”اتتانىڭدار!“ 5 - ايدىڭ 27 - كۇنى ساعات 12دەن 30 مينۋت وتكەندە قاشقار ايماقتىق پارتكومنىڭ ورىنباسار شۋجيى، شاڭحايدىڭ شينجياڭعا كومەكتەسۋ قىزمەتى الدىڭعى شەپ قولباسشىلىق شتابىنىڭ باس قولباسشىسى حوۋ جيجۇننىڭ بۇيرىعىمەن، قاشقار ەرەكشە اۋىل شارۋاشىلىق قوسىمشا ونىمدەرى تولتىرا تيەلگەن 5 ۇلكەن جۇك اۆتوموبيلى گۋدوك شالىپ، شاڭحايعا اتتاندى.
وسى كۇنى شاڭحايدىڭ شينجياڭعا كومەكتەسىپ قاشقار ايماعىنىڭ كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە جەتۋىن دەمەپ، تۇتىنۋ ارقىلى كەدەيلەردى سۇيەمەلدەۋ كەلىسىمىنە قول قويۋ جانە اۆتوموبيل جۇرگىزۋ سالتى ياركەن اۋدانىنداعى كەدەيلەردى سۇيەمەلدەۋ كاسىپ باقشاسىندا وتكىزىلدى.
وسى رەت جيىنى 360 ميلليون يۋاندىق اۋىل شارۋاشىلىق قوسىمشا ونىمدەرىن ساتىپ الۋ كەلىسىمىنە قول قويىلدى، مۇندا شاڭحايداعى تۇتىنۋ ارقىلى كەدەيلەردى سۇيەمەلدەۋدەگى ءتۇيىندى كاسىپورىن − شاڭحاي مينلۇڭ ونەركاسىپ شەكتى سەرىكتەستىگى 100 ميلليون يۋاندىق كەلىسىمگە قول قويدى. وسىندا اتتانعان 5 اۆتوموبيلدەگى زاتتىق ماتەريالدار، باستىسى، ياركەن، قاعىلىق، پوسكام، مارالباسى سياقتى 4 اۋداندا وندىرىلگەن بادام، جاڭعاق، شىلان سياقتى ەرەكشە اۋىل شارۋاشىلىق ونىمدەرى.
2018 - جىلدان باستاپ شاڭحايدىڭ شينجياڭعا كومەكتەسۋ الدىڭعى شەپ قولباسشىلىق شتابى تۇتىنۋ ارقىلى كەدەيلەردى سۇيەمەلدەۋدىڭ جاڭاشا ۇلگىسىن بەلسەنە قاراستىرىپ، ”جەلى دە، ناقتى دۇكەن دە بىردەي ارەكەتتەنۋ“ جانە ”ساۋدا اۋماعىنا كىرۋ، الەۋمەتتىك اۋماققا كىرۋ، كوكونىس بازارىنا كىرۋ، ورگانعا كىرۋ، مەكتەپكە كىرۋ، كاسىپورىنعا كىرۋ، مەتروعا كىرۋ، قوناق ۇيگە كىرۋ، بانكەگە كىرۋ“ سىندى ”قوس جەلىدە توعىزعا كىرۋ“ قيمىلىن جاسامپازدىقپەن ورىستەتىپ، قوعامدىق كۇشتەردى تولىق اتتانىسقا كەلتىرىپ، قاشقاردىڭ ەرەكشە اۋىل شارۋاشىلىق ونىمدەرىن شاڭحايداعى قالا تۇرعىندارىنا جەتكىزدى. 2019 - جىلى شاڭحايدىڭ تۇتىنۋ ارقىلى كەدەيلەردى سۇيەمەلدەۋىنىڭ جەتەكتەۋىندە قاشقاردىڭ ەرەكشە اۋىل شارۋاشىلىق ونىمدەرىنىڭ شاڭحايداعى جالپى ساتىلۋ مولشەرى 135 مىڭ تونناعا جەتىپ، ساتىلۋ سوماسى ءبىر ميلليارد 160 ميلليون يۋاننان استى.
2010 - جىلى جاڭا كەزەكتى شينجياڭعا باعىتتامالى كومەكتەسۋ قىزمەتى ورىستەتىلگەننەن بەرى، شاڭحاي قاشقارعا باعىتتامالى كومەكتەسۋ بويىنشا ىلگەرىندى - كەيىندى شينجياڭعا كومەكتەسۋگە 1000نان استام كادر دارىندىنى تاڭداپ جىبەردى، جيىنى 19 ميلليارد 500 ميلليون يۋان قازىنالىق كومەك قارجىسىن ورنالاستىردى، 1180نەن استام نىساندى كومەكتەسىپ قۇردى. 1144 قارجى قوسۋ نىسانىن ەنگىزۋگە، 60 ميلليارد 500 ميلليون يۋان قارجىنىڭ تياناقتاندىرىلۋىنا كومەكتەستى، 45 مىڭ ادامدى جۇمىستانۋعا جەبەدى. 2019 - جىلى شاڭحاي قاشقار ايماعىنداعى 4 اۋدانعا باعىتتامالى كومەكتەسىپ، 14 مىڭ وتباسىنداعى 49 مىڭ ادامدى كەدەيلىكتەن ارىلتتى.
حوۋ جيجۇن مىنانى ءبىلدىردى: بۇل رەتكى قيمىل شاڭحايدىڭ شينجياڭعا كومەكتەسۋ الدىڭعى شەپ قولباسشىلىق شتابىنىڭ ”قوس جەلىدە توعىزعا كىرۋ“ تۇتىنۋ ارقىلى كەدەيلەردى سۇيەمەلدەۋ جاڭاشا ۇلگىسىنىڭ ىشكەرىلەي تەرەڭدەتىلۋى، كەڭەيتىلۋى جانە جاڭالىق اشۋى، ەلەكتروندىق ساۋدا تۇعىرىنداعى ءبىر توپ كاسىپورىندى تۇتىنۋ ارقىلى كەدەيلەردى سۇيەمەلدەۋ بايلىعى قامباسىنا جيناۋدى تۇڭعىش رەت سىناق ەتىپ، جەتەكتەۋ اسەرىن ەسەلەپ كۇشەيتۋگە قۇلشىندى.
