جەمىس ورمانى تەحنيكاسى ساباقحاناسى اتىز باسىنا جەتكىزىلدى
قاقاعان قىس كەزى، ەرەكشە ”جاڭا جىل ساۋعاسى“ پوسكام اۋدانى ايكول اۋىلى ايدىنكول قىستاعىن قۋانىشقا بولەدى.
1 - ايدىڭ 13 - كۇنى قاشقار ايماقتىق ورمان شارۋاشىلىعى تەحنيكاسىن جالپىلاستىرۋ پۋنكتىندەگى ماماندار پوسكام اۋداندىق تەحنيكۋم مەكتەبىنىڭ ايكول اۋىلدىق بولىمشە مەكتەبىنە بارىپ، ايكول اۋىلىنداعى جەمىس شارۋالارىنا جاڭعاق باسقارۋ تەحنيكاسىنا قاتىستى ماڭىزدى تۇيىندەردى ءتۇسىندىرىپ، ساباق ءوتتى.
”ماماندار بۇگىن اۋىلىمىزعا كەلىپ ساباق ءوتىپ، تۇسىنبەگەن ىستەرىمىزدى ءتۇسىندىرىپ بەرەدى ەكەن دەگەندى ەستىپ، كەش كەلسەم ورىن قالماي قالاما دەپ الاڭدادىم“، - دەيدى پوسكام اۋداندىق تەحنيكۋم مەكتەبىنىڭ ايكول اۋىلدىق بولىمشە مەكتەبىنە تاڭ اتپاي كەلىپ العان ايدىنكول قىستاعىنىڭ تۇرعىنى 24 جاستاعى نۇرلامەت مامەت.
”مامانداردىڭ قولما - قول جەتەكشىلىك ەتۋىندە، بىلتىر 18 مۋ جەردەگى جاڭعاقتىڭ مۋ باسىنان 300 كيلوگرام ءونىم الدىم، مۋ باسىندىق ورتاشا كىرىسىم 4500 يۋان بولدى“. قىستاق تۇرعىنى عۇلام تايىر: ”مامانداردىڭ جەمىس ورمانى تەحنيكاسى جونىندەگى ساباعى توتەنشە قارسى الۋعا يە بولدى“، - دەدى.
”جاڭعاقتان ءونىم العاننان كەيىن، اعاشىن بۇتاۋ كەرەك، ويتكەنى جەمىستى جيىپ العان سوڭ، قىسقا دەيىن جاپىراعى قۋراعانشا تاعى ءبىر رەت كوكتەيدى، قىستا، كوكتەم كىرگەندە بۇتاۋدىڭ زيانىنان ساقتانۋ ءۇشىن، 9 - ايدىڭ ورتا شەنىنەن 11 - ايعا دەيىنگى ارالىقتا بۇتاپ تاستاۋ كەرەك“. قاشقار ايماقتىق ورمان شارۋاشىلىعى تەحنيكاسىن جالپىلاستىرۋ پۋنكتىندەگى تۇنيساگۇل ۋاسلي قىستاق تۇرعىندارىنا: ”قۇرت تۇسكەن بۇتاقتاردى، ۇزارىپ كەتكەن بۇتاقتاردى، سالاقتاپ قالعان بۇتاقتاردى، قاباتتاسقان بۇتاقتاردى، بىتىك وسكەن بۇتاقتاردى، قۋراعان بۇتاقتاردى سەيىلتىپ بۇتاپ، جەمىس باقشاسىن تازالاپ، بۇتالعان بۇتاقتاردى ءبىر جەرگە جيىپ ورتەپ جىبەرۋ نەمەسە جەرگە كومىپ تاستاۋ كەرەك...“، - دەپ ەگجەي - تەگجەيلى ءتۇسىندىردى.
”مۇعالىم، مەنىڭ جاڭعاق اعاشتارىمنىڭ ءتۇسىمى از، قايتسەم بولادى؟“، - دەپ اسىعا سۇرادى قىستاق تۇرعىنى روزى امەت.
”3 رەت تىڭايتقىش بەرۋگە، 4 رەت سۋارۋعا كەپىلدىك ەت، جاڭعاق اعاشى گۇلدەگەن كەزدە، ۋىلدىرىق ءتارىزدى اتالىق گۇل شوعىرىنىڭ ％70ىن قىرقىپ تاستا، قالعان ％30ى دە توزاڭدانۋىنا جەتەدى“.”مۇعالىم، ءبىزدىڭ جاڭعاق ەككەن جەرىمىزگە بارىپ كورسەڭىز، الىس ەمەس، وسى ماڭدا“، - دەدى نۇرلامەت ورايدى قولدان بەرمەي.
ايدىنكول قىستاعىنداعى ءبىر جاڭعاق باقشاسىندا تۇنيساگۇل جاڭعاق باقشاسىن ەگجەي - تەگجەيلى بايقاپ كورگەننەن كەيىن، ”اعاشتار ءالى جاس ەكەن، تەك عىلمي باسقارسا، ءونىم جىلدان - جىلعا مولايادى“، - دەپ نۇرلامەتتىڭ كوڭىلىن ورنىقتىردى.
جاۋاپتى ەستىپ نۇرلامەت سوندا دا ات ءۇستى قاراماي، ”وتباسىمداعىلاردىڭ جاپا تارتىپ ىستەگەنىنە دە ۇزاق بولدى، كۇتپەگەن جاعداي تۋىلماسا ەكەن دەپ ويلايمىن“. ول مۇعالىمنان تاعى بارىپ كورۋدى وتىنەدى.
تۇنيساگۇل: ”مەن ساعان حابارلاسۋ تەلەفون ءنومىرىمدى بەرەيىن، كەيىن ۇعىساتىن جۇمىستارىڭ بولسا، ماعان تىكە تەلەفون جالعاساڭ بولدى“، - دەيدى، نۇرلامەت بۇعان توتەنشە قۋاندى.
تۇنيساگۇل قىستاق تۇرعىندارىنا ساباقحانادا عانا ساباق ءوتىپ قالماستان، اتىز باستارىنا بارىپ جەمىس ورمانىنا قاتىستى بىلىمدەردى ۇيرەتۋدى الدەقاشان ادەتىنە اينالدىرعان بولاتىن.
ءسويتىپ، كەش تە باتىپ قالىپتى، تۇنيساگۇل جەمىس ورمانى تەحنيكاسى جونىندەگى ساباعىن اياقتاتىپ، كوپشىلىكپەن قوشتاستى. كەتەرىندە ول: ”اۋىلداستار، مەن قىستاققا كەلىپ تۇرامىن، الدا كەڭەسەتىن ورايىمىز ءالى كوپ“، - دەدى.
”مۇنداي ساباق ءبىز جونىنەن وزگەشە ’جاڭا جىل ساۋعاسى‘ ەسەپتەلەدى. وسىنداي ’ساۋعا‘نىڭ بارعان سايىن كوبەيە بەرۋىن ءۇمىت ەتەمىن!“، - دەدى نۇرلامەت كوتەرىڭكى كوڭىلمەن.
