جۇڭگو حالىق بانكەسى ءۇرىمجى ورتالىق تارماق بانكەسىنەن ۇعىسۋىمىزشا، جۋىقتا جۇڭگو حالىق بانكەسى ءۇرىمجى ورتالىق تارماق بانكەسى، شينجياڭ بانكە، قامسىزداندىرۋ باقىلاۋ - باسقارۋ مەكەمەسى، شينجياڭ اكتسيا باقىلاۋ - باسقارۋ مەكەمەسى، اۆتونوميالى رايوندىق جەرگىلىكتى فينانستى باقىلاۋ - باسقارۋ مەكەمەسى جانە بيڭتۋان جەرگىلىكتى فينانستى باقىلاۋ - باسقارۋ مەكەمەسى بىرلەسىپ «شينجياڭنىڭ كەدەيلىكتەن ارىلتۋدان قامال الۋدىڭ شەشۋشى شايقاسىنىڭ شەشۋشى جەڭىسىنە جەتۋگە فينانستىق قولداۋ كورسەتۋ ارەكەت جوباسىن» باسىپ تاراتىپ، كەدەيلەردى امانات - قارىزبەن سۇيەمەلدەۋ سەرپىنىن ارتتىرۋ، كەدەيلەردى تۇتىنۋ ارقىلى سۇيەمەلدەۋدى جاسامپازدىقپەن ورىستەتۋ، كەدەيلەردى جۇمىستاندىرۋ ارقىلى سۇيەمەلدەۋدىڭ سەرپىنىن ارتتىرۋ سياقتى 7 جاقتان 19 تارماقتى ناقتى شارا ورتاعا قويىپ، فينانس قۇرىلىمدارىنان ماڭىزدى ءتۇيىندى كورنەكتىلەندىرىپ، فينانس بايلىقتارىن اۋىر كەدەي وڭىرلەرگە بەيىمدەۋ سەرپىنىن ارتتىرىپ، فينانستىڭ كەدەيلىكتەن ارىلتۋدان قامال الۋ قىزمەتىنە قولداۋ كورسەتۋ ونىمدىلىگىن جاپپاي ءوسىرۋدى تالاپ ەتكەن.
«جوبادا» مىنالار ورتاعا قويىلدى: نازاردى كاسىپ سالالارىن دامىتۋعا شوعىرلاندىرىپ، كەدەيلەردى امانات - قارىز ارقىلى سۇيەمەلدەۋ سەرپىنىن ارتتىرۋ كەرەك. ءبىرىنشى، كەدەيلەردى سۇيەمەلدەۋگە قايتالاي بەرىلەتىن قارىز اقشادان جەتكىلىكتى، ويداعىداي پايدالانۋ كەرەك. وڭتۇستىك شينجياڭنىڭ 4 ايماق - وبلىسىنا، اسىرەسە، شايقاس باسى - قاسىندا قاداعالاناتىن 10 اۋدانعا بەيىمدەلۋ سەرپىنىن ارتتىرىپ، وڭتۇستىك شينجياڭنىڭ 4 ايماق - وبلىسىنداعى كەدەيلەردى سۇيەمەلدەۋگە قايتالاي بەرىلەتىن قارىز اقشانىڭ بۇكىل شينجياڭداعى سالىستىرماسىنىڭ ％90تەن از بولماۋىنا، شايقاسى باسى - قاسىندا قاداعالاناتىن 10 اۋداننىڭ كەدەيلەردى سۇيەمەلدەۋ بويىنشا قايتالاي بەرىلەتىن قارىزىنىڭ وڭتۇستىك شينجياڭنىڭ 4 ايماق - وبلىسىنداعى ۇلەسىنىڭ وتكەن جىلعى سايكەس مەزگىلدەن از بولماۋىنا شىنايى كەپىلدىك ەتىپ، فينانس قۇرىلىمدارىنىڭ كەدەيلەردى سۇيەمەلدەۋ قارجى ۇسىنىلىمىن بار كۇشپەن قامتاماسىز ەتۋ كەرەك. ەكىنشى، كەدەي اۋداندارداعى فينانس قۇرىلىمدارىنىڭ ورتالىق بانكەدەن قارجى الا تۇرۋ ساياساتىنىڭ ناتيجەسىن ساراپتاۋدى كۇشەيتىپ، اۋدان كولەمىندەگى زاڭدى تۇلعالىق فينانس قۇرىلىمدارىنىڭ جاڭادان ارتقان امانات سوماسىنىڭ بەلگىلى سالىستىرماسىن جەرگىلىكتى ورىندا قارىز بەرۋگە جۇمساۋ تۋرالى باعالاۋدى كۇشەيتىپ، باعالاۋدا ولشەمگە جەتكەن فينانس قۇرىلىمدارىنا قالىپتى ولشەمنەن ءبىر پايىز تومەن اماناتقا قايتارىلاتىن زاپاس اقشا مولشەرىن قولدانىپ، اۋدان كولەمىندەگى زاڭدى تۇلعالىق فينانس قۇرىلىمدارىنىڭ كەدەيلەردى سۇيەمەلدەۋ قىزمەتىنە ات سالىسۋ بەلسەندىلىگىن جوعارىلاتىپ، فينانس قۇرىلىمدارىنىڭ جاڭادان ارتقان قارىزبەن اۋىر كەدەي وڭىرلەردى الدىمەن قاناعاتتاندىرۋعا، جاڭادان ارتقان فينانستىق قىزمەت وتەۋلەردى الدىمەن اۋىر كەدەي وڭىرلەرگە ورنالاستىرۋعا جەتەكتەۋ كەرەك.
«جوبادا» مىنالار تالاپ ەتىلدى: كەدەيلەردى سۇيەمەلدەۋگە بەرىلەتىن شاعىن مولشەردەگى امانات - قارىز ساياساتىنىڭ ۇلاسپالىلىعى مەن ورنىقتىلىعىن ساقتاپ، جالعاستى تۇردە كەدەيلەردى سۇيەمەلدەۋگە بەرىلەتىن شاعىن مولشەردەگى امانات - قارىزدى تۇتقا ەتىپ، شارتقا ۇيلەسەتىن كەدەي وتباسىلار مەن كەدەيلىكتەن ارىلعان وتباسىلاردىڭ قارىز الۋ، جالعاپ قارىز الۋ جانە قارىز مەرزىمىن ۇزارتۋ سۇرانىسىن ۇيلەسىمدى قاناعاتتاندىرىپ، ”قارىز بەرۋگە بولاتىندارىنا مۇمكىندىگىنشە قارىز بەرۋدى“ قۇلشىنا جۇزەگە اسىرۋ؛ كاسىپ سالاسى ارقىلى كەدەيلەردى سۇيەمەلدەۋ قارىزىنىڭ مولشەرىنىڭ ارتۋىن، كولەمىنىڭ كەڭەيۋىن ىلگەرىلەتۋ؛ ءونىم جانە قىزمەت وتەۋ ۇلگىسىنە جاڭالىق ەنگىزىپ، نەگىزدىك قۇرىلعى قۇرىلىسى، كەدەي وتباسىلاردىڭ جۇمىستانۋى، وقۋعا ءتۇسۋى، قونىس جاڭالاپ كەدەيلەردى سۇيەمەلدەۋ سياقتى جاقتاردا قارجى قۇراۋدى قولداۋدى كۇشەيتىپ، اۋىر كەدەي وڭىرلەردەگى قارىزدىڭ ارتۋ جىلدامدىعىنىڭ بۇكىل شينجياڭداعى ءتۇرلى قارىزداردىڭ ورتاشا دەڭگەيىنەن جوعارى بولۋىن، اۋىر كەدەي اۋدانداردىڭ امانات اقشا مەن قارىز اقشا سالىستىرماسىنىڭ ءبىرشاما جوعارى دەڭگەيدە ءوسۋىن قۇلشىنا جۇزەگە اسىرۋ كەرەك.
«جوبادا» تاعى تۇتىنۋ ارقىلى كەدەيلەردى سۇيەمەلدەۋدى جاسامپازدىقپەن ورىستەتۋ، جۇمىستاندىرۋ ارقىلى كەدەيلەردى سۇيەمەلدەۋ سەرپىنىن ارتتىرۋ، كەدەي وڭىرلەردە فينانس مادەنيەتىن جەتىلدىرۋ، فينانس قۇرىلىمدارىنىڭ قىستاقتا تۇرىپ، كەدەيلەردى نىسانالى سۇيەمەلدەۋ قىزمەتىن تىڭعىلىقتى، ويداعىداي ىستەۋ، كەدەي وڭىرلەردەگى فينانستىق قىزمەت وتەۋلەردى ساپالىلاندىرۋ، كەدەيلىكتەن ارىلتۋدان قامال الۋعا فينانستىق قولداۋ كورسەتۋ مەن اۋىل - قىستاقتى گۇلدەندىرۋدىڭ ءونىمدى ۇشتاسۋىن بەلسەنە ىلگەرىلەتۋ سياقتى جاقتاردا ورنالاستىرۋ، جايعاستىرۋ جاسالدى.
«جوبادا» مىنالار اتاپ كورسەتىلدى: ءتۇرلى فينانس قۇرىلىمدارى يدەيا مەن ارەكەتتى پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن باتىل بىرلىككە كەلتىرىپ، كەدەيلىكتەن ارىلتۋدان قامال الۋعا فينانستىق قولداۋ كورسەتۋدى كەزەكتەگى ءبىر شەشۋشى ساياسي مىندەت رەتىندە مىقتى، ويداعىداي يگەرۋ؛ شينجياڭنىڭ كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە جەتۋگە فينانستىق قولداۋ كورسەتۋ قولباسشىلىق شتابىن قۇرىپ، ءبىر تۇتاس جوسپارلاۋدى كۇشەيتىپ، فينانس ارقىلى كەدەيلىكتەن ارىلتۋدان قامال الۋدىڭ بىرىككەن كۇشىن ۇيىستىرۋ؛ فينانس قۇرىلىمدارىنىڭ كەدەيلەردى سۇيەمەلدەۋ قىزمەتى جاعدايىن ۋاقتىلى جاريالاپ، ءتۇرلى فينانس قۇرىلىمدارىنىڭ جوبانى تياناقتاندىرۋ اياق الىسى، ناتيجەسى سياقتىلارعا ۇزدىكسىز قاداعالاۋ، قۋزاۋشىلىق جۇرگىزۋ كەرەك.
