۇرعىن ايجۇما ءمامتىمىن شوعىرلى ساۋدا بازارىنان ءبىر ساۋدا دۇكەنىن اشىپتى، 47 شارشى مەترلىك دۇكەندە ءتۇرلى تاۋارلار زات سورەسىنە رەتتى ءتىزىلىپتى.
2019 - جىلى 4 - ايدا ايجۇمانىڭ ءۇيى لوپ اۋدانى بەشتوعىراق اۋىلىنىڭ بەشتوعىراق قىستاعىنان حۇڭچياۋ شاعىن اۋماعىنا كوشىپ كەلىپتى ءارى اقشا قۇراپ وسى دۇكەندى اشىپتى. ”مەنىڭ دۇكەنىمدى شاعىنداۋ ەكەن دەمەڭىز، ءار كۇنى 500 يۋاننان استام كىرىس كىرەدى، بۇل كەدەي وتباسى دەگەن ’قالپاقتى‘ ءساتتى تۇردە الىپ تاستاۋىما مۇمكىندىك جاسادى، قۇلشىنساق بولعانى كۇندەرىمىزدىڭ بارعان سايىن شالقي تۇسەتىنىنە سەنەمىن“، - دەيدى ايجۇما تولىق سەنىممەن.
بۇل كۇندەرى كەدەيلەردى سۇيەمەلدەۋدىڭ كوزبەن كورىپ، قولمەن ۇستاۋعا بولاتىن، باياندى ءبىر قىدىرۋ ناتيجەلەرى كورنەكتىلەنە ءتۇستى، لوپ اۋدانى كەدەيلىكتى جاپپاي جويۋدىڭ ەڭ كۇشتى شابۋىلىنا ءوتتى.
