4 - ايدىڭ 11 - كۇنى تۇستەن كەيىن سانجى قالالىق قورشاعان ورتا تازالىعى ورتالىعىنىڭ جاتاق عيماراتىنداعى ەرلى - زايىپتىلار بولمەسىندە ەرلى - زايىپتى 25 جاستاعى مامەتنياز تۇرسىننياز بەن 24 جاستاعى نۇرزادام ابدۇرازاق ءبىر كۇندىك جۇمىسىن اياقتاتىپ تۇراقتارىنا كەلىپ، شالعايداعى قىزدارىنا بەينە ەكراندا اڭگىمەلەسپەكشى بولىپ جاتتى.
كۇيەۋى مامەتنياز قول تەلەفون شالماقشى بولىپ جاتقاندا، ايەلى نۇرزادام ونى توقتاتىپ، ”تەلەفون شالماي تۇر، ساندەنىپ الايىن، سەن دە دەرەۋ بەتىڭدى جۋىپ، كيىم - كەشەگىڭدى اۋىستىرىپ ال. قازىر ءبىز قالالىقپىز، جيناقى ءجۇرۋىمىز كەرەك، بالامىزعا سالدىر - سالاق كورىنبەيىك“، - دەدى.
”دۇرىس ايتاسىڭ!“ مامەتنياز كۇلىمسىرەي سويلەي ءجۇرىپ، ەلەگەنىن كوتەرىپ جۋىنىپ - شايىنۋ بولمەسىنە كەتتى. نۇرزادام دا ەڭلىك بۇيىمدار قالبىرىن الىپ شىعىپ، اينانىڭ الدىنا كەلىپ وتىردى.
ولاردىڭ اۋىلى ياركەن اۋدانىنىڭ اۋىل - قىستاعىندا. سانجى قالاسىنا كەلۋدەن ىلگەرى مامەتنياز اۋىلىندا نان جاپقان، جۇمىسكەر دە بولعان. 2018 - جىلى ۇكىمەتتىڭ ءبىر تۇتاس ۇيىمداستىرۋىندا، مامەتنياز بەن ايەلى سىرتقا شىعىپ جۇمىس ىستەۋگە تىزىمدەلىپ، بىرگە سانجى قالاسىنا كەلەدى. ”سول كەزدە ءارى - سارى بولمادىق، ورتا اۋىستىرىپ، قىزمەت ىستەپ، كوبىرەك اقشا تاۋىپ، تۇرمىسىمىزدى جاقسارتۋدى عانا ويلادىق. كەلگەننەن كەيىن بۇل ارانىڭ ءبىز ىلگەرتىندە ويلاعاننان دا تاماشا ەكەندىگىن بايقادىق، جەرگىلىكتى ۇكىمەت بىزگە ەرلى - زايىپتىلار بولمەسىن ازىرلەپ، كۇندەلىكتى تۇتىنۋ بۇيىمدارىن دا دايىنداپ قويىپتى، توسەك جاپقىش، كىرلىككە دەيىن سۋ جاڭا ەكەن“، - دەدى مامەتنياز.
سانجىعا كەلگەننەن كەيىن، مامەتنياز ءوز ونەرىن ايگىلەيتىن تۇعىرعا يە بولدى. نان جابۋدى بىلەتىندىكتەن، ول سانجى قالالىق قورشاعان ورتا تازالىعى ورتالىعىنىڭ ناۋبايى بولدى، ايەلى تازالىق جۇمىسشىسى بولدى.”بۇل ارادا ىشەر اس، كيەر كيىم، جاتىن ورىنعا اقشا جۇمسامايمىز، ۇكىمەت ەكەۋىمىزدىڭ قوعامدىق قامسىزداندىرۋىمىزدى، ەمدەۋ قامسىزداندىرۋىمىزدى تاپسىرادى، ايىنا 5000 يۋانعا تارتا ەڭبەكاقى الا الامىز“. مامەتنياز تىلشىگە بۇل ارادا جۇمىس ىستەپ، تۇرمىس كەشىرۋدىڭ ءتۇرلى ءتۇستى تاماشا جاقتارىن القاپ ايتتى. نۇرزادام دە تەبىرەنگەن كوڭىل كۇيىن باسا الماي، ”جۇكتى بولسا بوسانۋ دەمالىسى بەرىلەدى، بوسانسا تۋىت قامسىزداندىرۋى بار، بىرنەشە قىزمەتتەسىم تۇگەلدەي مۇنان يگىلىكتەندى، كۇيەۋلەرىنىڭ كۇتۋ دەمالىسى دا بار، توتەنشە جاقسى“، - دەدى.
”اكە، امانسىزدار ما؟ سىزگە جولداعان 3000 يۋان اقشانى تاپسىرىپ الدىڭىز با؟“ ۋيچات بەينە ەكرانى جالعانعاندا مامەتنيازدىڭ اكەسىنىڭ ءديدارى قول تەلەفوننىڭ بەينە ەكرانىنان كورىندى، قۇشاعىندا 4 جاسار نەمەرە قىزى ماليكام مامەتنياز بار.
اكەسى قول تەلەفوننىڭ ار جاعىندا ”تاپسىرىپ الدىق، ول جاقتا جاقسى ىستەڭدەر، ۇيدە ءبىز بارمىز، الاڭسىز بولىڭدار، كەلە عوي ماليكام، اكە - شەشەڭە ءان شىرقاپ جىبەرشى“ دەپ جاتتى.
”اكە - شەشەم جۇمىسقا بارادى، مەن بالاباقشاعا بارامىن، جىلامايمىن، تەنتەكتىك ىستەمەيمىن، مەن ءبىر جاقسى بالامىن...“ قول تەلەفوننان بالانىڭ بالعىن ءۇنى ەستىلگەندە، مامەتنياز بەن ايەلىنىڭ جۇزىنەن كۇلكى ەستى.
مامەتنياز بىلاي دەدى: ”ءبىز العاش كەلگەن كەزدە اكەم الاڭداپ، بالانى الىپ ارناۋلى كەلگەن بولاتىن. اكەم كەلگەننەن كەيىن، ولاردى ەرتىپ سانجى قالاسىن بىرنەشە كۇن ارالاتتىم، قازىر اكە - شەشەم ءبىزدىڭ بۇل ارادا جۇمىس ىستەگەنىمىزگە ەرەكشە رازى. ءار كۇنى بەينەەكران ارقىلى قىزىمىزعا پۇتۇڭحۋا ۇيرەتەمىز، باستاۋىش مەكتەپكە تۇسكەن كەزىندە ونى وسى اراعا اكەلىپ وقىتپاقشىمىز“.
بەينەەكراندى جاپقاننان كەيىن، مامەتنياز جۇمىس كيىمىن شاپشاڭ اۋىستىرىپ، ناۋايحاناعا قاراي تارتتى. ”ازدان سوڭ ءبىر دوسىم كەلىپ، مەنەن نان جابۋدى ۇيرەنبەكشى، دايىندىق جۇمىستاردى ىستەۋىم كەرەك“، - دەدى ول.
مامەتنياز ءجۇرىپ بارا جاتىپ تىلشىگە ازدان سوڭ نان جابۋدى ۇيرەنگەلى كەلەتىن چىن جىحۋ ەسىمدى جاڭادان تانىسقان حانزۋ دوسىنىڭ سانجى قالاسى ارليۋگۇڭ قالاشىعىنان ەكەندىگىن، چىن جىحۋدىڭ بۇرىننان نان جابۋدى ۇيرەنىپ، ناۋايحانا اشۋ ويىنىڭ بارلىعىن، باسقالاردىڭ تانىستىرۋىمەن وزىمەن تانىسقاندىعىن، نان جابۋدى ۇيرەنگەندىگىنە ءبىر اپتا بولعاندىعىن ايتتى. ”بۇل ارادا كوپتەگەن دوستارمەن تانىستىم، ءار ۇلتتان بار، ءبىز توتەنشە تاتۋ - ءتاتتى وتەمىز“.
”ءبىزدىڭ بۇل ارادا ءبارى دە جاقسى، اقشا تاۋىپ ءۇي ءىشىن اسىراۋمەن بىرگە، ءبىرتالاي قور دا جيناپ الدىق. ەڭ باستىسى، كوزىمىز اشىلىپ، كوكىرەگىمىز وياندى، بۇدان كەيىن قالاي دامۋ كەرەكتىگىن بىلدىك“. مامەتنيازدا بولاشاق جونىندە جوبا بار، ”كەلىنشەگىممەن بىرگە وسى ارادا بىرنەشە جىل جاقسى ىستەپ، اقشا تاپقاننان كەيىن اۋىلعا قايتىپ اسحانا اشپاقشىمىن، مەن لاڭمان تارتىپ، قۋىرماش قۋىرسام، كەلىنشەگىم الدىڭعى تەكشەدە قىزمەت وتەۋگە جاۋاپتى بولادى، ءبىر ءۇيلى جان قۇلشىنا ىستەپ، تاماشا تۇرمىسقا كەنەلسەك دەيمىن“، - دەدى مامەتنياز جانارىنان ءۇمىت ۇشقىنداپ.
