سىرتقى كۇشتەن جاقسى پايدالانىپ، ىشكى كۇشتى جانداندىرىپ، بىرىككەن كۇش قالىپتاستىرايىق
ءۇشتۇرپان اۋدانى شەكاراداعى قالاشىق ءارى اراساندى قالاشىق. وسى رەت تەكسەرىپ - زەرتتەۋ جۇرگىزگەندە ءبىز قاينارى سارقىلمايتىن اراسان سۋىنىڭ وسىناۋ توپىراقتى قۇنارلاندىرىپ جاتقاندىعىن كوزىمىزبەن كوردىك، سونداي - اق كوپ جاقتىڭ كۇش شىعارۋىندا قاۋلاعان كەدەي بۇقارانىڭ كەدەيلىكتەن ارىلتۋدان قامال الۋىنداعى قۋاتتى ىشكى قوزعاۋشى كۇشىن دە كورىپ بىلدىك.
بارلىق ادامنىڭ جاقسى تۇرمىس كەشىرگىسى كەلەدى، الايدا كەدەي بۇقارا جونىنەن العاندا مۇشكىل حالدەن قۇتىلىپ، ارماندى جۇزەگە اسىرۋدا كوپتەگەن قيىنشىلىقتار كەز كەلەدى، ونى بەلگىلى سىرتقى كۇشكە ارقا سۇيەۋ ارقىلى جۇزەگە اسىرۋ قاجەت. كەدەيلىكتەن ارىلتۋدان قامال الۋدا ءۇشتۇرپان اۋدانى اقتوعاي اۋىلى جيدەلى قىستاعىندا ۇلكەنى جول جاساپ كوپىر ورناتۋ، ءۇي سالىپ، اۋلانى جاڭالاۋ بولسىن، كىشىسى اۋىل شارۋاشىلىعى قۇرال - جابدىقتارىن ۋاكىلدىك ساتىپ الۋ، ەمدەۋ جەتكىزۋ، ءدارى - دارمەك جەتكىزۋ بولسىن، وسىنداي سىرتقى كۇش شارالارى كەدەي وتباسىلارعا زور مەيىر مەن كۇش - قۋاتتى سەزىندىردى.
الايدا ءوز باسى قۇلشىنباسا، ىسكەرلىك كورسەتپەسە، سىرتقى كۇشتىڭ كومەگى قانشالىق زور بولعانىمەن، رولىن ءونىمدى ساۋلەلەندىرە الۋى قيىن. ءۇشتۇرپان اۋدانىنىڭ ءار جاقتاعى كەدەيلەردى سۇيەمەلدەۋ كۇشتەرى ”قان بەرۋ“گە ءمان بەرۋدەن ”قان جاساۋ“عا اناعۇرلىم ءمان بەرىپ، كەدەي بۇقارانىڭ ”قوس قولىنا سۇيەنىپ كەدەيلىكتەن ارىلىپ اۋقاتتانۋ“ بەلسەندىلىگىن، ىرىقتىلىعىن، جاسامپازدىعىن جانداندىردى. قىستاق تۇرعىندار كوميتەتىنىڭ اۋلاسىنا نەمەسە ”كەدەيلەردى سۇيەمەلدەۋ سەحىنا“، قىستاق اشقان زاۆودتارعا كىرسەڭىز، كوشە - كوشەلەردەگى ۇگىت تاقتالارىنا، شارۋالار سۋرەتىنە كوز جىبەرسەڭىز، ءبار - بارىنەن كەدەي وڭىرلەردەگى كادرلاردىڭ، بۇقارانىڭ ءىس تىندىرىپ شارۋاشىلىق قۇرۋداعى تەبىندى ارىنى مەن قايرات - جىگەرىنىڭ جالىنداعاندىعىن سەزىنە الاسىز.
سىرتقى كۇشتەردەن جاقسى پايدالانىپ، ىشكى كۇشتەردى جانداندىرعاندا عانا، بىرىككەن كۇش قالىپتاستىرۋعا بولادى. نەگىزگى ساتىداعى پارتيا ۇيىمدارىنىڭ جاۋىنگەر قورعاندىق رولى مەن پارتيالى كادرلاردىڭ اۆانگارد، ۇلگىلىك رولىن تولىق ساۋلەلەندىرىپ، پارتيالى كادرلاردىڭ ىرىقتىلىعى ارقىلى بۇقارانىڭ ىقپالداستىعىن قولعا كەلتىرىپ، باسشىلار باستاماشىلدىقپەن ىستەيتىن، كادرلار تالاسا ىستەيتىن، بۇقارا ىلەسە ىستەيتىن بىرىككەن كۇشپەن قامال الۋ جاعدايىن قالىپتاستىرىپ، ”مەنى كەدەيلىكتەن ارىلت“ دەۋدەن ”مەن كەدەيلىكتەن ارىلامىن“ دەۋگە ءوتۋدى شىن مانىندە ورىنداۋ كەرەك.
