تيانشان تورى – شينجياڭ گازەتىنىڭ حابارى (ءتىلشى سۇي يۇنيان حابارلايدى). ”پارتيانىڭ 20 - قۇرىلتايىندا جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدىڭ ۇلى جوسپارى جاسالدى. بۇل ءار ۇلت حالقىنىڭ ىنتىماقتاسا قۇلشىنىپ كۇرەس جۇرگىزىپ، ٴتىپتى دە كوركەم بولاشاققا بەت الۋىن قاجەت ەتەدى!“ 11 - ايدىڭ 1 - كۇنى ماكىت اۋداندىق قوعام حاۋىپسىزدىگى مەكەمەسى مادەنيەت جولى ساقشى بولىمشەسى نان - ۋاڭ الەۋمەتتىك اۋماعى ساقشى ىستەرى كەڭسەسىنىڭ حالىق ساقشىسى شىرمامەت ءانۋار قاراستى اۋماقتاعى تۇرعىندارعا ۇگىت لەكسيا جاسادى.
”پارتيا 20 - قۇرىلتايىنىڭ بايانداماسىندا بىلاي دەپ اتاپ كورسەتىلدى: مەملەكەت دەگەنىمىز حالىق، حالىق دەگەنىمىز مەملەكەت“. بىرنەشە كۇننەن بەرى، تۇرعىندارعا پارتيا 20 - قۇرىلتايىنىڭ رۋحى جونىندە ۇگىت لەكسيا جاساعان كەزدە، شىرمامەت تۇرعىندارعا پارتيانىڭ حالىققا دەگەن سۇيىسپەنشىلىگىن شىرايلى تىلمەن ءتۇسىندىرىپ، كوپشىلىكتىڭ بىرگە كۇرەس جاساپ، تاماشا تۇرمىس جاراتۋ ىنتاسىن تاسقىنداتتى.
”ساقشى شىرمامەتتىڭ ۇگىت لەكسياسىن تىڭداعاننان كەيىن، پارتيانىڭ جەتەكشىلىگىندە تۇرمىسىمىزدىڭ بارعان سايىن جاقساراتىندىعىنا، ارمانىمىزدىڭ ىسكە اساتىنىنا كامىل سەنەمىز“، - دەدى قاراستى اۋماقتىڭ تۇرعىندارى جارىسا.
شىرمامەت ءانۋار تۇرعىندارمەن بىرگە ۇلتتار ىنتىماعى قيمىلىنا ءنومىر دايىنداۋدا. سۋرەتتى چى چاۋ تۇسىرگەن
”الەۋمەتتىك اۋماعىمىز كوپ ۇلتتان قۇرالعان ۇلكەن شاڭىراق“. شىرمامەت ۇنەمى ۋاقىت شىعارىپ تۇرعىنداردى باي مازمۇندى مادەنيەت، دەنە تاربيە، كوڭىل اشۋ بىرلەسكەن دوستىق قيمىلدارىن ورىستەتۋگە ۇيىمداستىرىپ، ءار ۇلت تۇرعىندارىنىڭ ارالاسۋىن، ىشتەسۋىن، توعىسۋىن جەبەپ، كوپشىلىكتىڭ اناعۇرلىم ەتەنە بولۋىنا، جۇرەكتەرىنىڭ اناعۇرلىم توعىسا تۇسۋىنە مۇمكىندىك جاسادى. ول كوپشىلىككە بىلاي دەدى: الەۋمەتتىك اۋماقتا دەلو تۋىلۋ مولشەرى وتە تومەن، قايشىلىق، داۋ ـ شاردىڭ شەشىلۋ مولشەرى ٴبىرشاما جوعارى، تىنىش، جاراسىمدى ورتا كوپشىلىكتىڭ ىنتىماقتى دا بەرەكەلى بولۋىنان، تاتۋ - ءتاتتى سيلاستىعىنان كەلەدى.
”قاراستى اۋماقتاعى بەدەلدى ساقا كادرلار، ساقا پارتيا مۇشەلەرى ءبىزدىڭ بۇقارالىق قىزمەت ىستەۋىمىزدەگى جاقسى قولعاناتىمىز“. شىرمامەت بىلاي دەدى: الداعى جەردە ساقشى ىستەرى كەڭسەسى ساقا كادرلاردى، ساقا پارتيا مۇشەلەرىن پارتيا 20 - قۇرىلتايىنىڭ رۋحى جونىندە ۇگىت لەكسيا قيمىلىن بىرگە ورىستەتۋگە ۇسىنىس ەتىپ، ۇلتتار ىنتىماعى تاربيەسىنىڭ بۇقاراعا، تۇرمىسقا اناعۇرلىم جاناسىمدى بولۋىنا مۇمكىندىك جاسايدى.
شىرمامەت بىلاي دەپ قارادى: ءار ۇلت تۇرعىندارىنىڭ ءوزارا ءتىل ۇيرەنۋى − اۋىس ـ كۇيىستى جەبەۋدىڭ ٴونىمدى جولى، حىنان، سىچۋان قاتارلى جەرلەردەن كەلگەن تۇرعىندارمەن ىركىلىسسىز قارىم ـ قاتىناس جاساۋ ءۇشىن، ول كوپتەگەن ديالەكتتەردى ۇيرەنىپ الدى. ”الەۋمەتتىك اۋماقتا جۇرگەندە، ۇنەمى ءبىر توپ ادامنىڭ قىزۋ اڭگىمە دۇكەنىن قۇرىپ جاتقانىن، پىكىر اۋىستىرۋدا كەدەرگى جوقتىعىن كورۋگە بولادى“. ول كوپشىلىككە بىلاي دەدى: ءبىز ۇزدىكسىز ءوزارا ۇيرەنىپ، تۇسىنىستىكتى ارتتىرىپ، مىزعىماس سۇيىسپەنشىلىك ورناتۋدى، ءبىر ـ بىرىمىزگە قارايلاسۋدى ءار ۇلت تۇرعىندارىنىڭ تۇرمىسىنا ءسىڭىرۋىمىز كەرەك.
”ەگەر مەملەكەتىمىزدى ءبىر ۇلكەن بايتەرەككە تەڭەسەك، وندا ءاربىرىمىز وسى بايتەرەكتىڭ تامىرلارى ىسپەتتىمىز. وسى بايتەرەكتىڭ جاپىراعى جايقالىپ، ماڭگى جاسىل بولىپ تۇرۋىنىڭ سەبەبى ۇلتتار ىنتىماعى سىندى قۇنارلى توپىراققا تامىر تارتقاندىعىندا“، ـ دەدى شىرمامەت.
