بۇكىل رايونىمىزدا 180 مىڭنان استام كەدەي وتباسى ”كورىكتى اۋلا“ قۇرۋعا قاتىناستى

日期:2019年08月20日
来源:新疆日报
【字体:

بۇكىل رايونىمىزدا 180 مىڭنان استام كەدەي وتباسى ”كورىكتى اۋلا“ قۇرۋعا قاتىناستى

اۆتونوميالى رايوننىڭ داعدىلى اقپار جاريالاۋ ماجىلىسىندە

ءتىلشىمىز ليۋ ي 8 - ايدىڭ 15 - كۇنى ۇرىمجىدەن حابارلايدى. 8 - ايدىڭ 15 - كۇنى وتكىزىلگەن اۆتونوميالى رايوننىڭ ”كورىكتى اۋلا“ قۇرىلىسى قىزمەتى جونىندەگى اقپار جاريالاۋ ماجىلىسىنەن ۇعىسۋىمىزشا، اۆتونوميالى رايوننىڭ ”كورىكتى اۋلا“ قۇرىلىسى قىزمەتى باستالعاننان بەرى، بۇكىل رايوندا ورىستەتىلگەن ”كورىكتى اۋلا“ ۇگىت - لەكسيا قيمىلى 72 مىڭنان استام رەت ورىستەتىلىپ، 3 ميلليون 600 نەشە مىڭ ادام - رەت قاتىناستى، وڭتۇستىك شينجياڭداعى 4 ايماق - وبلىستا 180 مىڭنان استام كەدەي وتباسى ”كورىكتى اۋلا“ قۇرۋ قىزمەتىنە قاتىناستى، بۇل قىزمەتتىڭ كەدەي وتباسىلاردى ءوندىرىس، تۇرمىس تاسىلىنە بۇرىلىس جاساۋعا باستاۋ، كەدەيلىكتەن ارىلىپ، اۋقاتتانۋ سەنىمىن سەرپىلتۋ جاعىنداعى رولى كۇن سايىن كورنەكتىلەندى.

2018 - جىلدىڭ باسىندا اۆتونوميالى رايوندىق پارتكومنىڭ ورنالاستىرۋىنا ساي، اۆتونوميالى رايوندىق ايەلدەر بىرلەستىگى، اۆتونوميالى رايوندىق جاستار وداعى كوميتەتى بىرلەسىپ «اۆتونوميالى رايوننىڭ اۋىر كەدەي وڭىرلەردە كەدەيلىكتەن ارىلتۋدان قامال الۋ ”كورىكتى اۋلا“ قۇرىلىسى ارناۋلى گرۋپپاسىنىڭ اتقارۋ جوباسىن (2018 - جىلدان 2020 - جىلعا دەيىن)» باسىپ تاراتىپ، وڭتۇستىك شينجياڭداعى 4 ايماق - وبلىستاعى 22 اۋىر كەدەي اۋداندا (قالا)، 192 اۋىر كەدەي اۋىلدا (قالاشىق)، 1962 اۋىر كەدەي قىستاقتا، 396 مىڭ 100 كەدەي وتباسىندا ”تورتتە جاقسى، ۇشتە كورىكتى، بىردە تازا بولۋ“دى (يدەياسى جاقسى، وتباسى سالتى جاقسى، ۇيرەنۋى جاقسى، ىنتىماعى جاقسى، ادامدارى كورىكتى، ۇيلەرى كورىكتى، اۋلاسى كورىكتى، دارەتحاناسى تازا بولۋ) ولشەم ەتكەن ”كورىكتى اۋلا“ قۇرىلىسىن ورىستەتۋ ارقىلى اۋىر كەدەي وتباسىلاردى ءوندىرىس، تۇرمىس ءتاسىلىن وزگەرتۋگە باستادى.

اۆتونوميالى رايوندىق ايەلدەر بىرلەستىگى پارتيا باسشىلىق گرۋپپاسىنىڭ شۋجيى ۋاڭ ليشيا تانىستىرىپ بىلاي دەدى: جىل باسىنان بەرى، اۆتونوميالى رايوندىق ايەلدەر بىرلەستىگى، اۆتونوميالى رايوندىق جاستار وداعى كوميتەتى ”كورىكتى اۋلا قۇرىلىسى − ءجۇز قىستاق، ون مىڭ وتباسىن“ كورسەتۋ - سايلاۋ قىزمەتىن بەلسەنە ورىستەتىپ، العاشقى ادىمدا ”كورىكتى اۋلا“ قۇرۋ قيمىلىن 22 اۋىر كەدەي اۋداننان (قالا) بۇكىل رايونداعى اۋىل - قىستاقتارعا كەڭەيتىپ، وزىندىك وبرازىن وزگەرتۋدى، تۇرمىس ءتاسىلىن وزگەرتۋدى، يدەيالىق كوزقاراسىن وزگەرتۋدى ماڭىزدى ءتۇيىن ەتىپ، ”كورىكتى اۋلا“ قۇرىلىسى قىزمەتىن اناعۇرلىم جۇيەگە ءتۇسىردى. وتباسىلارىن ارالاۋ، توپتىق ۇيرەنۋ سياقتىلار ارقىلى ”تورتتە جاقسى، ۇشتە كورىكتى، بىردە تازا بولۋ“ ولشەمىن جالپىلاستىرىپ، بۇقارانىڭ قاتىناسۋ بەلسەندىلىگىن جوعارىلاتتى، سونداي - اق كوكتەم مەرەكەسى، مەملەكەت مەرەكەسى سياقتى مەرەكەلەردە ”كورىكتى اۋلا“ قۇرىلىسىن ”ەڭ مەيىرلى وتباسىن“ ىزدەۋ قيمىلىمەن بىرلەستىرىپ، بۇقارانىڭ ۇيرەنۋدە باسەكەلەسۋ، باسىپ وزۋ سىندى ىشكى قوزعاۋشى كۇشىن وياتتى.

كەزەكتە وڭتۇستىك شينجياڭداعى 4 ايماق - وبلىستاعى 1962 اۋىر كەدەي قىستاقتاردا تۇگەلدەي اجارلاندىرۋ، شاشتارازىلىق دۇكەنى − ”سۇلۋ شاش ءۇيى“ قۇرىلىپ، كەدەي ايەلدەر مەن جاستاردىڭ ”باسىنان“ باستاپ وزىندىك وبرازىن وزگەرتۋىنە مۇمكىندىك جاسادى. ”نازاريالىق ۇيرەنۋ + شەبەرلىككە ناقتى جاتتىعۋ“ ءتاسىلى ارقىلى ”وتباسىلىق مەكتەپتى شارۋالار وتباسىلارىنا كىرگىزۋ“ قيمىلىن ورىستەتىپ، وتباسىلىق تاربيە، ايەلدەردىڭ ۇقىعىن قورعاۋ سياقتى 10 ارناۋلى تاقىرىپتىق ۇگىت - لەكسياسىن جاسادى، مۇنان يگىلىكتەنگەن ادام سانى 37 مىڭنان استى. اۆتونوميالى رايوندىق جاستار وداعى كوميتەتى ”كوممۋنيستىك جاستار وداعى توراپتاعى كەشكى مەكتەپ“ قيمىلىن ۇيىمداستىردى ءارى «مەملەكەتتە ءبىر تۇتاس قولدانىلاتىن ءتىل - جازۋدى ۇيرەتەمىز» وقۋلىعىن رەداكسيالاپ باسپادان شىعاردى. كەزەكتە وقۋلىقتىڭ پايدالانۋ مولشەرى 700 مىڭ نۇسقادان اسىپ، اۋىل - قىستاق ايەلدەرى مەن جاستاردان ءبىر ميلليون 500 مىڭ ادام - رەت تىكە قامتىدى.

”مۇنان كەيىن ارناۋلى گرۋپپا جەتەكشىلىك ەتۋ، سايكەستىرۋ تەبىنىن ۇزدىكسىز ارتتىرىپ، ۇگىتتەۋدى، جەتەكشىلىك ەتۋدى كۇشەيتىپ، باۋلۋعا، سۇيەمەلدەۋگە تاباندى بولادى“. ۋاڭ ليشيا بىلاي دەدى: ارناۋلى گرۋپپا باعىتتامالى تۇردە كەدەي ايەلدەر مەن جاستاردى دارالىعىنا قاراي سۇيەمەلدەۋمەن، كومەكتەسۋمەن قامداپ، ”10 شاعىن ينجەنەريا“، ”سۇلۋ شاش ءۇيى“ سياقتى ۇلگىلەرمەن جەتەكتەۋ رولىن ۇزدىكسىز ساۋلەلەندىرىپ، ايەلدەر مەن جاستاردىڭ شارۋاشىلىق قۇرۋىن، جۇمىستانۋىن ىلگەرىلەتىپ، كەدەيلىكتەن ارىلتۋدان قامال الۋعا كۇش قوسادى.