ايكۇلشە جاساۋ زاۆودىنداعى باقىتتى ىستەر
2019 - جىلى 12 - ايدىڭ 27 - كۇنى تۇستەن كەيىن حوتان قالاسى ءىلچى اۋىلى شولاق قىستاعىنا ورنالاسقان يرحون ازىق - تۇلىك زاۆودىنىڭ ساتۋ ءبولىمى، جارقىراعان تەرەزەدەن تۇسكەن كۇن ساۋلەسى ساتۋشى يپارگۇل نۇرمامەتتىڭ دەنەسىنە توگىلىپ تۇر، ول ءبىر اپتالىق تاپسىرىستاردى مۇقيات ەستەلىككە الۋدا ەدى. اياق دىبىسىن ەستي سالا قارسى الا شىققان ول تىلشىگە: ”ءبىز وندىرگەن ايكۇلشەگە تابيعي روزا گۇلى سىرنەسى، ۇلكەن جاڭعاق ىستەتىلەدى، ءدامى ءتىل ۇيىرەدى...“ دەپ تانىستىرا باستادى.
كەزىندە يپارگۇل بەيتانىس ادامدى كورسە بولدى بوي تاسالاپ، جاسقاناتىن وتباسى ايەلى بولاتىن، ال بۇگىنگى كۇندە ونىڭ ىشكى جان دۇنيەسىنەن سىرتقى بولمىسىنا دەيىن جاڭا وزگەرىستەر تۋىلدى: زاماناۋي ۇلگىدە كيىندى، ادەمى ساندەندى، ءسوزى بايسالدى بولىپ، جۇمىستى جۇيەلى ىستەدى. مۇنداي زور وزگەرىس تەك يپارگۇلدە عانا ەمەس، ازىق - تۇلىك زاۆودىندا بىرگە قىزمەت ىستەيتىن 17 اپەكەلى - سىڭلىدە بىردەي بار ەدى.
بۇل وزگەرىستەردى اۆتونوميالى رايوندىق شۇعىل جاعدايلارعا توتەپ بەرۋ - باسقارۋ مەڭگەرمەسىنىڭ شولاق قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى جانە ايگۇل ءيۇسىپتىڭ قىستاقتا جاڭادان سالعان يرحون ازىق - تۇلىك زاۆودى الا كەلگەن ەدى.
بيىل 47 جاستاعى ايگۇل تىنىم تاپپايتىن جان، بۇرىندارى قۇمىل سياقتى جەرلەردە ساۋدا - ساتتىق ىستەگەن. 3 جىلدىڭ الدىندا ول حوتانعا كەلىپ، بۇل جەردىڭ روزا گۇلى، جاڭعاعى، ۇن ءبار - ءبارى دە ەرەكشە جاقسى ازىق - تۇلىك ماتەريالى ەكەنىن بايقايدى. ”بۇل ازىق - تۇلىك ماتەريالدارى ەڭ جوعارى دارەجەدە تابيعي ءنارىن، تابيعي ءدامىن ساقتاعان، نە ءۇشىن وسى جەردىڭ وزىنەن ماتەريال جيناپ ايكۇلشە جاساماسقا؟“ دەگەن وي تۇيەدى ايگۇل.
ساۋدا ورايىن بايقاعاننان كەيىن ايگۇل توتەنشە تەبىرەنەدى، دەرەۋ اۆتونوميالى رايوندىق توتەنشە جاعدايلاردى مەڭگەرۋ - باسقارۋ مەڭگەرمەسىنىڭ حوتان قالاسىنىڭ ءىلچى اۋىلى شولاق قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجيى شي ۋىنحايمەن حابارلاسادى. ”قىستاقتاعى ءىشىنارا ايەلدەر ۇيىندە بالالارىنا نەمەسە قارتتارعا قارايلاسادى، سىرتقا شىعىپ جۇمىس ىستەۋى ءبىرشاما قيىنعا سوعادى، ەگەردە يرحون ازىق - تۇلىك زاۆودى قىستاقتا قۇرىلاتىن بولسا، وسى اۋىل - قىستاق ايەلدەرى ءۇشىن قىسىلعاندا قارايلاسقاندىق بولار ەدى“، - دەدى شي ۋىنحاي.
قىستاقتا تۇراتىن قىزمەت اترەتىنىڭ قولداۋىنا يە بولۋ ايگۇلدىڭ سەنىمىن بەكەمدەي تۇسەدى. سونان كەيىن ول ءار كۇنى قۇرىلىس ورنىندا جۇمىسشىلارمەن اقىلداسىپ، زاۆود ءۇيىن جوبالاپ، جايعاستىرۋعا قاتىسادى، ۇزاق وتپەي - اق جاپ - جاڭا زاۆود ءۇيى شولاق قىستاعىندا بوي كوتەرەدى.
2019 - جىلى 1 - ايدا ءتۇرلى ازىق - تۇلىك جاساۋ جابدىقتارىنىڭ ىركەس - تىركەس اكەلىنۋىنە ساي، شولاق قىستاعىنداعى كەدەي وتباسىنداعى 18 اپەكەلى - ءسىڭلى ازىق - تۇلىك مانەرلەۋ زاۆودىنا كەلەدى، باۋلۋ ارقىلى ولار تەز ارادا ايكۇلشە جاساۋ ونەرىن يگەرىپ الدى.
ايگۇل بىلاي دەدى: كوپشىلىكپەن ارالاسا كەلە مەن اپەكە - سىڭلىلەردىڭ سۇلۋلىققا قۇشتار ەكەنىن، جاڭا دۇنيەلەردى ۇناتاتىنىن بايقادىم.
”ەڭ اۋەلى، ولاردى سىرتقى تۇلعاسىنان باستاپ وزگەرتىپ، ولاردى قىزمەتتى جانە تۇرمىستى سۇيۋگە ىنتالاندىرۋ كەرەك“. وسى ويدىڭ جەتەگىندە ايگۇل ۇنەمى ءوز جانىنان اقشا شىعارىپ، اپەكە - سىڭلىلەرىمەن بىرگە تاماق ءىشىپ، سۇيىسپەنشىلىك توعىستىردى، ءاردايىم كەلەسى باس قوسۋدىڭ كەزەگىن جۇمسشىلاردىڭ ۇيىنە ورنالاستىرىپ، ىشكەرىلەي ارالاسۋ ارقىلى كوپشىلىككە ءوزىن جاساپ ساندەي ءبىلۋدى ۇيرەتەدى، ولارعا وتباسى كىرىس - شىعىسىن ورنالاستىرۋدى ۇيرەتەدى، ول كەيدە ءتىپتى اپەكە - سىڭلىلەرىنە جاڭا كيىم دە الىپ بەرەدى.
”بۇرىن قىزمەتىم، كىرىسىم جوق بولاتىن، ءوزىمدى وزگەدەن قور سانايتىنمىن، قازىر قىزمەتىم بار ءارى كوپتەگەن جاڭا بىلىمدەردى ۇيرەندىم، قازىر مەن سەح مەڭگەرۋشىسىنە اينالدىم“. بۇرىنعى كەدەي وتباسى سۇلتانگۇل وشىرنياز بۇل كۇندەرى اي سايىن 3000 يۋان ەڭبەكاقى الادى.
بۇل كۇندەرى، ازىق - تۇلىك زاۆودىنىڭ ايكۇلشە ساتىلىم مولشەرى 3 ميلليون يۋاننان استى، ونىمدەرى ءۇرىمجى جانە شاڭحاي سياقتى جەرلەرگە دەيىن ساتىلۋدا. ساتىلىم مولشەرىنىڭ ارتۋىنا ىلەسە، اپەكە - سىڭلىلەردىڭ ارىنى بارعان سايىن تاسقىندادى، كوپشىلىك ءوز قىزمەتتەرىن ويداعىداي ىستەۋمەن بىرگە، زاۆودتىڭ دامۋى جونىندە بەلسەندىلىكپەن اقىل - كەڭەس بەردى.
يپارگۇلدىڭ قاراۋىنشا، قازىر ءدارى شاي اسا ءوتىمدى، ول زاۆود ءۇيىن جەتە پايدالانىپ، كەلەر جىلى ءدارى شاي نىسانىن قوسۋدى ۇسىنىس ەتسە؛ ايكۇلشە جاساۋشى الينۇر مامەت ايكۇلشەنىڭ ءتۇرىن كوبەيتۋدى ۇسىنىس ەتتى. ”قازىر كوپشىلىكتىڭ ويى بارعان سايىن ۇشقىر بولىپ بارادى، ۇنەمى ماعان بىرقىدىرۋ تارتىمدى ۇسىنىستار قويادى، ءدارى شاي زاۆودىن قۇرۋ ۇسىنىسى تاماشا، مەن قىزمەت اترەتىمەن اقىلداسقاننان كەيىن، ورىنداۋعا كىرىسۋدى ويلاستىرىپ وتىرمىن. ايكۇلشەنىڭ ءتۇرىن كوبەيتۋدى ايتساق مەن الدەقاشان جاڭا قالىپ جاساۋدى بۇيىرتىپ قويدىم، زات كەلگەننەن كەيىن دەرەۋ سىناق رەتىندە وندىرۋگە كىرىسەمىز“، - دەدى ايگۇل بەرىك سەنىممەن.
