كەدەيلەردى وقۋ - اعارتۋ ارقىلى سۇيەمەلدەپ، بولاشاق ارماندى اسقاقتاتتى

日期:2021年01月30日
来源:新疆日报
【字体:

  قورعاندار مەن تاۋلار قاباتتاسىپ، شاتقالدار مەن اڭعارلار ۇزىننان - ۇزاققا سوزىلىپ جاتىر... 10 جىلدىڭ الدىندا تاشقورعان تاجىك اۆتونوميالى اۋدانى مارياڭ اۋىلى ءپىل قىستاعىنىڭ بالالارى اسقار تاۋ، الىس جولدىڭ سالدارىنان جالاما جارتاستارعا جارماسىپ، سىرعىما ارقانعا اسىلىپ ءجۇرىپ مەكتەپكە ارەڭ جەتەتىن. بۇگىنگى كۇندە تەپ - تەگىس اسفالت جولدار قىستاقتارعا جەتكىزىلدى، وقۋ ماۋسىمى جەتىپ كەلىسىمەن مەكتەپ اۆتوكولىگى كەلىپ بالالاردى الىپ كەتەدى. بۇرىنعى سياقتى جولدىڭ قيىندىعىنان نەمەسە وتباسىنىڭ كەدەيلىگىنەن وقۋدان قالىپ قوياتىن، وقۋدان قول ۇزەتىن جاعدايلار ەندىگارى تۋىلمايتىن بولدى، جاڭا ءبىر ۇرپاق ادامداردىڭ ارمانى كەدەيلەردى وقۋ - اعارتۋ ارقىلى سۇيەمەلدەۋمەن بىرگە قاناتتانىپ، اسقار تاۋ قويناۋىنان اۋەلەپ ۇشۋدا.

  ءبىلىم تاعدىردى وزگەرتەدى، وقۋ - اعارتۋ بولاشاقتى نۇرلاندىرادى. وقۋ - اعارتۋ كەدەيلىكتىڭ ۇرپاقتان - ۇرپاققا جالعاسۋىن تۇبىرىنەن شەشەتىن شارا بولىپ، كەدەيلىكتەن ارىلتۋدان قامال الۋدىڭ ونىمدىلىگىنە جانە جاپپاي دوڭگەلەك داۋلەتتى قوعام ورناتۋدىڭ ساپاسىنا سايادى. پارتيا 18 - قۇرىلتايىنان بەرى رايونىمىز اۋىل - قىستاقتار مەن كەدەي وڭىرلەردەگى مىندەتتى وقۋ - اعارتۋى ءالسىز مەكتەپتەردىڭ نەگىزدىك وقىتۋ شارت - جاعدايىن جالپى بەتتىك جاقسارتىپ، نەگىزدىك وقۋ - اعارتۋ، كاسىپتىك وقۋ - اعارتۋ، وقىتۋشىلار قوسىنى قۇرىلىسى سياقتى جاقتاردا كەدەي وڭىرلەرگە بەيىمدەلىپ، وقۋ - اعارتۋ ارقىلى كەدەيلىكتەن ارىلتۋ ونىمدىلىگى كورنەكتى بولدى.

  اۋىل - قىستاق مەكتەپتەرىنىڭ وقىتۋ شارت - جاعدايى جالپى بەتتىك جاقساردى

  1 - ايدىڭ 21 - كۇنى قۋانىشتى حابار تارالىپ، ياركەن اۋدانى ىشقۇل اۋىلدىق ورتا مەكتەبى شاتتىققا شومدى − مەكتەپ ”2020 - جىلعى مەملەكەتتىك جاستار مەن ورەندەر مەكتەپ فۋتبولىندا ەرەكشە مەكتەپ“ بولىپ تاڭدالىپتى.

  ”مەكتەبىمىز جىل سايىن تۇلەدى، ءبىز وقۋشىلاردى جان - جاقتىلى جەتىلدىرۋدىڭ ءتىپتى دە جاقسى شارت - جاعدايىنا يە بولدىق“، - دەدى ىشقۇل اۋىلدىق ورتا مەكتەپ پارتيا ياچەيكاسىنىڭ شۋجيى جاڭ جۇن قۋانىشتى بەينەمەن.

  ىشقۇل اۋىلدىق ورتا مەكتەپكە بارساق، وقىتۋ عيماراتىنىڭ ىشىندە مۋزيكا بولمەسى، اسەمونەر بولمەسى، تاجىريبەحانا سياقتىلاردىڭ ءبارى بار ەكەن، كلاس سىرتىندا، فۋتبول مايدانىندا، باسكەتبول مايدانىندا وقۋشىلار اسىر سالىپ ويناپ ءجۇر. مەملەكەتتىڭ حالىققا وقۋ - اعارتۋ ارقىلى تيىمدىلىك جەتكىزۋ ينجەنەرياسىنىڭ ارقاسىندا، 2018 - جىلى وقىتۋشى - وقۋشىلار توزىعى جەتكەن مەكتەپ ۇيلەرىنە قوش ايتىپ، شىت جاڭا مەكتەپ اۋلاسىنا كوشىپ كىردى. سوڭعى بىرنەشە جىلدا مەكتەپ وقىتۋشىلارى ۇزدىكسىز كەمەلدەنىپ، وقىتۋ ساپاسى ءۇرتىس جوعارىلادى، سونداي - اق اۋدان كولەمىندەگى فۋتبول جارىستارىندا ەلدەن ەرەك كوزگە ءتۇسىپ، سول جەردەگى جۇلدىزدى مەكتەپكە اينالدى.

  مەكتەپ شىت جاڭا تۇسكە ەنىپ، وقۋشىلار شاتتىققا بولەندى، ىشقۇل اۋىلدىق ورتا مەكتەپتىڭ وزگەرىسى رايونىمىزداعى ”ءالسىز تۇستاردى جالپى بەتتىك وڭاۋ“ اياق الىسىن ىلگەرىلەتۋدىڭ ىقشامدالعان كارتيناسى عانا.

  2014 - جىلدان بەرى مەملەكەت ىلگەرىندى - كەيىندى ىسكە قوسقان ”ءالسىز تۇستاردى جالپى بەتتىك وڭاۋ“ جانە ”قۋاتتى ارتتىرۋ“ سياقتى وقۋ - اعارتۋ سالاسىنداعى كەلەلى حالىق تۇرمىسى ينجەنەرياسى كەدەي وڭىرلەردەگى مەكتەپتەردىڭ وقىتۋ شارت - جاعدايىن جاقسارتىپ، نەگىزدىك، الەۋمەتتىك وقۋ - اعارتۋ بويىنشا قىزمەت ەتۋدى بىركەلكىلەندىرۋدى جەبەپ، ”نەگىزگە كەپىلدىك ەتۋ“ سىندى حالىق تۇرمىسىنىڭ ەڭ تومەنگى شەگىن ساقتاۋدا ماڭىزدى مانگە يە بولدى.

  رايونىمىز ”ءالسىز تۇستاردى جالپى بەتتىك وڭاۋ“ ينجەنەرياسىن اتقارۋدى قاۋىرت ىلگەرىلەتىپ، شوعىرلانعان، تۇتاسىپ كەتكەن كەدەي ءوڭىر، مەملەكەتتىك كەدەيلەردى سۇيەمەلدەۋ، وركەندەتۋ قىزمەتى ءتۇيىندى جۇرگىزىلەتىن اۋدان سياقتى قيىنشىلىعى بار اۋدانداردىڭ ءالسىز مەكتەپتەردى وزگەرتۋ مىندەتىن الدىن الا بىتىرۋىنە ءتۇيىندى كومەكتەسىپ، ەڭ كەدەي وڭىرلەردىڭ الدىمەن كەمەلدەنىپ، ەرتەرەك يگىلىككە كەنەلۋىنە مۇمكىندىك تۋدىردى. سوڭعى 5 جىلدا جيىنى 19 ميلليارد 840 ميلليون يۋان قۇرىلىس قارجىسىن قوسىپ، 6 ميلليون 470 مىڭ شارشى مەترلىك مەكتەپ جاتاقتارىن وزگەرتىپ، كەڭەيتىپ سالدى، مۇنداعى جارتىسىنان استام قارجى وڭتۇستىك شينجياڭداعى 4 ايماق - وبلىسقا پايدالانىلىپ، بۇكىل رايونىمىزداعى مىندەتتى وقۋ - اعارتۋ مەكتەپتەرىن D دارەجەلى حاۋىپتى ۇيلەردەن ارىلتۋ، كوپ مەديالى وقىتۋ كلاستارىن اشۋ مۇمكىندىگى بولۋ سياقتى 20 ءتۇرلى نەگىزدىك وقىتۋ شارت - جاعدايى ولشەمىنىڭ بارىنەن ولشەمگە جەتتى. بىلتىر بۇكىل رايونىمىز بويىنشا تۇتاس وڭىردە اۆتونوميالى رايوننىڭ مىندەتتى وقۋ - اعارتۋدى ولشەمدەندىرىپ، بىركەلكى دامىتۋدى تەكسەرىپ وتكىزىپ الۋ سارابىنان ءوتتى.

  ”ءالسىز تۇستاردى جالپى بەتتىك وڭاۋ“ ينجەنەرياسىنىڭ اتقارىلۋى اۋىل - قىستاقتاردىڭ مىندەتتى وقۋ - اعارتۋ بويىنشا وقىتۋ شارت - جاعدايىن ءونىمدى جاقسارتىپ، قالا - اۋىلداردا مىندەتتى وقۋ - اعارتۋدى دامىتۋداعى پارىقتى ازايتىپ، ءتالىم - تاربيە، وقىتۋ ساپاسىن ورنىقتى قاداممەن جوعارىلاتتى.

  وقۋدان قول ءۇزۋدى تىزگىندەپ، وقۋعا تۇسۋگە كەپىلدىك ەتىپ، بىردە - ءبىر بالانى قاتاردان قالدىرمادى

  مەكتەپكە بارىپ وقۋعا مۇمكىندىك بولماسا دا، كەلپىن اۋدانى گەزىلىك قالاشىعى قالما قىستاعىنداعى ءبىلالجان ءانۋار ءبىرتالاي ءبىلىم ۇيرەندى.

  13 جاستاعى ءبىلالجان قول - اياعىنان 2 - دارەجەلى مۇگەدەك بولعاندىقتان، تۇرمىستا وزىنە - ءوزى قاراي المايدى. ءار اپتادا گەزلىك قالاشىعى سەنترلى باستاۋىش مەكتەبىنىڭ ەكى وقىتۋشىسى ونىڭ ۇيىنە بارىپ ساباق بەرەدى.

  كەلپىن اۋداندىق وقۋ - اعارتۋ مەكەمەسىنىڭ كادرى ۋاڭ لۋ بىلاي دەپ تانىستىردى: قازىر وسى اۋداننىڭ مىندەتتى وقۋ - اعارتۋ كەزەڭىندەگى وقۋعا كىرۋ سالىستىرماسى %100كە جەتتى، ءبىلالجان سياقتى مەكتەپكە بارىپ ۇيرەنۋگە قاتىناسا المايتىن ورەندەر مەن بالالاردان 27سى بار. سوڭعى بىرنەشە جىلدا وسى اۋدان ”وقۋ - اعارتۋدى ۇيگە جەتكىزۋ“ ءادىسىن قولدانىپ، وقۋ جاسىنداعى مۇگەدەك بالالاردىڭ تاربيە قابىلداۋدا ”بىردە - بىرەۋىنىڭ قاتاردان قالماۋىنا“ شىنايى كەپىلدىك ەتتى.

  2016 - جىلدان باستاپ، لوپ اۋدانى دول اۋىلى قوعاچيارىق قىستاعى پارتيا ياچەيكاسىنىڭ شۋجيى تۇرسۇنجان قادىردىڭ قىزمەت كۇن تارتىبىنە ءبىر ماڭىزدى مازمۇن قوسىلدى، ءار جىلى وقۋ باستاۋدىڭ الدى - ارتىندا ول تۇگەلدەي وقۋ - اعارتۋ تاراۋلارى تۇسىرگەن ەسىمدىك بويىنشا، قىستاقتاعى بالالاردىڭ وقۋعا كىرۋگە تىزىمدەلۋ جاعدايىن انىقتايدى. ”قايسى ءۇيدىڭ بالاسى وقۋعا بارماسا، ءبىز مۇعالىمدارمەن بىرگە ۇيلەرىنە بارىپ قىزمەت ىستەيمىز، ايتسەدە، قازىر مۇنداي جايتتەر جوق بولدى!“، - دەدى تۇرسۇنجان.

  سوڭعى جىلدارى اۆتونوميالى رايون ىلگەرىندى - كەيىندى ءبىر قىدىرۋ حۇجات شىعارىپ، اۋداندار بويىنشا اۋدان اۋماعىندا وقۋدان قول ءۇزۋدى تىزگىندەۋ، وقۋعا كىرۋگە كەپىلدىك ەتۋ قىزمەت جوباسىن جاساۋعا قۋزاپ، اۋدان دارەجەلى حالىق ۇكىمەتتەرىنىڭ وقۋدان قول ءۇزۋدى تىزگىندەۋ، وقۋعا كىرۋگە كەپىلدىك ەتۋدەگى تۇلعالىق جاۋاپكەرشىلىگىن كۇشەيتىپ، مىندەتتى وقۋ - اعارتۋدا ەمتيحان الماي جاقىن جەردە مەكتەپكە كىرگىزۋمەن جاپپاي قامتۋدى ۇزدىكسىز ىلگەرىلەتىپ، ءتۇيىندى ءوڭىر مەن ءتۇيىندى وقۋ كەزەڭىن ايقىنداۋ ارقىلى باقىلاۋ - ولشەۋ تەبىنىن ارتتىرىپ، ارحيۆ تۇرعىزىلىپ، كارتچكالاندىرىلعان كەدەي وتباسىلارىنداعى وقۋشىلارعا مەڭزەس، ءبىر - بىرلەپ ارحيۆ تۇرعىزىپ، كارتچكالاندىرىپ، دالمە - ءدال كومەكتەسىپ - سۇيەمەلدەپ، وقۋعا كىرۋ جولىندا ”بىردە - ءبىر بالانىڭ قاتاردان قالماۋىنا“ شىنايى كەپىلدىك ەتتى.

  ساناققا قاراعاندا، 2019 - جىلدىڭ سوڭىنا دەيىن، تۇتاس رايونداعى مىندەتتى وقۋ - اعارتۋ كەزەڭىندەگى مەكتەپ 4276، مەكتەپتەگى وقۋشىلار 3 ميلليون 305 مىڭ 400 ادام، تۇتاس رايونداعى مىندەتتى وقۋ - اعارتۋدىڭ بەكەمدەلۋ سالىستىرماسى %95.51 بولعان. تۇتاس رايونداعى كەدەي وتباسىلارىنداعى مىندەتتى وقۋ - اعارتۋ كەزەڭىندەگى بالالاردىڭ كەدەيلىك سەبەبىنەن وقۋسىز قالۋىن، وقۋدان قول ءۇزۋىن يكەمدى جويۋ جۇزەگە اسىرىلىپ، وقيتىن مەكتەپ بولۋ، وقۋعا كىرە الۋ نىساناسى جاپپاي ورىندالدى.

  كاسىپتىك وقۋ - اعارتۋ ءبىر ادامدى جۇمىستاندىرىپ وتباسىن كەدەيلىكتەن ارىلتتى

  باعىمشىلىق ۇلكەن وتباسى، مال شيپاگەرلىك مامانى، بايۋ شەبەرى، ۇلۇقشات اۋدانى قىزىلوي اۋىلى كەڭشۋار قىستاعىندا 28 جاستاعى ءماردان يالقۇن اتى شىققان ”بارىنە مامان جاس“.

  ءماردان شينجياڭ اۋىل شارۋاشىلىعى كاسىپتىك تەحنيكالىق شۋەيۋانىنىڭ مال شارۋاشىلىعى، مال شيپاگەرلىگى ماماندىعىنان وقۋ تاۋىسقان، 2017 - جىلى ول شىدامدى، ىزدەنگىش جانسەبىلدىگىمەن تاۋىق باعۋ زاۆودىن قۇرىپ، جىلدىق كىرىسىن 100 مىڭ يۋاننان اسىرىپ، كەلەسى جىلىندا ءۇي ىشىمەن كەدەيلىكتەن ارىلدى. بىلتىر ءماردان تاعى قارىز اقشا ءوتىنىش ەتىپ، باعىمشىلىق كولەمىن كەڭەيتىپ، سيىر باعۋ كاسىبىن دامىتىپ، اۋىلداستارىن كىرىستەرىن ارتتىرىپ، بايۋعا جەتەكتەدى. ”مەن بيىل اۋداننان ءبىر ءۇي ساتىپ الماقشىمىن، بولاشاقتا بالام تاماشا تاربيە السا دەيمىن“. بولاشاققا ءماردان اسا سەنىممەن قاراپ وتىر.

  ءماردان سياقتى وزىندىك قابىلەتى ارقىلى وتباسىنىڭ كەدەي بەت - بەينەسىن وزگەرتكەندەردەن تاعى اقسۋ كاسىپتىك تەحنيكالىق شۋەيۋانىنىڭ توقىماشىلىق ماماندىعىنان وقۋ تاۋىسقان رۇقيام اسەن بار. بىلتىر ول ءبىر توقىماشىلىق كاسىپورنىنا قابىلداندى، ەڭبەكاقىسى 3000 يۋان. ”بالام جەتەلى بولعاندىقتان، ءومىرىمىز ءۇمىتتى، بولاشاعىمىز نۇرلى بولدى“، - دەدى رۇقيامنىڭ اكەسى اسەن ابدۇرەيىم جۇزىنەن باقىت لەبى ەسىپ.

  اقسۋ كاسىپتىك تەحنيكالىق شۋەيۋانى كاسىپ سالاسى باقشاسىندا وقىتۋ جۇرگىزۋ، ءوندىرىس پەن وقىتۋدى توعىستىرۋ ارقىلى كاسىپتىك وقۋ - اعارتۋ مەن وڭىرلىك ەكونوميكانىڭ توعىسپالى دامۋىن جەبەدى. كوپ ساندى وقۋشىلار جۇمىسقا شىعىپ پراكتيكا جاساۋ جانە جۇمىستانۋ بويىنشا پراكتيكا جاساۋ ارقىلى ويداعىداي قىزمەت تاۋىپ الدى، تاعى %30 − 20كە دەيىنگى وقۋشى نەگىزگى ساتىداعى باسقارۋ جۇمىس ورنىنا باردى.

  ءبىر ادام كاسىپتىك وقۋعا تۇسسە، ءبىر ادام جۇمىستانادى، بۇكىل وتباسى كەدەيلىكتەن ارىلادى. پارتيا 18 - قۇرىلتايىنان بەرى، اسىرەسە، اۆتونوميالى رايوندىق 9 - رەتكى پارتيا قۇرىلتايىنان بەرى رايونىمىز ”بارلىق ادامدا وقيتىن وقۋ، ءاربىر ادامدا يگەرگەن ونەر، ءار وتباسىندا ءۇمىت بولۋ“ سىندى وقۋ - اعارتۋ ارقىلى كەدەيلىكتەن ارىلتۋ جۇلگەسىن كۇش سالا قالىپتاستىرىپ، كەدەي وتباسىلارىنىڭ كەدەيلىك تامىرىن جۇلىپ تاستاۋىنا دەم بەردى. اۆتونوميالى رايون نازاردى كەدەي وڭىرلەرگە، كەدەي حالىققا شوعىرلاندىرىپ، وڭتۇستىك شينجياڭداعى 4 ايماق - وبلىستى ءتۇيىن ەتىپ، سوڭعى 5 جىلدا جيىنى 2 ميلليارد 889 ميلليون يۋان قارجى قوسىپ، كاسىپتىك مەكتەپتەردىڭ كاسىپتىك وقۋ - اعارتۋدىڭ كوتەرىمدىلىك قۋاتىن ۇزدىكسىز جوعارىلاتۋىنا قولداۋ كورسەتتى. سونىمەن بىرگە، اۆتونوميالى رايون كاسىپتىك وقۋ - اعارتۋعا وقۋشى قابىلداۋ تەبىنىن ارتتىرىپ، ءار جىلى قوعامدىق توپتارعا 300 مىڭ ادام - رەت باۋلۋ ورىستەتىپ، كەدەي بۇقارانىڭ جۇمىستانۋ، شارۋاشىلىق قۇرۋ قابىلەتىن كۇش سالا جوعارىلاتتى.

  كەدەي وڭىرلەردەگى جاستار مەن ورەندەردى ساپالى وقۋ - اعارتۋ بايلىعىنان يگىلىكتەندىرىپ، ءبىلىم مەن تەحنيكانىڭ كەدەي وتباسىلارىنىڭ تاعدىرىن وزگەرتۋىنە مۇمكىندىك جاسادى. ”ەرىك - جىگەر“ جاعىنان، ”اقىل - پاراسات“ جاعىنان سۇيەمەلدەپ، وقۋ - اعارتۋ ارقىلى كەدەيلەردى سۇيەمەلدەۋمەن كەدەيلىك تامىرىن جۇلىپ، ارمانعا قانات ءبىتىردى. ”14 - بەسجىلدىقتىڭ“ باستالۋ جىلىندا رايونىمىز وقۋ - اعارتۋ ارقىلى كەدەيلىكتەن ارىلتۋ تابىستارىن ۇزدىكسىز بەكەمدەپ، ”مۇلدە وقۋدان قول ۇزدىرمەۋ“ تومەنگى شەگىن مىقتاپ ساقتاپ، وقۋ - اعارتۋ ارقىلى كەدەيلەردى سۇيەمەلدەۋ ساياساتىنىڭ ورنىقتىلىعىن، ۇلاسپالىلىعىن ساقتاپ، كەدەيلىكتەن ارىلتۋدان قامال الۋدىڭ اۋىل - قىستاقتى گۇلدەندىرۋمەن ءونىمدى ۇشتاسۋىن ىلگەرىلەتىپ، اۋىل - قىستاقتىڭ جاپپاي گۇلدەنۋىنە وقۋ - اعارتۋدىڭ كۇش - قۋاتىن قوستى.