10 - ايدىڭ 24 - كۇنى مارالباسىدان حابارلايدى. ”مىنە، مىناۋ مەنىڭ جاڭا ءۇيىم، اسحانا ءۇي، تازالىق بولمە، پار ءبارى تولىق، تۇندە تۇسىمدە دە قۋانىپ جۇرەمىن!“ 10 - ايدىڭ 23 - كۇنى ءوزىنىڭ جاڭا تۇرمىسىن تىلشىگە ماقتاي جونەلدى مارالباسى اۋدانى مارالباسى قالاشىعى شيڭفۋيۋان الەۋمەتتىك اۋماعىنىڭ تۇرعىنى ءمارام تۇرسىن.
ءمارام ارحيۆ تۇرعىزىلىپ، كارتچكالاندىرىلعان كەدەي شارۋا، بۇرىن ءبىر ءۇيلى جان كەسەكتەن قالانعان ۇيدە تۇراتىن. 2017 - جىلى 8 - ايدا ونىڭ وتباسى مارالباسى قالاشىعىنان 110 كيلومەتر قاشىقتىقتاعى جاڭاوستەڭ اۋىلى اقدوڭ قىستاعىنداعى شيڭفۋيۋان الەۋمەتتىك اۋماعىنا كوشىپ كەلىپ، 68.5 شارشى مەترلىك عيمارات ۇيگە كىردى.
كەدەي شارۋا ءمارام وتباسىنداعى 5 جاننىڭ تۇرعىن ءۇي شارت - جاعدايىنىڭ جاقسارۋى مارالباسى اۋدانىنىڭ كەدەيلەردى دالمە - ءدال سۇيەمەلدەۋدى، كەدەيلىكتەن دالمە - ءدال ارىلتۋدى اتقارۋدىڭ ىقشام كورىنىسى.ءمارامدى قامتىعان، قازىر مارالباسى اۋدانىنداعى ءارقايسى اۋىلداردان، قالاشىقتاردان ارحيۆ تۇرعىزىلىپ، كارتچكالاندىرىلعان 813 وتباسىنداعى 3433 ادام شەت - شالعايداعى اۋىل - قىستاقتان شيڭفۋيۋان الەۋمەتتىك اۋماعىنا كوشىپ كەلدى.
ءتىلشى شيڭفۋيۋان الەۋمەتتىك اۋماعىندا سۋ، ەلەكتر، جىلۋمەن قامداۋ، جول، گاز، راديو، تەلەۆيزور، ينتەرنەت سياقتى نەگىزدىك قۇرىلعىلاردىڭ تولىق، مادەنيەت الاڭى، بالاباقشا، الەۋمەتتىك اۋماق قىزمەت وتەۋ ورتالىعى، كەشكى بازار سياقتى قىزمەت وتەۋ قۇرىلعىلارىنىڭ دا پايدالانۋعا بەرىلگەندىگىن، كەدەيلەردى سۇيەمەلدەۋ بويىنشا قونىس جاڭالاعان وتباسىلارىنىڭ قالاداعىلارمەن بىردەي تۇرمىس كەشىرىپ جاتقاندىعىن كوردى.
كەدەي وتباسىلارىنىڭ كوشۋىنە، ورنىعۋىنا، اۋقاتتانۋىنا شىنايى كەپىلدىك ەتۋ ءۇشىن، مارالباسى اۋدانى كوشىرۋ مەن دامىتۋدى بىردەي مىقتى يگەرۋدەن جازباي، نىسان قۇرىلىسىن ىلگەرىلەتۋ، بۇقارانىڭ تۇرمىس ورەسىن جوعارىلاتۋمەن بىرگە، حالىقتى بايىتۋ كاسىبىن دە ويلاستىرىپ، كوپ ءتۇرلى شارانى قاتار قولدانىپ، قونىس جاڭالاعان وتباسىلارىنىڭ كەدەيلىكتەن ورنىقتى ارىلۋىنا شىنايى كەپىلدىك ەتتى.
شيڭفۋيۋان الەۋمەتتىك اۋماعىنىڭ ءبىرىنشى شۋجيى جىڭ جيانحۋا بىلاي دەپ تانىستىردى: الەۋمەتتىك اۋماق ”اۋىل - قىستاق سەحىن“ ەنگىزىپ، ”كاسىپورىن +كەدەي وتباسى“ ۇلگىسىمەن كەدەي وتباسىنداعىلاردىڭ ورنىقتى جۇمىستانۋىن جۇزەگە اسىردى؛ ۇكىمەتتىڭ قىزمەت وتەۋدى ساتىپ الۋى ارقىلى قونىس جاڭالاعانداردىڭ اراسىنان اماندىقتى قورعاۋ، جاسىلداندىرۋ، ورتا تازالىعى سياقتى الەۋمەتتىك يگىلىك سيپاتىنداعى ورىندارعا جۇمىسكەر قابىلدادى؛ دەربەس شارۋاشىلىق قۇرۋعا شابىتتاندىرىپ، قونىس جاڭالاعاندار ەرەن بازار اشۋ، ازىق - تۇلىك دۇكەنىن اشۋ، سونداي - اق ءۇي اشەكەيلەۋ، ەلەكترمەن دانەكەرلەۋ، اعاششىلىق، تاسىمال سياقتى كاسىپتەرمەن شۇعىلدانىپ، جاقىن ماڭنان، تۇرعان جەرلەرىندە ورنىقتى جۇمىستاندى؛ 78 جىلىجاي سالىپ، كاسىپورىنداندىرىپ باسقارۋدى جانە تيجارات جۇرگىزۋدى اتقارعاندىقتان، قونىس جاڭالاپ جىلىجايدا جۇمىس ىستەيتىندەردىڭ ەڭبەكاقىسى 2000 يۋاننان 2500 يۋانعا دەيىن بولدى.
”كوشىپ كەلگەنىمە كوپ وتپەي، الەۋمەتتىك اۋماقتىڭ كومەگىندە مارالباسى اۋدانى حىحۇڭ كيىم - كەشەك سەرىكتەستىگىنە جۇمىسقا تۇردىم، ايىنا 2000 يۋاننان ارتىق كىرىسىم بار. كۇيەۋىم ءۇي اشەكەيلەۋمەن اينالىسادى، ول دا جىلىنا 30 مىڭ يۋاننىڭ ۇستىندە اقشا تابادى، مەن تۇرمىسىمىزدىڭ بارعان سايىن جاقسى بولاتىنىنا سەنەمىن“، - دەدى ءمارام ۇلكەن ۇمىتپەن.
قازىر شيڭفۋيۋان الەۋمەتتىك اۋماعىندا ”ءبىر وتباسىندا ءبىر ادامدى جۇمىستاندىرۋ“، ”ءبىر وتباسىندا كوپ ادامدى جۇمىستاندىرۋ“ نىساناسى جۇزەگە استى.
