ءبىر جىلدىڭ ەكى ماۋسىمىندا مايسا جەتىلدىرىپ، ءبىر ماۋسىمىندا كوكونىس ەكتى
قامىسارىق قىستاعى زەردەلى جىلىجاي ارقىلى كىرىستى ارتتىرۋمەن قاربالاس
10 - ايدىڭ 25 - كۇنى جاڭاءشار اۋدانى قامىسارىق اۋىلى قامىسارىق قىستاعىنىڭ زەردەلى جىلىجايىندا كۇلگىن قىرىققابات، قىزاناق، قىزىلبۇرىش سياقتى كوكونىستەر مەن راۋشانگۇلى جايقالا ءوسىپ تۇر. بيىل شينجياڭ ەگىن شارۋاشىلىق عىلىم اكادەمياسىنىڭ ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇرعان قىزمەت اترەتى 10 زەردەلى جىلىجايدى نەگىز ەتىپ، تەحنيكالىق ابزالدىلىقتارىن ساۋلەلەندىرىپ، كوكونىس مايساسىنان 350 مىڭ ءتۇبىن جەتىلدىرىپ، ءجۇزىم، ءانجۇر قالامشاسىنان 50 مىڭنان استام وتىرعىزىپ، ەرەكشە گۇل - شوپتەن 20 مىڭ تۇپتەن استامىن ءوسىردى، ءبىر جىلدىڭ ەكى ماۋسىمىندا مايسا جەتىلدىرۋ جانە ءبىر ماۋسىمىندا كوكونىس ءوسىرۋ ارقىلى قىستاق كوللەكتيۆىنىڭ كىرىسىن 120 مىڭ يۋان ارتتىردى، سونىمەن بىرگە ماڭىنداعى كەدەي وتباسىلارىنىڭ كىرىستى ارتتىرۋىنا باستاماشىلىق ەتتى.
ءتىلشى سول ارادا اۋانىڭ تەمپەراتۋراسى - ىلعالدىعى، توپىراقتىڭ تەمپەراتۋراسى - ىلعالدىعى، توپىراقتىڭ ph ءمانى، جارىقتىڭ ءتۇسۋى، كومىر قىشقىل گازى، اتموسفەرا قۇرامىنداعى وتتەگىنىڭ مولشەرى سياقتى ساندى مالىمەتتەردىڭ جىلىجايدىڭ شىعار ەسىگىندەگى ەلەكتروندىق ەكراندا كورىنىپ تۇرعانىن بايقادى. قىزمەت اترەتىنىڭ ورىنباسار باستىعى اي شيانتاۋدىڭ قول تەلەفونىن اشقاندا، جىلىجايدىڭ سول ۋاقىتتاعى كورىنىسى، ءتۇرلى ساندى مالىمەتتەردى قامتىعان سول ۋاقىتتاعى باقىلاۋ - ولشەۋ ينفورماتسياسى اپ - انىق كورىندى، جىلىجايدىڭ ىلعالداندىرۋ جەلدەتكىشى، بۇركىپ - تامشىلاتىپ سۋارۋ سياقتى جابدىقتارىن تاعى الىستان مەڭگەرۋگە بولادى ەكەن.
”وتە وزىق ەكەن، قول تەلەفوندى اشىپ ۇيدە وتىرىپ عانا جىلىجايدى باسقارۋعا بولاتىنىن، شىنىندا، ويلاماعان ەكەنبىز“. بۇل ارادا قىزمەت ىستەيتىن كەدەي شارۋا ايشامگۇل ايسا ايىنا 1000 يۋان كىرىس كىرگىزەدى ەكەن، ول تىلشىگە زەردەلى جىلىجاي وزىنە تۇراقتى كىرىس الا كەلۋمەن بىرگە، تاعى ماڭايىنداعى اۋىلداستارىنىڭ ۇيرەنەتىن، پايدالاناتىن ۇلگىسىنە اينالعاندىعىن ايتتى.
ءتىلشى قامىسارىق قىستاعىندا بۇرىن 90نان استام جىلىجاي بار ەكەنىن، قىستاق تۇرعىندارىنىڭ تەحنيكالىق قابىلەتى شەكتى، ونىڭ ۇستىنە باسقارۋى ۇتىمسىز بولعاندىقتان، ونىمدىلىگى ءبىرشاما تومەن بولعاندىعىن ۇعىستى. ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتى قىستاق تۇرعىندارىنىڭ ەگىنشىلىك باسقارۋ ورەسىن جوعارىلاتۋىنا كومەكتەسۋدى ماڭىزدى قىزمەت رەتىندە قارادى. 2018 - جىلى، 2019 - جىلى جاڭاءشار اۋدانىنىڭ كەدەيلەردى سۇيەمەلدەۋ قارجىسىنىڭ دەمەۋىندە قامىسارىق قىستاعى 10 زەردەلى جىلىجاي سالىپ، ”ەرتە كوكتەم“، ”ۇزارعان كۇز“ كوكونىس مايساسىن ءوسىرۋ قىزمەتىن قانات جايدىردى. قىستاق ىلگەرىندى - كەيىندى 28 مايدان - رەت مايسا جەتىلدىرۋ تەحنيكالىق كۋرسىن اشىپ، 1000عا تاياۋ ادامدى تاربيەلەدى. جاقسى مايساعا جانە تەحنيكالىق قامتاماسىزداندىرۋعا يە بولعان قىستاق تۇرعىندارىنىڭ جىلىجاي ەگىنشىلىگىنە دەگەن بەلسەندىلىگى بارىنشا جوعارىلاپ، 2019 - جىلى بۇكىل قىستاقتاعى جىلىجاي 434كە جەتىپ، داستارقاندارىن مولايتۋمەن بىرگە، كىرىستەرىن دە ارتتىردى.
بيىل كەدەي شارۋا مامۇت ءيۇسۇپ سىناپ كورمەيمىن بە دەگەن نيەتپەن ءوز ءۇيىنىڭ 2 جىلىجايىنا زەردەلى جىلىجايدا جەتىلدىرىلگەن ”ەرتە كوكتەم“ قىزىل بۇرىش مايساسىن كوشىرىپ ەگىپ، مول ءونىم الىپ، كىرىسىن 1000 يۋانعا جۋىق ارتتىردى. ”كەلەر جىلى مەن ەگىنشىلىك جەر اۋماعىن كەڭەيتىپ، مۇنان دا مول اقشا تاپسام دەيمىن“، - دەيدى مامۇت.
”ەندىگى كەزەكتە ءبىز تاعى ءجۇزىم، ءانجۇر سياقتى ەرەكشە جەمىس ورمانى مايساسىن ءوسىرۋ تەبىنىن ارتتىرىپ، زەردەلى جىلىجايدى نەگىز ەتكەن كولەمدى جالپىلىق مايسا ءوسىرۋ كاسىپ بازاسى ابزالدىلىعىن تولىق ساۋلەلەندىرىپ، قامىسارىق قىستاعىنىڭ اۋلا شارۋاشىلىعىن شوعىرلى، ۇلاسپالى، ءبىر تۇتاس دامىتۋدى ۇزدىكسىز ىلگەرىلەتۋ نەگىزىندە، بۇكىل قىستاقتا شۋاڭمو قاربىزى، كوك بۇرىش، قىزاناق، باكىلاجان، سيىر بۇرشاق، كارتوپيا سياقتى كوپ ءتۇرلى مەزگىلسىز كوكونىستەردى ءبىر تۇتاس جوسپارلاپ ەگۋمەن بىرگە، تەحنيكاعا باۋلۋدى كۇشەيتىپ، قىستاق تۇرعىندارىنىڭ ءتۇرلى كوكونىستەردى ەگۋ شەبەرلىگىن يگەرۋىنە مۇمكىندىك جاساپ، قىستاق تۇرعىندارىنىڭ اۋقاتتانۋ قابىلەتىن ءتىپتى دە جوعارىلاتامىز“، - دەدى اي شيانتاۋ.
