كاسىپ سالاسى گۇلدەنسە، قىستاق تۇرعىندارى اۋقاتتانادى. جەمەنەي اۋدانى ۇلاستى قالاشىعى شاڭدىجۇرت قىستاعىندا قاتار ـ قاتار تىزىلگەن جىلىجايلار قىستاق تۇرعىندارىنىڭ قالتاسىن قامپايتتى. شاڭدىجۇرت قىستاعى ”پارتيا قۇرىلىسى + ەكولوگيالىق اۋىل شارۋاشىلىعى“ ۇلگىسى ارقىلى جىلىجايدا كوكونىس ەگۋدى زور كۇشپەن دامىتىپ، وزىنە ٴتان اۋىل شارۋاشىلىعى ”ماركاسىن“ كۇش سالا قالىپتاستىرىپ، قىستاق تۇرعىندارىنىڭ اۋقاتتانۋ ارناسىن كەڭەيتتى.
5 ـ ايدىڭ 8 ـ كۇنى ٴتىلشى شاڭدىجۇرت قىستاعىنىڭ تۇرعىنى ۋاڭ ليباۋدىڭ كوكونىس جىلىجايىنان قيار، بۇلدىرگەن، شومىر، شىڭساي، بوساي سياقتى ٴتۇرلى جەمىس ـ جيدەكتەردىڭ ادامدى قۋانتارلىقتاي تاماشا ءوسىپ، پىسۋعا تاياعانىن، بازارعا سالىنۋعا دايىن تۇرعانىن كوردى.
ۋاڭ ليباۋ جىلىجايدا كوكونىس ەگۋدىڭ 10 نەشە جىلدىق تاجىريبەسىنە يە، ول بىلاي دەدى: ”مەن جىلىجايدا كوكونىستەردى ەگۋ بارىسىندا اۋىل شارۋاشىلىعى دارىلەرىن، حيميالىق تىڭايتقىشتاردى ىستەتپەيمىن، پىسقان جەمىس ـ جيدەك، كوكونىستەردى بازارعا اپارىپ ساتىپ، تۇتىنۋشىلاردىڭ قىزۋ قارسى الۋىنا بولەندىم، كوكونىس ساتۋدان جىل سايىنعى تاپقان تازا كىرىسىم 20 مىڭ يۋان اينالاسىندا“.
ۇعىسۋعا قاراعاندا، جىلىجايدىڭ ونىمدىلىگىن جوعارىلاتۋ ٴۇشىن، ۋاڭ ليباۋ جىلىجايىندا ٴبىر قالتقىدا كوپ ٴتۇرلى ەگۋ، ٴبىر جەردەن كوپ ٴونىم الاتىن ەگىمشىلىك ۇلگىسىن قولداندى، قازىرگە دەيىن جىلىجايدا ەگىلگەن شىڭساي، بوساي، ٴبايساي سياقتى كوكونىستەردى جيناپ العاننان كەيىن باسقا كوكونىستەردى ەگۋگە بولادى، بۇل 11 - ايعا دەيىن جالعاسادى. ٴبىر جىلدىڭ ٴتورت ماۋسىمىندا دا كىرىس كىرگىزۋگە كەپىلدىك ەتتى.
اۋىل ـ قىستاقتى گۇلدەندىرۋدە كاسىپ سالاسى الدىمەن جۇرگىزىلەدى. ۇلاستى قالاشىعى اۋىل شارۋاشىلىعى بايلىق ابزالدىلىعىن تولىق ساۋلەلەندىرىپ، اۋىل شارۋاشىلىعى كاسىپ ءتۇزىلىسىن رەتتەۋدى كۇشەيتىپ، قىزمەت وتەۋ شارالارىن ساپالىلاندىرىپ، جىلىجايدا ەگۋدى نەگىز ەتكەن كاسىپتەردى كۇش سالا دامىتىپ، بۇقارانىڭ ەگىمشىلىكپەن شۇعىلدانۋ، كىرىسىن ارتتىرۋ سەنىمىن نىعايتىپ، جىلىجايدا كوكونىس ەگۋدى بۇقارانىڭ كىرىسىن ارتتىرىپ، اۋقاتتانۋىنا دەم بەرەتىن ”ماڭىزدى تاسىلگە“ اينالدىردى.
