اناردىڭ دانىندەي تىعىز ۇيىستى

تيانشان قاراعايلارى تامىرلاس، ءار ۇلت حالقى تىلەكتەس.

　　ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسى اشىلعان 6 جىلدان بەرى، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە اۆتونوميالى رايوندىق پارتكوم جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن جاپپاي دايەكتىلەندىرىپ، تياناقتاندىرىپ، ۇلتتار ىنتىماعى قىزمەتىن جالپى جاعداي دەڭگەيىنە قويىپ جوسپارلاپ، ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلىن، سونداي - اق الۋان فورماداعى ۇلتتار ىنتىماعىندا وزات ورىن قۇرۋ قيمىلىن ىشكەرىلەي ورىستەتىپ، ءار ۇلتتىڭ ارالاسۋىن، ىشتەسۋىن، توعىسۋىن پارمەندى جەبەدى.

　　6 جىلدان بەرى، تۇتاس رايون جوعارىدان تومەنگە دەيىن ۇلتتار ىنتىماعى، العاباسارلىعىن جەبەۋدى ەڭ ماڭىزدى ورىنعا قويىپ، ءبىر نيەتپەن سايكەسە كۇش قوسىپ ىلگەرىلەتىپ، ۇلتتار ىنتىماعىن جەبەيتىن ءبىر قىدىرۋ جاندى اماليات ارقىلى ۇلتتار ىنتىماعىنىڭ رايىن ونان ارى قويۋلاتتى. ءار ۇلت ۇلتتار ىنتىماعىن قاستەرلەپ، ۇلتتار ىنتىماعىن قورعاپ، اناردىڭ دانىندەي تىعىز ۇيىستى.

　　ۇلتتار ىنتىماعى ءار ۇلت حالقىنىڭ جان ارقاۋى

　　كەريا اۋدانى لانگان اۋىلى حالىق ىستەرى قوعامدىق قامتاماسىزداندىرۋ ىستەرى كەڭسەسىنىڭ كادرى رۇحيام ماتسەيدى مەملەكەتتىك حالىق قۇرىلتايىنىڭ ۋاكىلى ءارى ۇلتتار ىنتىماعىنىڭ ۇلگىسى قۇربان اتايدىڭ جيەنشارى.بيىل ىندەتكە قارسى اتتانعان شاقتا، ۋحاندىق باۋىرلاستار كومەك قاجەت ەتكەن كەزدە، رۇحيام ماتسەيدى قۇربان قور قوعامىنداعى قىزمەتتەستەرىمەن بىرگە ۋحاننىڭ ىندەتتەن ساقتانۋ - تىزگىندەۋ ءبىرىنشى شەبىندەگى ەمدەۋ قىزمەتكەرلەرىنە جىلۋ رەتىندە 5 توننا كۇرىش اتادى.

　　2017 - جىلى 1 - ايدا باس شۋجي شي جينپيڭ قۇربان اتايدىڭ ۇرپاقتارىنا جاۋاپ حات جازىپ، ولاردى قۇربان اتاي سياقتى اۋىلداستارمەن بىرگە پارتيانى قىزۋ ءسۇيۋدىڭ، وتاندى قىزۋ ءسۇيۋدىڭ، جۇڭحۋا ۇلتىنىڭ ۇلى شاڭىراعىن قىزۋ ءسۇيۋدىڭ ۇلگىسى بولۋعا جىگەرلەندىردى.

　　2 جىلدىڭ الدىنداعى 13 - كەزەكتى مەملەكەتتىك حالىق قۇرىلتايىنىڭ 1 - ماجىلىسىندە، رۇحيام ماتسەيدى ”ۋاكىلدەر دالىزىنە“ شىعىپ تەبىرەنە بىلاي دەگەن ەدى: ”وتباسىمىزدا ەكى’اسىل مۇرا‘ بار، بىرەۋى، ماۋ جۋشيدىڭ ۇلى ناعاشى اتامدى قابىلداعان كەزدەگى سۋرەتى، ەندى بىرەۋى، باس شۋجي شي جينپيڭنىڭ جازعان جاۋاپ حاتى. ءبىز وسى ەكى ’اسىل مۇرانى‘ ۇرپاقتان - ۇرپاققا جالعاستىرىپ، باس شۋجي شي جينپيڭنىڭ تاپسىرماسىن ەستە ماڭگى ساقتاپ، پارتيانى قىزۋ ءسۇيۋدىڭ، وتاندى قىزۋ ءسۇيۋدىڭ، جۇڭحۋا ۇلتىنىڭ ۇلى شاڭىراعىن قىزۋ ءسۇيۋدىڭ ۇلگىسى بولامىز!“.

　　ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسى اشىلعان 6 جىلدان بەرى، رايونىمىز ۇلتتاردىڭ ۇلى ىنتىماعى تۋىن باستان - اياق بيىك ۇستاپ، ”قۇربان اتايدىڭ ىزگى ىستەرىنەن ۇيرەنىپ، ۇلتتار ىنتىماعىنىڭ ۇلگىسى بولۋعا تالپىنۋ“ قيمىلىن كەڭ كولەمدە ورىستەتىپ، ۇلتتار ىنتىماعى، العاباسارلىعى ۇگىت تاربيەسىن جانە وزات ورىن قۇرۋ قىزمەتىن ىشكەرىلەي ورىستەتتى. ءار ۇلت بۇقاراسى باس شۋجي شي جينپيڭنىڭ تاپسىرماسىن ەستە بەرىك ساقتاپ، ۇلتتار ىنتىماعىنىڭ اسەرلى اڭگىمەلەرى تيانشاننىڭ تۇستىگى مەن تەرىستىگىندە كەڭىنەن تارالدى.

　　6 جىلدان بەرى، جۇرتتىڭ ءبارى قانىق بىلەتىن ۇلتتار ىنتىماعى اڭگىمەلەرىنە جاڭا مازمۇن قوسىلىپ، جاڭا تاراۋلارى ۇزدىكسىز جازىلدى: ءۇرىمجى شيشان سۋلياۋ زاۆودىنان داپۋگوۋ الەۋمەتتىك اۋماعىنا دەيىنگى قالا ماڭى الەۋمەتتىك قاتىناس لەنياسىندا قىزمەتىن ءسۇيىپ، كاسىبىن ارداقتاعان اۆتوبۋز شوفەرى گۋ شياڭفىڭ الەۋمەتتىك قاتىناس لەنياسىن ءار ۇلت بۇقاراسىنىڭ جۇرەگىن جالعايتىن ۇلتتار ىنتىماعى لەنياسىنا اينالدىردى؛ ۇلتتار ىنتىماعى، العاباسارلىعىن امالياتتا ايگىلەۋشى قۇربان نياز 10 نەشە جىلدى ءبىر كۇندەي وتكىزىپ، بالالاردى ۇلتتار ىنتىماعىنىڭ تۇقىمىن كىشكەنتاي كەزدەن باستاپ جۇرەك تۇكپىرىنە سەبۋگە تاربيەلەدى.

　　ءانيپا ءالماحۇن، جۋاڭ شىحۋا، يوۋ لياڭيىڭ... ءاربىر ەسىمنىڭ استارىندا ۇلتتار ىنتىماعىنىڭ اسەرلى اڭگىمەلەرى جاتىر، بۇل ادامدى ەكپىندەي العا ىلگەرىلەۋگە جەبەيتىن ونەگەنىڭ كۇشى.

　　بۇگىنگى تاڭدا، جۇڭحۋا ۇلتى ورتاق تۇلعا تانىمى شينجياڭداعى ءار ۇلت حالقىنىڭ كوكەيىنە تەرەڭ تامىر تارتىپ، ەتەنە ارقا سۇيەگەن، بىتە قايناسقان، ەشكىم ەشكىمنەن ايرىلا المايتىن جاراسىمدى ۇلت قاتىناسى شينجياڭنىڭ بايتاق دالاسىنداعى ەڭ كوركەم كورىنىسكە اينالدى.

　　ارالاسۋ، ىشتەسۋ، توعىسۋ بارىسىندا سۇيىسپەنشىلىكتەرىن تەرەڭدەتتى

　　”پارتيا وسىنداي جاقسى كادرلاردى قاسىمىزعا جىبەردى، مەن ءار كۇنى باقىتقا شومىپ ءجۇرمىن“.

　　”تۋىسىمىز ءبىزدىڭ ءىسىمىزدى كوڭىلىندە ساقتاپ كەلەدى، ءبىز، ءسوز جوق، ءتىپتى دە قۇلشىنىپ، تۇرمىسىمىزدى ءتىپتى دە شالقىتامىز“.

　　”ءبىر رەتكى جۇپ قۇراپ تۋىس بولۋ ومىرلىك سۇيىسپەنشىلىك ورناتتى، ءبىز ماڭگى ءبىر وتباسىنىڭ ادامدارىمىز“.

　　......

　　بۇگىنگى تاڭدا شينجياڭدا ءار ۇلت كادر، جۇمىسشى - قىزمەتكەرلەرىنىڭ تيانشاننىڭ تۇستىگى مەن تەرىستىگىندەگى اتىز باستارىندا، شارۋالار اۋلاسىندا ءجۇرىپ، جۇپ قۇراعان تۋىستارىمەن ۇلتتار ىنتىماعى سۇيىسپەنشىلىگىن بىرگە اڭگىمەلەپ، دامۋدىڭ، العا باسۋدىڭ ءانىن بىرگە جازىپ جاتقان اسەرلى كورىنىستەردى ءار كۇنى كورە الاسىز.

　　اۆتونوميالى رايوندىق پارتكوم ۇلتتار ىنتىماعى قىزمەتىن باستان - اياق ستراتەگيالىق جالپى جاعداي دەڭگەيىنە قويىپ وي جۇگىرتىپ جانە جوسپارلاپ، ءار ۇلت حالقى بىرگە ىنتىماقتاسا كۇرەس جۇرگىزەتىن، بىرگە گۇلدەنىپ - كوركەيەتىن، داميتىن باستى تاقىرىپتى باستان - اياق مىقتاپ يگەرىپ، جاڭا وي جەلىسى، جاڭا شارا جونىندە ۇزدىكسىز ىزدەنىس جاساپ، ۇلتتار ىنتىماعى، العاباسارلىعى قىزمەتىن ىشكەرىلەي دامىتۋدى ىلگەرىلەتتى.

　　ءبىر نيەتپەن قوسىلعان كۇش − ەڭ ۇلى كۇش. 2016 - جىلى 10 - ايدىڭ 16 - كۇنى اۆتونوميالى رايون ”ۇلتتار ىنتىماعىنىڭ بەرەكەلى شاڭىراعى“ قيمىلىنا اتتانىسقا كەلتىرۋ جينالىسىن اشىپ، تۇتاس رايوندا ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلىن ورنالاستىردى، ورىستەتتى. ءار دارەجەلى اكىمشىلىك ورىندارىنداعى، ءىسورىندارىنداعى، كاسىپورىندارداعى كادر، جۇمىسشى - قىزمەتكەرلەر جەدەل ارەكەتكە كەلىپ، تيانشاننىڭ تۇستىگى مەن تەرىستىگىندەگى اۋىل - قىستاققا، الەۋمەتتىك اۋماققا بارىپ، ءار ۇلت بۇقاراسىمەن جۇپ قۇراپ تۋىس بولدى.

　　باي اۋدانى لاۋحۋتاي اۋىلى كوتەكتۇر قىستاعىنداعى باقىت كەشكى بازارىندا اقسۋ ايماقتىق ورتا حالىق سوتى مەكەمەسىنىڭ كادرى مەن جۇپ قۇراعان تۋىسى جاز كەشىنىڭ جايلى ساتىنەن راقاتتانۋدا. بىلتىردان بەرى جۇپ قۇراعان كادرلار، ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇرعان قىزمەت اترەتى جانە قىستاق ”ەكى كوميتەتى“ قول ۇستاسا وتىرىپ قۇرعان باقىت كەشكى بازارى ارحيۆ تۇرعىزىپ، كارتچكالاندىرىلعان 12 كەدەي وتباسىنىڭ ءۇيىنىڭ ماڭايىندا جۇمىستانۋىن جۇزەگە اسىردى. ”تۋىسىم بار كوڭىلىمەن، بار سۇيىسپەنشىلىگىمەن بىزگە كومەكتەستى، ءبىز، ءسوزسىز، قايراتتانا ىستەيمىز“، - دەدى كەشكى بازاردا جايما اشاتىن قىستاق تۇرعىنى باكىر نۇر.

　　رايونىمىزداعى ميلليونداعان كادر، جۇمىسشى - قىزمەتكەر ءار ۇلت نەگىزگى ساتى بۇقاراسىمەن جۇپ قۇراپ تۋىس بولىپ، بۇقارا ەڭ ءۇمىت ەتكەن، ەڭ قاجەت ەتكەن، تاباندا ىستەۋگە بولاتىن ىستەرىن ىستەۋگە امالدىڭ بارىنشا كومەكتەستى. قالىڭ كادر، جۇمىسشى - قىزمەتكەرلەر نەگىزگى ساتىداعى بۇقارامەن بىتە قايناستى، ولاردىڭ شىن نيەتپەن حالىق ءۇشىن ىستەيتىن تەرەڭ دوستىق سۇيىسپەنشىلىگى، شىنايى يگەرىپ، ناقتى ىستەيتىن تاماشا ستيلى ءار ۇلت بۇقاراسىنا پارتيا مەن ۇكىمەتتىڭ قامقورلىعى مەن مەيىرىن اناعۇرلىم تەرەڭ سەزىندىرىپ، وتان تۇتاستىعىن قورعايتىن، ۇلتتار ىنتىماعىن قورعايتىن بەكىمدەرىن اناعۇرلىم بەكەمدەدى، پارتياعا العىس ايتۋ، پارتيانىڭ سوزىنە قۇلاق اسۋ، پارتياعا ىلەسۋ سەنىمىن اناعۇرلىم بەكەمدەدى.

　　ۇلتتار ىنتىماعى، العاباسارلىعى ىستەرى قارىشتاپ دامىدى

　　”شينجياڭداعى ەڭ ۇلكەن بۇقارالىق قىزمەت − ۇلتتار ىنتىماعى جانە ءدىن جاراسىمدىلىعى“. باس شۋجي شي جينپيڭ بىلاي دەپ باسا دارىپتەدى: سوتسياليستىك ۇلى شاڭىراقتا ۇلتتار ىنتىماقتى، ءدىن جاراسىمدى بولعاندا عانا، ءتۇرلى ىستەر كوركەيىپ - گۇلدەنەدى.

　　6 جىلدان بەرى اۆتونوميالى رايوندىق پارتكوم پارتيانىڭ ۇلت نازارياسى مەن ۇلت ساياساتىن جاپپاي دايەكتىلەندىرىپ، بىرگە ىنتىماقتاسا كۇرەس جاساۋعا، بىرگە گۇلدەنىپ - كوركەيۋگە، دامۋعا تاباندى بولىپ، ۇلتتار ىنتىماقتى، جاراسىمدى، ەكونوميكا جوعارى ساپالى دامىعان، حالىق تۇرمىسى ۇزدىكسىز جاقسارعان، ءار سالا ىستەر جالپى بەتتىك العا باسقان شىت جاڭا جاعداي جارىققا شىعاردى.

　　اۆتونوميالى رايوننىڭ ۇلتتار ىنتىماعى، العاباسارلىعىندا وزات ورىن قۇرۋ قىزمەتى كەزەڭدىك كورنەكتى ناتيجەگە قول جەتكىزدى. 2019 - جىلدىڭ سوڭىنا دەيىن، رايونىمىزداعى 9 ايماق، وبلىس، قالاعا مەملەكەتتىك ۇلتتار ىنتىماعى، العاباسارلىعىنداعى ۇلگىلى وبلىس (ايماق، قالا) دەگەن ات بەرىلدى، 59 ورىنعا مەملەكەتتىك ۇلتتار ىنتىماعى، العاباسارلىعىنداعى ۇلگىلى ورىن دەگەن ات بەرىلدى، 14 ورىنعا مەملەكەتتىك ۇلتتار ىنتىماعى، العاباسارلىعى تاربيە بازاسى دەگەن ات بەرىلدى.

　　6 جىلدان بەرى اۆتونوميالى رايون ۇلتتار ىنتىماعى ۇگىت - تاربيەسىن مەكتەپ ءتالىم - تاربيەسىنە، وتباسى تاربيەسىنە، قوعام تاربيەسىنە ءسىڭىردى، ءار ۇلت جاستارى مەن ورەندەرى كىشكەنتايىنان بىرگە ويناپ، بىرگە وقىپ، بىرگە ەسەيىپ - ەرجەتتى... ۇلتتار ىنتىماعىنىڭ تۇقىمى تيانشاننىڭ تۇستىگى مەن تەرىستىگىندەگى ءاربىر ىرىستى توپىراققا تامىر تارتتى.

　　”ءدىن قىزمەتىن دەن قويا جاقسى ىستەپ، ءدىندى سوتسياليستىك قوعامعا ۇيلەسۋگە بەلسەنە جەتەكتەپ، ءدىن سالاسىنداعى قايراتكەرلەر مەن دىنگە سەنەتىن بۇقارانىڭ ەكونوميكالىق، قوعامدىق دامۋدى جەبەۋدەگى بەلسەندى رولىن ويداعىداي ساۋلەلەندىرۋ كەرەك“. ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىندە باس شۋجي شي جينپيڭ ءدىن قىزمەتىنىڭ پرينسيبىن، ءادىسىن جانە ءتاسىلىن اتاپ كورسەتتى، بۇل شينجياڭدا ۇلتتار ىنتىماعىن، ءدىن جاراسىمدىلىعىن جەبەۋدىڭ يدەيالىق جەتەكشىسى جانە ءتۇبىرلى بويسۇنۋ ولشەمى بولدى.

　　”پارتيا مەن ۇكىمەت ءدىني قىزمەتكەرلەرگە قامقورلىق جاساپ، ءدىني قايراتكەرلەر مەن دىنگە سەنەتىن بۇقارانىڭ قالىپتى ءدىني قيمىلدارىن تولىق قامتاماسىز ەتىپ، قالىڭ ءدىني قايراتكەرلەر مەن دىنگە سەنەتىن بۇقارا شىن كوڭىلىنەن پارتيانىڭ ابزال ساياساتىنا العىس ايتتى“. ءۇرىمجى ياڭحاڭ مەشىتىنىڭ يمامى مۇھتارام شيرىپجان بىلاي دەدى: ”مەن وتاندى ءسۇيۋ، ءدىندى قاستەرلەۋ تاڭداۋلى ءداستۇرىن ساۋلەلەندىرىپ، دىنگە سەنەتىن قالىڭ بۇقارانى العا باسۋعا، ىزگىلىككە تالپىنۋعا ىنتىماقتاستىرا باستاپ، ۇلتتار ىنتىماعىن جانە ءدىن جاراسىمدىلىعىن جەبەۋگە ۇزدىكسىز ۇلەس قوسامىن“.

　　كەمەنىڭ كۇشى جەلكەنىندە، ادامنىڭ كۇشى جۇرەگىندە. ءبىر قىدىرۋ ءونىمدى شارالار ۇلتتار ىنتىماعىنىڭ ەكپىندەي ىلگەرىلەۋىنىڭ ايبىندى كۇشىن توعىستىردى. شينجياڭداعى ءار ۇلت حالقى بار كوڭىلىمەن، بار سۇيىسپەنشىلىگىمەن سۋارعان ۇلتتار ىنتىماعى گۇلى تيانشاننىڭ تۇستىگى مەن تەرىستىگىندە ۇزاق ۋاقىت گۇل اشىپ قۇلپىرا ءتۇستى.