گۋاڭميڭ قىستاعىندا تۇرمىس بارعان سايىن شالقىدى

日期:2022年08月07日
来源:新疆日报
【字体:

انار بۇلت \ شينجياڭ گازەتىنىڭ ءتىلشىسى ءپاريزات ابدۇل

  ۇلكەن تەمىر قازاننىڭ الدىندا تۇرعان بۇحاديشا وبۇلقايىر جاڭا پىسقان كاۋاپتى ناننىڭ بەتىنە قويىپ وراي باستادى، جانىندا تۇرعان كۇيەۋى ناسىر رەجەپ ازىق - تۇلىك قالتاسىنىڭ اۋزىن اشىپ، نانعا ورالعان كاۋاپتى سالىپ جاتىپ ءبىر - بىرىنە كۇلىمسىرەي قارادى.

  ناسىر قاراقاش اۋدانى سايباق اۋىلى گۋاڭميڭ قىستاعىنىڭ تۇرعىنى. ءبىر جىلدىڭ الدىندا ءبىر ءۇيلى جاندى باعامىن دەپ سىرت جەردە جۇمىس ىستەپ جۇرگەن ول قازىر ءۇيىنىڭ شارۋالار شاتتىعى ساياجايىنا وزگەرەتىنىن ويلاماعان ەدى، ول بولاشاقتاعى تۇرمىسىنىڭ اناعۇرلىم شالقي ءتۇسۋىن كوكسەپ وتىر.

  ناسىر اشقان شارۋالار شاتتىعى ساياجايىنىڭ اتى ۇلۋات ەشكى ەتى كاۋاپحاناسى بولىپ، ءبۇتىن قاقتالعان قوي ەتى، سورەلى كاۋاپ، نان كاۋاپ قاقتاۋدى نەگىز ەتەتىن. ”ءبىر نان كاۋاپ 18 يۋان، تۇستەن بۇرىن 30ى ساتىلدى، ەندى تاعى دا 30ىن جەتكىزىپ بەرگەلى وتىرمىز“. 7 - ايدىڭ 19 - كۇنى ناسىر تىلشىگە بىلاي دەدى: قازىر شارۋالار شاتتىعى ساياجايىمنان كۇنىنە 1500 يۋان اينالاسىندا كىرىس كىرگىزەمىن، تۇرمىسىمىز جەتكىلىكتى دە باي - باقىتتى.

  قىزىل قوڭىر ءتۇستى اعاش راشەتكا قىستاق جولىنداعى جاسىلداندىرۋ بەلدەۋىنىڭ ەكى جاعىنا ورناتىلعان، ءتۇرلى - ءتۇستى اعاش ورىندىقتار، قورشاۋلار، تەرەزەلەر شارۋالاردىڭ شاعىن اۋلاسىندا وزگەشە تۇسپەن بەزەندىرىلگەن، تاس پەن اعاشتان جاسالعان الۋان ءتۇرلى قابىرعا سۋرەتتەر كوزدىڭ جاۋىن الادى... گۋاڭميڭ قىستاعىن ارالاساڭىز، بارلىق جەردەن اناعۇرلىم شالقىعان جاڭا تۇرمىسقا بەت الۋدىڭ لەبى ەسەدى.

  گۋاڭميڭ قىستاعىندا تۇرمىس بارعان سايىن شالقىدى، مۇنداعى ”قۇپيا سيفردى“ ىزدەستىرۋگە تاتيدى.

  گۋاڭميڭ قىستاعىنىڭ ءبىرىنشى شۋجيى ليۋ يافي وسى ”قۇپيا سيفردى“ تىلگە تيەك ەتتى. ول بىلاي دەدى: ”گۋاڭميڭ قىستاعى قاراقاش اۋدانىنىڭ وسى زامانعى اۋىل شارۋاشىلىعى كاسىپ سالاسى باقشاسىمەن جانە كاسىپ سالاسى مەن قالانى توعىستىرۋ باقشاسىمەن ىرگەلەس، قاتىناستىڭ وڭىرلىك باسىمدىعى كورنەكتى، ساياحاتتى دامىتۋعا ايرىقشا ءتيىمدى شارت - جاعداي ازىرلەگەن. سوندىقتان گۋاڭميڭ قىستاعى قىستاقتىڭ كاسىپ سالاسى - قالا داڭعىلىنداعى نەگىزگى جولدى اتىز - ارىق، باۋ - باقشالى اۋىل تىنىسىنا يە ەرەكشە ساۋدا كوشەسىنە اينالدىرىپ، ءتۇرلى وزىندىك ەرەكشەلىككە يە 18 دۇكەن اشتى. قىستاق تۇرعىندارى جەرگىلىكتى جاعدايعا قاراي جۇمىس ىستەپ، ماتەريالدى سول جەردىڭ وزىنەن الىپ، ۇيدەگى ارتىق جاڭعاق اعاشى تاقتايلارىنان پايدالانىپ، التىباقان، قورشاۋ، ۇستەل - ورىندىق سياقتى ساندىك بۇيىمداردى جاساپ، كىشكەنە تاقتايشالارمەن تام بەتىنە الۋان ءتۇرلى سۋرەتتەر سالىپ، كورىكتى اۋىل - قىستاق تۇلعالادى.

  ”بۇدان سىرت، گۋاڭميڭ قىستاعى’ەگىنشىلىككە قولايلى بولسا ەگىنشىلىكپەن شۇعىلدانۋ، ساۋداعا قولايلى بولسا ساۋدامەن شۇعىلدانۋ‘ پرينسيبى بويىنشا، باعىمشىلىقپەن شۇعىلداناتىن ءىرى وتباسىلارىن جەتىلدىرىپ، ’ءىرى وتباسى شاعىن وتباسىن جەتەكتەۋ‘، ’بىرگە - ءبىر كومەكتەسۋ‘، ’وتباسىلارى ءوزارا كومەكتەسۋ‘ سىندى دامۋ ءتاسىلىن قولدانىپ، بۇكىل قىستاقتاعى 182 وتباسىن باعىمشىلىق كاسىبىن دامىتۋعا جەتەكتەپ، تەمىرشىلىك، وڭدەۋ، ءۇي جيھازدارىن جاساۋ، جاڭعاق وڭدەۋ سياقتى 5 سەلبەستىك كووپەراتيۆىن قۇردى“، - دەدى ليۋ يافي.

  ساۋدا كوشەسىندە قىستاق تۇرعىنى ءماتتۇرسۇن مامەتيمىننىڭ ءۇيى ەڭ دۋماندى، تاماق ۋاقىتى بولعاندا كاۋاپ، قاقتالعان بالىق جەيتىن قوناقتار باسىپ قالادى.

  كاسىپ سالاسى - قالا داڭعىلىنىڭ ىرگەسىندەگى ءداستۇرلى ”ا - يى - ۋاڭ“ وزىندىك ەرەكشەلىكتەگى تۇرعىن ۇيلەرىنىڭ قۇرىلىس ستيلى وزگەشە بولىپ، ءماتتۇرسۇننىڭ ءۇيى گۋاڭميڭ قىستاعىندا قارسى الۋعا بولەنگەن ”حوش ءيىس اڭقىعان ءدامحاناعا“ اينالدى. 2021 - جىلدىڭ سوڭىندا ءماتتۇرسۇن اۋلاسىنىڭ جارتىسىن جالعا بەرىپ، قالعان جارتىسىندا ۇلى قاقتاعان بالىق ساۋداسىمەن اينالىسادى. ”جىلدىق ماي اقى كىرىسى 40 مىڭ يۋان، قاقتالعان بالىقتىڭ كۇندىك تازا پايداسى 800 يۋان اينالاسىندا، قازىر تۇرمىسىمىز وتە جاقسى، وتە باقىتتى“، - دەدى بۇگىنگى تۇرمىسىن تىلگە تيەك ەتكەن ءماتتۇرسۇن قاباعات قۋانىپ.

  ”2021 - جىلى گۋاڭميڭ قىستاعىنداعى تۇرعىنداردىڭ جان باسىندىق ورتاشا تازا كىرىسى 12 مىڭ 675 يۋانعا جەتتى“. الداعى جەردە ءبىز قاتىناسى قولايلى، كەلىپ - كەتەتىن ادام كوپ بولۋداي باسىمدىققا ۇزدىكسىز سۇيەنىپ، حالىقتىق تۇسەلحانا، شارۋالار شاتتىعى ساياجايى، جەمىس ءۇزۋ باقشاسى سياقتىلاردى قۇرىپ، 1 -، 2 - ، 3 - كاسىپ سالالارىنىڭ توعىسا دامۋىن شىعار جول ەتىپ، اۋىل شارۋاشىلىعىندا تۇتاس كاسىپ تىزبەگىن قالىپتاستىرىپ، بۇقارانىڭ شەبەرلىككە سۇيەنىپ جۇمىستانۋ، شەبەرلىككە سۇيەنىپ كىرىستى ارتتىرۋ قابىلەتىن جوعارىلاتىپ، اۋىل - قىستاقتى گۇلدەندىرۋدى ىلگەرىلەتىپ، اناعۇرلىم كورىكتى مەكەن قۇرامىز“.