”جاڭ اعا، سىرتقا شىعىپ باراسىز با؟“. 11 - ايدىڭ 23 - كۇنى شيحۋ قالاسى شيڭيۋان سۋ ىستەرى شەكتى سەرىكتەستىگىنىڭ شيحۋ قالاسى دۋتاي اۋىلى سازاۋوزى قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجي جاڭ لياڭ 43 جاستاعى قىستاق تۇرعىنى جاڭ جيحايدىڭ اۆتوكولىكپەن سىرتقا شىعىپ بارا جاتقانىن كورىپ، ىقىلاسپەن ءجون سۇرادى.
”ءيا، ەرجان ىنىمە بارا جاتىرمىن. ول اۋىلدا جۇمىس ىستەيدى، كوپتەن بەرى قىستاققا قايتقان جوق، ونى ساعىنىپ قالىپپىن، بارىپ كورىپ كەلەيىن“، - دەدى جاڭ جيحاي كۇلىمسىرەي.
جاڭ جيحاي مەن ەرجان بوتا وسى اعا - ىنىلەردىڭ كوڭىلدەرىنىڭ جاقىندىعى بۇكىل قىستاققا ءمالىم. كىشكەنتايلارىنان ەكەۋى بىرگە ويناپ ەرجەتىپ، قازىر ءالى دە ءوزارا قارايلاسىپ تۇراتىن جاقىن اعا - باۋىر.
جاڭ جيحاي ەرجاننان 3 جاس ۇلكەن. ەكەۋىنىڭ مىنەزى كەلىسەدى، كىشكەنە كەزدەرىنەن جۇپتارى جازىلمايتىن، ورتالاۋدى تاۋىسقاننان كەيىن جاڭ جيحاي اۋىلدا قالىپ ەگىس جۇمىسىنا كىرىستى، ال ەرجان باسقا جەرگە ورتا تەحنيكۋم وقۋعا كەتتى، وقۋ تاۋىسقاننان كەيىن كاسىپورىندا قىزمەت ىستەيدى. 2002 - جىلى اكە - شەشەسىنىڭ جاسى ۇلعايىپ، وتباسىندا ەڭبەككۇش بولماعاندىقتان ەرجان قىستاققا قايتىپ كەلدى.
”قايتىپ كەلگەن ەكەنسىڭ ەندى قانداي جوسپارىڭ بار؟“، - دەپ سۇرادى جاڭ جيحاي ەرجاننىڭ ۇيىنە كەلىپ. جاڭ جيحاي الدەقاشان ۇيلەنىپ العان، ءبىر بالاسى بار، تۇرمىسى دا اجەپتاۋىر جاقسى ەدى. جاڭ جيحايدىڭ ىرىقتىلىقپەن قامقورلىق كورسەتۋى ەرجانعا جىلى سەزىلىپ، وعان ءوز ويلارىن ايتا باستادى.
”مەن الدىمەن وتباسىمىزدىڭ جەرىن جاقسىلاپ سالىپ، كوپ اقشا تابايىن“، - دەدى ەرجان.
”سەن اقشا تابۋدى ويلاساڭ وندا ەگىمشىلىك تەحنيكاسىن جاقسى ۇيرەنۋىڭ كەرەك، الاڭداما، مەن ۇيرەتەمىن“، - دەدى جاڭ جيحاي.
جاڭ جيحاي ەرجانعا جەر سالۋدى باسى - قاسىندا تۇرىپ ۇيرەتتى، نە ەگۋ، قالاي ەگۋ، قانداي تىڭايتقىش بەرۋ، قاي كەزدە تىڭايتقىش بەرۋدەن تارتىپ، داقىلدى قالاي باپتاۋعا دەيىن باستان - اياق كومەكتەستى. ەرجاننىڭ حيميالىق تىڭايتقىش ساتىپ الۋعا اقشاسى بولماعاندا، جاڭ جيحاي اقىسىز قامدادى؛ مول ءونىم كەزىندە ەرجان جالعىز ءوزى جەتىسە الماعاندا، جاڭ جيحاي ءار ۋاق ونىڭ قاسىنان تابىلدى.
جاڭ جيحايدىڭ كومەكتەسۋىندە ەرجان جەردى بارعان سايىن جاقسى ەگەتىن بولدى، كىرىسى دە بارعان سايىن جوعارىلادى. بيىل ەكەۋى ەككەن ماقتانىڭ ءار مۋىنان 400 كيلوگرام ءونىم الىپ، ءار مۋدان 2400 يۋان كىرىس كىردى. ەرجاننىڭ وتباسى دا جاڭا ءۇي سالدى، 2014 - جىلى ۇيلەندى.
ەرجان وتباسىنداعى بەس بالانىڭ ءۇشىنشىسى، الدىندا 2 اپەكەسى بار، جاڭ جيحاي ونى الدىمدا اعام بولسا دەگەن ارمانىنا جەتكىزسە؛ ال جاڭ جيحاي وتباسىنىڭ كەنجەسى بولاتىن، ەرجان ونىڭ ”تۋعان“ ىنىسىنە اينالدى.
جاڭ جيحاي مەن ەرجان ءبىرىن - ءبىرى ويلاپ تۇرادى، ۇنەمى تەلەفوندا سويلەسەدى نەمەسە ءبىر - بىرىنە قىدىرادى، ەرجاننىڭ 2 بالاسى دا جاڭ جيحايدى وتە جاقسى كورەدى. بيىل 2 بالاسىنىڭ بالاباقشاعا بارۋىنا قولايلى بولۋ ءۇشىن، ەرجان مەن ايەلى ەكەۋى اۋىلدا بالاباقشاعا جاقىن جەردەن ءبىر بولمەلى ءۇيدى جالعا الدى. جاڭ جيحاي باۋىرى مەن باۋىرىنىڭ بالالارىن ساعىنعاندا اۆتوكولىگىن ايداپ ۇنەمى كەلىپ تۇرادى.
”قازىر ەكى وتباسىنىڭ تۇرمىسى وتە جاقسى، بيىل قىسقى ارەدىكتە باۋىرىم تاعى دا اۋىلدان قىزمەت تاۋىپتى، بۇعان مەن دە قۋاندىم“، - جاڭ جيحاي، - ”ءبىز ۇزدىكسىز قۇلشىنىپ، تۇرمىسىمىزدى بارعان سايىن جاقسارتامىز“ دەدى.
