قايراتتانا ءتۇسىپ، ماشاقاتتى تۇيىندەردى شەشتى
− شينجياڭنىڭ كۇش - قۋاتتى ۇيىستىرىپ، اۋىر كەدەيلىكپەن شايقاس جاساعاندىعى تۋرالى
شەشۋشى شايقاس جىلى، وڭتۇستىك شينجياڭدا ءالى دە كەدەيلىك قالپاعى الىنباعان 10 كەدەي اۋدان بار. بيىل كوكتەمنەن بەرى، ءار جاقتاعى كۇشتەر اناعۇرلىم ەسەلەپ قۇلشىنىپ، ارقاۋدى مىقتاپ شيراتىپ، قايراتتانا ءتۇسىپ، وڭتۇستىك شينجياڭدا اۋىر كەدەيلىكپەن شايقاسۋعا كۇش ۇيىستىردى.
ەسەلەپ قۇلشىنىس جاساپ، كەدەيلىكتىڭ ماشاقاتتى تۇيىندەرىن شەشۋگە سەرت بەردى
3 - ايدىڭ 28 - كۇنى جاڭا تيپتى ايدارشا ۆيرۋس وكپە قابىنۋ ىندەتىنىڭ جاعدايى جاقسارا باستادى، تيانجين جينكىن مال شارۋاشىلىعى توبى شەكتى سەرىكتەستىگىنىڭ تەحنيگى ۋاڭ حۋبين وڭتۇستىك شينجياڭنىڭ كەريا اۋدانىنداعى شيۋول اۋىلىنا اسىعىس قايتىپ كەلدى. كاسىپورىننان شينجياڭعا كومەككە كەلگەن كادر، تەحنيك قىزمەتكەرى رەتىندە، ول كەدەي ەگىنشىلەردىڭ قويىن جاقسى باعۋداعى سۇيەنىشى ەدى.
بيىلدان بەرى، شينجياڭ كەدەيلىك قالپاعى الىنباعان 10 كەدەي اۋداندا شايقاستى باسى - قاسىندا قاداعالاپ قالماستان، ونان دا ماڭىزدىسى، ۋاڭ حۋبين سياقتى نەشە ون مىڭداعان كەدەيلەردى سۇيەمەلدەۋ كادرى ءبىرىنشى شەپكە اتتانىپ، وڭتۇستىك شينجياڭ سىندى وسى كەدەيلىكتىڭ ماشاقاتتى ءتۇيىنىن شەشۋگە سەرت بەردى.
ياركەن اۋدانى ءدوڭباق اۋىلى جوعارى ايكول قىستاعىنىڭ ءبىرىنشى شۋجيى يۇي پىڭفي كوكتەم مەرەكەسىنەن قازىرگە دەيىن كەدەيلەردى سۇيەمەلدەۋدىڭ ءبىرىنشى شەبىندە قاربالاس ءجۇر. ”ول بىزگە كومەكتەسىپ، كوكونىس ەگەتىن كاسىپورىنداردى ەنگىزدى، سونداي - اق جۇمىستاندىرۋدى شەشتى“، - دەپ ءسوزىن ساباقتاعان قىستاق تۇرعىنى مامەتيمىن وشۇر: شۋجي كوكتەم مەرەكەسىندە دە ۇيىنە قايتپاي، قازىرگە دەيىن قىستاقتا قاربالاس ءجۇر، - دەدى.
يۇي پىڭفي مەن كەدەيلەردى سۇيەمەلدەۋ كادرلارىنىڭ قۇلشىنۋىنىڭ ارقاسىندا جوعارى ايكول قىستاعىندا ارحيۆ تۇرعىزىلىپ، كارتچكالاندىرىلعان كەدەي وتباسىلارى 2017 - جىلعى 193 وتباسى 733 ادامنان، 2019 - جىلى 5 وتباسى، 19 ادامعا تومەندەدى، كەدەيلىكتىڭ تۋىلۋ سالىستىرماسى ％30تەن ％1كە تومەندەدى.
ەڭ سوڭعى ماشاقاتتى تۇيىندەردى شەشۋ ءۇشىن، شينجياڭ دا اناعۇرلىم كوپ قارجىنى كەدەيلىكتەن ارىلتۋ ىستەرىنە ورنالاستىردى. 2020 - جىلى اۆتونوميالى رايوننىڭ ەگىن، ورمان شارۋاشىلىعىنا، سۋ ونىمدەرى، سۋ يگىلىگى ىستەرىنە ورنالاستىرعان شىعىنى 96 ميلليارد 730 ميلليون يۋان بولىپ، سايكەس مەزگىلدەگىدەن ％28.4 ارتىپ، كەدەيلەردى سۇيەمەلدەۋ قارجى ۇسىنىلىمىن بارىنشا كوبەيتتى.
ءدال سۇيەمەلدەپ كەدەيلىكتەن ارىلتىپ، بىردە - ءبىر ادامدى قاتاردان قالدىرمادى
شينجياڭ تيانما ەكولوگيالىق ازىق - تۇلىك شەكتى سەرىكتەستىگىندە ياركەن اۋدانىنان كەلگەن ابىلات ابدۇريشىت قوي سويىپ جاتقان - دى. ”قازىر ايىنا ورتا ەسەپپەن 6000 يۋاننىڭ ۇستىندە اقشا تابامىن“، - دەدى قىزمەت ارەدىگىندە ابىلات قۋانىشتى تۇردە. ىلگەرى ونىڭ نەگىزگى كىرىسى كۇندىك جۇمىستان كەلەتىن، كىرىسى تومەن ءارى تۇراقسىز بولاتىن.
ابىلاتتىڭ وزگەرىسى باسقا سالاعا ويىستىرىپ جۇمىستاندىرۋ ارقىلى كەدەيلەردى سۇيەمەلدەۋ ساياساتىنىڭ ارقاسىنان ەدى. الايدا بارلىق ادام باسقا سالاعا ويىستىرىپ جۇمىستاندىرۋ ارقىلى كەدەيلىكتەن ارىلتۋ سىندى ءبىر عانا جولمەن جۇرمەدى. ءدال سۇيەمەلدەپ كەدەيلىكتەن ارىلتۋ ساياساتى بىردە - ءبىر ادامدى قاتاردان قالدىرمادى.
ياركەن اۋدانىندا تۇراتىن نۇرمانگۇل احات بىرنەشە كۇننەن بەرى ءشوپ وتاۋ، سۋارۋ سياقتىلارمەن قاربالاس بولىپ كەتتى. ءوز وتباسىنىڭ 3 مۋ جەرىندەگى بارقىت ءشوپ مايساسىن جاقسى باپتاۋ ءۇشىن، ول باسقاعا قولى بوساماي قالعان - دى.
بارقىت گۇلىن ءارى تاماشالاۋعا، ءارى جەۋگە كەلەدى، ەكونوميكالىق قۇنى جوعارى. وڭتۇستىك شينجياڭنىڭ كليماتى دا بارقىت گۇلىنىڭ ءوسىپ - جەتىلۋىنە لايىقتى. سونىمەن جەرگىلىكتى ورىنداعى كەدەيلەردى سۇيەمەلدەۋ كادرلارى ءبىر جولدى ويلاپ تاپتى، ول بولسا ەگىنشى وتباسىلارىن بارقىت گۇل ەگۋگە جەتەكتەۋ. وسى ءۇشىن تاعى ارناۋلى مامان ۇسىنىس ەتىپ، ساتىپ الۋشى سەرىكتەستىكتەردى ەنگىزىپ، جاقسى ەگۋگە، ساتۋعا شىنايى كەپىلدىك ەتتى.
”بارقىت گۇلى پىسىپ - جەتىلگەن مەزگىلدە كاسىپورىندار كەلىپ ءار كيلوگرامىن 1.05 يۋان باعامەن ءبىر تۇتاس ساتىپ الادى“. نۇرمانگۇل بىلتىر وسى 3 مۋ جەردەگى بارقىت گۇلدەن 7500 يۋان كىرىس كىرگىزگەندىگىن ايتتى.
ءاربىر وتباسى ءۇشىن ءدال سۇيەمەلدەپ كەدەيلىكتەن ارىلتۋ ءادىسى، كەدەيلەردى دالمە - ءدال سۇيەمەلدەۋ ماسەلەسىندەگى ماڭىزدىسى. كەدەي حالىقتىڭ تۇرلىشە جاعدايىنا مەڭزەس، شينجياڭ باسقا سالاعا ويىستىرىپ جۇمىستاندىرۋ، سول جەردىڭ وزىندە كاسىپ سالاسىن دامىتۋدان سىرت، تاعى قىزمەت وتەۋدى ساتىپ الۋ، شەكارا كۇزەتۋشىسىنە اينالدىرۋ، ەكولوگيالىق تولەم بەرۋ، كەدەيلەردى قونىس جاڭالاپ سۇيەمەلدەۋ سياقتى كوپ ءتۇرلى كەدەيلەردى سۇيەمەلدەۋ شاراسىن اتقاردى.
تابىستى بەكەمدەپ، كەدەيلىكتەن ارىلتۋدى ورنىقتىردى
كەدەيلىكتەن ارىلتۋ تابىسىن بەكەمدەۋ، كەدەيلىكتەن ارىلعان وتباسىلاردىڭ قايتالاي كەدەيلەسۋىنەن ساقتانۋ ءۇشىن، ءبىرىنشى شەپتەگى ”كەدەيلىكپەن شايقاسقان“ قىزمەتكەرلەر ارقاۋدى ونان ارى مىقتاپ شيراتتى، بوساڭسىمادى.
حوتان قالاسى جييا اۋىلى سۋيالاڭگار قىستاعىنىڭ ءبىرىنشى شۋجيى مۇحتار وشۇر تاياۋدا وتباسى سايىن احۋال ۇعىسىپ، قايتالاي كەدەيلەسۋدەن ساقتانۋدى تۇجىرىمداۋمەن قاربالاس بولدى. ”ەڭبەككۇشى بارلارىن جۇمىستانۋعا جەتەكتەپ، ەڭبەككۇشى جوقتارعا قۇتقارۋ - كومەكتەسۋ تەبىنىن ارتتىرىپ، وسى ەگىنشى وتباسىلارىنىڭ كىرىستەرىن ورنىقتى ارتتىرۋىنا، قايتالاي كەدەيلەسۋ حاۋىپ - قاتەرىنەن ارىلۋىنا كەپىلدىك ەتتىك“.
سۋيالاڭگار قىستاعى 2018 - جىلى تۇتاس قىستاق بويىنشا كەدەيلىكتەن ارىلۋدى جۇزەگە اسىردى. بيىل كوكتەم كىرگەننەن بەرى، جەرگىلىكتى ورىن شينجياڭنىڭ ”ءتورت ءتۇستى“ قايتالاي كەدەيلەسۋدەن، كەدەيلەسۋدەن ساقتانۋدى قاداعالاۋ، ساقتاندىرۋ مەحانيزمى بويىنشا، ”قىزىل ءتۇستى ساقتىق سيگنالى“ بەلگىسى قويىلعان 45 ەگىنشى وتباسىن تاڭداپ شىعىپ، باعىتتامالى تۇردە كوپ ءتۇرلى كومەكتەسۋ - سۇيەمەلدەۋ شاراسىن اتقاردى.
قايتالاي كەدەيلەسۋدەن ساقتانۋ ءۇشىن، شينجياڭ تاعى كەدەيلىكتەن ارىلتۋدان قامال الۋ ۇلكەن ساندى مالىمەت تۇعىرىن ورناتىپ، كەدەي وتباسىلارىنىڭ ساندى مالىمەتىن دەر كەزىندە جاڭالاپ، تۇتاس بارىستىق قاداعالاۋ، ناۋقاس، جۇمىسسىزدىق، مۇگەدەك، اپات، وقۋ سياقتى سەبەپتەردەن قايتالاي كەدەيلەسۋ حاۋىپ - قاتەرىنە يكەمدى ساقتاندىرۋ جۇرگىزىپ، ”بىردە - ءبىر وتباسىنىڭ قاعىس قالماۋىنا“ شىنايى كەپىلدىك ەتتى.
”قىزمەت ناقتى، ەگجەي - تەگجەي بولىپ، كۇن ىلگەرى كومەكتەسسەك، سۇيەمەلدەسەك، قايتالاي كەدەيلەسۋدەن ساقتانۋ قىزمەتىن ويداعىداي ىستەۋگە بولادى“، - دەدى اۆتونوميالى رايوندىق ونەركاسىپ ەكونوميكاسى جانە ينفورماتسيالاندىرۋدى زەرتتەۋ ورنىنىڭ ياركەن اۋدانى ءىشقۇل اۋىلى قوتان ءدوڭ قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى رىن يۇڭجىڭ.
بيىل كەدەيلىكتەن ارىلتۋدان قامال الۋدىڭ شەشۋشى شايقاس جىلى، وڭتۇستىك شينجياڭ سىندى وسى ماشاقاتتى ءتۇيىندى شەشۋ ءۇشىن، كەدەيلىكتەن ارىلتۋ ”جاۋىنگەرلەرى“ تاسقىنداعان اسقاق ىنتامەن، ەسەلەگەن قۇلشىنىسپەن، كەدەيلىكتەن ارىلتۋدان قامال الۋ شايقاسىنىڭ وڭتۇستىك شينجياڭ شايقاس مايدانىنا ات سالىستى.
