انار بۇلت \ شينجياڭ گازەتىنىڭ ءتىلشىسى ۋاڭ يۇڭفەي 5 - ايدىڭ 26 - كۇنى ۇرىمجىدەن حابارلايدى. 5 - ايدىڭ 23 - كۇنى اۆتونوميالى رايوننىڭ ”اۋىل - قىستاقتى گۇلدەندىرۋ بولىگى“ شينجياڭ جارنا ۇقىعى ايىرباس ورتالىعىندا اشىلدى، اۋىل شارۋاشىلىعىن كاسىپ سالالاندىرۋداعى 52 باستاماشى كاسىپورىن تۇڭعىش توپتا بولىككە كىرىپ جەتىلدىرىلدى. بۇل باتىس سولتۇستىكتەگى 5 ولكە، رايوننان اۋىل - قىستاقتى گۇلدەندىرۋ ستراتەگياسىن تۇڭعىش تياناقتاندىرعان وڭىرلىك كاپيتال بازارىنداعى ”ەرەكشە بولىك“.
اۆتونوميالى رايوننىڭ ”اۋىل - قىستاقتى گۇلدەندىرۋ بولىگىن“ اۆتونوميالى رايوندىق جەرگىلىكتى فينانس باقىلاۋ - باسقارۋ مەكەمەسى، اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسى بىرلەسىپ قۇرعان، تۇڭعىش توپتا بولىككە كىرگەن كاسىپورىندار رايونىمىزداعى 14 ايماق، وبلىس، قالانى قامتىدى.
بۇل بولىك شينجياڭنىڭ ءتۇرلى اۋىل شارۋاشىلىعى كاسىپورىندارى ءۇشىن قۇرىلعان مەنشىكتى قىزمەت وتەۋ بولىگى، نەگىزىنەن، اۆتونوميالى رايون دارەجەلى اۋىل شارۋاشىلىعىن كاسىپ سالالاندىرعان ءتۇيىندى باستاماشى كاسىپورىندارعا، سونداي - اق تيجارات جاعدايى جاقسى، كاسىپ سالاسى ارقىلى جەتەكتەۋ قۋاتى جانە شارۋالارمەن بايلانىس جاساۋ، شارۋالاردى جەتەكتەۋ رولى كۇشتى ايماق، وبلىس، قالا دارەجەلى باستاماشى كاسىپورىندارعا باعىتتالعان.
بولاشاقتا بۇل بولىك مەنشىك تۇزىمىنە رەفورما جاساپ كاسىپورىن بولۋ نيەتى بار نەمەسە ءوندىرىس - تيجارات جاعدايى ءبىرشاما جاقسى شارۋالار كاسىپتىك سەلبەستىك كووپەراتيۆتەرىنىڭ ۇلگى كورسەتۋ كووپەراتيۆى سياقتى جاڭاشا اۋىل شارۋاشىلىعى تيجارات تۇلعالارىنا قاراي بىرتىندەپ اشىق ۇستالادى. اۆتونوميالى رايوندىق جەرگىلىكتى فينانس باقىلاۋ - باسقارۋ مەكەمەسى، اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسى ءار جىلى بولىككە كىرۋگە ءوتىنىش ەتۋدى ۇيىمداستىرىپ، 3 تە 5 جىل ۋاقىتتا 300 نەشە كاسىپورىندى كورسەتۋگە، جەتىلدىرۋگە كۇش سالادى.
بولىككە كىرگەن كاسىپورىن ”ساياساتتىق سۇيەمەلدەۋ + وڭىرلىك جارنا ۇقىعى بازارىنىڭ قىزمەت وتەۋى“ سىندى قوس قولداۋعا يە بولادى. اۆتونوميالى رايونداعى ءار دارەجەلى اۋىل شارۋاشىلىعى، اۋىل - قىستاق، جەرگىلىكتى فينانس باقىلاۋ - باسقارۋ تاراۋلارى بولىككە كىرگەن كاسىپورىنداردىڭ قاتىستى سۇيەمەلدەۋ جانە سيلىق تولىقتاما قاراجاتى ساياساتىن سايكەستىرە تياناقتاندىرىپ، اۆتونوميالى رايوننىڭ ”اۋىل - قىستاقتى گۇلدەندىرۋ بولىگى“ مەن اۆتونوميالى رايوننىڭ جارنا بازارىنا شىعارىلاتىن زاپاس كاسىپورىندارى بايلىعى قامباسىنا ءوزارا تۇتاستىرۋدى ىلگەرىلەتىپ، شارتقا ۇيلەسەتىن اۋىل شارۋاشىلىعى كاسىپورىندارىن قامباعا ەنگىزىپ باۋلۋدى ىلگەرىلەتىپ، جارنانى بازارعا شىعارۋ بارىسىندا بەلگىلەمە بويىنشا كەزەڭگە ءبولىپ سيلىق بەرەدى.
ءبىز ارناۋلى بولىك كاسىپورىندارىنا كورسەتۋ، ۇگىتتەۋ، جارنا ۇقىعى باعاسىن مالىمدەۋ، قارجى قوسۋ، قارجى قۇراۋ، كەپىل بولۋ، سەنىمدى ارتتىرۋ، جارنانى بازارعا شىعارۋ بويىنشا باۋلۋ سياقتىلاردى ءبىر تۇلعالاندىرعان كەشەندى فينانس قىزمەت وتەۋمەن، سونداي - اق قازىنا، سالىق، زاڭ، ساياسات، جارنا ۇقىعى شابىتتاندىرۋى سياقتى قىزمەت وتەۋمەن قامدايمىز“، - دەدى شينجياڭ جارنا ۇقىعى ايىرباس ورتالىعىنىڭ باس ديرەكتورى چىن فىڭلەي.
شاڭحاي، شىنجىن، بەيجيڭ باعالى قاعاز ايىرباس ورنى شينجياڭ قىزمەت وتەۋ بازاسىنا سۇيەنە وتىرىپ، شينجياڭ جارنا ۇقىعى ايىرباس ورتالىعى جارناسىن بازارعا شىعارۋ ويىندا بولعان، بولىككە ەنگىزىلگەن كاسىپورىنداردىڭ كاپيتال بازارى زاڭدىلىعىن قانىق بىلۋىنە كومەكتەسىپ شاڭحاي، شىنجىن، بەيجيڭ باعالى قاعاز ايىرباس ورنىنا تىكە جەتكىزىپ، كاسىپورىنداردىڭ كۇشەيۋىنە، ساپالىلانۋىنا، زورايۋىنا كۇش ۇستەدى.
اشىلۋ سالتىندا شينجياڭ جارنا ۇقىعى ايىرباس ورتالىعى شينجياڭ بانكەسىمەن، جۇڭشين بانكەسىنىڭ ءۇرىمجى بولىمشە بانكەسىمەن، بەيجيڭ بانكەسىنىڭ ءۇرىمجى بولىمشە بانكەسىمەن، شينجياڭ اۋىل شارۋاشىلىق داشۋەسى ەكونوميكا جانە باسقارۋ شۋەيۋانىمەن جەكە - جەكە ستراتەگيالىق سەرىكتەستىك كەلىسىمى، ءوندىرىس - وقىتۋ - زەرتتەۋ تۇعىرى قۇرىلىسى كەلىسىمى سياقتىلارعا قول قويىپ، اۋىل شارۋاشىلىعىن كاسىپ سالالاندىرعان باستاماشى كاسىپورىنداردىڭ قارجى قۇراۋ، اۋىل شارۋاشىلىعىندا ءوندىرىس - وقىتۋ - زەرتتەۋدى ءبىر تۇلعالاندىرا دامىتۋ سياقتى جاقتارداعى سەلبەستىكتى كۇشەيتىپ، بايلىقتى بىرىكتىرىپ، بولىككە ەنگىزىلگەن كاسىپورىنداردىڭ جوعارى ساپالى دامۋىنا بىرگە كۇش ۇستەدى.
قيمىل بارىسىندا شينجياڭ شياۋجيننيۋ ازىق - تۇلىك جارنا شەكتى سەرىكتەستىگى، شينجياڭ ءالنۇر اۋىل شارۋاشىلىعى عىلىم - تەحنيكاسىن وركەندەتۋ شەكتى سەرىكتەستىگى، ىلە اراق كاسىبى شەكتى جاۋاپكەرشىلىك سەرىكتەستىگى سىندى 3 سەرىكتەستىك جەكە - جەكە شينجياڭ بانكەسىنىڭ، جۇڭشين بانكەسىنىڭ، بەيجيڭ بانكەسىنىڭ قارجى قۇراۋ سەنىمدىلىگىنە يە بولدى.
