كۇرەس جاساۋ ارقىلى باياندى باقىتقا قول جەتكىزدى
مارالباسى اۋدانىنداعى كەدەيلىكتەن ارىلتۋدان قامال الۋ جونىندە 3 كۇندىك تەكسەرۋ - زەرتتەۋ بارىسىندا ءبىز ءار كۇنى اسەرلەنۋمەن بولدىق.
وسى اۋداننىڭ مارالباسى قالاشىعى شيڭفۋيۋان الەۋمەتتىك اۋماعىنا ارحيۆ تۇرعىزىلىپ كارتچكالاندىرىلعان 813 وتباسىنان 3435 كەدەي ورنالاستىرىلعان. بۇل كەدەي وتباسىلارى اۋىل - قىستاقتان اۋدان قالاشىعىنا كوشىپ، توپىراق ۇيدەن عيمارات ۇيگە كىرىپ، قالاداعىلارمەن بىردەي تۇرمىس كەشىرە باستادى.
ساربۇيا قالاشىعى بوزارىق قىستاعىندا، بۇرىنعى توپىراق داۋال، تام ۇيلەر كوزدەن عايىپ بولدى، ولاردىڭ ورنىنا اقتالعان شىت جاڭا تاس كەرپىش ۇيلەر سالىندى.
شۇڭقىرشاق اۋىلى اقتوعىراق قىستاعىندا جەردى اينالىمعا سالۋدان كىرىس تاپقان شارۋالار تىلشىمەن وزدەرىنىڭ شاتتىعىن ءبولىستى...
ولاردىڭ كوڭىلدەرى العىسقا تولۋمەن بىرگە، كەدەيلىكتەن ارىلۋ سەنىمى دە ارتا ءتۇستى. پارتياعا العىس ايتۋ، پارتيانىڭ سوزىنە قۇلاق اسۋ، پارتياعا ىلەسۋ ولاردىڭ كوڭىلىنە تەرەڭ تامىر تارتقان نانىمعا اينالدى.
باقىت كۇرەستەن كەلەدى. كەدەيلىكتەن ارىلتۋدان قامال الۋ بارىسى كەدەي وتباسىلاردىڭ ىشكى قوزعاۋشى كۇشىن قاۋلاتۋ بارىسى. كەزىندە، كەيبىر كەدەي وتباسىلار جاقسى تۇرمىس كەشىرە الاتىنىنا سەنبەيتىن، ويلاۋعا دا باتىلى بارمايتىن، بىلەك سىبانىپ ىسكە كىرىسۋگە ءتىپتى دە باتىلدىق ەتپەيتىن؛ قازىر ءتىپتى دە كوپ كەدەي وتباسىلار قاراپ وتىرۋ، يەك سۇيەۋ، الاقان جايۋ يدەياسىنان ارىلىپ، ءوزىنىڭ قاجىرلى ەڭبەگى مەن ماڭداي تەرىنە سۇيەنىپ كەدەيلىكتەن ارىلىپ، ەڭسەسى كوتەرىلىپ، سەنىمى نىعايدى، رۋحاني بەت - بەينەسى دە جاقساردى.
پارتيانىڭ پارمەندى باسشىلىعىندا، مارالباسى اۋدانىنداعى ءار ۇلت كادرلارى مەن بۇقارا، جوعارى مەن تومەن ءبىر نيەتتە بولىپ، ەل بىرلىگىنەن قامال ورناتىپ، كەدەيلىكتەن ارىلۋ جولىندا نىق قادامدار باسىپ، كۇرەس جاساۋ ارقىلى باياندى باقىتقا قول جەتكىزۋدە.
