ماتەريال سۋرەت
سوڭعى جىلداردان بەرى، قابا اۋدانى توپىراعى قۇنارلى، سۋ ساپاسى جاقسى، اۋاسى جاقسى بولۋداي باسىمدىقتى تياناق ەتىپ، ەگىمشىلىك قۇرىلىمىن بەلسەنە رەتتەپ، جۇڭي ءشوپ ءدارى ەگۋ شارۋاشىلىعىن زور كۇشپەن دامىتىپ، اۋىل شارۋاشىلىعىنىڭ ونىمدىلىگىن ارتتىرۋدى، شارۋالاردىڭ كىرىسىن ارتتىرۋدى جەبەپ، اۋىل ـ قىستاقتى گۇلدەندىرۋدىڭ، دامىتۋدىڭ جاڭا قوزعالتقىشىن جانداندىردى.
بيىل التاي ايماعى گۋاڭجوۋ ءدارى - دارمەك توبىمەن ستراتەگيالىق سەلبەستىك كەلىسىمىنە قول قويىستى، مۇندا تۇڭعىش رەت تياناقتاندىرىلعان نىسان — قابا اۋدانىنداعى قۇرىلىس كولەمى 10 مىڭ مۋ كەلەتىن كولەمدى بانلانگىن ەگىمشىلىك بازاسى ”عىلىم - تەحنيكا + شارۋا وتباسى + كاسىپورىن“ ۇلگىسىمەن جۇمىس جۇرگىزىپ، تاپسىرىستىق ەگۋ ءتاسىلىن قولدانىپ، گۋاڭجوۋ ءدارى - دارمەك توبىن جۇڭي ءدارى - دارمەك شيكىزاتىمەن قامدادى. قازىرگە دەيىن بانلانگىندى جيناپ الۋ جۇمىسى تولىق اياقتادى.
سارتام اۋىلى سارتام قىستاعى پارتيا ياچەيكاسىنىڭ شۋجيى شيا جيچىڭ بىلاي دەدى: ”ءبىز بيىل العاشقى توپتا 3000 مۋ جەرگە بانلانگىن ەكتىك، مەجەمەن ءونىم قۇنى 9 ميلليون يۋاننان اسادى، سونىمەن بىرگە توڭىرەكتەگى قىرۋار ەگىنشى - مالشى ەڭبەككۇشتەرىن تۇرعان جەرىنەن جوتكەۋدى جۇزەگە اسىرۋعا بولادى. جەردى مايعا بەرۋ كىرىسى 2 ميلليون 370 مىڭ يۋان، اتىزدىڭ ەڭبەك كىرىسى شامامەن ٴبىر ميلليون 120 مىڭ يۋان، اۋىل شارۋاشىلىق ماشينالارىمەن قىزمەت وتەۋ كىرىسى 300 مىڭ يۋان اينالاسىندا، جالپى تابىس 3 ميلليون 700 مىڭ يۋان اينالاسىندا بولادى“.
ۇعىسۋعا قاراعاندا، گۋاڭجوۋ ٴدارى ـ دارمەك توبى قابا اۋدانىندا قىستاق پەن كاسىپورىن بىرگە قۇرۋ فورماسىمەن شارۋالاردىڭ كەشكى مەكتەبىن قۇرىپ، ٴتۇرلى تەحنيكالىق كۋرستاردى اشىپ، جەرگىلىكتى شارۋالاردى تەحنيكالىق جاقتان تاربيەلەپ، شارۋالاردىڭ ىشكى قوزعاۋشى كۇشىن تاسقىنداتپاقشى. گۋاڭجوۋ ٴدارى ـ دارمەك توبىمەن ستراتەگيالىق سەلبەستىك كەلىسىمىنە قول قويۋ − قابا اۋدانىنىڭ ٴوندىرىس تەحنيكاسى، تەكتەۋ جۇيەسى، ونىمدەرىنىڭ ساتىلۋ جولى جانە تەحنيكالىق تاربيەلەۋ سياقتى شەشۋشى ماسەلەلەرىن ٴونىمدى شەشىپ، جۇڭي ءشوپ ءدارى شارۋاشىلىعىن سان مىڭداعان وتباسىنا تيىمدىلىك جەتكىزەتىن حالىقتى اۋقاتتاندىرۋ كاسىبىنە اينالدىردى.
10 - ايدىڭ باسىندا، قابا اۋدانىنىڭ جۇڭي ءشوپ دارىلەرىن تۋراپ كەپتىرۋ بويىنشا باستاپقى مانەرلەۋ ٴوندىرىس جەلىسى رەسمي وندىرىسكە قوسىلدى. جۇڭي ءشوپ ٴدارى جاڭا ونىمىنەن كۇنىنە 100 توننا كەپتىرەتىن ەكى ٴوندىرىس جەلىسى ىسكە تولىعىمەن قوسىلدى، جۇمىسشىلار تۇرگە ٴبولىپ تۋراپ، كەپتىرۋمەن قاربالاستىققا ٴتۇستى، وسىدان باستاپ قابا اۋدانىنىڭ جۇڭي ٴشوپ دارىلەرىن باستاپقى مانەرلەۋدى باياندى دامىتۋدىڭ كاسىپ تىزبەگى العاشقى قادامدا قالىپتاستى.
مانەرلەۋ زاۆودىنىڭ وندىرىسكە قوسىلۋى قابا اۋدانىنىڭ جۇڭي ٴشوپ ٴدارى ەگۋ، مانەرلەۋ جانە قاتىستى جۇڭي ٴشوپ ٴدارى كاسىپتەرىنىڭ دامۋىن جەبەدى، جەرگىلىكتى ورىنداعى 60 قا جۋىق قىستاق تۇرعىنىن جۇمىستانۋ ورنىمەن قامداپ، قابا اۋدانىنىڭ ەڭبەككۇش بايلىعىنىڭ تولىق پايدالانىلۋىنا مۇمكىندىك جاساپ، ءتىپتى دە مول قوعامدىق بايلىق جاراتتى.
”بۇدان بىلاي قابا اۋدانى جۇڭي ءدارى شوپتەرى تۇتاس كاسىپ تىزبەگى جۇيەسىن ورناتۋدى ارقاۋ ەتىپ، جۇڭگونىڭ باتىس سولتۇستىك وڭىرىندەگى ٴدارى ماتەريالدارىن ولشەمدەندىرىپ ەگۋ بازاسىن كۇش سالا قۇرىپ، ساۋداگەر شاقىرىپ، قارجى ەنگىزۋ جولىن ۇزدىكسىز كەڭەيتىپ، باستاپقى جىنتىكتەي مانەرلەۋدى زور كۇشپەن دامىتىپ، اقىل - پاراسات قويماسى عىلمي زەرتتەۋ ۇيىرمەسىن ەنگىزىپ، ونىمدەردى زەرتتەۋ - اشۋ تەبىنىن ارتتىرىپ، ەڭبەككۇش بايلىعىمەن قامتاماسىز ەتۋدى كۇشەيتىپ، تىزبەكتى تولىقتاۋدى، تىزبەكتى ۇزارتۋدى، تىزبەكتى كۇشەيتۋدى بەلسەنە ىلگەرىلەتىپ، اقىر سوڭىندا ”ۇيىمدانعان، كولەمدەنگەن، ولشەمدەنگەن، بازارلانعان، ماركالانعان“ وسى زامانعى جۇڭي ءشوپ ءدارى كاسىپ سالاسى جۇيەسىن قالىپتاستىرىپ، ”ەرتىس وزەنى ءدارى قويماسى“ ماركاسىن جاپپاي ايگىلەيمىز“،- دەدى قابا اۋداندىق ساياسي كەڭەستىڭ ورىنباسار ٴتوراعاسى، اۋىل شارۋاشىلىعى، اۋىل ـ قىستاق مەكەمەسى پارتيا باسشىلىق گرۋپپاسىنىڭ شۋجيى جاڭ فىڭشىڭ.
