كوشىپ كەلگەن قىستاق تۇرعىندارى شاتتىققا شومدى
”مەن تۋعاننان بەرى وسى شاعىن تاۋلى قىستاقتامىن، ومىرىمدە وسىنشاما جاقسى ۇيگە كوشەمىن دەپ ەشقاشان ويلاماعان ەدىم“. 1 - ايدىڭ 15 - كۇنى بىلتىر جاڭا ۇيگە كوشىپ كىرگەن تۇرسىنمامۇت امەتنياز قاريا قاعىلىق اۋدانى اقتاش قونىس جاڭالاپ كەدەيلەردى سۇيەمەلدەۋ بويىنشا ورنالاستىرۋ اۋماعىنا (تومەندە قىسقارتىلىپ اقتاش اۋماعى دەلىندى) كوشىپ كەلگەننەن كەيىنگى تۇرمىسىن ايتقاندا، قاباعات قۋاندى، ”بۇل ارا كۇن سايىن وزگەرىپ، كۇن سايىن العا باسىپ بارادى“.
قاھارلى قىس كەزىندە، قاقاعان اياز بەت قاراتپايدى، كۇنلۇن تاۋى بوكتەرىندەگى اقتاش اۋماعىنداعى قىستاق تۇرعىندارىنىڭ جۇزدەرىنەن باقىتتىڭ لەبى ەسەدى.
”بالالار ءۇيدىڭ جانىنداعى باستاۋىش مەكتەپتە وقيدى، شارت - جاعدايى سونداي جاقسى، قازىر تۇرمىسىمىز بارعان سايىن جاقسارىپ بارادى“، - دەدى اقتاش اۋماعىنىڭ قىستاق تۇرعىنى ءيبيبوللا يگەمبەردى.
ءيبيبوللانىڭ ۇيىندەگىلەر بۇرىن قاعىلىق اۋدانى كوكيار اۋىلىنىڭ يگيزيار قىستاعىنداعى ارحيۆ تۇرعىزىلىپ، كارتچكالاندىرىلعان كەدەي وتباسى بولاتىن، ءبىر ۇيدەگى 5 جان 2018 - جىلى 10 - ايدا 5.82 شارشى مەترلىك وسى جاڭا ۇيگە كوشىپ كىرگەن، ۇيگە تابيعي گاز، ەلەكترمەن جىلىتۋ قۇرىلعىسى، سۋ، توك، ءۇي جيھازدارى تۇگەل سايكەستىرىلگەن.
”جاڭا ءۇيدىڭ كىلتىن العان كۇنى تەبىرەنگەنىمنەن تۇنىمەن ۇيىقتاي الماي شىقتىم“، - دەيدى ءيبيبوللا ەسكە الىپ.
كوشۋدەن بۇرىن اقتاش اۋماعىنداعى قىستاق تۇرعىندارىنىڭ كوبى كۇنلۇن تاۋى قويناۋىنداعى شاعىن تاۋلى قىستاقتا تۇراتىن، سۋدى تاسىپ ىشەتىن، تۇرمىستا تابيعاتقا سۇيەنەتىن. تۇرارجايلار وزەنگە جاقىن، تاۋعا تاياۋ سالىنعان، ءار جىلى 6 - ايدان 9 - ايعا دەيىن تاسقىن سۋ مەن لاي كوشكىنى ءجيى تۋىلىپ، ۇيلەردى قيراتىپ، اتىزداردى شايىپ كەتەتىن ...
”ءبىر الاپتىڭ سۋى مەن توپىراعى ءبىر الاپتىڭ ادامىن باعا الماۋ“ ماسەلەسىن تۇبەگەيلى شەشۋ ءۇشىن، 2016 - جىلدان باستاپ، قاعىلىق اۋداندىق پارتكوم مەن اۋداندىق ۇكىمەت اقتاشقا قونىس جاڭالاپ كەدەيلەردى سۇيەمەلدەۋ بويىنشا كوشىرۋ سياقتى نىسانداردى اتقارعان.
قازىر اقتاش اۋماعىنا كوكيار اۋىلى، چيپان اۋىلى، ۇشارباش قالاشىعىنىڭ 3063 وتباسىنداعى 13 مىڭ 395 ادام ورنالاستىرىلىپ، 6 قىستاق تۇرعىندار كوميتەتى قۇرىلدى، بالاباقشا، ەمحانا، قارتتار ءۇيى، قىستاق تۇرعىندارى قيمىل ورتالىعى جانە گۇلباقشا الاڭى سياقتى الەۋمەتتىك قىزمەت وتەۋ قۇرىلعىلارى جاڭادان سالىندى.
قاعىلىق اۋدانى ”كوشىرۋ، ورنىقتىرۋ، جۇمىستاندىرۋ، قامتاماسىز ەتۋ“ تالاپتارى بويىنشا، اقتاش اۋماعىندا كاسىپ سالاسىن كۇش سالا دامىتىپ، ەكونوميكالىق قۇرىلىمدى رەتتەپ، كىرىستى ارتتىرۋ ارناسىن كەڭەيتىپ، كوشىپ كەلگەن بۇقارانىڭ دوڭگەلەك داۋلەتتىلىككە جەتۋ اياق الىسىن جەدەلدەتتى. كوشىپ كەلگەن وتباسىلاردىڭ ورنىقتى جۇمىستانۋىن قامتاماسىزداندىرۋ ءۇشىن، جاڭادان ونەركاسىپ باقشا رايونىن سالدى، 22 زاۆود ۇيىنە شين - اۋتا اياق كيىم كاسىبى شەكتى جاۋاپكەرشىلىك سەرىكتەستىگى، جينرۇيكاڭ ەلەكترون عىلىم - تەحنيكا شەكتى سەرىكتەستىگى، ۋي - يفىڭ كيىم - كەشەك شەكتى جاۋاپكەرشىلىك سەرىكتەستىگى سياقتى 7 كاسىپورىن ىرگە تەپتى، ارحيۆ تۇرعىزىلىپ، كارتچكالاندىرىلعان وتباسىلارداعى 2050 ادام ورنالاستىرىلدى.
ارحيۆ تۇرعىزىلىپ، كارتچكالاندىرىلعان كەدەي اسىمگۇل ابەيدوللا 2018 - جىلى ۇشارباش قالاشىعىنىڭ ءيۇقىرىمالى قىستاعىنان كوشىپ كەلگەن. باسقارۋ كوميتەتىنىڭ كومەگىندە، ول قولعاپ زاۆودىندا جۇمىسقا ورنالاستى، قازىرگى ايلىق كىرىسى 2000 يۋاننان اسادى، كۇيەۋى تاياۋ ماڭداعى اۋىل شارۋاشىلىق ونىمدەرى بازارىندا ساۋدا ىستەيدى، ءبىر ايلىق كىرىسى 3000 نەشە يۋان، 3 بالاسى جەكە - جەكە اۋدان قالاشىعىنداعى مەكتەپ پەن اقتاش اۋماعىنداعى باستاۋىش مەكتەپتە وقيدى، ءبىر ءۇيلى جان باقىتتى تۇرمىس كەشىرىپ جاتىر.
ەگىنشىلىككە ۇيلەسسە ەگىنشىلىكپەن شۇعىلدانۋ، باعىمشىلىققا ۇيلەسسە باعىمشىلىقپەن شۇعىلدانۋ، ونەركاسىپكە ۇيلەسسە ونەركاسىپپەن شۇعىلدانۋ پرينسيبى بويىنشا، ونەركاسىپ باقشاسىندا ءبىر توبىن جۇمىستاندىرۋ نەگىزىندە، اقتاش اۋماعىن باسقارۋ كوميتەتى مال شارۋاشىلىق باعىمشىلىعىمەن ءبىر توبىن شەشىم ەتۋ، قۇرىلعىلى ەگىن شارۋاشىلىعى ەگىنشىلىگىمەن ءبىر توبىن جۇمىستاندىرۋ، ورمان قورعاۋشىلىعىمەن ءبىر توبىن جۇمىستاندىرۋ، الەۋمەتتىك يگىلىك جۇمىس ورنىمەن ءبىر توبىن شەشىم ەتۋ سياقتىلار ارقىلى تاعى 3250 ادامدى جۇمىستاندىرىپ، كوشىپ كەلگەن بۇقارانىڭ ءبىر وتباسىندا كوپ ادام جۇمىستانۋىن جۇزەگە اسىرۋعا قۇلشىندى.
كەزىندە شالعاي تاۋلى وڭىردە وتىرعان كەدەي بۇقارا، بۇل كۇندەرى تاۋ قويناۋىنان شىعىپ، كەدەيلىكتەن ارىلىپ، دوڭگەلەك داۋلەتتىلىككە بەتتەدى.
