4 - ايدىڭ 8 - كۇنى 2022 - جىلعى جۇڭگو قىستاق ءانى ءان باسەكەسىنىڭ شەشۋشى جارىسى جانە سيلىق تاراتۋ سالتى حىبەي ولكەسىنىڭ جوجوۋ قالاسىندا تابىستى وتكىزىلدى. شينجياڭ ۇيعۇر اۆتونوميالى رايونى بايىنعولين موڭعۇل اۆتونوميالى وبلىسى لوپنۇر اۋدانى داشي قىستاعى تاڭداپ ۇسىنعان «داشي قىستاعىنداعى اداش» ءانى 2 - دارەجەلى سيلىققا يە بولدى.
ساياحاتشىلار اۆتوبۋزعا وتىرىپ داشي قىستاعىن تاماشالادى (سۋرەت 2021 - جىلى 6 - ايدىڭ 15 - كۇنى تۇسىرىلگەن). سۋرەتتى گو باۋيۇي تۇسىرگەن
داشي قىستاعى لوپنۇر اۋدان قالاشىعىنىڭ ماڭىنا ورنالاسقان، ”شينجياڭداعى ءبىرىنشى قىستاق“ دەگەن اتقا يە، لوپنۇر اۋدانىنىڭ 3A دارەجەلى قىزىل ساياحات كورىنىس ءوڭىرى. 2017 - جىلى داشي قىستاعى مەملەكەتتىك ەرەكشە كورىنىس ساياحات ايگىلى قىستاعى قاتارىنا ەندى؛ 2019 - جىلى جۇڭگوداعى كوركەم سەيىل - سەرۋەن قىستاعى قاتارىنا ەندى؛ 2020 - جىلى بۇكىل مەملەكەتتىك اۋىل - قىستاق ساياحاتىنداعى ءتۇيىندى قىستاق قاتارىنا ەندى.
لوپنۇر اۋدانى داشي قىستاعىنان ءبىر كورىنىس (سۋرەت 2021 - جىلى 4 - ايدىڭ 29 - كۇنى ۇشقىش اپپاراتپەن تۇسىرىلگەن). سۋرەتتى تيانشان تورى - شينجياڭ گازەتىنىڭ ءتىلشىسى ساي زىڭلى تۇسىرگەن
سوڭعى جىلدارى داشي قىستاعى، 2 -، 3 - كاسىپ سالالارىنا بەل شەشە كىرىسىپ، مال شارۋاشىلىعى، شارۋالار وتباسىلىق ساياحاتى، ەلەكتروندىق ساۋدا سياقتى كاسىپ سالالارىن بەلسەنە دامىتىپ، سالت - سانا باقشاسى كوشەسى، نان ساۋداسى كوشەسى، داشي كەشكى بازارى سياقتى كاسىپ سالالارىن ىلگەرىندى - كەيىندى تۇلعالاپ، قىستاق تۇرعىندارىنىڭ باقىت سەزىمى مەن تابىس سەزىمىن نىعايتىپ، ۇلتتار ىنتىماعىنىڭ نەگىزىن اناعۇرلىم بەكەمدەي ءتۇستى. پارتيا مەن مەملەكەتتىڭ ابزال ساياساتتارىنىڭ ارقاسىندا، داشي قىستاعى بارعان سايىن كوركەيىپ، قىستاق تۇرعىندارىنىڭ تۇرمىسى بارعان سايىن شالقي ءتۇستى. 2021 - جىلى داشي قىستاعىنداعى ەگىنشى - مالشىلاردىڭ جان باسىندىق تازا كىرىسى 36 مىڭ يۋانعا، قىستاق كوللەكتيۆىنىڭ كىرىسى 1 ميلليون 538 مىڭ 600 يۋانعا جەتتى.
2019 - جىلدان باستاۋ العان «داشي قىستاعىنداعى اداش» ءانى ەكى جىلعا جۋىق ۋاقىتتا جازىلىپ بولعان، 2021 - جىلى 7 - ايدا جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىنا ارنالىپ مۋزيكالىق تۋىندى رەتىندە جاريالانعان. ءاننىڭ ءسوزىن جازعان جانە ورىنداعان ۋاڭ ياڭ جۇڭگو مۋزيكانتتار قوعامى كەڭ تارالعان مۋزيكا قوعامىنىڭ جوراسى، شينجياڭ مۋزيكانتتار قوعامى كەڭ تارالعان مۋزيكا قوعامىنىڭ ورىنباسار باس حاتشىسى، سىرتپەن بايلانىس جاساۋ ءبولىمىنىڭ باستىعى، «ناعىز ازاماتتىڭ ءانى · ۋاڭ ياڭ» ءان جيناعى، «شينجياڭدىق ادام»، «شينجياڭ ءدامى»، «شينجياڭ توراڭعىسى» سىندى ۋاكىلدىك تۋىندىلارى بار. مۋزيكاسىن جازعان مىڭ ۋىنحاۋ جۇڭگو مۋزيكانتتار قوعامىنىڭ مۇشەسى، جۇڭگو كەڭ تارالعان مۋزيكا قوعامىنىڭ جوراسى، «ماحاببات نازى»، «جاس داۋرەن» سياقتى ۋاكىلدىك تۋىندىلارى بار.
ۇعىسۋعا قاراعاندا، 2022 - جىلعى جۇڭگو قىستاق ءانى باسەكەسىنىڭ شەشۋشى جارىسىنا بۇكىل ەلدىڭ 15 ولكەسىنەن (اۆتونوميالى رايون، توتە قاراستى قالا) 15 قىستاق ءانى كومانداسى قاتىناسىپ، جەكە - جەكە 1 -، 2 -، 3 - دارەجەلى سيلىقتارعا يە بولعان. مۇنىڭ ىشىندە جىجياڭ ولكەسى نيڭبو قالاسى، سىشي قالاسى جوۋشياڭ قالاشىعى تيانيۋان قىستاعىنىڭ «تاماشا تۇرمىستى جىرلايمىز» جانە انحۇي ولكەسى چىجوۋ قالاسى گۇيچى رايونى مەيسۇن قالاشىعى شياۋكاڭ قىستاعىنىڭ «جيۋحۋا قويناۋىنداعى كەرەمەت شياۋكاڭ» ءانى جارىستىڭ 1 - دارەجەلى سيلىعىنا يە بولدى؛ شينجياڭ ۇيعۇر اۆتونوميالى رايونى داشي قىستاعى، شاندۇڭ ولكەسى نانۋاڭ قىستاعى، جيلين ولكەسى ارداۋجياڭ قىستاعى، گۋاڭدۇڭ ولكەسى اۋتوۋ قىستاعى، حۋبەي ولكەسى سانچياۋ قىستاعىنىڭ 5 قىستاق ءانى 2 - دارەجەلى سيلىققا يە بولدى؛ تيانجين، بەيجيڭ، حۋنان، گۋاڭدۇڭ، حيلۇڭجياڭ، جىجياڭ، چيڭحاي، چۇڭچيڭنىڭ 8 قىستاق ءانى 3 - دارەجەلى سيلىققا يە بولدى.
2022 - جىلعى جۇڭگو قىستاق ءانى جارىسى بىلتىر 8 - ايدىڭ 6 - كۇنى رەسمي باستالعالى، جارىستى ۇيىمداستىرۋ كوميتەتى بۇكىل ەلدىڭ بەس ۇلكەن جارىس رايونىنان جينالعان مىڭعا تارتا قىستاق ءانى تۋىندىلارىن تاپسىرىپ الدى. دارەجە بويىنشا ۇسىنۋ، ماتەريالدى باعالاپ تەكسەرۋ، مامانداردىڭ باعالاۋى، جەلىدە باعالاۋ سياقتى جارىس وتكەلدەرىنەن سوڭ، بەس ۇلكەن جارىس رايونىنان 15 قىستاق ءانى مەملەكەتتىك شەشۋشى جارىسقا ەندى. بۇل قيمىلدىڭ جالعاسقان ۋاقىتى ۇزاق، ىقپالى زور بولىپ، ورتالىق جانە ولكە، قالا مەديالارىنىڭ جاپپاي نازار اۋدارۋىنا جانە ءۇرتىس حابارلاۋىنا يە بولدى.
