مەملەكەت بويىنشا اۋىل - قىستاقتى گۇلدەندىرۋ كاسىپتىك شەبەرلىك جارىسى باستالدى

日期:2021年09月27日
来源:新疆日报
【字体:

شوكىرات زاكىر جارىستىڭ باستالعاندىعىن جاريالادى

  انار بۇلت / شينجياڭ گازەتىنىڭ ءتىلشىسى لياڭ ليحۋا 9 - ايدىڭ 26 - كۇنى ۇرىمجىدەن حابارلايدى. 9 - ايدىڭ 26 - كۇنى تۇستەن بۇرىن مەملەكەت بويىنشا اۋىل - قىستاقتى گۇلدەندىرۋ كاسىپتىك شەبەرلىك جارىسى شينجياڭ حالىقارالىق جينالىس - كورمە ورتالىعىندا باستالدى، بۇل رەتكى جارىس ”شەبەرلىك كەلبەتىن ايگىلەپ، اۋىل - قىستاقتى گۇلدەندىرۋدى جەبەۋدى“ نەگىزگى تاقىرىپ ەتىپ، بۇكىل ەلدىڭ ءارقايسى ولكە، رايون، قالالارىنان جانە شينجياڭ ءوندىرىس - قۇرىلىس بيڭتۋانىنان كەلگەن جالپى 29 ۋاكىلدەر ۇيىرمەسىندەگى 617 شەبەر جارىسقا قاتىناسادى. جارىس كاسىپتىك شەبەرلىك باسەكەسىنىڭ باستاماشىلدىق رولىن ساۋلەلەندىرۋگە باسا ءمان بەرىپ، جارىس ارقىلى ۇيرەنۋدى جەبەۋگە، جارىس ارقىلى تاربيەلەۋدى جەبەۋگە تاباندى بولىپ، بۇكىل ەلدىڭ جەر - جەرىندەگى 10 مىڭعا جۋىق شەبەردى ىرىكتەۋگە، توپتىق تاربيەلەۋگە قاتىناسۋعا جەتەكتەدى.

  اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر جارىستىڭ باستالعاندىعىن جاريالادى. ادام كۇشى بايلىعى جانە قوعامدىق قامتاماسىزداندىرۋ مينيسترلىگى پارتيا باسشىلىق گرۋپپاسىنىڭ مۇشەسى، ورىنباسار مينيستر تاڭ تاۋ باستالۋ سالتىنا قاتىناستى.

  مەملەكەت بويىنشا اۋىل - قىستاقتى گۇلدەندىرۋ كاسىپتىك شەبەرلىك جارىسىن وتكىزۋ كەدەيلىكتەن ارىلتۋدان قامال الۋ جەتىستىكتەرىن بەكەمدەۋ، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋداعى ماڭىزدى مىندەت، ماقساتى ءتىپتى دە كوپ ەڭبەكشىنى شەبەرلىكتى ۇيرەنۋگە، شەبەرلىكتى مەڭگەرۋگە جەتەلەپ، شەبەر دارىندىلار مەن اۋىل - قىستاق ۇستالارىن جەدەل جەتىلدىرىپ، اۋىل - قىستاقتى گۇلدەندىرۋدى جاپپاي ىلگەرىلەتۋگە پارمەندى دارىندىلار تىرەگىن ازىرلەۋ.

  9 - ايدىڭ 26 - كۇنىنەن 28 - كۇنىنە دەيىن شەبەرلەر تام قالاۋشى، اۆتوكولىك رەمونتتاۋشى، اۋىل شارۋاشىلىق ماشينالارىن رەمونتتاۋشى، توكشى، شاشتاراز، شاش جاساۋشى، قارتتاردى كۇتۋشى، بوبەك باعۋشى، باتىسشا پراندىك پىسىرۋ ۇستاسى، اسحانا قىزمەت وتەۋشىسى، ەلەكتروندى ساۋدا ۇستاسى، جۇڭگوشا قۋىرماش ۇستاسى (قوي ەتىن قاقتاۋ) سىندى 11 جارىس ءتۇرى بويىنشا سايىسقا تۇسەدى. ءارقايسى جارىس تۇرلەرى تۇگەلدەي جۇمىسشى - قىزمەتكەرلەر گرۋپپاسى مەن وقۋشىلار گرۋپپاسىن ءبولىپ ورنالاستىرعان، ءارقايسى جارىس تۇرىندە التىن، كۇمىس، قولا جانە ۇزدىك سيلىق ورنالاستىرىلعان ءارى ايرىقشا ۇلەسكەر ورىن مەن ۇزدىك ۇيىمداستىرۋشى ورىن سيلانادى. جۇمىسشى - قىزمەتكەرلەر گرۋپپاسىنىڭ الدىڭعى 3 ورنىن يەلەگەن شەبەرلەرگە ”مەملەكەتتىك تەحنيكا شەبەرى“ اتاعى بەرىلەدى.

  جارىس كەزىندە تاعى ”شەبەرلىك جۇڭگو ساپارى 2021 − شينجياڭعا قادام قويۋ“ شەبەرلىكتى ايگىلەۋ اۋىس - كۇيىسى، 46 - كەزەكتى دۇنيە جۇزىلىك شەبەرلىك جارىسىنىڭ نەگىزگى تاقىرىبىن جالپىلاستىرۋ، شەبەرلىك ارقىلى دارىندى بولۋ، شەبەرلىك ارقىلى وتان ءۇمىتىن اقتاۋ ىزگى ىستەرىنەن بايانداما جاساۋ ءماجىلىسى، كاسىپتىك شەبەرلىك جارىسى كاسىپتىك اۋىس - كۇيىسى سياقتى جەلىلەس قيمىلدار وتكىزىلەدى. وسى رەتكى جارىستى ادام كۇشى بايلىعى جانە قوعامدىق قامتاماسىزداندىرۋ مينيسترلىگى، مەملەكەتتىك اۋىل - قىستاقتى گۇلدەندىرۋ مەكەمەسى، اۆتونوميالى رايوندىق حالىق ۇكىمەتى بىرگە ۇيىمداستىردى، اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى، اۋىل - قىستاقتى گۇلدەندىرۋ مەكەمەسى، ءۇرىمجى قالالىق حالىق ۇكىمەتى ۇستىنە الىپ وتكىزدى.

  اۆتونوميالى رايوننىڭ جانە بيڭتۋاننىڭ قاتىستى باسشىلارى باستالۋ سالتىنا قاتىناستى.