ەگىس جۇمىستارىن بىرگە ىستەپ، باس قوسۋ تاعامىن جەپ، كوڭىل سىرلارىن اعىتتى
جەر - جەر، تاراۋلار ”ۇلتتار ىنتىماعىنىڭ بەرەكەلى شاڭىراعى“ قيمىلىن كەڭ كولەمدى ورىستەتتى
”تۋىستارىمىزدىڭ كەلگەنى جاقسى بولدى، ءاسىلى ءبىر كۇن ىستەيتىن جۇمىستى جارتى كۇندە بىتىردىك، ءتىپتى، شارشاعان جوقپىز!“، - دەدى 3 - ايدىڭ 18 - كۇنى ءۇشتۇرپان اۋدانى العا قالاشىعى جارباسى قىستاعىنىڭ تۇرعىنى ەرپان ءيۇسۇپ قۋانا.
كۇللى تىرشىلىك قايتا جاندانىپ، بايتاق جەر جىلىنا باستادى، قازىر ءدال كوكتەمگى ەگىس ءوندىرىسىنىڭ شەشۋشى مەزگىلى، نەشە كۇننەن بەرى رايونىمىزدىڭ جەر - جەرى، تاراۋلارى، ورىندارى ”ۇلتتار ىنتىماعىنىڭ بەرەكەلى شاڭىراعى“ قيمىلىن كەڭ كولەمدى ورىستەتتى، ءار ۇلت كادرلارى تيانشاننىڭ وڭتۇستىگى مەن سولتۇستىگىندەگى اتىز باسىندا، ەگىنشىلەر اۋلاسىندا بولىپ، جۇپ قۇراعان تۋىستارىمەن بىرگە كوكتەمگى ەگىس، اۋىل - قىستاقتاردىڭ قورشاعان ورتاسىن وڭاۋ سياقتى جۇمىستاردى ىستەدى، ءبىر جاعىنان، ىندەتتەن ساقتانۋدى، ەندى ءبىر جاعىنان، ءوندىرىستى مىقتى يگەرىپ، ۇلتتار ىنتىماعى جايلى اڭگىمەلەسىپ، دامۋدىڭ، العا باسۋدىڭ جوباسىن جاساستى.
نەشە كۇنگى اشىق اۋا رايى جارباسى قىستاعىندا تىرشىلىك تىنىسىن قاۋلاتتى. قاراساڭىراۋقۇلاق ەگەتىن جىلىجايدا قىستاق تۇرعىندارى ماسكى تاعىپ الىپ جىلىجايدى زارارسىزداندىرىپ، ساڭىراۋقۇلاق سورەلەرىنە سۋ شاشىپ، قاراساڭىراۋقۇلاق باكتەرياسىن جىلىجايعا اكەپ ەگۋگە دايىندالىپ جاتىر. 3 - ايدىڭ 17 - كۇنى اۆتونوميالى رايوندىق پارتكوم ۇيىمداستىرۋ ءبولىمىنىڭ، قارت كادرلار مەكەمەسىنىڭ 45 كادر - قىزمەتكەرى جارباسى قىستاعىنا كەلىپ، جۇپ قۇراعان تۋىستارىمەن قۋانا باس قوسىپ، قايتا جۇزدەسكەندىكتەرىن اڭگىمەلەپ، تۋىستارىنىڭ ءوندىرىس، تۇرمىس جاعدايىن ۇعىسىپ، تۋىستارىنا ىندەتتەن ساقتانۋ - تىزگىندەۋ بىلىمدەرىن ۇگىتتەپ، بيىلعى كەدەيلىكتەن ارىلۋ جوسپارىن بىرگە جاسادى. ”قازىر ءالى دە ىندەتتەن ساقتانۋ - تىزگىندەۋدىڭ شەشۋشى مەزگىلى، كوپشىلىك، ءسوز جوق، ساقتانۋ - قورعانۋعا ءمان بەرۋى، ماسكى تاعۋى، ۇنەمى قولىن جۋۋى، ۇيمەلەمەۋى، توپتالماۋى، ىندەتتەن ساقتانۋدى دا، ءوندىرىستى دە اقساتپاۋى كەرەك“، - دەدى اۆتونوميالى رايوندىق پارتكوم ۇيىمداستىرۋ ءبولىمىنىڭ كادرى گۇڭ جيان تۋىسى ەرپانعا ەسكەرتىپ. ”الاڭسىز بولىڭىز، كوكتەمگى ەگىس باستالدى، ءبىز ءوزىمىزدىڭ ەگىس اتىزىمىزدا قاربالاس جۇمىستامىز. كەلگەندەرىڭىز وتە جاقسى بولدى، كوكتەمگى ەگىس ءوندىرىسىن باستاۋعا كومەكتەسىپ جاتىرسىزدار، كوڭىلىمىز ورنىعىپ قالدى. وتكەن جىلى وتباسىمىز قاراساڭىراۋقۇلاق ەگۋدەن 8000 يۋان تابىس تاپتى، بيىل ءتىپتى دە مول تابىس تاباتىنىمىزعا سەنەمىن!“، - دەدى ەرپان نىق سەنىممەن.
نەگىزگى ساتىداعى ءار ۇلت بۇقاراسىنىڭ كۇي - جايى، ارمان - تىلەگى رايونىمىزداعى ءار ۇلت كادرىنىڭ ەڭ باس قاتىرا ويلايتىن شارۋاسى بولىپ كەلەدى. كەلپىن اۋدانى يۇىرچي اۋىلى ارا ايماق قىستاعىندا اۆتونوميالى رايوندىق پارتكوم بىرلىكساپ ءبولىمىنىڭ كادرلارى كەدەي وتباسىلارىن ارالاپ، كەدەيلىكتەن ارىلىپ، كىرىستى ارتتىرۋعا جول كورسەتىپ، جوبا جاسادى؛ گۇما اۋدانى قوستاۋ قالاشىعى مەن كوكتەرەك اۋىلىنىڭ اتىز باسىندا اۆتونوميالى رايوندىق دەنساۋلىق ساقتاۋ - سالاماتتىق كوميتەتىنىڭ كادرلارى تۋىستارىنا ماسكى، سپيرت، ءدارى - دارمەك سياقتى ىندەتتەن ساقتانۋ بۇيىمدارىن تاراتتى ءارى سالاماتتىق بىلىمدەرى ميكرو ساباقحاناسى، وتباسىلىق اڭگىمە سياقتى فورمالار ارقىلى تۋىستارىنىڭ سالاماتتىق بىلىمدەر ۇيرەنىپ، ساقتانۋ - قورعانۋ تۇيىندەرىن يگەرۋىنە، تازالىققا كوڭىل بولەتىن، ءۇيدىڭ اۋاسىن الماستىرىپ تۇراتىن، تازالىقتى ساقتايتىن تاماشا ادەت قالىپتاستىرىپ، دەنساۋلىقتارىنا، كوكتەمگى ەگىسكە عىلمي دايىندىق كورۋگە كەپىلدىك ەتۋلەرىنە كومەكتەستى؛ تارباعاتاي ايماقتىق بازار باقىلاۋ - باسقارۋ مەكەمەسىنىڭ كادرلارى ىندەتتەن ساقتانۋعا قىزمەت وتەۋ اترەتىن قۇرىپ، شيحۋ قالاسى گانحىزى قالاشىعى حاۋجياجۋاڭزى قىستاعىندا ۇلكەن كەرناي، ۋيچات توبى سياقتىلاردان پايدالانىپ دەنساۋلىق ساقتاۋ، ىندەتتەن ساقتانۋ بىلىمدەرىنەن ۇگىت - لەكسيا جاساپ، بۇقارانىڭ ءوزىن قورعاۋ قابىلەتىن جوعارىلاتۋىنا كومەكتەستى... رايونىمىزدىڭ جەر - جەرىندەگى، تاراۋلارىنداعى، ورىندارىنداعى قالىڭ كادر - قىزمەتكەرلەر تۋىستارىنىڭ ۇيلەرىنە بارىپ، تۋىستارىنىڭ حال - جاعدايىن ىشكەرىلەي ۇعىسىپ، تۋىستارىن قام - قايعىدان ارىلتىپ، دوستىق سۇيىسپەنشىلىكتە اڭگىمەلەسىپ، كەدەيلىكتەن ارىلۋدى بىرگە اقىلداستى. كوپشىلىك ەگىس جۇمىستارىن بىرگە ىستەپ، باس قوسۋ تاعامىن جەپ، كوڭىل سىرلارىن اعىتتى، تيانشاننىڭ تۇستىگى مەن تەرىستىگىنەن كوكتەمنىڭ جىلى شۋاعى مەن مەيىرى ەستى.
