11 - ايدىڭ 2 - كۇنى، شيحۋ قالاسى تابىلعات موڭعۇل اۋىلى مالشىلار جاڭا قىستاعىنداعى باعىمشىلىق شاعىن رايونىنان ءبىر كورىنىس (ۇشقىش اپپاراتپەن تۇسىرىلگەن).
تيانشان تورى - شينجياڭ گازەتىنىڭ حابارى (سۋرەتىن ءتۇسىرىپ، حابارىن جازعان ءتىلشى حان لياڭ). شيحۋ قالاسى تابىلعات موڭعۇل اۋىلى مالشىلار جاڭا قىستاعىنىڭ باعىمشىلىق شاعىن رايونىنا كەلسەڭىز، كەڭ دە اۋقىمدى مال قورالاردىڭ قاز - قاتار ءتىزىلىپ تۇرعانىن، جەم - ءشوپ قويماسى، سۇرلەم ۇراسى سياقتى قۇرىلعىلاردىڭ ءبارى سايما - ساي ەكەنىن، قىزمەتكەرلەردىڭ مال قورالاردى تازالاپ، قويلارعا جەم - ءشوپ بەرىپ جۇرگەنىن كورەسىز. ”باعىمشىلىق شاعىن رايونى قۇرىلعاننان بەرى، قىستاقتىڭ تۇرمىس ورتاسىندا زور وزگەرىس بولدى، سونىمەن قاتار، ءۇيدىڭ ماڭايىنان جۇمىستانىپ، كىرىس كوزىن اشتىق“،- دەدى قىستاق تۇرعىنى سانجيا.
11 - ايدىڭ 2 - كۇنى، شيحۋ قالاسى تابىلعات موڭعۇل اۋىلى مالشىلار جاڭا قىستاعىنىڭ باعىمشىلىق شاعىن رايونىنان ءبىر كورىنىس (ۇشقىش اپپاراتپەن تۇسىرىلگەن).
مال شارۋاشىلىعى − مالشىلار جاڭا قىستاعىنىڭ تىرەكتى كاسىبى، بيىل جىل باسىندا، شيحۋ قالالىق حيميا - ونەركاسىپ باقشا رايونىن باسقارۋ كوميتەتىنىڭ مالشىلار جاڭا قىستاعىندا تۇراتىن قىزمەت اترەتى مەن قىستاق ”ەكى كوميتەتى“ اۋىلدىق پارتكومنىڭ قولداۋىندا، 15 ميلليون يۋان نىسان قارجىسىنا قول جەتكىزىپ، يەلەگەن جەر اۋماعى 320 مۋ كەلەتىن جاڭاشا ورتانى قورعاۋ باعىمشىلىق شاعىن رايونىن قۇرىپ، سويىس بازارى، ۋاقىتشا بايقاۋ، وڭاشالاۋ قوراسى، دايراقتى زالالسىزداندىرۋ زاۆودى، كارەنتين - ديزەنفەكسيالاۋ ءۇيى سياقتى سايكەستى كەمەلدەنگەن قۇرىلعىلاردى قامتىپ، جەرگىلىكتى ورىننىڭ مال شارۋاشىلىق، باعىمشىلىق كاسىبىنىڭ تيبىن وزگەرتىپ، دارەجەسىن جوعارلاتۋىن جەبەدى.
11 - ايدىڭ 2 - كۇنى، شيحۋ قالاسى تابىلعات موڭعۇل اۋىلى مالشىلار جاڭا قىستاعىنىڭ تۇرعىندارى باعىمشىلىق شاعىن رايونىندا قويلارعا جەم سالۋدا.
باعىمشىلىق ونىمدىلىگىن بارىنشا جوعارىلاتۋ ءۇشىن، مالشىلار جاڭا قىستاعى ”سەرىكتەستىك + كووپەراتيۆ + شارۋالار“ دامۋ ۇلگىسى ارقىلى بۇكىل قىستاقتىڭ اينالىمعا سالىنعان ون مىڭ مۋدان استام جەرىنە سۇرلەمدىك جۇگەرى ەگىپ، ”ەگىمشىلىك پەن باعىمشىلىق اينالىمعا ءتۇسۋ، استىق پەن جەمگە تەڭ ءمان بەرۋدەي“ ەكولوگيالىق اۋىل شارۋاشىلىعىنىڭ دامۋ ۇلگىسىن ورناتتى. ”ەندىگىدە، ءبىز سۇيەمەلدەۋ تەبىنىن ۇزدىكسىز ارتتىرىپ، قىستاق تۇرعىندارىن ەرەكشە باعىمشىلىق كاسىبىن دامىتۋعا جەتەكتەپ، ەگىنشى - مالشىلاردىڭ كىرىسىن ارتتىرۋ ارناسىن كەڭەيتەمىز“،- دەدى اۋىلدىق پارتكومنىڭ شۋجيى جاڭ ۋي.
