تيانشان تورى - شينجياڭ گازەتىنىڭ ءتىلشىسى تاڭ كاندۇڭ
جايلاۋ تاڭ ساۋلەسىنە مالىندى، تاۋ ىشىندە اۋا رايى قۇبىلدى، كوش جولىندا، ءتورت تۇلىك مال مىڭعىردى ... 5 - ايدىڭ 18 - كۇنى سانجى قالاسى ميرگۋ اۋىلى حىشيە 2 - قىستاعىنىڭ مادەنيەت، دەنە تاربيە ورتالىعىنان ءتىلشى مىناداي ءبىر فوتو سۋرەت كورمەسىن كوردى، مۇنداعى جۇزدەن استام تۋىندىدا اۋىل - قىستاقتىڭ جاڭا بەت - بەينەسى ەستەلىككە الىنىپ، تابيعات كورىنىسى مەن ۇلتتىق سالت - سانا، قىستاق تۇرعىندارىنىڭ ءوندىرىس، تۇرمىس، ەكولوگيانى قورعاۋى سياقتى كورىنىستەر قامتىلعان.
حىشيە 2 - قىستاعىنىڭ تۇرعىندارى ”ءۇمىت“ فوتو سۋرەت كورمەسى تۋىندىلارىن ەكسكۋرسيالاۋدا. سۋرەتتى تيانشان تورى - شينجياڭ گازەتىنىڭ ءتىلشىسى تاڭ كاندۇڭ تۇسىرگەن
”بۇل تۋىندىلاردى قىستاعىمىزداعى مالشىلار تۇسىرگەن“،- سانجى حۇيزۋ اۆتونوميالى وبلىستىق ادەبيەت - كوركەمونەرشىلەر بىرلەستىگىنىڭ حىشيە 2 - قىستاعىندا تۇراتىن قىزمەت اترەتىنىڭ ءبىرىنشى شۋجيى، ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى ليۋ حىشان تىلشىگە، بۇل قىستاقتا وزدىرىلعان 3 - رەتكى ”ءۇمىت“ فوتو سۋرەت كورمەسى، ياعني قاراپايىم مالشىلاردىڭ قولىنداعى فوتو اپپارات، قول تەلەفون ارقىلى جۇرەك تۇكپىردەگى شىنايى سۇيىسپەنشىلىك، قاراپايىمدىلىق ارقىلى وسىزامانعى مالشىلاردىڭ جاڭا بەت - بەينەسىن، جاڭا سالتىن ايگىلەۋ ماقسات ەتىلگەن.
”ءۇمىت“ فوتو سۋرەت كورمەسىندەگى تۋىندى «وتارعا جول الۋ» . سۋرەتتى تيانشان تورى - شينجياڭ گازەتىنىڭ ءتىلشىسى تاڭ كاندۇڭ تۇسىرگەن
حىشيە 2 - قىستاعى پارتيا ياچەيكاسىنىڭ شۋجيى جۇمان بىلاي دەدى: 2014 - جىلى، بۇرىن سانجى قالاسىنىڭ وڭتۇستىك تاۋلى رايونىنا بىتىراي قونىستانعان 650 مالشى وتباسى تاۋلى رايوننان حىشيە 2 - قىستاعىنىڭ وتىرىقتانۋ تۇيىنىنە كوشىپ كەلىپ، ءوندىرىس، تۇرمىس شارت - جاعدايلارىندا بۇرىندى - سوڭدى بولىپ كورىلمەگەن وزگەرىس بولدى. ەرەكشە باعىمشىلىقتى دامىتۋ، ەرەكشە اۋىل شارۋاشىلىق ونىمدەرىن مانەرلەۋ بازاسىن تۇلعالاۋ جانە ەڭبەككۇشتەردى باسقا جاققا ويىستىرۋ سياقتى تاسىلدەرىمەن، قىستاق تۇرعىندارىنىڭ كىرىسى ورنىقتى جوعارىلاپ، جان باسىندىق تازا كىرىس 10 مىڭ يۋاننان استى.
قىستاق تۇرعىندارىنىڭ زاتتىق تۇرمىسى جاقسارسا، رۋحاني تۇرمىسى تابيعي تۇردە اناعۇرلىم جوعارى تالپىنىسقا يە بولادى. سانجى وبلىستىق ادەبيەت - كوركەمونەرشىلەر بىرلەستىگىنىڭ ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتى مادەنيەت بايلىق باسىمدىعىن ساۋلەلەندىرىپ، ”ءۇمىت مالشى فوتوگرافتارىنىڭ“ جەتىلۋ جوسپارىن ورىستەتىپ، بەلگىلەنگەن مەرزىمدە جەلىدە جانە جەلىدەن تىس فوتو سۋرەت كۋرسىن اشىپ، مالشىلاردى تاۋلى رايوندا، قۇمدى ءشولدە، قىستاقتاردا فوتو سۋرەت جاسامپازدىعىمەن اينالىسۋعا جەتەكتەدى، ءارى ناق مايداندا جەتەكشىلىك ەتىپ، فوتو سۋرەتكە قىزىعاتىن مالشىلاردان جيىنى 70تەن استام ادامدى باۋلىدى.
”ءۇمىت“ فوتو سۋرەت كورمەسىندەگى تۋىندى «اۋا رايى قۇبىلمالى سورباستاۋ». سۋرەتتى تيانشان تورى - شينجياڭ گازەتىنىڭ ءتىلشىسى تاڭ كاندۇڭ تۇسىرگەن
قىستاق تۇرعىنى مۇرات تاۋ ساعالاپ، وزەن جاعالاپ كوشىپ - قوناتىن تۇرمىستان وتىرىقتى تۇرمىس كەشىرۋگە قادام تاستاعان، قولىنداعى قامشىنى تاستاپ، اپپاراتپەن تۇرمىستى ەستەمەگە العانداردىڭ ءبىرى. ”بۇرىن ءبىز تاۋدا قىستاۋدا تۇراتىنبىز، شارت - جاعدايمىز ءماز ەمەس ەدى، قازىر تۇرمىسىمىز جاقساردى، قۇبىر سۋى، ەلەكتر بار بولدى، بالالارىمىز قىستاقتا وقۋعا ءتۇستى، قارتتار ناۋقاستانسا باراتىن شيپاحانا دا ءۇيدىڭ ماڭىندا“. وتىرىقتانۋ تۇيىنىنە كوشىپ كەلگەننەن كەيىن، مۇرات پەن جۇبايى ماڭايداعى ءبىر كاسىپورىنعا جۇمىسقا شىعادى، ءبىر جىلدا 80 مىڭ يۋاننان استام اقشا تابادى، ”بۇل مەنىڭ كورمەگە قاتىناستىرعان سۋرەتىم، جاڭا عانا جۇمىرتقادان شىققان بالاپان، تۋىندىمنىڭ اتى «جاڭا باسپانا، جاڭا ءومىر»“.
”ءۇمىت“ فوتو سۋرەت كورمەسىندەگى تۋىندى «بالالىق شاق». سۋرەتتى تيانشان تورى - شينجياڭ گازەتىنىڭ ءتىلشىسى تاڭ كاندۇڭ تۇسىرگەن
30 نەشە جاستاعى انارگۇل كىشكەنتايىنان فوتوسۋرەت تارتۋعا اۋەس بولاتىن. 2020 - جىلى كۇيەۋى ەكەۋى ءبىر ۇلكەن جۇك اۆتوكولىگىن ساتىپ الىپ، ەرلى - زايىپتى ەكەۋى بىرگە تاسىمال ىستەرىمەن شۇعىلدانادى. ول بىلاي دەدى: ”ۇلكەن جۇك اۆتوكولىگىمەن شينجياڭنىڭ جەر - جەرىنە بارامىز، ارەدىكتە جولداعى كوركەم كورىنىستەردى ەستەلىككە الىپ وتىردىم، اسىرەسە ءبىرقانشا جىلدان بەرى تاس جولدار بارعان سايىن جاقساردى، وسىعان سايكەس كوپشىلىكتىڭ تۇرمىسى دا بارعان سايىن جاقساردى، بۇل وزگەرىستەردى ەستەلىككە الۋ ماعان تابىس سەزىمىن اكەلدى“.
سانجى قالاسىنان كەلگەن فوتو سۋرەت اۋەسكەرى مالشى ”فوتوگرافتاردىڭ“ فوتو تۋىندىلارىن تاماشالاۋدا. سۋرەتتى تيانشان تورى - شينجياڭ گازەتىنىڭ ءتىلشىسى تاڭ كاندۇڭ تۇسىرگەن
”قىستاق فوتو سۋرەت كورمەسىنىڭ ورەسى مۇنداي جوعارى، مالشىلاردىڭ فوتو سۋرەتكە بولعان قىزعىندىلىعى وسىنشاما جوعارى، مالشىلاردىڭ قازىرگى تۇرمىسى مۇنداي جاقسى بولارىن ويلاماعان ەكەنبىز... “،- دەدى سانجى قالاسىنداعى فوتو سۋرەت اۋەسكەرى ياڭ دى فوتو سۋرەت كورمەسىن ەكسكۋرسيالاعاننان كەيىن اسەرلەنىپ،- ”فوتوگرافتار ءبىر جەردە 365 كۇن تۇراقتاپ تۇرا المايدى، ال ءبىزدىڭ مالشىلارىمىز سۋرەتكە تۇسىرۋگە ءارقاشان دايىن. مالشىلاردىڭ قولىنان شىققان بۇل تۋىندىلار ولاردىڭ ەڭ كوركەم جۇرەك ءۇنى ىسپەتتى. مەنىڭ نازارىمدا، ولاردىڭ ءبارى دە تاماشا تۋىندى سانالادى“.
