يۇكسەك شىجاات ”مۇشەلەر دالىزىنە“ شىقتى
مادەنيەت ارقىلى كەدەيلەردى سۇيەمەلدەۋ حيكاياسىن تەرەڭ سۇيىسپەنشىلىكپەن بايانداپ، حالىق ءۇشىن قىزمەت ىستەۋدى ماڭگى ەستە بەرىك ساقتادى
5 - ايدىڭ 24 - كۇنى مەملەكەتتىك ساياسي كەڭەس 13 - كەزەكتى كوميتەتى 3 - ءماجىلىسىنىڭ 2 - كەزەك ”مۇشەلەر ءدالىزى“ تىلشىلىك قيمىلى وتكىزىلدى. سۋرەتتە: مەملەكەتتىك ساياسي كەڭەستىڭ مۇشەسى يۇكسەك شىجاات ءتىلشىنى قابىلداعاننان كەيىن ”مۇشەلەر دالىزىنەن“ ءوتىپ بارادى.
”كوپشىلىك سالەمەتسىزدەر مە! مەنىڭ اتىم يۇكسەك شىجاات ... مەنىڭ قىزمەت نىسانام ’حالىق ءۇشىن قىزمەت ىستەۋ‘“. 5 - ايدىڭ 24 - كۇنى ساعات 8دەن 24 مينۋت وتكەندە مەملەكەتتىك ساياسي كەڭەس 13 - كەزەكتى كوميتەتى 3 - ءماجىلىسىنىڭ 2 - كەزەك ”مۇشەلەر دالىزىندە“ تاجىك ۇلتىنىڭ مەرەكەلىك كيىمىن كيگەن شينجياڭدا تۇراتىن مەملەكەتتىك ساياسي كەڭەستىڭ مۇشەسى يۇكسەك شىجااتتىڭ سوزدەرى دە ونىڭ ءوزى سەكىلدى شىنايى ەدى.
”ءسىز ادەبيەت - كوركەمونەر قىزمەتكەرى عانا ەمەسسىز، سونىمەن بىرگە قىستاقتا تۇراتىن كادرسىز. سىزشە، از ۇلت وڭىرلەرىنىڭ كەدەيلىكتەن ورنىقتى ارىلۋىنا كومەكتەسۋ بارىسىندا مادەنيەت ارقىلى كەدەيلەردى سۇيەمەلدەۋ قانداي رول اتقاردى؟“، - دەپ سۇرادى ورتالىق راديو - تەلەۆيزيا باس ستانسياسىنىڭ ءتىلشىسى.
”مادەنيەت ارقىلى كەدەيلەردى سۇيەمەلدەۋ دەگەنىمىز رۋحاني جاقتان سۇيەمەلدەۋ. ءبىزدىڭ قىستاققا بارعاندا العاش ىستەگەن جۇمىسىمىز شارۋالاردىڭ ادەبيەت - كوركەمونەر اترەتىن قۇرۋ بولدى... مەن الىمجان ەسىمدى جىگىتپەن تانىستىم، ونىڭ قولى ونەرلى، اعاششىلىقتى بىلەدى ەكەن“، - دەپ مۇشە يۇكسەك شىجاات اقىرىن بايانداي باستادى.
2018 - جىلى مۇشە يۇكسەك شىجاات اۋات اۋدانى جاڭاارىق قالاشىعىنىڭ سۋجايدى قىستاعىنا كەلىپ، ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇرۋ قىزمەتىنە قاتىناسادى. ونىڭ شابىتتاندىرۋىندا، اعاششىلىق ىستەيتىن الىمجان تۇرا ەسىمدى جىگىت شارۋالاردىڭ ادەبيەت - كوركەمونەر اترەتىنە قاتىناسىپ، باسقا اترەت مۇشەلەرىمەن بىرگە ۇرىمجىگە بارىپ باۋلۋعا قاتىناسادى، ونەر ۇيرەنىپ شىققاننان كەيىن، ۇنەمى قىستاقتا ويىن قويادى. رۋحاني بەت - بەينەسى وزگەرگەن الىمجان باسقا ءبىر ادامعا اينالعانداي بولدى. مۇشە يۇكسەك شىجاات وعان كومەكتەسىپ، اعاششىلىق جۇمىستارىنا بايلانىس جاساۋىنا كومەكتەسەدى، ول تىگىنشىلىك دۇكەنىن اشىپ، كىرىسىن بارىنشا ارتتىرادى. ”مىنە بۇل مادەنيەتتىڭ كۇشى“، - دەدى مۇشە يۇكسەك شىجاات.
الىمجاننىڭ كەدەيلىككە قوش ايتقانى سياقتى حيكايالار وتە كوپ. مۇشە يۇكسەك شىجاات ءار كۇنى وتباسىلارىن ارالاپ جاعداي ۇعىسىپ، بۇقارالىق قىزمەت ىستەپ، ماسەلەلەردى تاۋىپ، قوعام جاعدايى مەن حالىق رايىن ەستەلىككە الىپ، امالىن تاۋىپ ماسەلەلەردى شەشىپ، كەدەيلىكتەن ارىلتۋدان قامال الۋدىڭ نەگىزدىك قىزمەتىن جاقسى، شىنايى ىستەدى. قىستاق تۇرعىندارىنىڭ وتباسىن تۇگەلدەي ارالاپ شىقتى، بۇكىل قىستاقتاعى تۇرعىنداردىڭ بارلىعى ونى تانيدى. 2 جىلدان استام ۋاقىتتان بەرى، مۇشە يۇكسەك شىجاات ولارمەن ءبىر ءۇيدىڭ ادامىنداي بولىپ كەتتى.
ءدال وسى كەزدە، 3500 نەشە كيلومەتر شالعايداعى جاڭا ارىق قالاشىعىنىڭ سۋجايدى قىستاعىندا كوپتەگەن تۇرعىن ”مۇشەلەر ءدالىزى“ سۇحباتىن كورىپ جاتتى. ”يۇكسەك مۇعالىم مەنىڭ حيكايامدى بەيجيڭدەگى مەملەكەتتىك ەكى ماجىلىسكە اپارىپتى، ايرىقشا تەبىرەنىپ تۇرمىن“، - دەدى الىمجان اسەرلەنە. وسى ايدا ايەلى ەكەۋى 10 مىڭ يۋانعا تاياۋ كىرىس كىرگىزىپتى. الىمجان: ”بۇرىندارى كوز الدىمدى عانا ويلاپ، قارىن تويدىرارلىق اقشا تاپسام بولدى دەپ جۇرە بەرىپپىن، يۇكسەك مۇعالىم كەلگەن سوڭ بارىپ سىرتقى دۇنيەنىڭ سونشا كەڭ ەكەنىن ءبىلدىم. مەن ءالى جاسپىن، قۇلشىنا ءتۇسۋىم كەرەك“، - دەدى.
”مۇشەلەر ءدالىزىنىڭ“ سۇحباتى اياقتادى، مۇشە يۇكسەك شىجاات پەن سۋجايدى قىستاعىنىڭ حيكاياسى ءالى اياقتالمايدى − قىستاقتا تۇرۋ قىزمەتى بيىل 5 - ايدا اياقتالىپ، سۇيىكتى ساحناسىنا ورالۋى كەرەك، الايدا قىستاقتاعى كەدەيلىكتەن ارىلتۋدان قامال الۋ قىزمەتىنەن الاڭداعان ول قىستاقتا بيىل جىل اياعىنا دەيىن تۇرۋ جونىندە ىرىقتىلىقپەن ءوتىنىش بەردى.
الىمجاننىڭ حيكاياسى دا جالعاسۋدا. ول قىستاقتا اعاششىلىق سەلبەستىك كووپەراتيۆىن قۇرۋ جۇمىسىن ىڭعايلاۋدا. ول: ”مەن 90 - جىلداردىڭ تۇلەگىمىن، قىستاقتىڭ بولاشاعى بىزگە سۇيەنەدى. الداعى ۋاقىتتا ءوز تۇرمىسىمدى جاقسارتىپ قانا قويماي، قىستاق تۇرعىندارىن بىرگە كەدەيلىكتەن ارىلىپ اۋقاتتانۋعا باستاۋىم كەرەك“، - دەدى.
