سۋرەت قالامىن قولعا الىپ، اۋىل - قىستاقتىڭ كوركەم كورىنىسىن قابىرعاعا كەسكىندەدى

日期:2022年08月07日
来源:新疆日报
【字体:

انار بۇلت \ شينجياڭ گازەتىنىڭ ءتىلشىسى جاڭ رۇيلين

  7 - ايدىڭ 11 - كۇنى توقسۇن اۋدانى جىلاندى قالاشىعى بۇرجاي قىستاعىنىڭ تۇرعىنى يبىرايىم نازىر ەسىك الدىنداعى ءجۇزىم سورەسىنىڭ استىندا كولەڭكەلەپ وتىرىپ، اۋلانىڭ ەسىك الدىنداعى شىرپىلىپ بولماعان اعاشتارعا قاراپ وتىرىپ، وسى بىرەر كۇندە ۋاقىت شىعارىپ شىرپىپ تاستاۋدى ويلادى.

  وسى شاعىن اۋلانى ول دەن قويا بەزەندىرگەننەن بەرى ەسىگىن قاعىپ، ءۇيىن ەكسكۋرسيالايتىن ساياحاتشىلار كوبەيدى. ”ءۇيدىڭ قابىرعاسىنداعى تاۋ - سۋ سۋرەتىن، ەسىك الدىنداعى اشەكەي سۋرەتتى تۇگەلدەي ءوزىم سىزدىم“، - دەدى يبىرايىم ماقتانىشپەن، - ”قىستاعىمىزدا اسەمونەر وقىتۋشىسى بار، بىزگە سۋرەت سىزۋدى تەگىن ۇيرەتەدى، سۋرەت سىزۋدى ۇيرەنگەننەن كەيىن، ءۇيىمنىڭ بارلىق جەرى مەنىڭ ’سۋرەت تاقتايشاما‘ اينالدى“.

  يبىرايىم ايتقان وقىتۋشىنىڭ اتى ءابيبۇل قاھار، يبىرايىمنىڭ ۇيىنە جاقىن ماڭدا تۇرادى.

  ءابيبۇلدىڭ ءۇيى ەرەكشە ايقىن كوزگە تۇسەدى. 2 ۇلكەن 3D ستەرەولدى سۋرەت قاقپانىڭ ەكى جاعىنداعى قابىرعاعا سىزىلعان، بىرەۋى، اۋىل اراسىنداعى الىسقا سوزىلعان اسفالت جول، ەندى بىرەۋى، داۋالدى تەسىپ سىرتقا اعىپ جاتقان بۇلاق، اۋماي ۇقساتىپ سىزىلعان سۋرەت كوپتەگەن ادامدى ايالداپ سۋرەتكە تۇسۋگە باۋرايدى.

  ءابيبۇل وتباسىنىڭ قاقپاسى قاشان بارساڭىز دا جابىلمايدى، قاقپاداعى تاقتايعا ”ءابيبۇل سۋرەت ءدالىزى“ دەپ جازىلعان. اۋلانىڭ بارلىق جەرىنەن ونىڭ سىزعان سۋرەتتەرىن كەزىكتىرۋگە بولادى، ءۇيدىڭ كاريدورى ونىڭ سۋرەت ءدالىزى، مۇندا ونىڭ سيلىق العان تۋىندىلارى مەن ءوزى كوڭىلى تولاتىن سۋرەتتەرى قويىلعان. نەگىزگى جاتىن بولمەنىڭ قارسىسىنداعى بولمە سۋرەت سىزۋ ساباقحاناسى ەتىپ وزگەرتىلگەن، وقۋشىلاردىڭ تۋىندىلارى ەرەكشە جاقسى ساقتالعان، سۋرەت ساباقحاناسى كارتون، تاۋ - سۋ، كەيىپكەر سۋرەتتەرى، جاي سىزبا، ماي بوياۋلى سۋرەت، سۋ بوياۋلى سۋرەت سياقتىلارمەن تولعان. قاعازعا سىزىلعانى، تاسقا سىزىلعانى، اسقاباققا سىزىلعانى دا بار.

  ”مەنىڭ سۋرەت سالۋدى وقىتۋىمەن شۇعىلدانعانىما 30 نەشە جىل بولدى، قىستاقتاعى بالالار مەنىڭ ۇيىمە كەلىپ سۋرەت سىزعانىمدى كورۋدى ۇناتادى، ۇيرەنۋدى قالايدى، سونىمەن مەن ولارعا سۋرەت سىزۋدى ۇيرەتە باستادىم، مەن ولاردىڭ قيالى حيكىمەت شىعارماشىلىعىن ەرەكشە جاقسى كورەمىن، قازىر مەنەن سۋرەت سىزۋدى ۇيرەنەتىن بىرنەشە قارت تا بار“، - دەدى ءابيبۇل.

  سۋرەت سىزۋدى ۇيرەنگەندەردىڭ ءبىر تالايى وقىتۋشىدان ۇيرەنىپ، ۇيلەردىڭ الدى - ارتىنا قابىرعا سۋرەتتەرىن سىزدى. ادەمى قابىرعا سۋرەتتەر كوبەيىپ، اۋىل - قىستاق مادەنيەتى ەرەكشەلىگىنىڭ بوياۋى قويۋلادى. ”بۇل ءبىزدىڭ اۋىل - قىستاق ساياحاتىن دامىتۋىمىزعا ەرەكشە پايدالى“، - دەدى تۇرپان قالالىق دەنساۋلىق ساقتاۋ - سالاماتتىق كوميتەتىنىڭ بۇرجاي قىستاعىندا تۇراتىن ءبىرىنشى شۋجيى، ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى ارزىگۇل ءراشيت.

  بۇرجاي قىستاعىندا قازىر 15 كارىز بار، سىلدىراپ اققان سۋعا جاسىل جەلەك جامىلعان دالا قوسىلىپ، بۇل ارانىڭ جاز ماۋسىمىن ەرەكشە سالقىنداتىپ، توڭىرەكتەگى ساياحاتشىلار ۇناتاتىن سايالايتىن جەرگە اينالدى. ايتسە دە اۋىل - قىستاق ساياحاتىن قايتكەندە اناعۇرلىم ەرەكشەلىككە يە ەتۋگە بولادى؟

  سۋرەت سىزۋدى ۇناتاتىن قىستاق تۇرعىندارىنىڭ وسىنشاما كوپ ەكەندىگىن، كوپشىلىكتىڭ ءوز ەرىكتەرىمەن قىستاقتى اشەكەيلەۋگە پەيىل ەكەندىگىن كورگەن قىزمەت اترەتى مەن قىستاق ”ەكى كوميتەتى“ اقىلداسقاننان كەيىن، مادەنيەت ساياحاتى بەتالىسىنا قاراي دامۋدى كوزدەپ، بۇرجاي قىستاعىنىڭ كارىز مادەنيەتىن، سۋرەت سىزۋ مادەنيەت باسىمدىعىن سۇيەنىش ەتىپ جوبا جاساپ، قونىس ورتاسىن رەتتەپ، كاسىپ سالاسىن گۇلدەندىرۋدى ۇيعاردى. جەرگىلىكتى ورىنداعى كادرلار مەن بۇقارانىڭ بىرگە قۇلشىنۋىندا بۇرجاي قىستاعىنىڭ بەت - بەينەسىندە وزگەرىس تۋىلىپ، بارلىعى اۋلاسىنىڭ ءىشى - سىرتىنا گۇل، اعاش ەگىپ، اۋلاسىن كوركەمدەدى، سۋرەت سىزۋعا شەبەر ادامدار سۋرەت قالامىن الىپ، قىستاقتا سۋرەت سىزدى، بوس تۇرعان ۇيلەر دە ”اشەكەيلەنىپ“ حالىقتىق تۇسەلحاناعا اينالدى.

  ”ءبىز قوسىمشا قاراجات ورنىنا سيلىق بەرۋ ارقىلى قىستاق تۇرعىندارىن شارۋالار شاتتىعى ساياجايىن دامىتۋعا شابىتتاندىردىق، سونىمەن قىستاقتا كوپ وتپەي تۇڭعىش شارۋالار شاتتىعى ساياجايى اشىلدى، كەيىن بازار دا اشىلدى، قىستاق تۇرعىندارىنىڭ قالتاسى قامپايىپ، جۇزدەرىنەن قۋانىش لەبى ەستى. ارەدىك كەزدەردە ءبىز باي مازمۇندى مادەنيەت كوڭىل اشۋ قيمىلدارىن دا ۇيىمداستىرامىز. قازىر بۇرجاي قىستاعى اقشا تابۋعا دا بولاتىن، وزىندىك ءمانى دە بار جاڭاشا اۋىل - قىستاققا اينالدى“، - دەدى ارزىگۇل.