لي پىڭشين قاشقاردا، قىزىلسۋدا، اقسۋدا تەكسەرۋ - زەرتتەۋ جۇرگىزدى
كەدەيلىكتەن ارىلتۋعا جانە بەكەمدەۋگە، جوعارىلاتۋعا تەڭ ءمان بەرۋگە تاباندى بولىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە باتىلدىقپەن قول جەتكىزەيىك
8 - ايدىڭ 10 - كۇنىنەن 12 - كۇنىنە دەيىن، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوندىق كەدەيلەردى سۇيەمەلدەۋگە، وركەندەتۋگە باسشىلىق ەتۋ گرۋپپاسىنىڭ ورىنباسار باستىعى لي پىڭشين قاشقار، قىزىلسۋ، اقسۋ سياقتى 3 ايماق، وبلىستاعى 5 اۋدان، قالاعا ىشكەرىلەي بارىپ، كەدەيلىكتەن ارىلتۋدان قامال الۋ جانە بەكەمدەۋ، جوعارىلاتۋ قىزمەتىن تىڭعىلىقتى ويداعىداي ىستەۋ جونىندە تەكسەرۋ - زەرتتەۋ ورىستەتتى. ول بىلاي دەپ باسا دارىپتەدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ كەدەيلەردى سۇيەمەلدەۋ قىزمەتى جونىندەگى ماڭىزدى بايىمداۋىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن دايەكتىلەندىرىپ، تياناقتاندىرىپ، كەدەيلىكتەن ارىلتۋدان قامال الۋعا جانە بەكەمدەۋگە، جوعارىلاتۋعا تەڭ ءمان بەرۋگە تاباندى بولىپ، جالپى شابۋىل نىساناسىنان تايماي، كەدەيلىكتەن ارىلتۋ ولشەمىنە تاباندى بولىپ، ولقىلىقتاردى كۇش سالا تولىقتاپ، دالمە - ءدال شارا قولدانۋدى كۇشەيتىپ، ناقتى ءىس ىستەۋ ستيلىن ساقتاپ، كەدەيلىكتەن ارىلتۋدان قامال الۋ شايقاسىنىڭ جالپى بەتتىك جەڭىسىنە دەر كەزىندە قول جەتكىزۋگە كەپىلدىك ەتۋ كەرەك.
لي پىڭشين ىلگەرىندى - كەيىندى مارالباسى اۋدانىنىڭ چارباع اۋىلى پاسوستەڭ قىستاعى، داۋلەتباق اۋىلىنىڭ شودىگەەر توعىراق قىستاعى جانە مارالباسى اۋدانىنىڭ توقىماشىلىق ونەركاسىپ باقشاسى رايونى، كەلپىن اۋدانىنىڭ اچال قالاشىعى قالما قىستاعى، شيڭفۋ قىستاعى، اقسۋ قالاسى قاراتال قالاشىعى تيىرمەنباسى قىستاعى، اقشي اۋدانى قۇلانسارىق اۋىلى بەدەل قىستاعى، اقشي قالاشىعىنىڭ كوكشۇقۇر سالت - سانا مادەنيەت قىستاعى، سومتاش اۋىلى، قاراچ اۋىلى، ءۇشتۇرپان اۋدانىنىڭ چىڭبەي ونەركاسىپ باقشا رايونى، ءۇشتۇرپان اۋدانىنىڭ كۇن نۇرى جىلىجاي كاسىپ سالاسى باقشاسى سياقتى جەرلەرگە بارىپ، كەدەي جۇرتشىلىقتى باسقا كاسىپ سالاسىنا ويىستىرىپ جۇمىستاندىرۋ، ەرەكشە ەگىنشىلىك، باعىمشىلىق كاسىبىن دامىتۋ، قونىس جاڭالاپ كەدەيلىكتەن ارىلۋعا باستاۋ، ساياحات ارقىلى كەدەيلەردى سۇيەمەلدەۋ سىندى جاعدايلاردى ناق مايداندا تەكسەردى.
كەدەي بۇقارانىڭ ۇيىنە بارعاندا، لي پىڭشين كەديلىكتەن ارىلتۋ ساياساتىنىڭ قىستاقتارعا، كەدەي وتباسىلارعا جەتكىزىلۋ جاعدايىن ىشكەرىلەي ۇعىسىپ، كەدەي جۇرتشىلىقتىڭ تالاپ - تىلەگىن ىجداعاتپەن تىڭداپ، ولاردى سەنىمدى بەكەمدەپ، قاجىرلىلىقپەن ەڭبەكتەنۋگە، پارتياعا العىس ايتۋعا، پارتيانىڭ سوزىنە قۇلاق اسۋعا، پارتياعا ىلەسۋگە، قوس قولىنا سۇيەنىپ تاماشا تۇرمىس جاراتۋعا شابىتتاندىردى.
ءدال قۇربان ايت مەرەكەسىنە تۋرا كەلگەندىكتەن، لي پىڭشين شەكارا وڭىردەگى ءبىرىنشى شەپكە ىشكەرىلەي بارىپ، شەكارانى قورعاۋشىلارعا امانداسىپ، حال سۇراپ، شەكارانى قورعاۋشىلاردىڭ قىزمەت، تۇرمىس جاعدايىن ناق مايداندا ۇعىستى.
لي پىڭشين بىلاي دەپ باسا دارىپتەدى: كەدەيلىكتەن ارىلتۋدان قامال الۋ شايقاسى شەشۋشى جەڭىسكە جەتۋدىڭ ماڭىزدى ساتىسىنا قادام تاستادى، ءسوز جوق، ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، ارىنداي العا باسقان قايسارلىقپەن شايقاس جۇرگىزىپ، ءىس جۇزىندىك ارەكەت ارقىلى پارتياعا شارتسىز ادالدىقتى امالياتتا ايگىلەۋ كەرەك.
لي پىڭشين مىنانى تالاپ ەتتى: نازاردى ”ەكىدەن تارىقتىرماۋ، ءۇشتى قامتاماسىز ەتۋ“گە شوعىرلاندىرىپ، دالمە - ءدال شارا اتقارۋدى كۇشەيتىپ، ”جەتى ءبىر توپ“تى ىلگەرىلەتىپ، ”ءۇشتى سەرپىندى ارتتىرۋ“دى جەبەۋ كەرەك. جەرگىلىكتى ورىننىڭ جاعدايىنا قاراي كاسىپ سالاسىن دامىتىپ، عىلىم - تەحنيكانىڭ تىرەكتىك رولىن كۇشەيتىپ، ساپالى سورتتاردى جەتىلدىرۋ، جالپىلاستىرۋ تەبىنىن كۇشەيتىپ، ىندەت جاعدايىن باقىلاۋدى، الدىن الۋدى، مەڭگەرۋدى كۇشەيتىپ، ەرەكشە جەمىس ورمانىنىڭ ساپاسىن ءوسىرۋدى، ونىمدىلىگىن ارتتىرۋدى جانە مال شارۋاشىلىعىن كولەمدەندىرۋدى، كاسىپ سالالاندىرۋدى دامىتۋدى كۇش سالا ىلگەرىلەتۋ كەرەك. ”ىسكەرلەر“دىڭ اسەرىن ساۋلەلەندىرۋگە ءمان بەرىپ، كاسىپ سالاسىنىڭ كەدەيلىكتەن ارىلۋعا جەتەكتەۋ، كەدەيلەرگە يگىلىك جەتكىزۋ مەحانيزمىن اقاۋسىزداندىرىپ، كەمەلدەندىرىپ، كاسىپتىك كووپەراتيۆتى كولەمدەندىرۋ ورەسىن ءوسىرىپ، ولاردى كەدەيلىكتەن ارىلتۋدان قامال الۋدىڭ ”باسشى قاز“ىنا اينالدىرۋ كەرەك. ورنىقتىلىقتىڭ پايداسىنان ويداعىداي پايدالانىپ، ابزال ساياحات بايلىعىن جانە ەرەكشە سالت - سانانى جان - جاقتى كادەگە جاراتىپ، از ۇلتتاردىڭ ۇزدىك مادەنيەتىن ويداعىداي قورعاۋعا مۇراگەرلىك ەتىپ، كەدەيلەردى ساياحات ارقىلى سۇيەمەلدەۋدى بەلسەنە ىلگەرىلەتۋ كەرەك. كاسىپ سالاسىن دامىتۋدى، باسقا كاسىپ سالاسىنا ويىستىرىپ جۇمىستاندىرۋدى، اۋىل - قىستاق تۇرعىندارىنىڭ قونىس ورتاسىن وڭاۋدى ءبىر تۇتاس جوسپارلاپ، كەدەيلىكتەن ارىلتۋدان قامال الۋ مەن اۋىل - قىستاقتى گۇلدەندىرۋدى جاندى ۇشتاستىرۋدى جەبەۋ كەرەك.
لي پىڭشين مىنانى باسا دارىپتەدى: كەدەيلىكتەن ارىلتۋدان قامال الۋ شايقاسىنىڭ جاۋاپكەرشىلىگىن ۇزدىكسىز تياناقتاندىرىپ، كەدەيلىك قالپاعىن لاقتىرىپ تاستاسا دا، جاۋاپكەرشىلىكتى تاستاماۋ، كەدەيلىك قالپاعىن لاقتىرىپ تاستاسا دا، ساياساتتى جالعاستىرا بەرۋ، كەدەيلىك قالپاعىن لاقتىرىپ تاستاسا دا، سۇيەمەلدەۋدى توقتاتپاۋ، كەدەيلىك قالپاعىن لاقتىرىپ تاستاسا دا، باقىلاۋ - باسقارۋدى توقتاتپاۋعا تاباندى بولىپ، جەڭىسكە جەتپەيىنشە تىنباۋ كەرەك.
