”مىڭ كاسىپورىننىڭ مىڭ قىستاققا كومەكتەسۋى“ بويىنشا كۇش - قۋاتتى كەدەيلەردى دالمە - ءدال سۇيەمەلدەۋگە شوعىرلاندىردى

日期:2019年12月31日
来源:新疆日报
【字体:

جۇپ قۇراپ كومەكتەسىپ سۇيەمەلدەدى، كاسىپ سالاسىن دامىتتى، جۇمىستانۋعا باۋرادى

”مىڭ كاسىپورىننىڭ مىڭ قىستاققا كومەكتەسۋى“ بويىنشا كۇش - قۋاتتى كەدەيلەردى دالمە - ءدال سۇيەمەلدەۋگە شوعىرلاندىردى

 اۆتونوميالى رايوندىق ساۋدا - ونەركاسىپشىلەر بىرلەستىگىنەن (باس ساۋدا قوعامى) ۇعىسۋعا قاراعاندا، ”مىڭ كاسىپورىننىڭ مىڭ قىستاققا كومەكتەسۋى“ بويىنشا كەدەيلەردى دالمە - ءدال سۇيەمەلدەۋ قيمىلى ورىستەتىلگەننەن قازىرگە دەيىن، رايونىمىزدان جالپى 1274 كاسىپورىن بۇعان ات سالىسىپ، جالپى 1308 قىستاققا كومەكتەسىپ - سۇيەمەلدەپ، كاسىپ سالاسى ارقىلى كومەكتەسۋ - سۇيەمەلدەۋ بويىنشا ءبىر ميلليارد 954 ميلليون يۋان قارجى قوسىپ، 9469 ادامنىڭ جۇمىستانۋىن شەشىپ، كومەكتەسۋ - سۇيەمەلدەۋ بويىنشا 195 ميلليون يۋان الەۋمەتتىك جىلۋ اتاعان.

2016 - جىلدان بەرى رايونىمىز جالپىلىق مەنشىككە جاتپايتىن كاسىپورىنداردى ”مىڭ كاسىپورىننىڭ مىڭ قىستاققا كومەكتەسۋى“ بويىنشا كەدەيلەردى دالمە - ءدال سۇيەمەلدەۋ قيمىلىن ورىستەتۋگە ءۇرتىس ۇيىمداستىرىپ، ءتۇرلى حالىقتىق كاسىپورىنداردى جانە ساۋدا قوعامدارىن جەر - جەردەگى اۋىر كەدەي قىستاقتارمەن كەلىسىم جاساسىپ جۇپ قۇراۋعا جەتەكتەپ، جۇمىستاندىرۋعا باۋراۋ، ەرەكشە كاسىپ سالاسىن تۇلعالاۋ سياقتى بىرگە قۇرۋ ءتاسىلى ارقىلى ارحيۆ تۇرعىزىلىپ، كارتچكالاندىرىلعان كەدەيلەردىڭ كەدەيلىكتەن ارىلۋىنا كۇش ۇستەدى.

”قويىمنىڭ بارلىعىن اماناتتامالى باعىمشىلىقتان ۇلگى كورسەتۋ بازاسىنا اپاردىم، ءار جىلى تاعى تابىس بولىسەمىن، قازىر مەن اۋدانداعى بايپاق توقۋ زاۆودىندا الاڭسىز قىزمەت ىستەي الاتىن بولدىم“، - دەدى 12 - ايدىڭ 30 - كۇنى كەلپىن اۋدانى گەزلىك قالاشىعى سۋباسى قىستاعىنىڭ تۇرعىنى راحمان امەت تەلەفوندا تىلشىمەن سويلەسكەندە. راحماننىڭ ايتقان اماناتتامالى باعىمشىلىقتان ۇلگى كورسەتۋ بازاسى شينجياڭ كەلپىن شيياڭياڭ ەگىن، مال شارۋاشىلىق عىلىم - تەحنيكا شەكتى سەرىكتەستىگى قۇرعان ”سەرىكتەستىك ءوسىرۋ + بازا بۋدانداستىرۋ + شارۋالار بورداقىلاۋ + كاسىپورىن ساتۋ“ جاڭاشا مال شارۋاشىلىق كاسىپ سالاسىن دامىتۋ بازاسى، بۇل سەرىكتەستىك كەدەيلەرمەن اماناتتامالى باعۋ كەلىسىمىنە قول قويۋ ارقىلى كەدەي وتباسىلارىنىڭ قويىن شوعىرلى باعادى، اماناتتالعاننان كەيىن ءار جىلى ءار قويدان %10تىك سالىستىرما بويىنشا كەدەي وتباسىلارىنا تابىس ۇلەستىرىلەدى. بيىل 10 - ايدا بۇل سەرىكتەستىك ”مىڭ كاسىپورىننىڭ مىڭ قىستاققا كومەكتەسۋى“ بويىنشا كەدەيلەردى دالمە - ءدال سۇيەمەلدەۋ ارەكەتىندەگى مەملەكەتتىك وزات حالىقتىق كاسىپورىن بولىپ باعالاندى.

قازىر حالىقتىق كاسىپورىنداردىڭ كومەكتەسۋ - سۇيەمەلدەۋ ءتاسىلى بارعان سايىن كوبەيە باستادى، نىسانعا قارجى قوسۋدى، جۇمىسقا ورنالاستىرۋدى، اقشالاي، زاتتاي جىلۋ بەرۋدى باستى فورما ەتۋدەن كەدەيلەردى سۇيەمەلدەۋ سەحى، وقۋ - اعارتۋ ارقىلى كەدەيلەردى سۇيەمەلدەۋ، سالاماتتىق جاقتان كەدەيلەردى سۇيەمەلدەۋ، تۇتىنۋ ارقىلى كەدەيلەردى سۇيەمەلدەۋ سياقتى جاڭا ۇلگىگە، جاڭا كاسىپ فورماسىنا دەيىن دامىدى، سونداي - اق بارعان سايىن دالمە - ءدال بولا ءتۇستى.

ەرەكشە ترانسفورماتور جارنا شەكتى سەرىكتەستىگى كاسىپ سالاسى ارقىلى كەدەيلەردى دالمە - ءدال سۇيەمەلدەۋ ارقىلى حوتان قالاسى يۇرۇڭقاش قالاشىعى التىلا قىستاعى مەن قىرقارىق قىستاعىنىڭ ”قان جاساۋ“ يقۋاتىن كۇشەيتۋىنە كومەكتەستى ءارى 10 ميلليون يۋان جۇمساپ، ”ەرەكشە ترانسفورماتور حوتان كەدەيلەردى دالمە - ءدال سۇيەمەلدەۋ، كاسىپ سالاسى ارقىلى كەدەيلەردى سۇيەمەلدەۋ قورىن“ قۇرىپ، جۇمىستاندىراتىن ادام سانى كوپ، جەتەكتەۋ قۋاتى كۇشتى، كەدەيلىكتەن ارىلتۋ ونىمدىلىگى جاقسى نىسانداردى باۋراۋعا قولداۋ كورسەتىپ، قور ۇسىنىلىمى تابىسىن كومەكتەسۋ - سۇيەمەلدەۋگە جۇمساۋ ارقىلى كەدەيلەردىڭ تۇرمىسىن جاقسارتىپ، تۇرمىس ساپاسىن جوعارىلاتتى. قازىرگە دەيىن، 350 مىڭ يۋاندىق تابىس ۇلەسى ۇلەستىرىلدى، 250 وتباسى يگىلىككە كەنەلدى، ادام باسىنا شاققاندا، 1400 يۋان كىرىس ارتتى، 2019 - جىلدىڭ سوڭىنداعى تابىس ۇلەسى 600 نەشە مىڭ يۋانعا جەتتى.

بۇدان كەيىن، رايونىمىز حالىقتىق كاسىپورىنداردىڭ ”مىڭ كاسىپورىننىڭ مىڭ قىستاققا كومەكتەسۋى“ بويىنشا كەدەيلەردى دالمە - ءدال سۇيەمەلدەۋ قيمىلىن ۇزدىكسىز تەرەڭدەتىپ، حالىقتىق شارۋاشىلىق بايلىعىن جابال جۇمىلدىرىپ، كاسىپ سالاسى ارقىلى كەدەيلەردى سۇيەمەلدەۋ، جۇمىستاندىرۋ ارقىلى كەدەيلەردى سۇيەمەلدەۋ، الەۋمەتتىك يگىلىك ارقىلى كەدەيلەردى سۇيەمەلدەۋ، تۇتىنۋ ارقىلى كەدەيلەردى سۇيەمەلدەۋ سياقتى فورمالار ارقىلى باسقارۋ، تەحنيكا، ينفورماتسيا، دارىندى، قارجى سياقتى باسىمدىقتاردى تولىق ساۋلەلەندىرىپ، كەدەيلىكتەن ارىلتۋدان قامال الۋعا جانە جاڭاشا اۋىل - قىستاق قۇرىلىسىنا بەلسەنە ات سالىسادى. اۆتونوميالى رايوندىق ساۋدا - ونەركاسىپشىلەر بىرلەستىگى تاعى مەملەكەتتىك ساۋدا - ونەركاسىپشىلەر بىرلەستىگىنىڭ بۇكىل ەلدەگى ايگىلى حالىقتىق كاسىپورىنداردى وڭتۇستىك شينجياڭداعى اۋىر كەدەي وڭىرلەردىڭ كەدەيلىكتەن ارىلتۋدان قامال الۋىنا ات سالىسۋعا ۇيىمداستىرۋىمەن، جۇمىلدىرۋىمەن بەلسەنە ۇشتاستىرىپ، وعان قول جەتكىزىپ، 2019 - جىلعى ”حالىقتىق كاسىپورىنداردىڭ شينجياڭ ساپارى“ قيمىلىنا ىلەسە قىزمەت وتەپ، نىسانداردىڭ تياناقتانۋىنا جانە كاسىپورىنداردىڭ دامۋىنا ساياساتتىق ۇگىت - لەكسيا جاساۋ جانە قىزمەت وتەۋدى سايكەستىرۋ قىزمەتىن ويداعىداي ىستەيدى.