جۇڭگو حۋاديان توبى ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى بايقۇرۇت قىستاعىنىڭ كەدەيلەردى سۇيەمەلدەۋ فوتوۆولتتىق ەلەكتر ستانسياسىن سالۋىنا كومەكتەستى
”شۋاق بانكەسى“ قىستاق تۇرعىندارىن باستاپ، اۋقاتتانۋ جولىنا قادام تاستادى
”بۇل قىستاقتى تاۋ قورشاپ تۇرادى، ەگىستىك جەرى از، كاسىپ سالاسى قۋاتتى ەمەس، الايدا بۇل جەرگە كۇن نۇرى جاقسى تۇسەدى، ونىڭ ۇستىنە قۇمدى بورانى از، فوتوۆولتتىق ەلەكتر ستانسياسىن سالۋ ابزالدىلىعى بار، بۇل ۇلى تابيعات سيلاعان بايلىق، اناعۇرلىم ويداعىداي پايدالانۋ كەرەك“. 1 - ايدىڭ 9 - كۇنى جۇڭگو حۋاديان توبى شەكتى سەرىكتەستىگىنىڭ ۇلۇقشات اۋدانىنىڭ بايقۇرۇت اۋىلىنىڭ بايقۇرۇت قىستاعىندا تۇراتىن ءبىرىنشى شۋجيى تان شۋان قىستاق تۇرعىندارى كوميتەتىنىڭ قاقپاسىندا تۇرىپ، تاياۋ ماڭداعى كەدەيلەردى سۇيەمەلدەۋ فوتوۆولتتىق ەلەكتر ستانسياسىن نۇسقاپ تۇرىپ وسىلاي دەدى.
2019 - جىلى 10 - ايدىڭ 31 - كۇنى جۇڭگو حۋاديان توبى شەكتى سەرىكتەستىگى كومەكتەسىپ سالعان بايقۇرۇت قىستاعىنىڭ كەدەيلەردى سۇيەمەلدەۋ 500KW فوتوۆولتتىق ەلەكتر ستانسياسى ءساتتى جەلىگە قوسىلىپ، اينالىمعا ءتۇستى، بۇل مەملەكەتتىڭ ”13 - بەسجىلدىق“تا 2 - توپتا كەدەيلەردى سۇيەمەلدەۋ فوتوۆولتتىق ەلەكتر ستانسياسىنىڭ ىشىندە تۇڭعىش رەت تابىستى تۇردە جەلىگە قوسىلعان ەلەكتر ستانسياسى، سونداي - اق قىزىلسۋ قىرعىز اۆتونوميالى وبلىسىنداعى تۇڭعىش كەدەيلەردى سۇيەمەلدەۋ فوتوۆولتتىق ەلەكتر ستانسياسى.
حالەل يبىراھيم كەزىندە فوتوۆولتتىق ەلەكتر ستانسياسى قۇرىلىسى قوسىنىنىڭ ءبىر مۇشەسى بولاتىن. ”ەلەكتر ستانسياسى سالىنعان كۇننەن باستاپ ءبىزدىڭ كىرىسىمىز ارتا باستادى، قۇرىلىس ورنىنا بارىپ ءبىر كۇن كومەكتەسسەك 250 يۋان تابامىز. ءبىرىنشى شۋجي ايتتى: وسى ەلەكتر ستانسياسىن سالۋدىڭ ءوزى ءبىزدىڭ قىستاقتى ونان ارى جاقسارتىپ، ءبىزدىڭ كىرىسىمىزدى ءتىپتى دە ارتتىرۋ ءۇشىن ەكەن، وسى ەلەكتر ستانسياسىنان تۇسكەن كىرىس ءبىزدىڭ قىستاقتى گۇلدەندىرۋگە، قىستاقتاعى كاسىپ سالالارىنىڭ دامۋىن ىلگەرىلەتۋگە جۇمسالادى“، - دەدى حالەل.
قىستاق تۇرعىندارى ”شۋاق بانكەسى“ دەپ اتاپ كەتكەن كەدەيلەردى سۇيەمەلدەۋ فوتوۆولتتىق ەلەكتر ستانسياسى ءبىر رەت قارجى قوسىپ، ۇزاق ۋاقىت يگىلىگىن كورۋ سياقتى كوپتەگەن ابزالدىلىقتارعا يە، بايقۇرۇت قىستاعىنىڭ دامۋىندا ايرىقشا ءارى ماڭىزدى رول ارقالايدى. تان شۋان بىلاي دەپ تانىستىردى: ەلەكتر ستانسياسىنىڭ جىلدىق ەلەكتر تاراتۋ مولشەرى شامامەن 750 مىڭ كيلوۆات - ساعاتقا جەتىپ، جىلدىق مەجەلى مەرزىمدەگى جالپى كىرىسى 500 − 700 مىڭ يۋانعا جەتەدى، مال - مۇلىك، قاراجات بايقۇرۇت قىستاق كوللەكتيۆىنىڭ مەنشىگىندە بولىپ، بايقۇرۇت قىستاعىنداعى ارحيۆ تۇرعىزىلىپ، كارتچكالاندىرىلعان 100 كەدەي وتباسىنىڭ اربىرەۋىنە جىل سايىن 3000 يۋان كەدەيلەردى سۇيەمەلدەۋ قاراجاتىن بەرۋگە بولادى، قالعان قاراجات قىستاق دارەجەلى الەۋمەتتىك يگىلىك ىستەرى مەن كوللەكتيۆ شارۋاشىلىقتى دامىتۋعا جۇمسالادى.
وسى ”شۋاق بانكەسى“نىڭ قاراجاتىن قايتكەندە جاندى پايدالانۋعا بولادى؟ تان شۋان بىلاي دەپ قارادى: ءسوزسىز، دامۋ ارقىلى سۇيەمەلدەۋدى نەگىز، قارجىمەن سۇيەمەلدەۋدى قوسىمشا ەتۋ كەرەك. وسى كىرىستىڭ ەڭ سوڭىندا يگىلىگىن كورۋشىلەر تۇگەلدەي قىستاق تۇرعىندارى بولادى، الايدا وسى اقشاعا قول جەتكىزۋ ءۇشىن نەداۋىر ەڭبەك ەتۋ كەرەك، كەدەيلەردى سۇيەمدەلدەۋ ەلەكتر ستانسياسىنىڭ كىرىسى ەڭبەك جالاقىسى تاسىمالمەن قىستاق تۇرعىندارىنا تاراتىلادى.
”قىستاق تۇرعىندارىنىڭ ەڭبەك ارقىلى تۇراقتى كىرىسكە قول جەتكىزۋىنە مۇمكىندىك جاساعاندا عانا، كەدەيلىكتەن ارىلتۋ ناتيجەسىن اناعۇرلىم بەكەمدەۋگە، كەدەيلىكتەن ورنىقتى تۇردە ارىلۋدى، قايتالاي كەدەيلەسپەۋدى ورىنداۋعا بولادى. ءبىز قىستاقتاعى الەۋمەتتىك يگىلىك جۇمىس ورنىن قۇرۋدى اقىلداسىپ جاتىرمىز، 5 الەۋمەتتىك يگىلىك جۇمىس ورنى تۇراقتاندىرىلىپ بولدى، كەيىن تاعى اناعۇرلىم كوپ الەۋمەتتىك يگىلىك جۇمىس ورنىن قوسامىز“، - دەدى تان شۋان.
تاياۋ ءبىر مەزگىلدەن بەرى، بايقۇرۇت قىستاعىنىڭ قىستاق كادرلارى مەن ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتىنىڭ اشقان جيىن مازمۇندارى تۇگەلدەي فوتوۆولتتىق ەلەكتر ستانسياسىنان تۇسەتىن كىرىستەن قايتكەندە ويداعىداي پايدالانىپ، قىستاقتاعى ءتۇرلى دامۋعا اناعۇرلىم كوپ قوزعاۋشى كۇش ۇستەۋگە بولاتىندىعىن تالقىلاۋ اياسىندا بولدى. قىستاق تۇرعىندارىنىڭ نەگىزگى كىرىس قاينارىنىڭ باعىمشىلىق ەكەنىن ەسكەرىپ، كەلەسى قادامدا بايقۇرۇت قىستاعى باعىمشىلىق كاسىبىن دامىتۋدى ۇزدىكسىز ىلگەرىلەتىپ، سەلبەستىك كووپەراتيۆىن دامىتۋدى قولداپ، ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتى، شينجياڭعا كومەكتەسۋ كۇشتەرى سياقتىلار ارقىلى ونىمدەرىنىڭ ساتىلۋ ارناسىن كەڭەيتەدى، ەڭ ماڭىزدىسى، سيىر، قوي ەتى ونىمدەرىنىڭ ساپاسىن جوعارىلاتۋعا كۇش سالىپ، ونىمدەردىڭ ساپاسىن جوعارىلاتۋ ارقىلى كىرىستى ارتتىرۋدى جەتەكتەيدى.
ءداستۇرلى ابزالدىلىققا يە كاسىپ سالالارىنان تىس، بايقۇرۇت قىستاعى تاعى ەگىنشىلىك كاسىبىن دامىتۋ تەبىنىن ارتتىرادى. ”ۇلۇقشات اۋدانىندا ەگىستىك جەر سالىستىرمالى تۇردە كەمشىل بولعاندىقتان، كوكونىستىڭ، جەمىستىڭ دەنى اۋدان سىرتىنان اكەلىنەدى، بايقۇرۇت قىستاعىنىڭ جاعراپيالىق ورتاسىنىڭ ەگىنشىلىك كاسىبىن دامىتۋعا ءبىرشاما ۇيلەسەتىندىگىن ەسكەرىپ، بيىل ءبىز ەگىنشىلىك ماماندارىن قىستاق تۇرعىندارىنا ەگىنشىلىك تەحنيكاسىن ۇيرەتۋگە ۇسىنىس ەتكەلى وتىرمىز، تاعى قىستاق ىشىندە كاسىپ سالاسى جەتەكشىلەرىن تاڭداپ قىستاق تۇرعىندارىنىڭ ەگىنشىلىككە بولعان قىزۋ ىنتاسىن قوزعاپ، قىستاق تۇرعىندارىنىڭ وزدەرى ەككەن ءتۇرلى كوكونىستەردى جەي الۋىنا، سونداي - اق وسى ارقىلى كىرىستى ارتتىرۋ ارناسىن كەڭەيتۋىنە مۇمكىندىك جاساۋدى ءۇمىت ەتەمىز“، - دەدى تان شۋان تانىستىرىپ.
