− رايونىمىزداعى تاراۋلار، ورىندار اۆتونوميالى رايوندىق پارتكومنىڭ اۋىل - قىستاق قىزمەتى ءماجىلىسىنىڭ جانە اۋىل - قىستاقتى گۇلدەندىرۋدىڭ جوعارى ساپالى دامۋىن ىلگەرىلەتۋ جينالىسىنىڭ رۋحىن مۇقيات ۇيرەندى، دايەكتىلەندىردى
انار بۇلت \ شينجياڭ گازەتىنىڭ تىلشىلەرى
2 - ايدىڭ 6 - كۇنى اۆتونوميالى رايوندىق پارتكومنىڭ اۋىل - قىستاق قىزمەتى ءماجىلىسى جانە اۋىل - قىستاقتى گۇلدەندىرۋدىڭ جوعارى ساپالى دامۋىن ىلگەرىلەتۋ جينالىسى اشىلىپ، شينجياڭنىڭ جاڭا داۋىردەگى جاڭا جورىقتا اۋىل - قىستاقتى گۇلدەندىرۋدى جاپپاي ىلگەرىلەتۋدەگى، اۋىل شارۋاشىلىعىندا قۋاتتى رايون قۇرۋدى جەدەلدەتۋدەگى العا ىلگەرىلەۋ دابىلى قاعىلدى.
بىرنەشە كۇننەن بەرى، رايونىمىزداعى تاراۋلار، ورىندار ءماجىلىستىڭ رۋحىن مۇقيات ۇيرەنىپ ۇعىندى. ايرىقشا جىگەرلەنگەن ءار ۇلت كادرلارى مەن بۇقاراسى اۋىل شارۋاشىلىعىندا قۋاتتى رايون قۇرۋ ستراتەگيالىق بورىشىن باتىل ارقالاپ، شينجياڭنىڭ وسى زامانعى اۋىل شارۋاشىلىعىن دامىتۋداعى ەرەكشە باسىمدىعى مەن وراسان زور كومەسكى كۇشىن دالمە - ءدال يگەرىپ، سەنىمدى بەكەمدەپ، كۇش - قايراتتى توپتاپ، بەلسەنە ىسكەرلىك كورسەتىپ، ءۇمىت اتىزىندا اۋىل - قىستاقتى گۇلدەندىرۋدىڭ، اۋىل شارۋاشىلىعىندا قۋاتتى رايون بولۋدىڭ ايبىندى كارتيناسىن قۇلشىنا كەسكىندەيتىندىكتەرىن ءبىلدىردى.
جاڭا جورىقتا اۋىل شارۋاشىلىعى، اۋىل - قىستاق، شارۋالار قىزمەتىن ويداعىداي ىستەۋ سەنىمى مەن بەكىمىن بەكەمدەدى
”وسى رەتكى ءماجىلىس تۇتاس رايوننىڭ بيىلعى اۋىل شارۋاشىلىعى، اۋىل - قىستاق، شارۋالار قىزمەتى جونىندە جان - جاقتى ورنالاستىرۋ جاساپ، اۋىل شارۋاشىلىعىندا قۋاتتى رايون قۇرۋدى جەدەلدەتۋ سەنىمىمىز بەن بەكىمىمىزدى بەكەمدەدى“، - دەدى اۆتونوميالى رايوندىق پارتكوم اۋىل - قىستاق قىزمەتى باسشىلىق گرۋپپاسى كەڭسەسىنىڭ ارناۋلى ورىنباسار مەڭگەرۋشىسى، اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسىنىڭ ورىنباسار باستىعى شۇي تاۋ.
بىلتىر تۇتاس رايوننىڭ استىق جالپى ءونىم مولشەرى 18 ميلليون 135 مىڭ تونناعا جەتىپ، استىق ءونىم مولشەرىندە تاعى دا تىڭ دەڭگەي جارىققا شىعىپ، ارتۋ مولشەرى ەلىمىز بويىنشا 1 - ورىندا بولدى، ماقتا جالپى ءونىم مولشەرىنىڭ بۇكىل ەلدەگى يەلەگەن سالىستىرماسى ％90تەن استى، جەمىس ورمانى، كوكونىس، مال، ءۇي قۇستارى سياقتى ەگىن، مال شارۋاشىلىعى ونىمدەرىن ءوندىرۋ قۋاتى نىق قاداممەن جوعارىلاپ، اۋىل شارۋاشىلىعى، اۋىل - قىستاق، شارۋالار قىزمەتىنىڭ نەگىزگى جاعدايى ورنىقتى، تەبىندى بولىپ، جاڭا كەزەڭدە، جاڭا جورىقتا اۋىل - قىستاقتى گۇلدەندىرۋدىڭ جوعارى ساپالى دامۋىن ىلگەرىلەتۋگە نەگىز قالاندى.
شۇي تاۋ مىنانى ءبىلدىردى: بيىل وسى رەتكى ماجىلىستەگى ورنالاستىرۋعا ساي، استىق حاۋىپسىزدىگىنە پارتيا مەن ۇكىمەت بىردەي جاۋاپتى بولۋدى قاتاڭ تياناقتاندىرىپ، استىق ءوندىرۋ قۋاتىن ارتتىرۋ ارەكەتى مەن ءبيدايدى، جۇگەرىنى ءتۇيىن ەتكەن استىقتىڭ بىرلىك ءونىمىن ارتتىرۋ ينجەنەرياسىن اتقارىپ، استىق، ماي ءوندىرۋ جالپىلىق قۋاتىن جاپپاي جوعارىلاتامىز. ماقتا ءوندىرىسىنىڭ ساپاسىن جوعارىلاتىپ، ونىمدىلىگىن ارتتىرۋ ارەكەتىن بەلسەنە اتقارىپ، بازاردى بەتالىس ەتىپ، ماقتا القاپتارىنىڭ ورنالاسىمى مەن سورتتارىنىڭ قۇرىلىمىن ۇزدىكسىز ساپالىلاندىرىپ، ماقتا كاسىپ سالاسىنىڭ باسىم ورنىن بەكەمدەيمىز. سونىمەن بىرگە، ەلىمىز بويىنشا ساپالى ەگىن، مال شارۋاشىلىعى ونىمدەرىمەن قامداۋداعى ماڭىزدى بازا تۇلعالاۋ سىندى ستراتەگيالىق ورىندى تياناق ەتىپ، شينجياڭنىڭ سۋ بايلىعى كومەسكى كۇشىن تولىق اشىپ، استىق، ماقتا، جەمىس، كوكونىس سياقتى بايلىق پەن كاسىپ سالالارىنىڭ بۇكىل ەلدىڭ ەكونوميكالىق كەلەلى جاعدايىنداعى ماڭىزدى رولىن ساۋلەلەندىرىپ، اۋىل شارۋاشىلىعىندا قۋاتتى ەل قۇرۋعا، استىق جانە ماڭىزدى اۋىل شارۋاشىلىعى ونىمدەرىمەن ورنىقتى، حاۋىپسىز قامداۋدى قامتاماسىزداندىرۋعا شينجياڭ ۇلەسىن قوسامىز.
قامداۋ - ساۋدا كووپەراتيۆى − پارتيا مەن ۇكىمەتتىڭ اۋىل شارۋاشىلىعى، اۋىل - قىستاق، شارۋالار قىزمەتىن ويداعىداي ىستەۋىنىڭ ماڭىزدى دانەكەرى، وسى رەتكى ءماجىلىستىڭ اشىلۋى اۆتونوميالى رايوننىڭ قامداۋ - ساۋدا كووپەراتيۆى جۇيەسىندەگى كادرلار مەن جۇمىسشى - قىزمەتكەرلەردىڭ سەنىمىن ەسەلەپ ارتتىردى.
اۆتونوميالى رايوندىق قامداۋ - ساۋدا كووپەراتيۆى پارتكومىنىڭ شۋجيى، القالار كەڭەسىنىڭ مەڭگەرۋشىسى لي شۋان بىلاي دەدى: ءبىز اۋىل شارۋاشىلىعى، اۋىل - قىستاق، شارۋالار قىزمەتىن ويداعىداي ىستەۋدىڭ ەرەكشە كەلەلى ءمانىن ساياسي جانە جالپى جاعداي بيىگىنەن جەتە تانۋعا تاباندى بولىپ، سەنىمدى، بەكىمدى نىعايتىپ، كاسىپ ابزالدىلىعىن ساۋلەلەندىرىپ، وسى زامانعى اۋىل شارۋاشىلىعىنىڭ دامۋ قاجەتىنە ۇيلەسەتىن، شارۋالاردىڭ وندىرىستىك قىزمەت وتەۋ قاجەتىنە ساي كەلەتىن وسى زامانعى اۋىل شارۋاشىلىعى قوعامدانعان قىزمەت وتەۋ جۇيەسىن جەدەل قۇرۋىمىز كەرەك. اۋىل شارۋاشىلىعىنا ساياتىن كاسىپ سالاسى شوعىرى قۇرىلىسىن ارقاۋ ەتىپ، قىزمەت وتەۋ مەن قامداۋدى تىنباي ساپالىلاندىرىپ جانە وعان جاڭالىق ەنگىزىپ، اۋىل شارۋاشىلىعى ونىمدەرىنىڭ وسى زامانعى زات اينالىمى جۇيەسىن جەدەل تۇلعالاپ، اينالىمعا قىزمەت وتەۋ دەڭگەيىن تىنباي جوعارىلاتىپ، اۋىل شارۋاشىلىعى ونىمدەرىن ىركىلىسسىز ساتۋدى جانە ونىمەن ورنىقتى قامداۋدى جەبەپ، استىق جانە ماڭىزدى اۋىل شارۋاشىلىعى ونىمدەرىن ءوندىرۋ قۋاتىن جاپپاي جوعارىلاتۋعا، بۇكىل ەل بويىنشا ساپالى ەگىن، مال شارۋاشىلىعى ونىمدەرىمەن قامدايتىن ماڭىزدى بازا تۇلعالاۋعا ەسە قوسۋىمىز كەرەك.
اۋىل شارۋاشىلىعىندا قۋاتتى رايون قۇرۋ نىساناسىن دالمە - ءدال كوزدەپ، شىنايى يگەرىپ، ناقتى ىستەدى
مال شارۋاشىلىعى − اۋىل شارۋاشىلىعى، اۋىل - قىستاق ەكونوميكاسىنداعى تىرەكتى كاسىپ سالاسى. اۆتونوميالى رايوندىق مال شارۋاشىلىعى، مال شيپاگەرلىگى مەكەمەسى پارتيا باسشىلىق گرۋپپاسىنىڭ شۋجيى ۋاڭ چۇنگۋاڭ: ”وسى رەتكى جينالىس مال شارۋاشىلىعىنىڭ جوعارى ساپالى دامۋىنا العا ىلگەرىلەۋ بەتالىسىن كورسەتتى، شينجياڭ مال شارۋاشىلىعىنىڭ دامۋ كوكتەمى كەلدى“، - دەدى.
ۋاڭ چۇنگۋاڭ بىلاي دەدى: اۆتونوميالى رايوندىق پارتكوم مەن ۇكىمەتتىڭ ”مال شارۋاشىلىعىن گۇلدەندىرۋ“ جونىندەگى ورنالاستىرۋىنا، تالابىنا ساي، مال شارۋاشىلىعىنىڭ جوعارى ساپالى دامۋىن ىلگەرىلەتۋدى ساياسي جانە جالپى جاعداي بيىگىنەن جوسپارلاپ، ىلگەرىلەتىپ، جەر - جەردىڭ نازاردى مال شارۋاشىلىعىن گۇلدەندىرۋ ارەكەتىن اتقارۋعا شوعىرلاندىرۋىن سايكەستىرىپ جانە وعان جەتەكشىلىك ەتىپ، ساپالى جەم - ءشوپ بازاسىن، ولشەمدەنگەن باعىمشىلىق بازاسىن، مال جانە ءۇي قۇستارى تۇقىمى شارۋاشىلىعى بازاسىن قۇرۋدى ىلگەرىلەتىپ، سويىس قوي جالپىلىق ءوندىرىس قۋاتىن ارتتىرۋ ينجەنەرياسىن اتقارىپ، ساپالى مال شارۋاشىلىعى ونىمدەرى كاسىپ سالاسى شوعىرىن قالىپتاستىرىپ، مال شارۋاشىلىعىن جاپپاي گۇلدەندىرۋدى ىلگەرىلەتىپ، شينجياڭدى بۇكىل ەل بويىنشا ساپالى ەگىن، مال شارۋاشىلىعى ونىمدەرىمەن قامدايتىن ماڭىزدى بازا ەتىپ قۇرىپ شىعۋعا قۇلشىنامىز.
اۋىل شارۋاشىلىعىن وسىزامانداندىرۋدىڭ تەتىگى − اۋىل شارۋاشىلىق عىلىم - تەحنيكاسىن وسىزامانداندىرۋدا. ”ءماجىلىس عىلىم - تەحنيكا جانە رەفورما سىندى قوس جەتەككە تاباندى بولۋ ورنالاستىرۋىن، تالابىن العا قويىپ، اۋىل شارۋاشىلىعى شەبىندەگى جالپى عىلىم - تەحنيكا قىزمەتكەرلەرىنە زور شابىت بەردى“، - دەدى شينجياڭ اۋىل شارۋاشىلىعى عىلىم اكادەمياسى پارتكومىنىڭ مۇشەسى، ورىنباسار باستىعى ۋاڭ چىڭ. سوڭعى جىلداردا، وسى اكادەميا رايونىمىزدىڭ اۋىل شارۋاشىلىعىن جوعارى ساپالى دامىتۋداعى عىلىم - تەحنيكا سۇرانىسىنا مەڭزەس، تۇقىم شارۋاشىلىعى، زەردەلى اۋىل شارۋاشىلىعى، ماقتا سياقتى 6 ءىرى جاڭالىق اشۋ ورتالىعىن قۇرىپ، زەرتتەۋ - اشۋ كۇشىن نىعايتىپ، ”ولكە، مينيسترلىكتەردىڭ قۋاڭ، شولەيتتى وڭىرلەردەگى داقىلداردىڭ شىدامدىلىعىن جانە تۇقىم قۋالاۋىن جاقسارتۋ بويىنشا مەملەكەتتىك ءتۇيىندى تاجىريبەحانالاردى بىرگە قۇرۋ“ سياقتى ماڭىزدى عىلىم - تەحنيكادا جاڭالىق اشۋ تۇعىرلارىن جەتىلدىردى.
ۋاڭ چىڭ مىنانى ءبىلدىردى: كەلەسى قادامدا عىلىم - تەحنيكا ءتۇزىلىسى، مەحانيزمى رەفورماسىن تەرەڭدەتىپ، جاڭالىق اشۋ جالىندى كۇشىن قاۋلاتىپ، بيولوگيالىق اسىل تۇقىم جەتىلدىرۋ تەبىنىن اناعۇرلىم ارتتىرىپ، شەشۋشى، وزەكتى تەحنيكادا جاڭالىق اشىپ، تۇقىمدىق زات بايلىعىن جيناپ ساقتاۋ جانە ساراپتاپ باعالاۋ، تۇقىم شارۋاشىلىعى شەشۋشى تەحنيكاسىندا قامال الۋ، ماڭىزدى جاڭا تۇقىمداردى جەتىلدىرۋ جانە سايكەستى تەحنيكالاردى قولدانۋ قىزمەتىن ۇزدىكسىز ورىستەتىپ، رايونىمىزدىڭ اۋىل شارۋاشىلىعى عىلىم - تەحنيكاسىندا جاڭالىق اشۋ، عىلىم - تەحنيكالىق قىزمەت وتەۋ جانە كاسىپ سالاسىنىڭ تىرەك بولۋ قابىلەتىن جاپپاي ارتتىرىپ، اۋىل شارۋاشىلىعىندا قۋاتتى رايون قۇرۋعا عىلىم - تەحنيكالىق كۇش قوسامىز.
ءماجىلىس اۋىل شارۋاشىلىعى ونىمدەرىنىڭ بازار ءورىسىن كەڭەيتۋدى جاپپاي تەرەڭدەتىپ، اۋىل - قىستاقتارداعى جاڭا كاسىپ سالاسىن، جاڭا كاسىپ كۇيىن جەتىلدىرۋ، دامىتۋ كەرەكتىگىن العا قويدى.
اۆتونوميالى رايوندىق ساۋدا ىستەرى مەڭگەرمەسى پارتيا باسشىلىق گرۋپپاسىنىڭ مۇشەسى، ورىنباسار باستىعى جاڭ شو مىنانى ءبىلدىردى: اۋىل - قىستاق ەلەكتروندىق ساۋداسى اۋىل شارۋاشىلىعىن دامىتۋدا، شارۋالار كىرىسىن ارتتىرۋدا، اۋىل - قىستاقتى گۇلدەندىرۋدە بەلسەندى ىلگەرىلەتۋ رولىن اتقارادى. قازىر تۇتاس رايونىمىزدا اۋدان وڭىرلەرىندەگى ەلەكتروندىق ساۋدا الەۋمەتتىك ايگىلى ماركالارى 50دەن، اۋىل شارۋاشىلىعى ەرەكشە ونىمدەرى ەلەكتروندىق ساۋداسىنداعى ايگىلى ماركالار 800دەن، ينتەرنەتتە ساتىلاتىن جەكە بۇيىمدار 9000 تۇرلىدەن استى. ”مۇنان بىلاي جەر - جەر وزگەشە ونىمدەر، ساياحات سياقتى جاقتارداعى ابزال بايلىقتى تولىق اشىپ پايدالانىپ، اۋدان وڭىرىندەگى الەۋمەتتىك ايگىلى ماركا قۇرىلىسىنىڭ دەڭگەيىن ۇزدىكسىز جوعارىلاتىپ، ايگىلى ماركالار باعاسىنىڭ ادەتتەگىدەن قىمبات بولۋ قابىلەتى مەن جەتەكشىلىك رولىن ساۋلەلەندىرىپ، اۋىل - قىستاق ەلەكتروندىق ساۋدا كاسىپ سالاسىنىڭ دامۋىن ونان ارى جەدەلدەتۋلەرى كەرەك“.
اۋىل - قىستاقتى گۇلدەندىرۋدە جوعارى ساپالى دامۋدى ىلگەرىلەتەتىن بىرىككەن كۇش توپتادى
اۋىل - قىستاقتى گۇلدەندىرۋدە دارىندىلار − تەتىك. شينجياڭ اۋىل شارۋاشىلىعى كاسىپتىك تەحنيكا شۋەيۋانى پارتكومىنىڭ شۋجيى گى لياڭ بىلاي دەدى: شۋەيۋانىمىز وسى رەتكى ماجىلىستەگى ورنالاستىرۋ بويىنشا، وتاندى، شينجياڭدى سۇيەتىن، جاۋاپكەرشىلىك ارقالاپ ۇلەس قوساتىن، اۋىل شارۋاشىلىعىن بىلەتىن، اۋىل شارۋاشىلىعىن سۇيەتىن، اۋىل شارۋاشىلىعىن گۇلدەندىرەتىن دارىندىلاردى باۋلۋدى ءوز مىندەتى ساناپ، كۇش - قايراتتى توپتاپ، ۇدەرە العا تارتادى.
گى لياڭ مىنانى ءبىلدىردى: بيىل ءوندىرىس پەن وقىتۋدىڭ توعىسۋىن اناعۇرلىم تەرەڭدەتىپ، نازاردى اۆتونوميالى رايوننىڭ استىق، ماي، ماقتا، سونداي - اق توقىماشىلىق، كيىم - كەشەك، جاسىل، ورگانيكالى جەمىس - جيدەك جانە كوكونىس، ساپالى مال شارۋاشىلىعى ونىمدەرى كاسىپ سالاسى شوعىرىنا شوعىرلاندىرىپ، ماماندىق قۇرىلىمىنىڭ ورنالاسىمىن ساپالىلاندىرىپ، ”كاسىپ سالاسى تىزبەگى − جاڭالىق اشۋ تىزبەگى − وقۋ - اعارتۋ تىزبەگى − دارىندىلار تىزبەگى“ سىندى 4 تىزبەك تۇتاسقان جوعارى ساپالى اۋىل شارۋاشىلىعى، اۋىل - قىستاق، شارۋالار قىزمەتى دارىندىلارىن باۋلۋ مەحانيزمىندە جاڭالىق اشىپ، اناعۇرلىم كوپ ايتۋلى شەبەرلەردى، ءىرى ەل ۇستالارىن باۋلۋ كەرەك. سونىمەن بىرگە، عىلىم - تەحنيكا مەن وقۋ - اعارتۋدىڭ توعىسۋىن تەرەڭدەتىپ، جوعارى دەڭگەيلى كاسىپتىك وقۋ - اعارتۋ تەحنيكاسىندا، شەبەرلىگىندە جاڭالىق اشۋ جانە اۋىل - قىستاقتى گۇلدەندىرۋگە قىزمەت وتەۋ تۇعىرىن تۇلعالاپ، كاسىپ سالاسىنىڭ تىرەك بولۋ قابىلەتى مەن قوعامدىق قىزمەت وتەۋ قابىلەتىن ارتتىرىپ، رايونىمىزداعى اۋىل شارۋاشىلىعىنىڭ، اۋىل - قىستاقتىڭ وسىزاماندانۋىنا جانە اۋىل - قىستاقتى گۇلدەندىرۋدى جاپپاي ىلگەرىلەتۋگە پارمەندى اقىل - پاراساتتىق قولداۋ جانە دارىندىلار تىرەگىن ازىرلەۋ كەرەك.
اۋىل - قىستاقتى دامىتۋ، اۋىل - قىستاق قۇرىلىسى، اۋىل - قىستاقتى باسقارۋ سياقتى قىزمەتتەر زاڭمەن باسقارۋ قامتاماسىزدىعىنان قول ۇزە المايدى.
اۆتونوميالى رايوندىق حالىق پروكۋراتۋراسى 8 - پروكۋرورلىق ءبولىمىنىڭ مەڭگەرۋشىسى مامەتالي ماحمۇت بىلاي دەدى: 2022 - جىلى شينجياڭداعى پروكۋراتۋرا ورگاندارىنىڭ الەۋمەتتىك يگىلىك ارىز - شاعىم تاراۋلارى نازاردى اۋىل شارۋاشىلىعى، اۋىل - قىستاق، شارۋالار سالاسىنداعى ماسەلەلەرگە شوعىرلاندىرىپ، اۋىل - قىستاقتاردا تۇرمىستىق قوقىر - قوقسىقتارىن بەتالدى ءۇيۋ، بەتالدى تاستاۋ، اۋىل شارۋاشىلىعى جاعىنداعى لاستانۋ، اۋىل - قالاشىقتارداعى لاس سۋدى ىعىستىرۋ سياقتى ماسەلەلەردى ءجىتى قاداعالاپ، شاعىم ايتۋدان بۇرىن كەڭەسۋ، پروكۋرورلىق ۇسىنىس حاتىن جىبەرۋ، الەۋمەتتىك شاعىم ايتۋ سياقتى تاسىلدەر ارقىلى قاتىستى تاراۋلاردىڭ الەۋمەتتىك يگىلىك ارىز - شاعىمىنا قاتىستى سايكەستى مەحانيزمدەردى ورناتۋىن، اقاۋسىزداندىرۋىن ىلگەرىلەتىپ، اۋىل - قىستاقتى گۇلدەندىرۋدى جاپپاي ىلگەرىلەتۋگە بەلسەندى ۇلەس قوستى.
مامەتالي بىلاي دەدى: بيىل شينجياڭداعى پروكۋراتۋرا ورگاندارىنىڭ الەۋمەتتىك يگىلىك ارىز - شاعىم تاراۋلارى كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋعا ىرىقتىلىقپەن قىزمەت وتەپ، دەلو ءبىتىرۋ تەبىنىن ارتتىرىپ، اۋىل شارۋاشىلىعى ونىمدەرىنىڭ ساپاسىن قورعاۋ ارناۋلى ارەكەتىن، اۋىل - قىستاق توپىراعىنىڭ لاستانۋىنان ساقتانۋ جانە ونى جونگە سالۋ ارەكەتىن، سۋ بايلىعىن قورعاۋداعى ارناۋلى باسقارۋدى ورىستەتىپ، كوپ ءتۇرلى شارانى قاتار قولدانۋ ارقىلى شينجياڭ اۋىل شارۋاشىلىعىنىڭ جوعارى ساپالى دامۋىن قورعاۋلارى كەرەك.
