بۇراتالا قالاسىنىڭ ءبىر شەتى (7 - ايدىڭ 8 - كۇنى ۇشقىش اپپاراتپەن تۇسىرىلگەن). سۋرەتتى ءيۇسىپ عاني تۇسىرگەن
انار بۇلت \ شينجياڭ گازەتىنىڭ ءتىلشىسى سۇڭ يا - ۋىن
7 - ايداعى سايرام كولىندە، تۇنىق سۋ كوك اسپانعا ۇلاسىپ، جاسىل جايلاۋ مەن اقباس شىڭدار ءوزارا جاراسىم تاۋىپ، بەينە ءبىر پارشا كوركەم كارتيناداي كوز تارتادى. ءار كۇنى ەلىمىزدىڭ جەر - جەرىنەن كەلگەن ساياحاتشىلار اتاعىن ەستىپ وسى اراعا ات باسىن بۇرادى. قۇربان ايت مەرەكەسىندە، سايرام كولى كورىنىس وڭىرىندە ساياحاتشىلاردىڭ سانى بارىنشا ارتىپ، ءۇرتىس ەكى كۇن كۇتىپ العان ساياحاتشىلاردىڭ سانى 60 مىڭ ادام - رەتتەن اسىپ، تاريحتان بەرگى ەڭ جوعارى دەڭگەيگە جەتىپ، تۇتاس شينجياڭداعى ەڭ ءوتىمدى كورىنىسى وڭىرلەرىنىڭ بىرىنە اينالدى.
7 - ايدىڭ 23 - كۇنى، ساياحاتشىلار موتورلى پاراشوتقا وتىرىپ، سايرام كولى كورىنىس ءوڭىرىن ساياحاتتاۋدا (تولىق بەينەلى اپپاراتپەن تۇسىرىلگەن). بيىل جىل باسىنان قازىرگە دەيىن، سايرام كولى كورىنىس ءوڭىرى 1 ميلليون 216 مىڭ 100 ادام - رەت ساياحاتشى قابىلداعان. سۋرەتتى انار بۇلت \ شينجياڭ گازەتىنىڭ ءتىلشىسى جوۋ پىڭ تۇسىرگەن
ساياحات نەگىزدىك قۇرىلعى قۇرىلىسىن جەدەل كەمەلدەندىرىپ، تاڭداۋلى كورىنىس ءوڭىرى، ساياحات جەلىسىن قۇرىپ، جەلىلەس وزگەشە ساياحات ونىمدەرىن شىعاردى ... وسى ءبىرسىپىرا شارالار ساياحاتشىلاردى ءتىپتى دە تاماشا ساياحاتتىق سەزىنۋمەن قامدادى.
پارتيا 18 - قۇرىلتايىنان بەرى، بۇراتالا موڭعۇل اۆتونوميالى وبلىسى جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، حالىققا تيىمدىلىك جاساۋ شارالارىن ىركەس - تىركەس شىعارىپ، حالىققا تيىمدىلىك جاساۋدىڭ ناقتى ىستەرى بۇراتالانىڭ بايتاق دالاسىنا تامىر تارتىپ، ءار ۇلت كادر، بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز جوعارىلاتتى.
7 - ايدىڭ 7 - كۇنى، بالالار بۇراتالا موڭعۇل اۆتونوميالى وبلىستىق جاستار، ورەندەر سارايىندا سانگەرلىك سالتاناتىن ۇيرەنۋدە. سۋرەتتى ءيۇسىپ عاني تۇسىرگەن
بۇل ارادان جالىنداعان ومىرشەڭدىك كۇشتى سەزىنەسىز. تاپ - تازا، رەتتى جولدار، قۇستار سايراپ، گۇلدەردىڭ حوش ءيىسى اڭقىعان باقشالار، تۇپ - تۇنىق وزەن، سۋلار ... بۇراتالادا تۇرمىس كەشىرگەن ءار ادام بۇل قالانىڭ وزگەرىسىن سەزىنۋدە.
بۇراتالا قالاسى ىلگەرىندى - كەيىندى چىندەل وزەنى، بيڭحى، كايپيڭحۋ، مىڭ مۋلىق تاس الما باقشاسى كورىنىستەرىن جاڭالاۋ نىساندارى ارقىلى ”قالا باقشا ىشىندە، ادام سۋرەت ىشىندە“ دەگەندەي - اق وزگەشە كوشە كورىنىسىن قالىپتاستىرىپ، وسى قالانىڭ ”كەلبەتىن“ اسىرىپ، ”تىرشىلىك تىنىسىن“ جانداندىردى.
الاتاۋ وتكەلى بەكەتىندە توقتاپ تۇرعان جۇڭگو − ەۆروپا كەزەكشى پويەزى (7 - ايدىڭ 23 - كۇنى ۇشقىش اپپاراتپەن تۇسىرىلگەن). سۋرەتتى چىن چيان تۇسىرگەن
الاتاۋ وتكەلىنىڭ ەرەكشە جاعراپيالىق ورىن ەرەكشەلىگىنىڭ كورنەكتىلەنۋىنە بايلانىستى، شەكارا اتتاعان ەلەكتروندىق ساۋدا جۇكتەرىن تاسىمالداۋ تورابىنا اينالدى. كەزەكتە، الاتاۋ قالاسى يمپورت ەتىلگەن ەنەرگيا بايلىعىن مانەرلەۋدى نەگىزگى ءتۇيىن ەتىپ، ”ءبىر توراپ، ەكى تەكشە، ءۇش ورتالىق، ءتورت شوعىرلى قۇرىلىستى“ تياناق، كاسىپ سالاسى تىزبەگى، قامداۋ تىزبەگى، قۇن تىزبەگىن ارقاۋ ەتىپ، شارۋاشىلىق - ساۋدا ورتاسىن كۇش سالا ساپالىلاندىرىپ، ءبىرسىپىرا ايگىلى كاسىپورىنداردى وسى اراعا ىرگە تەۋىپ، شارۋاشىلىعىن شالقىتۋعا باۋرادى.
بۇراتالا شەكارا ەكونوميكاسى سەلبەستىك رايونىنداعى زەردەلى جاساۋ كاسىپ سالاسى باقشاسىنىڭ A رايونىندا، بۇراتالا باۋكۇن ەلەكتروندىق عىلىم - تەحنيكا شەكتى سەرىكتەستىگىنىڭ قىزمەتكەرلەرى ءوندىرىس سەحىندا ساندى مالىمەت سىمىن وندىرۋدە. (3 - ايدىڭ 10 - كۇنى تۇسىرىلگەن). سۋرەتتى ءيۇسىپ عاني تۇسىرگەن
جىڭ اۋدانىنداعى شينجياڭ جيڭچيشىن الاقات ونىمدەرىن اشۋ شەكتى جاۋاپكەرشىلىك سەرىكتەستىگىنىڭ ءوندىرىس سەحىندا، قىزمەتكەرلەر الاقات ونىمدەرىن رەتتەۋدە (3 - ايدىڭ 31 - كۇنى تۇسىرىلگەن). سۋرەتتى نان دىڭ تۇسىرگەن
بۇگىنگى تاڭدا، بۇراتالا وبلىسى كۇشتى دامۋ تەبىنىمەن ارشىندى قاداممەن العا ىلگەرىلەپ، جوعارى ساپالى دامۋدىڭ داۋىرلىك جاڭا تاراۋىن ۇزدىكسىز جازۋدا.
