قياق كۇرىشتىڭ حوش ٴيىسى اڭقىدى، جانە ٴبىر جىلعى دۋان - ۋ مەرەكەسى كەلۋ قارساڭىندا، جۇڭحۋانىڭ تاڭداۋلى ٴداستۇرلى مادەنيەتىن اناعۇرلىم ويداعىداي جالعاستىرۋ، قىستاق تۇرعىندارىنىڭ مادەنيەت تۇرمىسىن بايىتۋ، كورشىلەردىڭ جاراسىمدىلىعىن جەبەۋ ٴۇشىن 6 - ايدىڭ 16 - كۇنى ساۋان قالاسى شاڭحۋدي اۋىلى شاڭدۇڭ قىستاعى مادەنيەت الاڭىندا ”قويۋ سۇيىسپەنشىلىككە تولى دۋان ـ ۋ مەرەكەسى، كورشىلەر بىرگە شاتتىققا شومۋ“ نەگىزگى تاقىرىپتىق قيمىلى جانە ۇلتتار ىنتىماعىنىڭ بەرەكەلى شاڭىراعى سۇيىسپەنشىلىكتى توعىستىرۋ قيمىلىن ۇيىمداستىرىپ وتكىزدى، تۇتاس اۋىلدان جالپى 220 ادام قاتىناستى.
قيمىلدا «قىزىقتى كۇندەردى شاتتىقپەن وتكىزۋ» اتتى بيمەن كونسەرتتىڭ شىمىلدىعى اشىلدى، «ەڭ سالتاناتتى» اتتى بەتاشار ٴبي اياقتاعاننان كەيىن، « تاۋ جانە قىزاردى» ٴانى، «جۇڭگولىقتار، جۇڭگو جۇرەگى» ٴبيى سياقتى نومىرلەر الما ـ كەزەك قويىلدى، تارتىمدى كونسەرتكە كورەرمەندەر جاپپاي القاۋ ءبىلدىردى، الاڭ قىزۋ مەرەيگە شومدى.
تارتىمدى ويىن نومىرلەرىنەن سىرت، قياق كۇرىش ٴتۇيۋ جارىسى الاڭدى دۋمانعا بولەدى، جۇرگىزۋشىنىڭ بۇيرىق بەرۋىمەن، جارىسقا قاتىناسۋشىلار بايىپتىلىقپەن قياق كۇرىش جاپىراعىن سىندىرىپ، ىشىنە جابىسقاق كۇرىشتى سالىپ ورادى، كىشكەنتاي، جاپ - جاسىل، تارتىمدى قياق كۇرىش لەزدە ءتۇيىلىپ شىقتى. ”قياق كۇرىش كىشكەنتاي عانا بولعانىمەن، جاسالۋ جولى وڭاي ەمەس، ٴبىرىنشى باسقىشتا جاپىراق بۇكتەپ، ەكىنشى باسقىشتا ماتەريال سالامىز، ٴۇشىنشى باسقىشتا نىعىزداپ، ءتورتىنشى باسقىشتا جاقسىلاپ ءتۇيىپ، بەسىنشى باسقىشتا جىپپەن تۇيەمىز... قاراماققا وڭاي بولعانىمەن، قيماسى ءدامدى، كورىنىسى كوركەم قياق كۇرىشتى ءتۇيۋ شەبەرلىكتى قاجەت ەتەدى“،- دەدى جارىسقا قاتىناسقان يان فاڭمەي. قياق كۇرىش ٴتۇيۋ جارىسى اياقتالعاننان كەيىن، تاعى قياق كۇرىش جەۋ، قياق كۇرىشكە تالاسۋ، بۇرشاق قىستىرۋ، ءبىر جولاتا وراۋ سياقتى شاعىن ويىندار وتكىزىلىپ، قيمىل الاڭىندا شاتتىق ٴۇنى كوتەرىلدى.
شاڭحۋدي اۋىلى شاڭدۇڭ قىستاعىنىڭ تۇرعىنى ورازعالي قاجىكەي بىلاي دەدى: ”بۇگىن قىستاعىمىز جونىنەن العاندا ءبىر جىلداعى ەڭ دۋماندى كۇن، قىستاق تۇرعىندارى تەگىس ٴۇي ىشىمەن، دوس-جاراندارىمەن بىرگە دۋان - ۋ مەرەكەسىن تويلادى، مەن دە بالالارىمدى ەرتىپ دۋان ـ ۋ مەرەكەسىنىڭ قويۋ رايىن سەزىندىم. قىستاعىمىزداعى تۇرعىندار ٴبىر ۇستەلدە قورالانا وتىرىپ ٴدامدى تاعامداردان اۋىز ٴتيىپ، اڭگىمە دۇكەنىن قۇردىق، تارتىمدى ويىنداردى دا تاماشالادىق، بۇدان كەيىن دە وسىنداي قيمىلداردىڭ كوبىرەك ۇيىمداستىرىلۋىن ٴۇمىت ەتەمىز“، ـ دەدى.
”دۋان - ۋ مەرەكەسى جۇڭحۋا ۇلتىنىڭ ماڭىزدى ٴداستۇرلى مەرەكەسى، ’قياق كۇرىش ٴتۇيۋ‘ سالتىنىڭ استارىندا ۇلى وتانشىلدىق سۇيىسپەنشىلىك جالعاسقان، سونداي ـ اق قىستاق تۇرعىندارىنىڭ تۇرمىسىمەن تىعىز قاتىستى مەرەكەلىك مادەنيەت جاتىر، ٴبىز وسىنداي قيمىلداردى ۇيىمداستىرۋ ارقىلى ۇلتتىق سالت ـ سانا مادەنيەتىن جالعاستىرىپ، قىستاق تۇرعىندارىنىڭ اۋىل سۇيىسپەنشىلىگى مەن كورشىلەر سۇيىسپەنشىلىگىن كوڭىل تۇكپىرىنە ۇيالاتۋىن ءۇمىت ەتەمىز. بۇدان كەيىن ٴبىز كورىكتى اۋىل ـ قىستاق قۇرىلىسىن ۇزدىكسىز ارقاۋ ەتە وتىرىپ، ٴتۇرلى قيمىلداردى ورىستەتىپ، اۋىل ـ قىستاقتى گۇلدەندىرۋدى جەبەۋگە تىڭ ومىرشەڭدىك كۇش قوسامىز“، ـ دەدى ساۋان قالاسى شاڭحۋدي اۋىلدىق پارتكومنىڭ شۋجيى ليۋ لۇڭ.
