تومەنگى مەكىت قىستاعىنىڭ داستارقانىندا ”باعالى ونىمدەر“ كوبەيدى

日期:2020年01月10日
来源:新疆日报
【字体:

  قاھارمان ياسىن ساڭىراۋقۇلاق جىلىجايىندا ساڭىراۋ قۇلاق ۇزۋدە (سۋرەت 1 - ايدىڭ 8 - كۇنى تۇسىرىلگەن). 

1 - ايدىڭ 8 - كۇنى تۇستەن بۇرىن كۇن ساۋلەسى ءۇشتۇرپان اۋدانى العا قالاشىعى تومەنگى مەكىت قىستاعىنىڭ ساڭىراۋقۇلاق جىلىجايىنا تۇسكەن كەزدە، قاھارمان ياسىن سياقتى 10 نەشە جاس جىلىجاي جامىلشىسىن اشىپ، سۋ ءسىڭىپ تۇرعان كوك كەرپىشتەردى باسىپ، ساڭىراۋقۇلاق تاياقشالارى سورەسىنەن ساڭىراۋقۇلاق ۇزە باستادى.

”قازىر قىستاعىمىزدا قارا ساڭىراۋقۇلاق، جالپاققۇلاق، جۇپارقۇلاق، باعالى ساڭىراۋقۇلاق، كىرپىقۇلاق، عۇمىر ۇزارتقىش ساڭىراۋقۇلاق سياقتى 8 ءتۇرلى ساڭىراۋقۇلاق جەتىستىرىلدى. كوكتەم مەرەكەسى تاياپ قالدى، ءۇشتۇرپان اۋدانى مەن اقسۋ قالاسىنداعى ەرەن بازارلار، قوناقجايلار، اسحانالار، كوكونىس دۇكەندەرى ارت - ارتىنان تاپسىرىس بەرىپ جاتىر، قاجەتتى قامداي الماي جاتىرمىز دەسەك بولادى“، - دەيدى قاھارمان ماقتانىشپەن.

بۇرىن قىستاقتىڭ قاتىناسى مەن ينفورماتسيانىڭ تۇيىقتىعىن ويلاسىپ، قىستاق تۇرعىندارى جازدا بىرنەشە ءتۇرلى ۇنەمى تۇتىناتىن كوكونىس قانا ەگەتىن، قىستا بازاردان بىرنەشە ءتۇرلى قىستىق كوكونىس ساتىپ الاتىن، ال قازىر ”باعالى ساڭىراۋقۇلاق“قا تولى ازىق - تۇلىك بازاسىنا اينالدى. قاھارمان كەۋدەسىن قاعىپ، قاراساڭىراۋقۇلاق كاسىبىن جەتىلدىرۋ باقشاسىنىڭ جاۋاپتىسى ياڭ حايتاۋعا: ”2019 - جىلى سەندەر سىناق رەتىندە ەگىپ تابىستى بولعان ساڭىراۋقۇلاقتى مەن تەحنيكانىڭ ءبارىن ۇيرەنىپ الىپ، بولاشاقتا جىلىجايدى كوتەرمەگە الىپ ءوزىم ەگەمىن“، - دەدى.

قاھارمان ءاسىلى كەدەي وتباسىنان، 2017 - جىلدان بۇرىن ول ”ءبىر مۋلىق باقشا، ون مۋلىق اتىز“ ءتاسىلى ارقىلى كەدەيلىكتەن ارىلۋدى، بايۋ جولىنا ءتۇسۋدى سىناپ كورگەن بولاتىن، ءبىراق نەنى ەكسە اقشا تابا الاتىندىعىن بىلە الماعان ەدى. 2017 - جىلى اۆتونوميالى رايوندىق پارتكوم ۇيىمداستىرۋ ءبولىمىنىڭ، قارت كادرلار مەكەمەسىنىڭ ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتى كەلگەننەن كەيىن، ورمان اراسىنا قارا ساڭىراۋقۇلاق ەگۋ نىسانىن كىرگىزىپ، قارا ساڭىراقۇلاق تاياقشاسى زاۆودىن سالدى، قاھارمان سياقتى كەدەي وتباسىلارى ساڭىراۋقۇلاق تاياقشاسىنان جانە قارا ساڭىراۋقۇلاق ەگۋ كۋرسىنا تەگىن قاتىناسۋدان، سايكەستى قۇرىلعىلاردان يگىلىكتەنىپ، سول جىلى كىرىستەرىن 9000 يۋان ارتتىردى.

”2018 - جىلى مەن، ءبىر جاعىنان، ۇيدە قارا ساڭىراۋقۇلاق ەكتىم، ءبىر جاعىنان، قارا ساڭىراۋقۇلاق كاسىبىن جەتىلدىرۋ باقشاسىندا جۇمىس ىستەدىم، وتباسىمىز كەدەيلىكتەن ارىلدى؛ 2019 - جىلى كەدەيلىكتەن ارىلعان وتباسى بولسام دا ساڭىراۋقۇلاق تاياقشاسى قوسىمشا قاراجاتىنان يگىلىكتەنىپ، قارا ساڭىراۋقۇلاق ەگۋدەن تاپقان كىرىسىم 14 مىڭ يۋانعا جەتتى“، - دەدى قاھارمان. جاقىندا تۋىسى سادىر تۇرعۇن ونىڭ ۇيىنە كەلىپ قوناق بولعاندا، ونىڭ ساڭىراۋقۇلاق قۋىرماشتارىنا تولى مول داستارقانىن، ءۇيىنىڭ ساڭىراۋقۇلاق ەگۋ ارقىلى بايۋ جولىنا تۇسكەندىگىن كورىپ قاتتى ءسۇيىنىپ، ونان ساڭىراۋقۇلاق ەگۋ تەحنيكاسىن ۇيرەتۋىن وتىنەدى.

اۆتونوميالى رايوندىق پارتكوم ۇيىمداستىرۋ ءبولىمىنىڭ، قارت كادرلار مەكەمەسىنىڭ تومەنگى مەكىت قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجيى لي كىچيۇڭ بىلاي دەپ تانىستىردى: قارا ساڭىراۋقۇلاقتى ەگۋدى جالپى بەتتىك جالپىلاستىرعاننان كەيىن، بۇل قىستاقتىڭ تۇرعىندارى دەرلىك كىرىستەرىن 10 مىڭ يۋاننان استام ارتتىردى، سونداي - اق كورشىلەس اۋىل - قىستاقتارداعى 600 نەشە وتباسىنداعى بۇقارانى قارا ساڭىراۋقۇلاق ەگۋگە باستادى. قىستاق قارا ساڭىراۋقۇلاقتى ورگانيكالى ءونىم كۋالاندىرۋىنا ءوتىنىش ەتۋمەن بىرگە، ءونىم مولشەرى 2017 - جىلعى 5 − 6 توننادان ارتىپ، 2019 - جىلى 60 تونناعا جەتتى.

اقسۋ ايماعىندا قارا ساڭىراۋقۇلاق ەگۋ كولەمىنىڭ 10 ميلليون تاياقشاعا جەتكەندىگىن ويلاستىرىپ، ىرگەلەس ايماقتار دا ەكتى. كاسىپ تىزبەگىن ۇزارتۋ، قىستاق تۇرعىندارىنىڭ كىرىس اياسىن كەڭەيتۋ ءۇشىن، 2019 - جىلى قىس كىرۋدەن بۇرىن تومەنگى مەكىت قىستاعى ساڭىراۋقۇلاقتىڭ ساپالى تۇقىمىن جەتىلدىرەتىن جانە وسىرەتىن اناعۇرلىم كوپ تەحنيكتەردى ۇسىنىس ەتۋدى باستاپ، ءبىر جاعىنان، جاڭا تۇقىم جەتىلدىرسە، ءبىر جاعىنان، جاڭا تەحنيكانى ۇيرەتتى.

قىستاق تۇرعىندارىنىڭ ساڭىراۋقۇلاقتىڭ جاڭا تۇقىمىن ەگۋدى سىناق ەتۋ بەلسەندىلىگى ەرەكشە جوعارى، قاھارمان سياقتى جاستار قارا ساڭىراۋقۇلاق كاسىبىن جەتىلدىرۋ باقشاسىنان كوتەرمەگە العان جىلىجايدا ءبىر جاعىنان ۇيرەنىپ، ءبىر جاعىنان جۇمىس ىستەپ، اي سايىن 2500 يۋان ەڭبەكاقى الادى. اۋىلعا قايتقان ستۋدەنت سامەت تۇرسىن ءبىر ۇلكەن جىلىجايدى كوتەرمەگە الىپ، جەتىلدىرۋ باقشاسىنىڭ جاڭا تۇقىم جالپاققۇلاق پەن باعالى ساڭىراۋقۇلاق ەگۋىنە، باعىپ - باسقارۋىنا كومەكتەسىپ، ايلىق كىرىسىن 6000 يۋانعا جەتكىزدى.

”بۇگىن مەن جاڭا عانا جالپاققۇلاقتى ءۇزىپ الدىم، زات جەتكىزۋشى اۋدان قالاشىعىنداعى جينچياۋ ەرەن بازارى سياقتى قاريدارلارعا جەتكىزىپ بەرەدى. قازىر ءار كۇنى ساڭىراۋقۇلاق ۇزەمىز، ءار كۇنى دەرلىك اقشا تابامىز“، - دەدى سامەت.