سوڭعى جىلدارى، اراسان اۋدانى ورىن جانە كليمات ابزالدىعىن تولىق ساۋلەلەندىرىپ، قار - مۇز كاسىپ سالاسى نىساندارىن اشۋ تەبىنىن كۇشەيتتى، ءبىر ولشەمدەنگەن، حالىقارالانعان دالالىق قار شاڭعى الاڭىن قۇرۋ نىسانى وزگەرتىلۋ، دارەجەسىن جوعارىلاتۋدى جىلدامداتۋ ۇستىندە.
اراسان اۋدانىنداعى دالالىق قار شاڭعى الاڭى نىسانىنىڭ قۇرىلىس باسى. سۋرەتتى چىن ي - ۋىن تۇسىرگەن
2021 - جىلى اراسان اۋدانى 70 ميلليون يۋان قارجى قوسىپ، جەر كولەمى 5400 مۋلىق دالالىق قار شاڭعى الاڭىن جوسپارعا الىپ قۇرىپ، 8 كاسىپتىك جارىس جولىن سالدى. جاساندى جولمەن قار جاساۋ ارقىلى تۇڭعىش سىرعاناۋ سالتىن وتكىزىپ، ەلىمىز بويىنشا ەڭ ەرتە اشىلعان دالالىق قار شاڭعى الاڭىنا اينالدى، مەملەكەتتىك دالالىق قار شاڭعى تەبۋ اترەتىنىڭ قىسقى وليمپياداعا دايىندالۋداعى توپتىق جاتتىعۋىن جانە قىسقى وليمپيادا دالالىق قار شاڭعى تەبۋ ءتۇرىنىڭ سارالاۋ جارىسىن ءساتتى تۇردە وتكىزدى.
10 - ايدىڭ 11 - كۇنى، اراسان اۋدانى زالىمتى اۋىلى اشى اترەتىندەگى اراسان اۋدانى دالالىق قار شاڭعى الاڭى نىسانىنىڭ قۇرىلىس باسىندا، ماشينالار گۇرىلدەپ، نىسان قۇرىلىسى قاۋىرت جۇرگىزىلىپ جاتتى.
اراسان اۋدانى قار - مۇز شاعىن قالاشىعىن بەتكە الىپ، دالالىق قار شاڭعى الاڭىنىڭ ماڭىنداعى 30دان اسا تۇرعىندار ءۇيىنىڭ سىرتقى قابىرعاسىنا وزگەرىس ەنگىزدى. سۋرەتتى چىن ي - ۋىن تۇسىرگەن
بيىل اراسان اۋدانىنىڭ دالالىق قار شاڭعى الاڭى نىسانى اۆتونوميالى رايوننىڭ تۇڭعىش توپتاعى ”شينجياڭدى مادەنيەتپەن نارلەندىرۋ“ ءتۇيىندى نىسانىنا ەنگىزىلدى. اراسان اۋداندىق پارتكوم مەن ۇكىمەت وسكەلەڭ ءمان بەرىپ، نىساننىڭ اياق الىسىن بار كۇشپەن مىقتى يگەرىپ، قار شاڭعى الاڭىنىڭ نەگىزدىك سايكەستى قۇرىلعىلارىن كەمەلدەندىرۋ، قار شاڭعى الاڭىنىڭ تۇتاس تۇلعالىق ساپاسىن ءوسىرۋدى ارقاۋ ەتە وتىرىپ، اراسان اۋدانىنىڭ دالالىق قار شاڭعى الاڭىنىڭ 2 - مەرزىمدىك نىسانى اتقارىلدى.
اراسان اۋدانىنىڭ دالالىق قار شاڭعى الاڭىنىڭ 2 - مەرزىمدىك نىسانىنا جالپى 40 ميلليون 800 مىڭ يۋان قارجى قوسۋ جوسپارلانعان، تىڭنان 2 قار جولى، 3800 شارشى مەترلىك قار جابدىقتارىمەن قىزمەت وتەۋ زالى، 28 مىڭ شارشى مەترلىك كولىك توقتاتۋ الاڭى، سونداي - اق 900 مەترلىك ىشكى جول، 700 مەترلىك تاسقىن سۋىن اعىزىپ، سۋ ىعىستىراتىن جەر استى سۋاعارى، ءبىر ساياحات دارەتحاناسى سالىنادى. سونىمەن قاتار ”سىڭار تاقتايمەن سىرعاناۋ باقشاسى“ جانە ”بالالاردىڭ قارمەن وينايتىن جەرى“ سىندى 2 ۇلكەن اۋماق قوسىلادى.
اراسان اۋدانىنىڭ دالالىق قار شاڭعى الاڭى نىسانىنىڭ قۇرىلىس باسى. سۋرەتتى چىن ي - ۋىن تۇسىرگەن
اراسان اۋدانى قار - مۇز شاعىن قالاشىعىن بەتكە الىپ، دالالىق قار شاڭعى الاڭىنىڭ ماڭىنداعى 30دان اسا تۇرعىندار ءۇيىنىڭ سىرتقى قابىرعاسىنا وزگەرىس ەنگىزىپ، بۇقارانى شارۋالار شاتتىعى ساياجايى، حالىقتىق تۇسەلحانا اشۋعا بەلسەنە اتتانىسقا كەلتىرىپ، كاسىپ كۇيىن بايىتىپ، ساياحاتشىلاردىڭ كوپ نەگىزدى تۇتىنۋ قاجەتىن قاناعاتتاندىرىپ، قار - مۇز شاعىن قالاشىعىنىڭ قار ماۋسىمىنان باسقا مەزگىلدەگى تيجارات تابىسىنىڭ اقتاڭداعىن تولتىردى، ارالاپ - تاماشالاپ، سەزىنۋگە بولاتىن، ەستە قالارلىقتاي كوركەم مال شارۋاشىلىق قىستاعىن قۇرىپ، مالشى بۇقاراسىن ءۇيىنىڭ ماڭايىندا جۇمىستاندىرىپ، قىستاق كوللەكتيۆى مەن ەگىنشى - مالشىلاردىڭ كىرىسىنىڭ قاتار ارتۋىن جۇزەگە اسىرۋعا مۇمكىندىك جاراتتى.
”قار - مۇزدى ارالاپ - تاماشالاپ، قار - مۇز سپورتى، قار - مۇز جارىسى، قار - مۇز تۇسەلحاناسى سياقتى كاسىپ كۇيى مازمۇنىنا سۇيەنىپ، مالشىلىق، ەگىمشىلىك مادەنيەتىنىڭ استارىنا ءۇڭىلىپ، قار - مۇز مادەنيەتىن جالعاستىرىپ، الەۋمەتتىك قىزمەت وتەۋ قۇرىلعىلارىن سايكەستى قۇرىپ، كاسىپ سالاسى دامۋىنىڭ كۇشى ارقىلى قىستاق تۇرعىندارىنىڭ جۇمىستانۋىنا، كىرىسىن ارتتىرۋىنا باستاماشىلىق ەتتىك“- دەدى اراسان اۋداندىق مادەنيەت، دەنە تاربيە، راديو - تەلەۆيزيا جانە ساياحات مەكەمەسى پارتيا باسشىلىق گرۋپپاسىنىڭ ورىنباسار شۋجيى، مەكەمە باستىعى گاۋ شينشين.
