ءبىر تال انار ءدانى قىزىل توپىراققا تامىر تارتتى

日期:2019年12月23日
来源:新疆日报
【字体:

ءبىر تال انار ءدانى قىزىل توپىراققا تامىر تارتتى

17 جىلدىڭ الدىندا، كۇنلۇن تاۋىنىڭ سولتۇستىك باۋرايىنداعى، تاكلاماكان ءشولىنىڭ وڭتۇستىك جيەگىندەگى قاراقاش اۋدانىنان كەلگەن ابدوللا عوجااشىم ايەلىمەن بىرگە جياڭشيدىڭ نانچاڭ قالاسىنا كەلىپ مەيىز ساتادى. سول كەزدە ولار 17 جىلدان كەيىن وزدەرىنىڭ 44 تىزبەكتى دۇكەنى بار اس - سۋ كاسىبى قوجايىنى بولارىن مۇلدە ويلاماعان بولۋ كەرەك؛ ابدوللانىڭ جياڭشي ولكەسىنىڭ ءمورال ۇلگىسى، جياڭشي ولكەسىنىڭ ۇلتتار ىنتىماعى، العاباسارلىعىنداعى ۇلگىلى وزاتى سياقتى ءبىرسىپىرا داڭقتارعا يە بولارىن ءتىپتى دە ويلاماعان بولۋ كەرەك.

ءبىر شينجياڭدىق ساۋداگەر جياڭشي سىندى قىزىل توپىراقتا قالايشا وسىنشاما جوعارى داڭققا يە بولادى؟ 17 جىلدان بەرى، ابدوللا نانچاڭعا تامىر تارتىپ، جەرگىلىكتى بۇقارامەن جاقىنىنداي ەتەنە بولىپ، تالاي - تالاي ۇلكەندى - كىشى ەڭبەكتەرىمەن بۇل سۇراققا ەڭ جاندى جاۋاپ بەردى.

  ”نانچاڭدا مەنىڭ كوپتەگەن تۋىستارىم بار“

12 - ايدىڭ 19 - كۇنى، نانچاڭ، اق جاۋىن جاۋىپ، سۋىق جەل بەتتى ۇرادى.

”گۋاڭميڭ، شەشەڭنىڭ دەنساۋلىعى جاقسى ما؟ تەلەفون المايدى عوي؟“. نانچاڭ قالاسى الاڭ شىعىس جولىنا ورنالاسقان شينجياڭ ابلاجان كاۋاپ پاتشاسى اسحاناسىندا، ابدوللا ۋاقىت شىعارىپ ليۋ فىڭليڭنىڭ ۇلى ۋان گۋاڭميڭگە تەلەفون سوقتى. ليۋ فىڭليڭنىڭ دەنساۋلىعى ءتاۋىر ەكەنىن، قول تەلەفونىنىڭ داۋىسى باسىلىپ قالعاندىقتان تەلەفون الماي قالعاندىعىن بىلگەن ونىڭ الاڭداعان كوڭىلى اقىرى ورنىنا ءتۇستى.

ليۋ فىڭليڭ − نانچاڭ قالاسىنىڭ تۇرعىنى ءارى ابدوللانىڭ ”شەشەسى“. 2015 - جىلى ليۋ فىڭليڭ ابدوللا اشقان كاۋاپ دۇكەنىنىڭ ۇستىندەگى قاباتتا تۇراتىن، ونىڭ قاربالاستىقتان جەتىسە الماي جۇرگەنىن كورىپ، ليۋ فىڭليڭ كومەكتەسىپ كاۋاپتى ىستىككە وتكىزىسىپ بەرەدى، ۇستەل سۇرتىسەدى. ابدوللا بۇعان قىنجىلىپ، ليۋ فىڭليڭگە ەڭبەكاقى بەرەيىن دەسە، ليۋ فىڭليڭ مۇلدە باس تارتادى. ”ءبارىمىز كورشىمىز عوي، قول ۇشىن بەرۋگە ءتيىسپىز“، - دەيدى ليۋ فىڭليڭ.

”مەن قاتتى مەيىرلەندىم، ونىڭ جاسى مەنىڭ شەشەممەن قارايلاس ەكەن، ماعان تاعى سونشاما جاقسى مامىلە جاسايدى، مەن كوڭىل تيەگىن اعىتىپ، ونى ’شەشە‘ دەپ شاقىردىم“، - دەيدى ابدوللا اسەرلەنە ەسكە الىپ.

2018 - جىلى نانچاڭ قالاسى كونە قالانى جاڭالايتىن بولدى، سونىمەن ليۋ فىڭليڭنىڭ ءۇيى كوشىپ كەتتى، ءار كۇنى كەزىگىپ تۇرا المايتىن بولعان ەكەۋى ءبىر - ءبىرىنىڭ قامىن جەپ، ۇنەمى ەسكە الىپ تۇراتىن بولدى.

تاياۋ كۇننەن بەرى، نانچاڭنىڭ اۋا تەمپەراتۋراسى ءۇرتىس تومەندەدى. ابدوللا الاڭداپ قالماسىن دەپ، 12 - ايدىڭ 21 - كۇنى ليۋ فىڭليڭ ءبىر دوربا الما، ءبىر دوربا ماندارين كوتەرىپ ونىڭ ۇيىنە كەلدى. ”شەشە، كۇن سۋىتتى، مەن سىزگە جاڭادان ماقتالى شاپان الىپ بەرەيىن“. ”وي، الماي - اق قوي، وتكەندە سەن الىپ بەرگەن جاڭا كيىمدەردى ءالى كيىپ ۇلگەرگەن جوقپىن. سەن دۇكەنىڭدى جاڭالادىڭ، ساۋدا جۇرگىزۋگە كوبىرەك اقشا ىرىككەنىڭ ءجون“. ابدوللا وتباسىنداعىلار ليۋ فىڭليڭدى قورالاي داستارقان باسىندا بۋى بۇرقىراعان پالاۋ جەي وتىرىپ، ونى - مۇنى ايتىسىپ، مارە - سارە بولىستى.

”نانچاڭ − مەنىڭ ءۇيىم، بۇل جەردە مەنىڭ كوپتەگەن تۋىستارىم بار!“، - دەدى ابدوللا ساۋساعىن بۇگىپ تىلشىگە سانامالاي، 2002 - جىلى ايەلى ەكەۋى نانچاڭعا كەلگەندە، قالتالارىندا نە بارى 40 يۋان عانا قالىپتى. قورا - جاي دەلدالى لۇي تيڭياڭ ىستىق ىقىلاسپەن ولارعا كومەكتەسىپ تۇرار جەر قاراستىرىپ، ولاردىڭ ءۇي جالداۋ اقىسىن كەشىكتىرىپ تاپسىرۋىنا رۇقسات ەتىپتى؛ 2010 - جىلى نانچاڭ قالاسى پويەز ۆوكزالىنىڭ اينالاسىنداعى ورتاعا جالپىلىق رەتتەۋ - جونگە سالۋ جۇرگىزىپ، جايما اشۋعا رۇقسات ەتىلمەيتىن بولعاندا، نانچاڭ قالالىق قوعام حاۋىپسىزدىگى مەكەمەسى شيحۋ بولىمشە مەكەمەسىنىڭ حالىق ساقشىسى شۇي يۇڭ وعان كەپىل بولىپ، دۇكەن جالداۋىنا كومەكتەسىپتى؛ دۇكەننىڭ ساۋداسى قاربالاس بولعان كەزدە، كورشىسى لو گوليان ولاردىڭ بالالارىن قاراپ بەرىپتى.

بىلتىر ابدوللانىڭ دۇكەنىنىڭ جالاقىسى ءوسىپ، ول قاتتى قامىعادى. نانچاڭ قالاسى شيحۋ رايونى ديڭگۇڭ جولى ءمالى باسقارماسى پارتيا قىزمەت كوميتەتىنىڭ شۋجيى پىڭ شياۋحۇي بۇل ىستەن حابار تاپقان سوڭ ونىڭ جاڭا دۇكەن تابۋىنا كومەكتەستى، اۋدانى قارايلاس دۇكەننىڭ جالاقىسى بۇرىنعى دۇكەننىڭ ۇشتەن بىرىندەي عانا بولدى، تاعى ارناۋلى جوبالاۋشى شاقىرىپ ونىڭ دۇكەنىنىڭ ماڭدايشالىعىن جوبالاپ بەرىپ، ونىڭ ساۋدا ماركاسىن تىركەتۋىنە كومەكتەستى.

”قاراڭىز، بۇل دۇكەننىڭ ماڭدايشالىعىندا تۇيە، قۇم ءشول، جالىن تاۋ، جىبەك جولى، تىڭۋاڭگى بار، بۇل مەنىڭ قۇمدى شولدەن ءوتىپ نانچاڭعا كەلىپ شارۋاشىلىق قۇرعانىمدى، وسىندا جاڭا ءۇي تىككەنىمدى مەڭزەيدى“، - دەيدى ابدوللا دۇكەنىن تانىستىرىپ.

مىنە وسىنداي جۇرەكتى جىلىتاتىن ۇلكەندى - كىشىلى ىستەر ابدوللانىڭ نانچاڭ قالاسىندا تامىر تارتۋىنا مۇمكىندىك جاسادى، سونداي - اق وعان قوعامعا قارىمجى قايتاراتىن قوزعاۋشى كۇش بەردى. ”ابدوللا دا ماعان از كومەك جاساعان جوق“، - دەيدى شۇي يۇڭ، قىزمەت بارىسىندا شينجياڭدىق جۇمىسكەرلەرگە جولىعىپ، ءتىل بىلمەي قينالعاندا، ابدوللا كومەكتەسىپ اۋدارماشى بولادى.

2018 - جىلدىڭ باسىندا نانچاڭ قالاسى شىبۋ قالاشىعى جۋيۋان قىستاعىنداعى كەيبىر كەدەي بۇقارانىڭ كومەككە مۇقتاج ەكەنىن بىلگەن ابدوللا قوي ەتى سياقتى حال سۇراۋ بۇيىمدارىن قىستاققا اپارىپ بەردى، سونداي - اق ءاربىر كەدەي وتباسىنا 600 يۋان حال سۇراۋ قارجىسىن ۇستاتتى. سوڭعى بىرنەشە جىلدا ول جىل سايىن 100 مىڭ يۋان الىپ شىعىپ، قيىنشىلىعى بار بۇقاراعا كومەكتەسىپ كەلەدى.

”ءبىزدىڭ ءاربىرىمىز اناردىڭ ءبىر - ءبىر ءدانىمىز. ءبىز ودان ۇيرەنىپ، ۇلتتار ىنتىماعىنىڭ تۇقىمىن سەبۋىمىز كەرەك“، - دەيدى ابدوللا تۋرالى ايتقاندا پىڭ شياۋحۇيدىڭ جۇزىنەن ريزاشىلدىعى ءبىلىندى.

  ”ءاربىر دۇكەندى ۇلتتار ىنتىماعىنىڭ تەرەزەسى ەتىپ اشۋىمىز كەرەك“

”ءدامى ءتىل ۇيىرەتىن كاۋاپ كەلدى!“. 12 - ايدىڭ 20 - كۇنى ىمىرت ءۇيىرىلىپ قاراڭعى ءتۇسىپ كەلەدى، نانچاڭ قالاسىنىڭ تيانيۋ جولىنداعى شينجياڭ ابلاجان كاۋاپ پاتشاسى تىزبەكتى دۇكەنىندە، دۇكەن قوجايىنى ابدۇلقاھار رەجەپ قاريدارلاردىڭ الدىنا كاۋاپ قويىپ، ولاردى ىقىلاسپەن كۇتىپ جاتتى.

دۇكەنگە تاماقتانۋعا كەلگەن ۋاڭ مىرزا كاۋاپتان ءدام تاتا وتىرىپ تىلشىگە: ”بۇل جەردىڭ كاۋابىنا ىستەتىلەتىن شيكىزاتتاردىڭ جاڭا، مول، ءدامى جاقسى ەكەنىن ەستىپ، ارنايى ءدام تاتۋعا كەلدىك“، - دەدى. ابدۇلقاھار قاراقاش اۋدانى ۇرچى اۋىلىنىڭ ءمىللاتارىق قىستاعىنىڭ تۇرعىنى، شينجياڭنىڭ اۋىل - قىستاقتاعى ارتىق ەڭبەككۇشتەردى باسقا كاسىپ سالاسىنا ويىستىرىپ جۇمىستاندىرۋ ابزال ساياساتىنىڭ ارقاسىندا، ول 2016 - جىلى نانچاڭعا كەلىپ، ابدوللادان اسپازدىق، كاۋاپ قاقتاۋ سياقتى ونەرلەردى ۇيرەندى، قازىر دە 100 نەشە شارشى مەترلىك كاۋاپ دۇكەنىن اشىپ، جىلىنا 100 نەشە مىڭ يۋان پايدا تاۋىپ وتىر، سونىمەن قاتار شينجياڭدىق 3 ادامدى جۇمىسقا قابىلدادى.

”2017 - جىلى دۇكەندى اشقان كەزىمدە ابدوللا ماعان 110 مىڭ يۋان قارىز اقشا بەردى، مەن قاتتى تەبىرەندىم“، - دەدى ابدۇلقاھار اسەرلەنە.

ءتىپتى دە كوپ اۋىلداستارىن اۋىلدارىنان شىعىپ جۇمىستانۋعا، كاسىپ اشۋعا جەتەكتەۋ ءۇشىن، جياڭشي مەن شينجياڭ ەكى جەردەگى قاتىستى تاراۋلاردىڭ قولداۋىندا، ابدوللا جياڭشيدەگى شينجياڭنىڭ حوتاندىق جۇمىسكەرلەرىنە، ساۋداگەرلەرگە قىزمەت وتەۋ اترەتىنىڭ باستىعى مىندەتىن ۇستىنە الىپ، جۇمىستانۋعا كومەكتەسۋ قىزمەتىن بەلسەنە ورىستەتتى. جەرگىلىكتى ۇكىمەتتىڭ قولداۋىندا ول تاعى مەملەكەتتە ءبىر تۇتاس قولدانىلاتىن ءتىل - جازۋعا تاربيەلەۋ ورتالىعىن قۇرىپ، شينجياڭدىق جۇمىسكەرلەردىڭ، ساۋداگەرلەردىڭ پۋتۇڭحۋا دەڭگەيىن جوعارىلاتىپ، جەرگىلىكتى ورىنمەن تەز توعىسۋىنا كومەكتەستى.

جۇمىستا جاقسى بەينە تانىتقان جۇمىسكەرلەرگە ابدوللا ءوسىمسىز كاسىپ اشۋ قورىن ازىرلەدى، سونداي - اق ءوزىنىڭ كاۋاپ دۇكەنىنە اقىسىز قوسىلۋىنا رۇقسات ەتتى، ءبىراق ونىڭ ءبىر شارتى − زاڭعا بويسۇنىپ، ادالدىقپەن تيجارات جۇرگىزەتىن، ماڭايىنداعى كورشىلەرىمەن، كاسىپكەرلەرمەن ارا قاتىناسى جاقسى بولۋ، كوپ دوس تابۋ، ۇلتتار ىنتىماعىنا پايدالى ىستەردى كوبىرەك ىستەۋ ەدى.

ابدوللانىڭ نازارىندا، بايلىق التىن قۇلىپ، ادالدىق التىن كىلت. ”سوڭعى جىلدارى نانچاڭدا ساۋدا ىستەگەن كەزىمدە ەگەر ورايشىلدىققا سالىنىپ، قۋلىققا باسسام، جەمەڭگەرلىك ىستەسەم كوپشىلىك ماعان سەنبەس ەدى، ءتىپتى، ماعان قول ۇشىن بەرمەس ەدى، قازىرگى كۇنىم دە بولماس ەدى، سەندەردىڭ جۇمىستانۋلارىڭا، كاسىپ اشۋلارىڭا تىپتەن كومەكتەسە الماس ەدىم“. ابدوللا اپتا سايىن قىزمەتكەرلەرگە داعدىلى جيىن اشىپ، سەنىمدىلىكتى، العىس ايتۋدى، ۇلتتار ىنتىماعىن قايتا - قايتا دارىپتەپ وتىردى. ”ءبىز ءاربىر دۇكەندى ۇلتتار ىنتىماعىنىڭ تەرەزەسى ەتىپ اشۋىمىز كەرەك، ءاربىر ادام ۇلتتار ىنتىماعىنىڭ امالياتتا ايگىلەۋشىسى بولۋ كەرەك“.

ابدوللانىڭ باستاماشىلدىعىندا، نانچاڭ قالاسىندا قازىر”شينجياڭ ابلاجان كاۋاپ پاتشاسى اسحاناسىنىڭ“ 44 تىزبەكتى دۇكەنى بار، ول شينجياڭدىق 200دەن استام جۇمىسكەردىڭ جۇمىستانۋىنا، كاسىپ اشۋىنا باستاماشىلدىق ەتىپ وتىر.

قاراقاش اۋدانى كۇيا اۋىلىنىڭ قوسارىق قىستاعىنان كەلگەن ابدىراحمان جاپار 2016 - جىلى ابدوللانىڭ كومەگىمەن ناۋايحانا اشتى ءارى نانچاڭ قالاسىنىڭ تۇرعىندارى جوۋ حۋان، ۋاڭ ليجۇندەرمەن دوستاسىپ، نان ساۋداسىن بىرگە ىستەدى.

12 - ايدىڭ 21 - كۇنى نانچاڭ اۋدانىنداعى جياڭشي راحمان ازىق - تۇلىك شەكتى سەرىكتەستىگىندە قاز - قاتار تىزىلگەن قورشاعان ورتاعا زالالسىز ەلەكترلى دوحوپكا جۇمىس ىستەپ، ناننىڭ حوش ءيىسى مۇرىن جاردى. ۋاڭ ليجۇن دوحوپكادان جاڭا شىققان ناندى كورسەتىپ، تىلشىگە بىلاي دەدى: ”ابدىراحمان اشىق - جارقىن، قاراپايىم، جومارت، ءبىز ۇنەمى بىرگە تاماق ىشەمىز، ونىمەن بىرگە شينجياڭعا بىرنەشە رەت بارىپ - قايتتىم. بىلتىر ءبىز بىرلەسىپ سەرىكتەستىك قۇردىق، بيىل 6 - ايدا وندىرىسكە ءتۇستى، قازىر ۇيعۇر، حانزۋ بولىپ 7 قىزمەتكەر بار، ءبىر كۇندە نەشە مىڭ نان پىسىرامىز. بولاشاعىمىز اناعۇرلىم جاقسى بولا تۇسۋدە“.

  ”اناعۇرلىم جاقسى ىستەگەندە عانا، وسى داڭقتار الدىندا ۇياتقا قالمايمىن“

”قوعام ءتىپتى دە ۇلكەن داشۋە، مەن قوعامنان كوپتەگەن ءبىلىم ۇيرەندىم، قالاي ادام بولۋدى ۇيرەندىم“. 12 - ايدىڭ 20 - كۇنى نانچاڭ اۆياتسيا داشۋەسىنىڭ ستۋدەنتتەر قيمىل ورتالىعىندا، وقۋشىلار تاربيەشى ابدوللانى ورتالارىنا الىپ، ونىڭ اڭگىمەسىن تىڭدادى.

2017 - جىلى 10 - ايدىڭ 11 - كۇنى، نانچاڭ اۆياتسيا داشۋەسى پارتكومىنىڭ شۋجيى گو جيەجۇڭ جۇمىسقا قابىلداۋ حۇجاتىن بەرىپ، باستاۋىش مەكتەپتىڭ 5 - جىلدىعىنا دەيىن عانا وقىعان ابدوللانى مەكتەپ سىرتىنداعى تاربيەشى بولۋعا رەسمي ۇسىنىس ەتتى.

”ستۋدەنتتەردىڭ يدەيا - ساياسي تاربيەسىندە، تىلمەن ۇيرەتۋمەن بىرگە، ونەگەمەن باۋلىعاندا عانا، تانىم مەن ارەكەتتىڭ بىرلىگىن ورىنداۋعا بولادى“. نانچاڭ اۆياتسيا داشۋەسى وقۋشىلار قىزمەتى ءبولىمىنىڭ باستىعى لو لايسۇڭ بىلاي دەدى: ابدوللانىڭ مادەنيەت ورەسى تىم جوعارى بولماعانىمەن، ونىڭ بويىندا كۇرەسكەرلىك رۋح، سەنىمدىلىك ۇستانىمى، العىس ايتۋ تانىمى ۇيىسقان، ءاربىر ستۋدەنتتىڭ ۇيرەنۋىنە جانە جالعاستىرۋىنا تاتيدى.

”ءوزىمنىڭ دە داشۋەدە وقىتۋشى بولاتىندىعىمدى مۇلدە ويلاماپپىن“. مەكتەپ سىرتىنداعى تاربيەشى قىزمەتىن ابدوللا ايرىقشا قاستەرلەيدى، ”مەن اناعۇرلىم جاقسى ىستەگەنىمدە عانا، پارتيا مەن ۇكىمەتتىڭ ماعان بەرگەن وسى داڭقتارى الدىندا ۇياتقا قالمايمىن“.

2018 - جىلى ابدوللا سەرىكتەستىگىنىڭ قىزمەتكەرلەرىن ۇيىمداستىرىپ، ”ابلاجان ەرىكتى قىزمەت وتەۋ اترەتىن“ قۇردى. وسىدان تارتىپ، قيىنشىلىعى بار بۇقارادان حال سۇراۋدا، ۇيدە قالعان بالالارعا قامقورلىق جاساۋدا، سۇيەنىشسىز قارتتارعا قارايلاسۋدا... ۇنەمى ولاردىڭ قاراسىن كەزىكتىرۋگە بولاتىن بولدى. ءامينا ابدوللا ولاردىڭ ءبىرى، 12 - ايدىڭ 21 - كۇنى نانچاڭ قالاسى شيحۋ رايونى ديڭگۇڭ جولى ءمالىسى جينفۋ الەۋمەتتىك اۋماعىنداعى 87 جاستاعى قاراۋسىز قالعان قارت جين شيۋچيننىڭ ۇيىندە، ءامينا قۇددى ونىڭ نەمەرە قىزىنداي، كاريانىڭ ءۇيىن جيناپ، ەدەنىن ءسۇرتىپ، تىرناعىن الىپ بەردى.

”بەينە ابدوللا اعاي ايتقان سياقتى، ۇلتتار ىنتىماعىنىڭ بەرەكەلى شاڭىراعىندا كوپشىلىكتىڭ ءبارى شىنايى ىزگى نيەتتەرىن ءبىلدىرۋى كەرەك. باسقالار قيىنشىلىققا جولىققاندا قول ۇشىن بەرگەنىڭدە، ءوزىڭ دە قۋانىپ قالاسىڭ“، - دەدى ءامينا.

ابدوللا توڭىرەگىندەگى اناعۇرلىم كوپ ادامدى باستاپ، ۇلتتار ىنتىماعىن امالياتتا ايگىلەۋشىگە اينالدى.

12 - ايدىڭ 21 - كۇنى ابدوللا تۇراتىن جەر نانچاڭ قالاسى شيحۋ رايونى ديڭگۇڭ جولى ءمالىسى حىڭماۋحۋاچىڭ الەۋمەتتىك اۋماعى كەڭسەلەردى اشەكەيلەپ جاتقان بولاتىن. الەۋمەتتىك اۋماقتىڭ مەڭگەرۋشىسى حۋ جۇن تىلشىگە بىلاي دەدى: الەۋمەتتىك اۋماق ارناۋلى ورىن شىعارىپ، ابدوللانىڭ اتىمەن ”3 ورىن“ قۇردى − ابدوللا قىزمەت ايگىلەۋ بولمەسى، مەملەكەتتە ءبىر تۇتاس قولدانىلاتىن ءتىل - جازۋعا باۋلۋ بولمەسى، شارۋاشىلىق قۇرۋ زالى.

”ۇلگى ءبىزدىڭ جانىمىزدا. ءبىز’ابلاجان ەرىكتى قىزمەت وتەۋ اترەتى‘ مەن ’3 ورىن‘دى تياناق ەتىپ، ابدوللا ۇلتتار ىنتىماعى ماركاسىن جاراتىپ، تيپتەردىڭ ونەگەلىلىك رولىن ساۋلەلەندىرىپ، قوعامدا وڭ ەنەرگيانى تاراتامىز“، - دەدى حۋ جۇن.