پيڭ لۇڭ: شىن كوڭىل، شىنايى ىقىلاس جۇرت جۇرەگىن جىلىتتى

日期:2019年11月25日
来源:新疆日报
【字体:

پيڭ لۇڭ: شىن كوڭىل، شىنايى ىقىلاس جۇرت جۇرەگىن جىلىتتى

”بۇل رەت قۋانىشپەن بەيجيڭگە بارىپ مەملەكەتتىك ۇلتتار ىنتىماعى، العاباسارلىعى جونىندەگى ماداقتاۋ - سيلاۋ جينالىسىنا قاتىناسۋ ورايىنا يە بولعانىمدى وزىمە ەرەكشە داڭق سەزىنەمىن. قوعام حاۋىپسىزدىگى حالىق ساقشىسى رەتىندە، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، مۇقياتتىلىقپەن مىندەتىمدى وتەپ، جاۋاپكەرشىلىگىمدى ادا ەتىپ، شامامنىڭ جەتىسىنشە بۇقارا ءۇشىن جاقسى ىستەردى، ناقتى ىستەردى كوپ ىستەيمىن“. 10 - ايدىڭ 6 - كۇنى مەملەكەتتىك ۇلتتار ىنتىماعى، العاباسارلىعىنداعى ۇلگىلى جەكە، بايىنعولين موڭعۇل اۆتونوميالى وبلىستىق قوعام حاۋىپسىزدىگى مەكەمەسى قاتىناس ساقشى تارماق اترەتىنىڭ ورىنباسار باستىعى پيڭ لۇڭ وسىلاي دەدى.

قىزمەتتە، پيڭ لۇڭ ۇلتتار ىنتىماعى قىزمەتىن ماڭىزدى ورىنعا قويىپ، باسشىلىق القا مۇشەلەرىمەن اقىلداسىپ، پىكىر اۋىستىرىپ، قاتىناس ساقشى تارماق اترەتىندەگى حالىق ساقشىلارى مەن كومەكشى ساقشىلاردى ماركسيزمدىك ۇلت نازارياسىن جانە پارتيانىڭ ۇلت ساياساتىن مۇقيات ۇيرەنىپ، ماركسيزمدىك ”بەس كوزقاراستى“ جانە ”ءۇشتىڭ ءبىر - بىرىنەن ايرىلا الماۋى“ يدەياسىن بەرىك ورناتىپ، بىرىنە - ءبىرى سەنەتىن، ءبىرىن - ءبىرى قولدايتىن، ىزگى نيەتتى، ىنتىماقتى راي قالىپتاستىرۋعا باستادى.

تۇرمىستا، قيىنشىلىعى بار ادامدارعا جولىقسا، ۇلكەن ءىس، كىشى - گىرىم ءىس دەمەي، پيڭ لۇڭ بارىندە كومەك قولىن سوزىپ جاردەمدەسىپ، تارماق اترەتتىڭ حالىق ساقشىلارىنا ۇلگى بولدى. 2015 - جىلى حالىق ساقشىسى ياسىن قاسىم ۇكىمەت قىزمەتىندە ءجۇرىپ قۇربان بولدى. قۇربان ايت، ورازا ايت سياقتى مەرەكەلەردە، پيڭ لۇڭ ياسىننىڭ جۇبايىنا امانداسا بارىپ حال سۇراپ تۇردى؛ كومەكشى ساقشى قيۇم مۇسانىڭ جۇبايى اۋىر ناۋقاسقا شالدىعىپ بالنيتسياعا جاتىپ ەمدەلۋىنە قارجى قاجەت بولعانىن بىلگەن پيڭ لۇڭ 500 يۋان اقشانى قيۇمعا بەرەدى. ونىڭ باستاۋىندا بولىمشە اترەتتەگىلەر تۇگەل وزدىكتەرىنەن 4000 نەشە يۋان جىلۋ اتاپ قيۇم وتباسىنىڭ كوز الداعى قيىنشىلىعىن شەشتى.

2017 - جىلى 11 - ايدا پيڭ لۇڭ مەن كورلا قالاسى قارايولعۇن اۋىلى شياداۋگان قىستاعىنىڭ تۇرعىنى تۇرىم ياسىنمەن جۇپ قۇراپ، تۋىس بولدى. تۇرىمنىڭ ۇيىندە 5 جان بار، جەرى از، جان سانى كوپ، تۇرمىسى كەدەي ەدى، تۋىسىنىڭ كەدەيلىكتەن ارىلىپ بايۋىنا كومەكتەسۋ پيڭ لۇڭنىڭ كوكەي تەستى ىسىنە اينالدى.

كوپ جاقپەن بايلانىس جاساۋ ارقىلى پيڭ لۇڭ تۇرىمنىڭ ۇلكەن ۇلىنا كۇزەتشىلىك قىزمەتىن تاۋىپ بەرەدى، ودان ايىنا 3000 يۋان كىرىس كىرەدى. كەيىن قىزمەتكە شىعۋ، قىزمەتتەن ءتۇسۋ قولايسىزدىعىن ەسكەرىپ، تاعى ونىڭ بايىنعولين وبلىستىق قاتىناس ساقشى ۇلكەن اترەتىندە كومەكشى ساقشى بولۋىنا كومەكتەسەدى، قىزمەت كىرىسىنىڭ تۇراقتى بولۋى تۇرىمنىڭ ۇيىندەگىلەردى قاتتى قۋانتتى.

”ۇلتتار ىنتىماعىنىڭ بەرەكەلى شاڭىراعى“ قيمىلى بارىسىندا، ءار ايداعى داعدىلى حال سۇراۋدان سىرت، پيڭ لۇڭ قىزمەت ارەدىگىنەن پايدالانىپ، ۇيىندەگىلەردى ەرتىپ تۋىسىنا بارىپ، تۋىسىنىڭ ءىس جۇزىندىك قيىنشىلىعىن شەشتى. ەگىس جۇمىسى قاربالاس كەزدەردە پيڭ لۇڭ اتىزعا بارىپ تۋىسىمەن بىرگە ەڭبەك ىستەدى، تۋىسىنىڭ المۇرتى ساتىلماي قالعاندا، ول باستاماشىلدىقپەن 3000 نەشە يۋاننىڭ المۇرتىن ساتىپ الدى، سونداي - اق قاسىنداعى دوستارىن جۇمىلدىرىپ، المۇرتتىڭ ساتىلۋىنا كومەكتەستى. تۇرىم نان جابا بىلەدى، ونىڭ جاپقان نانىنىڭ ءدامدى بولۋى ءۇشىن، پيڭ لۇڭ يانجيدەن نان ساتىپ الىپ، تۋىسىنىڭ ءدام تاتىپ كورىپ ۇيرەۋىنە دەم بەردى.

”شىن كوڭىل، شىنايى ىقىلاسپەن ۇلتتار ىنتىماعىن جاقسى ىستەپ، ءار ۇلت بۇقاراسىنا ۇلتتار ىنتىماعىنىڭ ءار ۇلتتىڭ ورتاق مۇددەسىنىڭ تياناعى ەكەندىگىن تەرەڭ سەزىندىرۋ كەرەك“، - دەدى پيڭ لۇڭ.

كورلا قالاسى قارايولعۇن اۋىلى شياداۋگان قىستاعىنىڭ تۇرعىنى راحمان زياۋدۇننىڭ وتباسى كەدەي، اۋلاسىنىڭ تام قابىرعالارى توزىپ ادام كورگىسىز حالدە ەدى. پيڭ لۇڭ مۇنى بىلگەن سوڭ، 2018 - جىلدىڭ باسىندا ءوزى قارجى شىعارىپ سەمەنت پەن كەرپىش ساتىپ الىپ، راحماننىڭ تام قابىرعاسىن جاڭالاۋىنا كومەكتەستى، بۇدان راحماننىڭ ۇيىندەگىلەر شەكسىز قۋانىشقا شومدى.