زەيىن - زەردەنى شوعىرلاندىرىپ، كۇشتى ۇيىستىرىپ دوڭگەلەك داۋلەتكە ۇمتىلدى
− شينجياڭنىڭ وڭتۇستىك شينجياڭىنداعى 4 ايماق - وبلىستىڭ كەدەيلىكتەن ارىلتۋدان قامال الۋ جەتىستىكتەرى جونىندە جالپى شولۋ
بۇل كەدەيلىك جايلاعان توپىراق −
جوعارى كەڭىستىكتەن قاراعاندا، بۇل جەردە كەڭ كوسىلگەن ءشول جازيرا، سىلەم - سىلەم اسقار تاۋلار، تەرەڭ شاتقالدار بار. جاراتىلىستىق اپات ءجيى تۋىلادى، ونىڭ ۇستىنە بايلىق تاپشى بولعاندىقتان، بۇل جەردە ءبىر مەزگىل ءۇش ادام بولسا بىرەۋى كەدەي ەدى.
بۇل ءۇمىت لاۋلاعان توپىراق −
كەدەيلەردى قونىس اۋدارتىپ، كاسىپ سالاسى ارقىلى سۇيەمەلدەۋ، دەربەس شارۋاشىلىق قۇرۋ... نازاردى كەدەيلىكتەن ارىلتۋعا شوعىرلاندىرىپ، ”ەكىدەن تارىقتىرماۋ، ءۇشتى قامتاماسىز ەتۋ“دى كۇش سالا شەشتى، بۇل اراداعى كادر - بۇقارا جاڭا داۋىردەگى كەدەيلىكتەن ارىلتۋدىڭ تىڭ تاراۋىن قۇلشىنا جازۋدا.
بۇل جەر وڭتۇستىك شينجياڭداعى 4 ايماق، وبلىس، بۇكىل ەلدەگى ”ءۇش ءوڭىر، ءۇش وبلىس“ ىشىندەگى اۋىر كەدەي ءوڭىردىڭ ءبىرى. 5 جىلعا تاياۋ ۋاقىتتان بەرى، شينجياڭدا 2 ميلليون 314 مىڭ 700 ادام مۇلدەم كەدەيلىكتەن ارىلىپ، كەدەيلەسۋ مولشەرى 2014 - جىلعى ％19.4تەن ％6.1كە ءتۇستى.
سايكەس مەزگىلدە وڭتۇستىك شينجياڭداعى 4 ايماق - وبلىستا ءبىر ميلليون 889 مىڭ 500 ادام كەدەيلىكتەن ارىلدى، كەدەيلەسۋ مولشەرى ％29.1تەن ％10.9كە ءتۇستى.
تيانشاننىڭ وڭتۇستىگىندە، كۇنلۇن تاۋىنىڭ سولتۇستىگىندە قۋانارلىقتاي وزگەرىستەر تۋىلدى.
قۋانىشتى ءان تاعى اسقاقتادى
”كەدەيلەردىڭ كەدەيىنىڭ“ جۇزىنە كۇلكى ءۇيىرىلدى
ىستىق پەشتىڭ ۇستىندە ”ىشىنە“ كەپتەر سالىنعان ۇلكەن قاربىزدىڭ حوش ءيىسى اڭقيدى؛ رەتتى دە تازا تۇنگى تاعام جايماسىنىڭ جانىندا ۇلتتىق ەرەكشەلىككە يە ءان - ءبي كوپتى وزىنە باۋرادى... ءتۇن پەردەسى جابىلعاندا، حوتان كەشكى بازارى تاعى دۋمانعا بولەندى.
شامامەن 500 كيلومەتر شالعايداعى قاشقار كونە قالاسىندا توڭىرەكتىڭ ءتورت بۇرىشىنان كەلگەن ساياحاتشىلار تاڭ اتىسىمەن - اق قالا قاقپاسىنىڭ الدىنا كەلەدى، ءسال كەشىگىپ قالعاندارى اياقتارىنىڭ ۇشىن كوتەرىپ تۇرىپ، موينىن سوزا قاراپ ”قالانىڭ اشىلۋ“ سالتىن كۇتەدى.
الىستاعى توراڭعى ورمانىندا ساياحاتشىلاردىڭ اياعى ۇزىلمەيدى...
تاياۋدا عانا ءوتىپ كەتكەن مەملەكەت مەرەكەسى دەمالىسىندا وڭتۇستىك شينجياڭ ساياحاتىنداعى، ءسوزسىز، باراتىن ايگىلى جەرلەر تاعى دۋمانعا بولەندى.
ساياحات كاسىبىنىڭ قارىشتاپ دامۋى جەرگىلىكتى ورىنداعى كەدەي بۇقارانىڭ قالتاسىن قامپايتتى. ”ساياحاتشىلار ەرەكشە كوپ، ءار كۇنى قاباعات قاربالاستىققا تۇسەمىز“. ابدىراحمان تۇرسىن پوسكام اۋدانى پوسكام اۋىلى جوعارعى قالحەرىق قىستاعىنان كەلگەن، ەندى عانا كەدەيلىكتەن ارىلعان، تۇرمىستاعى وزگەرىستەردى اڭگىمەلەگەندە، جاس جىگىت قۋانىشىن جاسىرا المادى.
سوڭعى جىلدارى شينجياڭنىڭ قوعامى تىنىش بولدى، ەكونوميكاسى كۇننەن - كۇنگە گۇلدەندى، جاسىل دامۋ ۇستانىمى بارعان سايىن جۇرت جۇرەگىنە ۇيالادى، وزگەشە جاراتىلىستىق كورىنىس پەن جەرگىلىكتى سالت - سانا جۇرتتى وزىنە باۋراپ، ساياحات كاسىبى قارىشتاپ ارتتى.
بيىل 1 - ايدان 9 - ايعا دەيىن شينجياڭ ەل ءىشى - سىرتىنان 183 ميلليون 858 مىڭ 400 ادام - رەت ساياحاتشى قابىلداپ، سايكەس مەزگىلدەگىدەن ％40.9 ارتتى؛ ساياحات كىرىسى 304 ميلليارد 638 ميلليون يۋانعا جەتىپ، سايكەس مەزگىلدەگىدەن ％40.78 ارتتى، ءبارى دەرلىك تاريحي جاڭا دەڭگەيگە جەتتى.
ىشكى وڭىرلەردەگى ساۋداگەرلەر دە جيىن - تەرىن كەزىندە شينجياڭدا باس قوسادى. قازىر تارىم ويپاتىندا جاڭعاق، شىلان سياقتى جەمىس ورماندارىنىڭ جيىن - تەرىن كەزى، نەگىزگى ءوندىرىس رايونىن جانە ساۋدالاسۋ، جيناۋ، جونەلتۋ ورىندارىن وزەك ەتە جاڭادان سالىنعان ءارقايسى ۇلكەن تولايىم ساتۋ بازارلارىندا كەلىپ - كەتۋشىلەر كوبەيىپ، دۋمانعا بولەندى.
”بىرنەشە كۇننەن كەيىن، بۇكىل ەلدىڭ جەر - جەرىندەگى ساتىپ الۋشى ساۋداگەرلەر مەن توڭىرەكتەگى جاڭعاق وندىرەتىن رايونداعى تولايىم ساۋدا ساۋداگەرلەرى توپ - توبىمەن كەلەدى، الداعى كۇندەردە بۇل ارا ەرەكشە دۋماندى بولادى“. شينجياڭ جاڭعاق (حوتان) تولايىم ساۋدا بازارىنىڭ جاۋاپتىسى گاۋ گوۋي بىلاي دەدى: وڭتۇستىك شينجياڭنىڭ ەرەكشە جەمىس ورمانى ءوندىرىس رايونىنان، وڭىرلىك ساۋدالاسۋ، جيناۋ، جونەلتۋ ورىندارىنان ورنالاستىرىلىپ سالىنعان تولايىم ساۋدا بازارلارى ەرەكشە جەمىس ورمانى شارۋاشىلىعىنىڭ باسەكەلىك باسىمدىعىن جوعارىلاتاتىن، كاسىپ سالاسىن توعىستىرۋدى جەبەيتىن ماڭىزدى تۇتقاعا اينالىپ كەلەدى.
وڭتۇستىك شينجياڭدا تارىم ويپاتىنىڭ جيەگىندە 12 ميلليون مۋ ەرەكشە جەمىس ورمانى ەگىلدى، جەرگىلىكتى شارۋالاردىڭ ％30تەن استام كىرىسى جەمىس ورمانى شارۋاشىلىعىنان كەلەدى، جەمىس ورمانى شارۋاشىلىعىنداعى كەيبىر ءتۇيىندى اۋدانداردا، اۋەلى، جارتىسىنان اسادى. دەگەنمەن بازار، وڭىرلىك ورىن، ەگۋ تەحنيكاسى سياقتى فاكتورلاردىڭ شەكتەمەسىنە ۇشىراعاندىقتان، شينجياڭنىڭ جەمىس ورمانى كولەمدى بولعانىمەن ساپالى بولماۋ، ساتۋ ۇلگىسى جالاڭ بولۋ، ساتۋ ارناسى بىتىراڭقى بولۋ، جىنتىكتەي مانەرلەۋ جەتكىلىكتى بولماۋ، كاسىپ تىزبەگى كەمشىل، جەتەرسىز بولۋ سياقتى ماسەلەلەرگە ءدوپ كەلىپ، جەمىس شارۋالارىنىڭ كوبى قولىندا ”باعالى بايلىق“ بولا تۇرسا دا، كەدەيلىكپەن كۇنەلتۋدە.
ەرەكشە اۋىل شارۋاشىلىق ونىمدەرىنىڭ ساتىلۋىنىڭ قيىن بولۋى ماسەلەسىن شەشۋ ءۇشىن، شينجياڭ رايون كولەمىندەگى ساتىپ الۋ تورى جانە رايون سىرتىنداعى ساتۋ تورى سىندى ”ەكى تور“ قۇرىلىسىن جەدەل ىلگەرىلەتىپ، ەرەكشە جەمىس ورمانىنىڭ نەگىزگى ءوندىرىس رايونىنان، وڭىرلىك ساۋدالاسۋ، جيناۋ، جونەلتۋ ورىندارىنان 8 جەمىس تولايىم ساۋداسى بازارىن قۇرىپ، ەرەكشە جەمىس شارۋاشىلىعىنىڭ باسەكەلىك باسىمدىعىن جوعارىلاتتى.
”جەلىدەگى ناق بۇيىم ەلەكتروندىق ساۋدا تۇعىرى + جەلىدەن تىس وندىرىلگەن جەردەگى ساۋدالاسۋ، جيناۋ، جونەلتۋ ورتالىعى سىندى تيجارات ۇلگىسى ساۋدانىڭ وزىندىك قۇنىن تومەندەتۋمەن قاتار، ساۋدانىڭ ونىمدىلىگىن دە جوعارىلاتتى“، - دەدى شينجياڭ جەمىس شارۋاشىلىعى توبى وڭتۇستىك شينجياڭ بازاسى ءبولىمى پارتيا ياچەيكاسىنىڭ شۋجيى ۋاڭ يۇڭمەي.
سونىمەن قاتار، شينجياڭعا كومەكتەسەتىن ولكە، قالالار دا ۇزدىكسىز كۇش سالۋدا. وڭتۇستىك شينجياڭداعى اقسۋ ايماعى ەلىمىزدەگى ايگىلى الما وندىرەتىن جەردىڭ ءبىرى، بۇرىن ساتۋ قيىن بولعان اقسۋ بيڭتاڭشين الماسى قازىر شينجياڭعا كومەكتەسۋ كۇشىنەن پايدالانىپ، ەلەكتروندىق ساۋدا ساباقحاناسى ”چۋديانشاڭۋاڭ“ ارقىلى كەدەيلىكتەن ارىلتۋدان قامال الۋداعى ”قارپىمدى قارۋ“عا اينالدى.
ءۇي بار، كاسىپ بار
كەدەيلىكتەن ارىلىپ، كەدەيلىك قالپاعىن الىپ تاستاۋدان ءۇمىت زور
قوڭىر كۇزدەگى كۇنلۇن تاۋلى رايونىندا اۋا رايى بىرتىندەپ سۋىتتى. ايتسە دە ءۇيىنىڭ كوشەتىندىگى جونىندەگى حابار نۇرجامال وشۇرنيازدى قۋانىشقا بولەدى. ”اعام قارتايعان شەشەمدى الىپ ۇنەمى سەل جۇرەتىن تاۋ اڭعارىنان كوشەتىن بولدى، مەن سىرتتا الاڭسىز وقيتىن بولدىم“. اۋدان قالاشىعىنداعى جاڭا ۇيلەرىن كورگەننەن كەيىن، ونىڭ ءۇمىتى كۇشەيدى.
مەملەكەت كەدەيلەردى دالمە - ءدال سۇيەمەلدەۋ ساياساتىن اتقارعاننان بەرى، كەدەيلەردى قونىس جاڭالاپ سۇيەمەلدەۋ سەرپىنى جەدەلدەپ، ”ءبىر الاپتىڭ سۋ - توپىراعى سول الاپتاعى ادامداردى اسىراي المايتىن“ جەرلەردە تۇراتىن كەدەيلەر سىرتقا شىعۋ ورايىنا يە بولدى. نۇرجامال سياقتى شينجياڭدا 160 مىڭعا جۋىق كەدەي ىركەس - تىركەس تاۋ قويناۋىنان جانە ءشولدى جەرلەردەن كوشىپ شىعىپ، ءوندىرىس، تۇرمىس ورەسى جەدەل جوعارىلادى.
كەدەيلەردى قونىس جاڭالاپ سۇيەمەلدەۋ ءتۇيىندى اتقارىلاتىن ءوڭىر رەتىندە، ”13 - بەسجىلدىق“ كەزىندە، وڭتۇستىك شينجياڭداعى 4 ايماق - وبلىستا 35 مىڭ 200 وتباسىنداعى 139 مىڭ 500 كەدەي كوشىرىلدى، بۇل بۇكىل رايونداعى كوشىرۋ مىندەتىنىڭ ％87ىن يەلەدى. شاعىن قالا، قالاشىق، كاسىپ باقشاسى سياقتىلاردى تياناق ەتىپ ورنالاستىرىلىپ كوشىرىلگەن بۇقارانىڭ تۇرعىن ءۇي شارت - جاعدايى جاقسارۋمەن قاتار، تەپە - تەڭ الەۋمەتتىك قىزمەت وتەۋ قامتاماسىزداندىرۋىنان دا يگىلىكتەندى. قازىر شينجياڭدا كەدەيلەردى قونىس جاڭالاپ سۇيەمەلدەۋ بويىنشا 731 كيلومەتر تاس جول سالىنىپ، 1256 كيلومەتر اۋىز سۋ قۇبىرى جاتقىزىلىپ، 726 كيلومەتر ەلەكتر تورى تارتىلدى، سونىمەن قاتار مەكتەپ، بالاباقشا، ەمحانا، قيمىل ءۇيى سياقتىلار دا سايكەستى سالىندى.
31 جاستاعى چىمانگۇل نۇر وتباسىنداعىلاردىڭ قۇمنىڭ جيەگىنەن شەريا اۋدانىنداعى شياۋكاڭ جاڭا رايونىنا كوشىپ كەلگەنىنە 2 جىل بولدى. اۋدان قالاشىعىنداعى ءبىر كيىم - كەشەك دۇكەنىندە ىستەيتىن ونىڭ ءار ايدا تۇراقتى دا قوماقتى كىرىسى بار. ول سياقتى شينجياڭدا كوشىرىلگەن 77 مىڭ بۇقارا ورنىقتى جۇمىستانۋدى جۇزەگە اسىردى.
”بارىنەن دە قولايلى بولعانى بالامىز ءۇيىمىزدىڭ ماڭايىندا وقيتىن بولدى“، - دەدى چىمانگۇل. بيىل شينجياڭ 800 ميلليون يۋان بوساتىپ، 22 اۋىر كەدەي اۋدانداعى مىندەتتى وقۋ - اعارتۋ مەكتەپتەرىندە 395 مىڭ 300 شارشى مەتر مەكتەپ ءۇيىن سالدى. بۇكىل رايوندا مىندەتتى وقۋ - اعارتۋدىڭ بەكەمدەلۋ مولشەرى ％94.2 بولىپ، كەدەي وقۋشىلاردىڭ وقيتىن مەكتەبى بار بولدى، وقي الاتىن، وقۋسىز قالمايتىن بولدى.
جالپى حالىقتىڭ سالاماتتىعى بولماسا، جاپپاي دوڭگەلەك داۋلەتتى بولۋ مۇمكىن ەمەس. كەدەيلىكتەن ارىلتۋ قىزمەتىنىڭ قيىندىقتاردى جەڭىپ، بوگەتتەردى تالقانداپ ۇمتىلۋ كەزەڭىنە قادام تاستاۋىنا ساي، كەدەيلەردى ىشەر استان، كيەر كيىمنەن تارىقتىرماۋمەن قاتار، ولاردىڭ اۋىرىپ قالعاندا اۋرۋ كورسەتەتىن جەرى بولۋىنا، اۋرۋ كورسەتۋىنىڭ قولايلى بولۋىنا، اۋرۋىن كورسەتە الاتىن بولۋىنا مۇمكىندىك جاساۋ كەرەك. بيىل شينجياڭ جالپى حالىقتىڭ سالاماتتىعىن تەكسەرۋدى ءۇرتىس 4 - جىل ورىستەتىپ، ناۋقاستاردىڭ سالماقتى ناۋقاسىن ەمدەتۋىن، سوزىلمالى ناۋقاستا كەلسىم بولۋىن جۇزەگە اسىردى، جالپىعا ءتيىمدى كەدەيلەردى سالاماتتىق ارقىلى سۇيەمەلدەۋ بۇقارانىڭ كەدەيلىكتەن ارىلۋ جولىنداعى ”بوگەتتەر“ىن ارىلتتى.
2018 - جىلى شينجياڭ اۋىل - قىستاقتارداعى كەدەيلەردىڭ 15 ءتۇرلى ۇلكەن اۋرۋىن شوعىرلى ەمدەۋدى جانە سوزىلمالى اۋرۋلارعا كەلىسىمبويىنشا قىزمەت وتەۋدى جاپپاي جالپىلاستىردى. بيىل 8 - ايدىڭ باسىنا دەيىن شينجياڭدا 40 مىڭ وتباسى، 149 مىڭ ادام اۋرۋ سەبەبىنەن كەدەيلەسكەن، بۇل 2018 - جىلدىڭ سوڭىنداعىدان 22 مىڭ وتباسى، 87 مىڭ ادام ازايعان.
شينجياڭ كەدەيلەردى جالپى حالىقتىڭ قامسىزداندىرۋعا قاتىناسۋ جوسپارى بويىنشا، ءسوز جوق، قامسىزداندىرىلاتىندار قاتارىنا ەنگىزدى، قازىر رايون بويىنشا ارحيۆ تۇرعىزىلىپ، كارتچكالاندىرىلعان كەدەيلەردىڭ نەگىزگى زەينەتكەرلىك قامسىزداندىرۋىنا قاتىناسۋ سالىستىرماسى ％99كە تايادى. مۇنىڭ ىشىندە 833 مىڭ 900 ادام زەينەتكەرلىك قامسىزداندىرۋ قاراجاتىن ۇكىمەت وكىلەتتى تاپسىرۋ ساياساتىنان يگلىكتەندى، 533 مىڭ 700 ادام زەينەتكەرلىك قامسىزداندىرۋ مامىلەسىنەن يگىلىكتەندى.
جۇرەتىن جول بار
زەيىن - زەردەنى شوعىرلاندىرىپ، كۇشتى ۇيىستىرىپ دوڭگەلەك داۋلەتكە ۇمتىلدى
ۇزاق ۋاقىتتان بەرى، وڭىرلىك، جاراتىلىستىق، ەكونوميكالىق فاكتوردىڭ شەكتەۋىمەن وڭتۇستىك شينجياڭداعى 4 ايماق - وبلىستاعى اۋىل - قىستاقتاردا ارتىق ەڭبەككۇش كوپ، باسقا سالاعا ويىستىرىپ جۇمىستاندىرۋ ارناسى تار، ساپاسى تومەن، تۇراقتىلىعى ناشار بولۋ سياقتى ماسەلەلەر كورنەكتى بولىپ كەلدى. مەملەكەت پەن اۆتونوميالى رايوننىڭ بار كۇشپەن قولداۋىندا، سوڭعى جىلداردان بەرى وڭتۇستىك شينجياڭداعى 4 ايماق - وبلىس قاتىناس، سۋ يگىلىگى، ەلەكتر سياقتىلارعا ساياتىن ەلەۋلى نىسانداردان ءبىرسىپىراسىن سالدى، كەزىندەگى ”قاتىناس مۇلدە قولايسىز“ وڭىرلەرگە جول تارتىلىپ، اۆتوكولىك قاتىناپ، كاسىپ سالالارىنىڭ دامۋ جولى بارعان سايىن كەڭەيە ءتۇستى.
”قازىر قىزمەتىم بار، ءوز كۇشىمە سۇيەنىپ اقشا تابام، قازىرگى كۇي - جايىم وزىمە ۇنايدى“، - دەدى كوتەرىڭكى كوڭىلمەن ۇشتۇرپان اۋدانى ايسىفىن توقىماشىلىق، كيىم - كەشەك شەكتى سەرىكتەستىگىنىڭ قىزمەتكەرى ۋاتانگۇل كەرىم.
2 ايدىڭ الدىندا، ۋاتانگۇل ءۇشتۇرپان اۋدانى جاركوپىر اۋىلى جاركوپىر قىستاعىنداعى وتباسى ايەلدەرىنىڭ ءبىرى بولاتىن، ءۇشتۇرپان اۋدانى ايسىفىن توقىماشىلىق، كيىم - كەشەك شەكتى سەرىكتەستىگىنىڭ 1 - كەزەڭدىك نىسانى سالىنىپ ءبىتىپ، وندىرىسكە قوسىلعاننان كەيىن، ول شەبەرلىككە باۋلۋ كۋرسىنا قاتىناسۋ ارقىلى فابريكاعا جۇمىسقا تۇرادى.
وسى ارادا اۋىل - قىستاقتارداعى ارتىق ەڭبەككۇشتەردەن ول سياقتى جۇمىستانعانداردان 900 نەشە ادام بار، مۇنىڭ ىشىندە كەدەي وتباسىنداعى ەڭبەككۇشتەر 300 ادامنان اسادى.
2018 - جىلدان باستاپ، شينجياڭ نازاردى وڭتۇستىك شينجياڭداعى 22 اۋىر كەدەي اۋدانعا (قالا) شوعىرلاندىرىپ، كەشەندى شارا قولدانىپ، جۇمىستاندىرۋ ارناسىن كەڭەيتۋ، جۇمىستاندىرۋ ءورىسىن كەڭەيتۋ سياقتى جولدار ارقىلى ارحيۆ تۇرعىزىلىپ، كارتچكالاندىرىلعان كەدەي وتباسىلارىنداعى 120 مىڭ ەڭبەككۇشتىڭ باسقا سالاعا ويىسىپ جۇمىستانۋىنا كومەك كورسەتتى.
سىزۋ، كەسۋ، تىگۋ، جاپسىرىپ پىشىندەۋ، قوراپتاۋ....حوتان اۋدانى اياق كيىم كاسىپورنى ءوندىرىس سەحىنىڭ كەڭ، جارىق، رەتتى، تازا زاۆود ۇيىندە ماشينالار گۇرىلدەپ، قاربالاس جۇمىس جۇرگىزۋدە.
”ءىرى، ورتاشا اياق كيىم زاۆودتارىن باقشا رايوندارىنا شوعىرلاندىرۋ، شاعىن اياق كيىم كاسىپورىندارىن اۋىل - قىستاقتارعا دەيىن كەڭەيتۋ، سايكەستى كاسىپ سالالارىن باقشا رايونى ماڭىنا شوعىرلاندىرۋ“ سىندى دامۋ بەتالىسى بويىنشا، بۇرىن تاعانى تاياز، نەگىزى ءالسىز بولىپ كەلگەن حوتان اۋدانى اياق كيىم كاسىبى كاسىپ سالاسى باقشاسىنا سۇيەنىپ، شوعىرلى جاساۋ، زات اينالىم، جاڭالىق اشۋ، باۋلۋ ءبىر تۇلعالانعان وڭتۇستىك شينجياڭ ”اياق كيىم ورتالىعىن“ قالىپتاستىردى، 1 - كەزەڭدىك نىساننىڭ وزىندە 5000نان استام جۇمىستانۋ ورنىمەن قامدادى. اياق كيىم كاسىپورىندارى جاڭبىردان سوڭعى جاۋقازىنداي قاۋلاپ قارىشتاپ دامىدى.
قولونەر كاسىپ، توقىماشىلىق، كيىم - كەشەك، ەرەكشە ەگىمشىلىك، باعىمشىلىق.... ەڭبەككۇش شوعىرلانعان وسى كاسىپ سالالارى وڭتۇستىك شينجياڭداعى 4 ايماق - وبلىستىڭ كەدەيلىكتەن ارىلتۋدان قامال الۋ شايقاسىندا اسا ماڭىزدى رول اتقارۋدا ءارى ۇزدىكىسز رول اتقارادى.
تاياۋدا، جاقىندا عانا مەكتەپ تاۋىسقان ميھراي ءانۋار كۇشار اۋدانى ۇشوستەڭ اۋىلىنىڭ اراءمالى قىستاعىنداعى كيىم - كەشەك فابريكاسىنا جۇمىسقا ورنالاسادى. ”مەكتەپتە ۇيرەنگەنىم كيىم جوبالاۋ كاسىبى بولاتىن، ەندى ونى پايدالاناتىن بولدىم، تەحنيكانى جاقسى ۇيرەنىپ، ءوزىم شارۋاشىلىق قۇرىپ، كوپتەگەن ادامدى جۇمىستانۋعا جەتەكتەيمىن“، - دەدى ميھراي.
جۇمىستانۋعا باۋلۋ، ناق اتى - ءجونى بويىنشا يكەمدى باسقارۋ ارقىلى شينجياڭ ۇكىمەتتىڭ جەتەكشىلىك ەتۋىن نەگىز ەتىپ، ۇيىمدى تۇردە باسقا سالاعا ويىستىرىپ جۇمىستاندىرۋدىڭ جاڭا مەحانيزمىن قالىپتاستىرىپ، باسقا سالاعا ويىستىرىپ جۇمىستاندىرۋ، ورنىقتى جۇمىستاندىرۋ، ۇزاق ۋاقىت جۇمىستاندىرۋ جاڭا جاعدايىن اشىپ، وڭتۇستىك شينجياڭداعى 4 ايماق - وبلىستاعى كەدەيلەردىڭ بارىندە شىعار جول، ىستەيتىن جۇمىس، ايلىق كىرىس بولۋىنا مۇمكىندىك جاسادى.
شەشۋشى كەزەڭگە تاياعان سايىن، قايراتتانا ىستەۋ كەرەك. ءار ۇلت كادر - بۇقاراسى ءبىر نيەتپەن سەلبەسىپ، قۇلشىنا ۇمتىلاتىن بولسا، وڭتۇستىك شينجياڭ ەڭ سوڭعى كەدەيلىك قامالىن، ءسوز جوق، الاتىن بولادى.
