حوتان اۋدانى: سۋدى عىلمي رەتتەپ، ”اۋىل شارۋاشىلىعىنىڭ“ سۋساۋ ماسەلەسىن شەشتى

日期:2022年07月13日
来源:新疆日报
【字体:

تيانشان تورى - شينجياڭ گازەتىنىڭ ٴتىلشىسى ٴپاريزات ابدۇل

  ” سۋ كەلدى! سۋ كەلدى!“ 6 ـ ايدىڭ 27 ـ كۇنى، سىلدىراپ اققان حوتان وزەنىنىڭ سۋى حوتان اۋدانى ۇزىنسور اۋىلى بۇزاق قىستاعىنداعى 90 مۋلىق جاساندى ىقتاسىن ورمانعا اعىپ كىردى، وسى قىستاقتىڭ تۇرعىنى تۇرسىنمامەت رايىپتىڭ جۇزىنەن قۋانىش لەبى ەستى.

  تاكلاماكان ٴشولىنىڭ وڭتۇستىك جيەگىنە ورنالاسقان حوتان اۋدانىنىڭ كليماتى قۇرعاق، سۋ توتەنشە تاپشى كەلەدى. بيىل 190 مىڭ مۋ تاستاندى ەگىستىك جەر، ەكولوگيالىق ورمان، جەم ـ ٴشوپ ەگىلەتىن جەر، قۇرىلعىلى اۋىل شارۋاشىلىعى، سورتاڭ جەردى جونگە سالۋ جانە اۋلا جەرى سياقتى ورىنداردا ۇزاق ۋاقىتتىق سۋ تاپشى بولۋ ماسەلەسىنە باعىتتاي وتىرىپ، حوتان اۋدانى سۋدان عىلمي پايدالانۋدىڭ ورنالاستىرۋ قىزمەت جوباسىن جاساپ، حوتان وزەنى سۋارمالى وڭىرىندەگى زاپاس سۋدى تولىقتاۋ ٴادىسىن قولدانىپ، 72 ميلليون 310 مىڭ تەكشە مەتر سۋ باستاپ، اۋماقتارعا ٴبولىپ عىلمي، ٴبىر تۇتاس ورنالاستىرىپ، دالمە ـ ٴدال سۋارىپ، سۋ تاپشى بولۋ سەبەبىنەن اق قالعان تاستاندى ەگىستىك جەر، ىقتاسىن ورمان، سورتاڭ جەر سياقتىلارعا ”ٴشول باساتىن سۋ“ جەتكىزۋدى جوسپارلادى.

  حوتان اۋدانىنىڭ جەر بەتى سۋىنىڭ جىلدىق ورتاشا اعىس مولشەرى ٴبىر ميلليارد 88 ميلليون تەكشە مەتر. اۋداندا 3 تاۋلى رايون سۋ قويماسى، 3 جازىق سۋ قويماسى بار، مۇنىڭ ىشىندە ۇلۇعاتا سۋ قويماسى حوتان وزەنى سۋارمالى وڭىرىندە كوكتەمگى سۋارۋعا پايدالانىلاتىن سۋدى رەتتەۋدە ماڭىزدى رول اتقاردى. ”ۇلۇعاتا سۋ يگىلىگى تورابى سالىنعاننان كەيىن، حوتان وزەنى الابىنىڭ سۋارۋ كولەمىن كەڭەيتىپ، حوتان وزەنى الابىندا كوكتەمگى ەگىستە سۋ تاپشى بولۋ ماسەلەسىن شەشىپ، جەرگىلىكتى قالا - اۋىلداردى اۋىز سۋىمەن قامداۋدى قامتاماسىز ەتتى. الايدا اتىز - ارىق سۋ يگىلىگى قۇرىلىسىنىڭ ۇزدىكسىز ىلگەرىلەۋىنە جانە سۋدىڭ بۋلانۋ مولشەرى زور، جىلدىق جاۋىن - شاشىن مولشەرىنىڭ از بولۋىنا بايلانىستى، ٴبىر ٴبولىم ەگىس اتىزدارى سۋ تاپشى بولۋ سەبەبىنەن تاستاندى ەگىس اتىزعا اينالىپ، ەكولوگيالىق ورمان مەن جەم - ٴشوپ ەگىلەتىن جەرلەر سۋ ’ىشە‘ المادى“، ـ دەدى حوتان اۋداندىق سۋ ىستەرى مەكەمەسى پارتيا باسشىلىق گرۋپپاسىنىڭ شۋجيى، ورىنباسار مەكەمە باستىعى قاھار ابدۋايت.

حوتان وزەنى. سۋرەتتى ٴادىل نادىر تۇسىرگەن (ماتەريالدىق سۋرەت)

  بيىل 5 ـ ايدا، حوتان اۋدانى حوتان وزەنى سۋارمالى وڭىرىنە 72 ميلليون 310 مىڭ تەكشە مەتر زاپاس سۋ تولىقتاۋدى بەلگىلەدى. 6 ـ ايدىڭ 10 ـ كۇنى ٴبىرىنشى رەت جىبەرىلگەن سۋ تاستاندى ەگىس اتىزىنا، ىقتاسىن ورمانعا، قۇرىلعىلى اۋىل شارۋاشىلىعىنا، سورتاڭ جەرلەرگە جەتكىزىلدى...

  قاھار تىلشىگە بىلاي دەدى: سۋدى عىلمي پايدالانۋ، سۋدى ۇنەمدەپ پايدالانۋ، سۋدى جوسپارلى پايدالانۋ ٴۇشىن، حوتان اۋدانى ”سۋ ۇنەمدەۋدى الدىمەن ويلاستىرۋ“ باعىتىنا تاباندى بولىپ، سۋدان پايدالانۋ قىزمەت مىندەتىن عىلمي جوسپارلاپ، سۋدان پايدالانۋ جوباسىن ويداعىداي جاساپ، ۋاقىت كەزەڭىنە، اۋماققا ٴبولىپ ٴبىر تۇتاس ورنالاستىرىپ، دالمە ـ ٴدال سۋارىپ، بۇقارانىڭ جەر سۋارۋ قيىن بولۋ ماسەلەسىن شەشىپ، ديقانداردىڭ كىرىسىن ارتتىرۋدى جەبەدى.

  ”سۋ كەلدى، بيىل اتىزدان ٴونىم الاتىن بولدىق“. 6 ـ ايدىڭ 27 ـ كۇنى، حوتان اۋدانى ۇزىنسور اۋىلى باقچى قىستاعىنىڭ تۇرعىنى ٴماتنياز روزىتوقتى وتباسىنىڭ 90 مۋ تاستاندى ەگىستىك جەرىنىڭ سۋارىلعانىنا بەس كۇن بولدى. ٴتىلشى ٴماتنيازدىڭ جەرىنە بارعاندا، تۇقىم سەبۋ ماشيناسى تەپ - تەگىس ەگىس تانابىندا ارلى ـ بەرلى ٴوتىپ، ”گۇرىلدەگەن“ داۋىس شىرت ۇيقىدا جاتقان جەردى تىتىرەتىپ تۇر ەكەن. ”5 كۇن بولدى، كۇندە اتىزعا كەلىپ كورەمىن، بۇگىن قايتالاي ەگىلەتىن جۇگەرى ەكتىم، سۋ بولسا اتىزدان ٴونىم الۋعا بولادى، كىرىس ارتادى“، ـ دەدى ٴماتنياز قۋانا.

  ”حوتان وزەنى سۋارمالى وڭىرىندەگى تولىقتانعان زاپاس سۋ 6 ـ ايدان 9 ـ ايعا دەيىن جالعاسادى، ٴبىز توعاندارداعى تۇنبانى دەر كەزىندە تازالاپ، سۋ جەتكىزۋ ارناسىن ىركىلىسسىزدەندىرىپ، 190 مىڭ مۋ تاستاندى ەگىستىك جەر، ەكولوگيالىق ورمان، جەم ـ ٴشوپ ەگىلەتىن جەر، باقشا رايونى، اۋلا سياقتىلارعا تۇگەلدەي سۋ جەتكىزىلۋىنە مۇمكىندىك جاسايمىز“، ـ دەدى قاھار.