المۇرت پىستى، تۇرمىسىمىز باقىت قۇشتى

日期:2021年09月21日
来源:新疆日报
【字体:

  ”توراپتاستار سالەمەتسىزدەر مە! تۋ سىرتىمداعى قىستاعىمىزدىڭ المۇرت باعى، قاراڭىزدارشى، المۇرتتىڭ ءتۇسى ادەمى شىعار“. 9 - ايدىڭ 15 - كۇنى كورلا قالاسى اۋات اۋىلى چيگايكشىك قىستاعىنىڭ المۇرت باعىندا قىستاق پارتيا ياچەيكاسىنىڭ شۋجيى ليۋ جىمين كورلا قالالىق توعىسپالى اقپارات قۇرالدارى ورتالىعى توراپ تۇعىرىنىڭ تىكە تاراتۋ بولمەسىنە كىرىپ، كورلا المۇرتىن ۇگىتتەپ، تانىستىردى.

  قازىر ءدال كورلا المۇرتىن ۇزەتىن مەزگىل، ءۇزۋ مەزگىلى تەك 20 كۇن اينالاسىندا بولادى، دەر كەزىندە ۇزۋگە شىنايى كەپىلدىك ەتۋ ءۇشىن، كورلا قالاسى ءار كۇنى 1500دەن استام كادردى المۇرت باقتارىنا بارىپ وتباسىندا قيىنشىلىعى بار ەگىنشىلەردىڭ المۇرت ۇزۋىنە كومەكتەسۋگە ۇيىمداستىردى. سونىمەن بىرگە، كورلا قالالىق توعىسپالى اقپارات قۇرالدارى ورتالىعى مەن ءارقايسى ءىرى ەلەكتروندى ساۋدا تۇعىرلارى دا جاپا - تارماعاي كۇش قوسىپ، المۇرت باقتارىنا بارىپ تىكە تاراتۋ جۇرگىزىپ، ساتۋعا كومەكتەستى.

  تەكەشى اۋىلى اقتاش قىستاعىنىڭ تۇرعىنى مۇسا ۇسەن وتباسىنىڭ 20 مۋلىق المۇرت باعىندا كورلا قالالىق ءتارتىپ تەكسەرۋ، باقىلاۋ - تەكسەرۋ كوميتەتىنىڭ 20 كادرى المۇرت ۇزۋگە كومەكتەسىپ جاتىر ەكەن. ”كۇنىنە ءبىر تونناداي ۇزەمىز“، - دەدى كورلا قالالىق باقىلاۋ - تەكسەرۋ كوميتەتىنىڭ مۇشەسى، پارتيا ستيلىن، ۇكىمەت ستيلىن باقىلاۋ كەڭسەسىنىڭ مەڭگەرۋشىسى گو مين، - ”المۇرت باعباندارىنىڭ رازىلىق بەينەسىن كورگەندە، ءبىز تارتقان جاپامىزدىڭ تەككە كەتپەگەندىگىن سەزىندىك“، - دەيدى.

  ”ورتالىعىمىز ارنايى اۋىل شارۋاشىلىق ونىمدەرىن ساتۋعا كومەكتەسۋ قوسىنىن قۇردى، وسى المۇرت ءۇزۋ مەزگىلىندە كۇنىنە تىكە تاراتۋ ارقىلى ءبىر توننا مولشەرىندە زات ساتىپ وتىرمىز“، - دەيدى كورلا قالالىق توعىسپالى اقپارات قۇرالدارى ورتالىعىنىڭ مەڭگەرۋشىسى يۇي شياۋجياڭ.

  شارباق اۋىلى ءۇستىن قوسباق قىستاعىنىڭ تۇرعىنى عوپۇر نياز وتباسىنىڭ المۇرت باعىندا عوپۇر مەن قىستاق كادرى ساۋداگەرلەردىڭ جۇك اۆتوموبيلىنە المۇرت تيەپ جاتىر ەكەن.

  ”بيىل المۇرتتىڭ ساپاسى جاقسى بولدى، وتكەن جىلداعىدان 30 نەشە مىڭ يۋان ارتىق ساتتىق، بۇل دا قىستاق كادرلارىنىڭ ارقاسى. ولار جازعىتۇرىم بىزگە كومەكتەسىپ المۇرت بۇتاقتارىن شىرپىسا، كۇزدە تەرۋگە، ساتۋعا كومەكتەسىپ، باعبانداردىڭ ويداعىداي ءونىم الۋىنا كوبىرەك كوڭىل ءبولدى!“. عوپۇر العىستى سەزىممەن: ”پارتيانىڭ تاماشا ساياساتىنىڭ ارقاسىندا جاقسى تۇرمىس كەشىرىپ جاتىرمىز، پارتيانىڭ جاقسى كادرلارى ءبىزدى كىرىستى ارتتىرىپ بايۋعا باستادى. ءبىز قازىرگى تۇرمىسىمىزدى قادىرلەۋىمىز، ونان دا ماڭىزدىسى، العىس ايتا ءبىلۋىمىز كەرەك، ءوزىمىزدىڭ اۋقاتتانۋ حيكايامىزدى ءتىپتى دە كوپ ادامدارعا اڭگىمەلەۋىمىز كەرەك“، - دەدى.

  كورلا چينجىيۋان بيو عىلىم - تەحنيكالىق شەكتى سەرىكتەستىگىنىڭ سەحىندا ادەمى قوراپتالعان قۇمىرا - قۇمىرا، دوربا - دوربا المۇرت توسابى ۇلاسپالى ءوندىرىس جەلىسىنەن شىعارىلىپ جاتىر. ”بيىل سەرىكتەستىك المۇرت شيكىزاتىنان 10 مىڭ توننا مانەرلەپ، المۇرت توسابىنان 700 توننا ءوندىرۋدى، جىلدىق ءونىم قۇنىن 70 ميلليون يۋان مولشەرىنە جەتكىزۋدى مەجەلەپ وتىر“، - دەيدى سەرىكتەستىكتىڭ جاۋاپتىسى ليۋ حۋابيڭ.

  المۇرت ساتۋ ارناسىن اناعۇرلىم كەڭەيتۋ ءۇشىن جۋىقتا كورلا قالاسى ءبىر ەلەكتروندىق ساۋدا كاسىپورنىمەن ستراتەگيالىق سەلبەستىك كەلىسىمىنە قول قويىسىپ، ءىرى تيپتى ەلەكتروندىق ساۋدا تۇعىرىنىڭ ولشەمدى، ۇلكەن ساندى مالىمەت، زات اينالىمى، جەدەل جەتكىزۋ سياقتى جاقتارداعى باسىمدىعىنا سۇيەنىپ، كورلا المۇرتىنىڭ وڭىرلىك ورتاق پايدالاناتىن ايگىلى ماركاسىنىڭ ىقپال كۇشى مەن قوسىمشا قۇنىن جوعارىلاتۋعا جەتەكتەپ، كورلا وسى زامانعى ەرەكشە اۋىل شارۋاشىلىعىنىڭ دەڭگەيىن جوعارىلاتىپ، دارەجەسىن ءوسىرۋدى جۇزەگە اسىردى.

  بيىل كورلا قالاسىنىڭ المۇرت ەككەن جەر اۋدانى 467 مىڭ مۋعا جەتتى، جالپى ءونىم مولشەرى 430 مىڭ تونناعا جەتەتىندىگى مەجەلەنىپ وتىر، بۇل جەرگىلىكتى ورىنداعى المۇرت باعباندارى مەن قاتىستى كاسىپورىندارعا 2 ميلليارد يۋانعا تاياۋ كىرىس كىرگىزەدى.