4 التىن مەدال، 2 كۇمىس مەدال، 7 قولا مەدال الىپ، شينجياڭ ۋاكىلدەر ۇيىرمەسى التىن مەدال جالپى سانى بويىنشا 1 - ورىندى يەلەدى

日期:2021年09月29日
来源:新疆日报
【字体:

  مەملەكەت بويىنشا اۋىل - قىستاقتى گۇلدەندىرۋ كاسىپتىك شەبەرلىك جارىسى تولىق تابىسپەن اياقتادى

  4 التىن مەدال، 2 كۇمىس مەدال، 7 قولا مەدال الىپ، شينجياڭ ۋاكىلدەر ۇيىرمەسى التىن مەدال جالپى سانى بويىنشا 1 - ورىندى يەلەدى

  انار بۇلت / شينجياڭ گازەتىنىڭ تىلشىلەرى جاۋ شييا، لي لين 9 - ايدىڭ 28 - كۇنى ۇرىمجىدەن حابارلايدى. 9 - ايدىڭ 28 - كۇنى مەملەكەت بويىنشا اۋىل - قىستاقتى گۇلدەندىرۋ كاسىپتىك شەبەرلىك جارىسى شينجياڭ حالىقارالىق ءماجىلىس - كورمە ورتالىعىندا تولىق تابىسپەن اياقتالدى. ادام كۇشى بايلىعى جانە قوعامدىق قامتاماسىزداندىرۋ مينيسترلىگى پارتيا باسشىلىق گرۋپپاسىنىڭ مۇشەسى، ورىنباسار مينيستر تاڭ تاۋ جارىستىڭ اياقتالعانىن جاريالادى.

  2 كۇندىك قيان - كەسكى باسەكە ارقىلى شينجياڭ ۋاكىلدەر ۇيىرمەسىنەن ليۋ جىميڭ، سىچۋان ۋاكىلدەر ۇيىرمەسىنەن جوۋ يۇي قاتارلى 22 شەبەر قارا ءۇزىپ العا شىعىپ، جەكە - جەكە اۋىل شارۋاشىلىق ماشينالارىن رەمونتتاۋ، تام قالاۋ سياقتى 11 جارىس ءتۇرى جۇمسشى - قىزمەتكەرلەر گرۋپپاسىنىڭ، وقۋشىلار گرۋپپاسىنىڭ التىن مەدالىنا يە بولدى، بايىنعولين موڭعۇل اۆتونوميالى وبلىسىنىڭ ۋاكىلدەر ۇيىرمەسى جۇڭگوشا بولكا جاساۋ شەبەرلەرىنىڭ (نان پىسىرۋ) ونەر كورسەتۋ تۇرىنەن توپتىق التىن مەدال الدى.

  شينجياڭ ۋاكىلدەر ۇيىرمەسى جالپى 4 التىن مەدال، 2 كۇمىس مەدال، 7 قولا مەدال الىپ، التىن مەدال سانى بويىنشا جارىسقا قاتىناسقان 29 ۋاكىلدەر ۇيىرمەسىنىڭ الدى بولدى.

  بۇل رەتكى جارىس ”شەبەرلىك كەلبەتىن ايگىلەپ، اۋىل - قىستاقتى گۇلدەندىرۋدى جەبەۋدى“ نەگىزگى تاقىرىپ، كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋدى ماڭىزدى مىندەت ەتىپ، اۋىل شارۋاشىلىعىمەن شۇعىلداناتىن وتباسى مۇشەلەرىنە ارنايى باعىتتالىپ، ءتىپتى دە كوپ ەڭبەكشىنى شەبەرلىكتى ۇيرەنۋگە، شەبەرلىكتى يگەرۋگە جەتەكتەپ، شەبەر دارىندىلار مەن اۋىل - قىستاق ۇستالارىن جەدەل جەتىلدىرىپ، اۋىل - قىستاقتىڭ گۇلدەنۋىن جاپپاي ىلگەرىلەتۋگە پارمەندى دارىندىلار تىرەگىن ازىرلەۋدى ماقسات ەتتى. جارىسقا بۇكىل ەلدەگى ءارقايسى ولكەدەن (رايون، قالا) جانە شينجياڭ ءوندىرىس - قۇرىلىس بيڭتۋانىنان 600دەن استام شەبەر قاتىناستى، جارىسقا قاتىناسقان شەبەرلەردىڭ ورتاشا جاسى 25.

  جارىس مەزگىلىندە جارىسقا قاتىناسقان شەبەرلەر تام قالاۋشى، اۋىل شارۋاشىلىق ماشينالارىن رەمونتتاۋشى، شاشتاراز، شاش جاساۋشى، قارتتاردى كۇتۋشى، ەلەكتروندى ساۋدا ۇستاسى سىندى 11 جارىس ءتۇرى بويىنشا قيان - كەسكى سايىستى. جارىسقا قاتىناسقان قالىڭ شەبەرلەر ءادىل، ادىلەتتى باسەكەدە قۇلشىنا سايىسىپ، ەرلىكپەن العا وزىپ، سايىس بارىسىندا ونەرلەرىن تالقىلاپ، جارىس ارقىلى دەڭگەيلەرىن كورسەتىپ، جارىس ارقىلى ستيلدەرىن ايگىلەپ، دوستىقتى كۇشەيتىپ، جاڭا داۋىردەگى شەبەر دارىندىلاردىڭ كەمەلدىككە ۇمتىلاتىن، ەرەندىككە ۇمتىلاتىن رۋحاني بەت - بەينەسىن تولىق ايگىلەدى.

  وسى رەتكى جارىس دۇنيە جۇزىلىك شەبەرلىك جارىسىمەن ۇلاستىرىلىپ، تەحنيكالىق ەرەجە جاساپ، ءاربىر جارىس تۇرلەرىندە تۇگەل جۇمىسشى - قىزمەتكەرلەر گرۋپپاسى مەن وقۋشىلار گرۋپپاسى ورنالاستىرىلدى، جۇمىسشى - قىزمەتكەرلەر گرۋپپاسىنىڭ الدىڭعى 3 ورنىن يەلەگەن شەبەرلەرگە ”مەملەكەتتىك تەحنيكا شەبەرى“ اتاعى بەرىلدى. التىن مەدال، كۇمىس مەدال، قولا مەدال العان شەبەرلەرگە قازىرگى كاسىپتىك تولىمدىلىعى نەمەسە كاسىپتىك شەبەرلىگى دارەجەسى نەگىزىندە كاسىپتىك شەبەرلىك دارەجەسى ءبىر دارەجە كوتەرىلدى.

  ادام كۇشى بايلىعى جانە قوعامدىق قامتاماسىزداندىرۋ مينيسترلىگى كاسىپتىك قابىلەت قۇرىلىسى مەكەمەسىنىڭ ورىنباسار باستىعى ليۋ شينچاڭ بىلاي دەدى: وسى رەتكى جارىس بۇكىل ەلدىڭ جەر - جەرىندەگى شەبەر دارىندىلار قوسىنى قۇرىلىسى جەتىستىكتەرى مەن اۋىل - قىستاقتى گۇلدەندىرۋ جەتىستىكتەرىن تولىق ايگىلەدى، اناعۇرلىم كوپ ەڭبەكشىلەردى، وتە - موتە، جاستاردى شەبەر دارىندى بولۋ، شەبەرلىك ارقىلى وتاننىڭ ءۇمىتىن اقتاۋ جولىمەن جۇرۋگە شابىتتاندىردى، جارىسقا قاتىناسۋشىلاردىڭ شەبەرلىك قابىلەتىنە جالىقپاي جاتتىعىپ، ءتۇرلى كاسىپتىڭ شەبەر دارىندىسى بولىپ جەتىلۋگە قۇلشىنىپ، ەڭبەك داڭقتى، شەبەرلىك باعالى دەيتىن ءداۋىر سالتىن بەلسەنە قالىپتاستىرۋىن ءۇمىت ەتەمىن.