ۇلتتار ىنتىماعىنىڭ گۇلى بار الاپتا قۇلپىرا اشىلدى

日期:2019年05月30日
来源:新疆日报
【字体:

  5 - ايدىڭ 27 - كۇنى ءۇرىمجى قالاسى تيانشان رايونى ىرداۋچياۋ اۋماعىن باسقارۋ كوميتەتى فۋشوۋشياڭ الەۋمەتتىك اۋماعىنىڭ ۇلتتار ىنتىماعى اۋلاسىندا ءار ۇلت تۇرعىندارى قۋانىشپەن ءبىر اراعا باس قوسىپ، ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسى اشىلعان 5 جىلدان بەرى رايونىمىزدا جارىققا شىققان قۋانارلىق وزگەرىستەردى كوسىلە اڭگىمەلەدى.    □ سۋرەتتى ءتىلشىمىز وتكىر نيجات تۇسىرگەن

ۇلتتار ىنتىماعى − ءار ۇلت حالقىنىڭ جانى. ۇلتتاردىڭ ۇلى ىنتىماعى تۋىن بيىك ۇستاپ، ءار ۇلت اراسىندا مەملەكەت تانىمىن، ازامات تانىمىن، جۇڭحۋا ۇلتى ورتاق تۇلعا تانىمىن بەرىك ورناتىپ، ءار ۇلت بۇقاراسىن ەڭ زور دارەجەدە ىنتىماقتاستىرىپ، ولارعا سۇيەنىپ، ءاربىر ۇلتتىڭ، ءاربىر ازاماتتىڭ تۇگەلدەي جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن كۇش قوسۋىنا مۇمكىندىك جاساپ، وتاننىڭ گۇلدەنۋ، دامۋ جەتىستىگىنەن بىرگە يگىلىكتەندىرۋ كەرەك. ءار ۇلت ءوزارا ءتۇسىنىپ، ءوزارا قۇرمەت ەتىپ، ءوزارا سيىسىمدى بولىپ، ءوزارا ۇلگى الىپ، ءوزارا ۇيرەنىپ، ءوزارا كومەكتەسىپ، اناردىڭ دانىندەي تىعىز ۇيىسۋ كەرەك.           − شي جينپيڭ

5 - اي انار گۇل اشاتىن مەزگىل، نارتتاي قىزىل گۇل جاسىل جاپىراقتاردىڭ اراسىندا قۇلپىرا اشىلدى. كەريا اۋدان قالاشىعىنان كولىككە وتىرىپ باتىسقا قاراي 20 مينۋت جۇرسەڭىز، قۇربان اتايدىڭ مەكەنى − كەريا اۋدانى توعراقاز اۋىلىنىڭ جول تۇيىلىسىنە كەلەسىز، جول شەتىندە اسقاق تۇرعان ”ءتوراعا ماۋ زىدۇڭ قۇربان اتايدى قابىلدادى“ ءمۇسىنى ەرەكشە كوز تارتادى، ودان ارى جۇرە بەرسەڭىز، قۇربان تۇلىم ەسكەرتكىش سارايىنا باراسىز.

5 - ايدىڭ 16 - كۇنى تۇستەن بۇرىن قۇربان تۇلىم ەسكەرتكىش سارايىنا كوپتەگەن قىستاق تۇرعىندارى ەكسكۋرسيالاي كەلىپتى. ”ەسكەرتكىش سارايىنا كوپتەگەن قۇندى تاريحي سۋرەت، حۇجات جانە ناقتى زاتتار قويىلىپتى، بۇل ارادا وتانشىلدىق جانە ۇلتتار ىنتىماعى تاربيەسى قيمىلى ۇزبەي ورىستەتىلىپ كەلەدى، ەكسكۋرسيالاي كەلەتىندەر وتە كوپ“، - دەدى قۇربان تۇلىمنىڭ نەمەرەسى، ەسكەرتكىش سارايىنىڭ باسقارۋشىسى ياسىن ءمامتىمين.

ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسى اشىلعاننان بەرى، رايونىمىزداعى ءار ۇلت بۇقاراسى باس شۋجي شي جينپيڭنىڭ تاپسىرماسىن ەستە بەرىك ساقتاپ، ۇلتتار ىنتىماعى گۇلىن اشىلعان سايىن قۇلپىرتا ءتۇستى. ءار ۇلت بۇقاراسى ۇلتتار ىنتىماعىن كوز قاراشىعىنداي قورعاپ، ۇلتتار ىنتىماعىن ومىرىندەي قاستەرلەپ، قوعام ورنىقتىلىعى مەن باياندى تىنىشتىقتى جۇزەگە اسىرۋدىڭ قۇدىرەتتى وڭ ەنەرگياسىن ۇيىستىردى.

■ ىنتىماق حيكاياسى جۇرت جۇرەگىن مەيىرگە بولەدى

2017 - جىلى 1 - ايدىڭ 11 - كۇنى باس شۋجي شي جينپيڭ قۇربان تۇلىمنىڭ قىزى توحتىحان قۇربانعا جاۋاپ حات جازىپ، وعان جانە وتباسىنداعىلارعا، سونداي - اق اۋىلداستارعا ىزگى تىلەگىن جەتكىزىپ، ولاردان پارتيانى ءسۇيۋ، مەملەكەتتى ءسۇيۋ سۇيىسپەنشىلىگىنەن جازباي، ءار ۇلت بۇقاراسىنىڭ اناردىڭ دانىندەي تىعىز ۇيىسۋىن جەبەپ، پارتيانىڭ باسشىلىعىندا شينجياڭنىڭ اناعۇرلىم كوركەم ەرتەڭىن بىرگە جاراتۋدى ءۇمىت ەتتى.

”مەن بۇكىل ەلدىڭ جەر - جەرىنەن كەلگەن ساياحاتشىلارعا ۇلى اتامنىڭ اڭگىمەسىن باياندايمىن، كوپشىلىكتەن ۇلتتار ىنتىماعىن كۇشەيتىپ، ءبىر ءۇيلى جانداي تاتۋ - ءتاتتى ءوتۋىن، جاراسىمدى دامۋىن ءۇمىت ەتەمىن“. قۇربان تۇلىمنىڭ شوبەرە قىزى رۋقيام ماتسەيت قۇربان تۇلىم ەسكەرتكىش سارايىنىڭ ءتۇسىندىرۋشىسى، ول بىلاي دەدى: ”اۋىلىمنىڭ ۇلتتار ىنتىماعى حيكاياسى ايتىپ تاۋىسقىسىز. وتباسىمىز ءار ايدا وتباسى ءماجىلىسىن اشادى، وعان توڭىرەكتەگى كورشىلەر جانە دوستار دا قاتىناسادى، ءبىز ۇلتتار ىنتىماعى حيكايالارى ارقىلى اناعۇرلىم كوپ ادامداردى پارتياعا العىس ايتۋعا، پارتيانىڭ سوزىنە قۇلاق اسۋعا، پارتياعا ىلەسۋگە ۇندەيمىز“.

ۇلتتار ىنتىماعىنىڭ ومىرشەڭدىك كۇشى امالياتتا ايگىلەۋدە، ءاربىر قوعام مۇشەلەرىنىڭ شىن نيەتىمەن قورعاۋىندا جانە سانالى ارەكەتىندە جاتادى.

يوۋ لياڭيىڭ ۇيعۇر ۇلتى باۋىرلاستارىنىڭ كەدەيلىكتەن ارىلىپ، بايۋىنا 10 جىل تىنباي كومەكتەستى، ول ۇيىمداستىرىپ قۇرعان ”ۇلتتار ىنتىماعىنىڭ بەرەكەلى شاڭىراعى“ مەيىر جەتكىزۋ ۇيىرمەسىنىڭ مۇشەلەرى 1800 گە جەتتى؛ قۇربان نياز 10 نەشە جىلدى ءبىر كۇندەي وتكىزىپ، بالالارىن كىشكەنتايىنان باستاپ جۇرەگىنە ۇلتتار ىنتىماعىن تەرەڭ ۇيالاتۋعا تاربيەلەدى، پارتيا ورتالىق كوميتەتى، مەملەكەتتىك كەڭەس وعان رەفورما اۆانگاردى اتاعىن بەرىپ، ونى ”ۇلتتار ىنتىماعىنىڭ، العاباسارلىعىنىڭ امالياتتا ايگىلەۋشىسى“ دەپ اتادى؛ لوپنۇر اۋدانى شيپيڭ اۋىلى داشي قىستاعىندا ءار ۇلت قىستاق تۇرعىندارى ”ءبىر ناندى ءبولىپ جەپ“، بىرگە قاجىرلىلىقپەن كۇرەس جاساپ، بىرگە شارۋاشىلىق قۇرىپ، بايىپ، ماڭداي تەرلەرى ارقىلى قۇلازىپ جاتقان سورتاڭ جەردەن بۇكىل شينجياڭعا ايگىلى باردام قىستاقتى قۇرىپ شىقتى.....

باس شۋجي شي جينپيڭنىڭ ”اناردىڭ دانىندەي تىعىز ۇيىسايىق“ دەگەن ىقىلاستى تىلەگى شينجياڭدا رەالعا اينالۋدا. ۋ دىڭيۇن، جۇماتاي اۋباكىر، جۋاڭ شىحۋا، ءانيپا الىماحۇن..... وسى ەسىمدەرمەن قاتىستى سانسىزداعان ۇلتتار ىنتىماعى حيكاياسى جەر - الەمدى اسەرلەندىرىپ، جۇرت جۇرەگىن مەيىرگە بولەدى، ءاربىر شينجياڭدىقتاردىڭ جۇرەك تۇكپىرىندەگى رۋحاني باعدارعا، ونان دا ماڭىزدىسى، شينجياڭداعى ءار ۇلت حالقىنىڭ جۇرەكتەرىن توعىستىرعان، ءبىر ءۇيلى جانداي بولعان ماداق جىرىنا اينالدى.

■ جۇپ قۇراپ، تۋىس بولۋدان مەن مۇنداعالان شىنايى سۇيىسپەنشىلىك

ۇلتتار ىنتىماعى اۋا مەن كۇن نۇرى سياقتى، ودان يگىلىكتەنگەندە سەزىنە المايمىز، ودان ايرىلعاندا ءومىر ءسۇرۋىمىز قيىن.

5 جىلدان بەرى شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە، اۆتونوميالى رايوندىق پارتكوم نازاردى باستان - اياق باس نىساناعا شوعىرلاندىرىپ، ۇلتتار ىنتىماعى قىزمەتىن جالپى جاعداي دەڭگەيىندە جوبالاپ، ۇلتتار ىنتىماعى ۇلى تۋىن بيىك ۇستاپ، ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعىنىڭ بىرلەسكەن دوستىق قيمىلىن ءۇرتىس ىشكەرىلەي ورىستەتىپ، ءار ۇلت بۇقاراسىن ”ءۇشتىڭ ءبىر - بىرىنەن ايرىلا الماۋى“ يدەياسىن بەرىك ورناتۋعا جەتەكتەپ، ”بەستى شىنايى مويىنداۋ“دى ۇزدىكسىز كۇشەيتىپ، جۇڭحۋا ۇلتى ورتاق تۇلعا تانىمىن بەرىك ورناتىپ، ۇلتتار ىنتىماعى رايىن كۇن سايىن قويۋلاتتى.

”شەشە، جۋىقتان بەرى دەنساۋلىعىڭىز قالاي؟“، ”دەنساۋلىعىم جاقسى“. 5 - ايدىڭ 5 - كۇنى تۇستەن بۇرىن قوبىقسارى موڭعۇل اۆتونوميالى اۋدانى تۇرعىن ءۇي جانە قالا، اۋىل قۇرىلىسى مەكەمەسىنىڭ بايىنشىرگ الەۋمەتتىك اۋماعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ مۇشەسى يۇي ۋىنچيان جۇپ قۇراعان موڭعۇل ۇلتى تۋىسى پۇربا بۇلعۇنعا امانداسا باردى.

”ول مەنىڭ بالام سياقتى، مەنىڭ بىتىرە الماعان ىستەرىمدى وسى بالام كومەكتەسىپ ءبىتىرىپ بەرەدى“. پۇربا بۇلعۇن قۋانىشتى تۇردە ءوزىنىڭ وسى بالاسىن تانىستىردى.

4 جىلدىڭ الدىندا پۇربا بۇلعۇن وتباسىنداعىلار بايىنشىرگ الەۋمەتتىك اۋماعىنا كوشىپ كەلەدى. ەرلى - زايىپتى ەكەۋى زەينەتكە ەرتە شىققان، كۇيەۋىنىڭ دەنساۋلىعى ناشار، كوپ سىرقاتتانادى، بالاسىنىڭ اقىل - ەسى كەم، سوندىقتان جاسى ەگدەلەپ قالعان پۇربا بۇلعۇن وتباسىنداعى بىردەن - ءبىر ەڭبەككۇشكە اينالعان ەدى.

يۇي ۋىنچيان بۇل جاعدايلاردى ۇعىسقاننان كەيىن، پۇربا بۇلعۇنمەن جۇپ قۇراپ تۋىس بولىپ، وعان ۇنەمى كومەكتەسىپ تۇردى. ”بىرنەشە جىلدان بەرى وسى ۇلىم ارى - بەرى شاپقىلاپ ماعان كومەكتەسىپ، ۇيىمدەگىلەرگە قارايلاسىپ كەلدى“، - دەدى پۇربا بۇلعۇن اسەرلەنە سويلەپ.

”جۇپ قۇراپ تۋىس بولعان كۇننەن باستاپ، قامىن ويلايتىن تاعى ءبىر جاقىنىم كوبەيدى“. بۇل ءبىر قاراپايىم كادردىڭ جۇرەك ءۇنى، سونداي - اق ”ۇلتتار ىنتىماعىنىڭ بەرەكەلى شاڭىراعى“ قيمىلىنا قاتىناسقان قالىڭ كادر، جۇمىسشى - قىزمەتكەرلەردىڭ ورتاق جۇرەك ءۇنى.

قۇددى ءبىر ءۇيلى جاندارداي، ەتەنە ءوتىپ، ءبىر - بىرىنە قارايلاسۋ تيانشاننىڭ وڭتۇستىگى مەن سولتۇستىگىندەگى جان تەبىرەنتەرلىك كورىنىسكە اينالدى.

5 جىلدان بەرى رايونىمىزدا ءبىر ميلليون 120 نەشە مىڭ كادر، جۇمىسشى - قىزمەتكەر نەگىزگى ساتىداعى ءار ۇلت بۇقاراسىمەن جۇپ قۇراپ تۋىس بولدى، جۇرەكتەر مەن جۇرەكتەر ءتىل تابىستى، جۇرەكتەر مەن جۇرەكتەر سىر ءبولىستى، ولار بۇقارانىڭ شەشۋدى ەڭ ءۇمىت ەتكەن، ەڭ كوكەي تەستى، كوز الدا شەشە الاتىن قيىنشىلىقتارى مەن ماسەلەلەرىن شەشۋگە كۇش سالا كومەكتەستى؛ جۇپ قۇراعان تۋىستارمەن بىرگە تاماقتانىپ، بىرگە تۇرىپ، بىرگە ەڭبەك ەتىپ، بىرگە ۇيرەنىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايى رۋحىن سان مىڭداعان وتباسىلارعا جەتكىزىپ، ءار ۇلت بۇقاراسىن سەنىمدى بەكەمدەپ، پارتياعا ىلەسۋگە جەتەكتەپ، باس نىسانانى جۇزەگە اسىرۋعا ونان ارى جۇرت جۇرەگىن ۇيىستىرىپ، كۇش - قۋات توپتادى.

■ دامۋدىڭ تاسقىنداعان قۋاتىن ۇيىستىردى

5 جىلدان بەرى تۇتاس رايونىمىزدا جوعارىدان تومەنگە دەيىن ۇلتتار ىنتىماعى، العاباسارلىعى ماڭىزدىنىڭ ماڭىزدىسى ەتىلىپ، ءبىر نيەتپەن كۇش بىرىكتىرىلە العا ىلگەرىلەتىلدى.

2016 - جىلى 1 - ايدىڭ 1 - كۇنى «شينجياڭ ۇيعۇر اۆتونوميالى رايونىنىڭ ۇلتتار ىنتىماعى، العا باسارلىعى قىزمەتى ەرەجەسى» رەسمي اتقارىلىپ، ۇلتتار ىنتىماعىن بەكەمدەۋ مەن دامىتۋدىڭ زاڭدىق نەگىزى بولىپ قانا قالماستان، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن دايەكتىلەندىردى، تياناقتاندىردى. شينجياڭنىڭ قوعام ورنىقتىلىعى مەن باياندى تىنىشتىعىن جەبەگەن كەلەلى شارا بولدى.

5 جىلدان بەرى اۆتونوميالى رايون ءىرى ءىستى كوزدە ۇستاپ، كىشكەنە ىستەن باستاپ كىرىسىپ، قوس ءتىل وقۋ - اعارتۋى مەن ءار ۇلتتىڭ ءوزارا ءتىل ۇيرەنۋىن كۇش سالا ىلگەرىلەتىپ، ءار ۇلتتىڭ ءبىر نيەتپەن ىنتىماقتاسۋىن بىرتىندەپ ىسكە اسىردى. حوتان پەداگوگيكا ارناۋلى كۋرس مەكتەبىندە ءار ۇلت ساباقتاستار جاتاقتا بىرگە جاتىپ، ءوزارا ءتىل ۇيرەنىپ، ءوزارا كومەكتەسىپ، اعا - باۋىر، اپەكە - سىڭلىلەردەي ەتەنە وتۋدە.

اۆتونوميالى رايون كىرىكپەلى قوعامدىق قۇرىلىم مەن الەۋمەتتىك اۋماق ورتاسىن ورنىقتى قاداممەن ىلگەرىلەتىپ، ءار ۇلت بۇقاراسىنىڭ ىنتىماقتى، ءوزارا كومەكتەسكەن جاندى كورىنىسىن قالىپتاستىردى. قوبىقسارى موڭعۇل اۆتونوميالى اۋدانى قوبىقسارى قالاشىعى بايىنبۇلاق الەۋمەتتىك اۋماعى موڭعۇل، ۇيعۇر، قازاق سياقتى كوپ ۇلتتان قۇرام تاپقان، الەۋمەتتىك اۋماقتا ەتەنە قىزمەت وتەۋ، ەرىكتىلەردىڭ مەيىر باعىشتاپ ءوزارا كومەكتەسۋى، مەيىر باعىشتاۋ شاعىن ارەكەتتەرى سياقتى 8 تۇعىر قالىپتاسىپ، ۇلتتار ىنتىماعى قىزمەتىن بارىنشا ىلگەرىلەتتى.

5 جىلدان بەرى جەر - جەر، تاراۋلار باي مازمۇندى، الۋان ءتۇرلى ۇلتتار ىنتىماعى ۇگىت تاربيەسى مەن ۇلتتار ىنتىماعىنداعى، العا باسارلىعىنداعى وزات ورىن قۇرۋ، وزات بولۋ قيمىلىن ىشكەرىلەي ورىستەتىپ، حالىق تۇرمىسىن قامتاماسىزداندىرۋ مەن جاقسارتۋعا تاباندى بولۋدى ۇلتتار ىنتىماعى قىزمەتىن جاقسى ىستەۋدىڭ شىعار ءتۇيىنى مەن تياناعى ەتىپ، حالىققا تيىمدىلىك جاساۋ ينجەنەرياسىن بارىنشا ىلگەرىلەتتى، ءار ۇلت بۇقاراسى حالىققا ءتيىمدى ساياساتتاردان بىرگە يگىلىكتەندى. ۇلتتار ىنتىماعىن جەبەگەن ءبىر قىدىرۋ جاندى اماليات ارقىلى ۇلتتار ىنتىماعىنىڭ رايى ونان ارى قويۋلاسىپ، ۇلتتاردىڭ ارالاسۋى، ىشتەسۋى، توعىسۋى ونان ارى تەرەڭدەدى.

تيانشاننىڭ وڭتۇستىگى مەن سولتۇستىگىنە كوز جىبەرگەندە، بارلىق جەردەن ۇلتتار ىنتىماعىنىڭ اسەرلى كورىنىستەرىن كورە الامىز، بارىنەن ۇلتتار ىنتىماعىنىڭ جاراسىمدى سيمفونياسى قۇلاققا شالىنادى. ءار ۇلت بۇقاراسىنىڭ ىنتىماقتى دارىپتەپ، كىرىستى ارتتىرۋدى جەبەپ، دامۋعا ۇمتىلۋ تىلەگى بارعان سايىن كۇشەيىپ، قول ۇستاسا ىلگەرىلەيتىن قۋاتتى وڭ ەنەرگيانى جانداندىرىپ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا بەرىك نەگىز قالادى.