11 – ايدىڭ 24 – كۇنى كورلا قالاسى شينحۋا حالىققا قولايلى بازارىنداعى ۋاڭ جۇڭۋيدىڭ دامدەندىرگىش دۇكەنىنەن ٴدىلاۋۇر احىمەت ازىق – تۇلىك ماتەريالدارىن ساتىپ الۋدا. سۋرەتتى انار بۇلت / شينجياڭ گازەتىنىڭ ٴتىلشىسى دۋ جيانحۇي تۇسىرگەن
انار بۇلت / شينجياڭ گازەتىنىڭ ٴتىلشىسى دۋ جيانحۇي
”ۋاڭ اعاي، مىنا دامدەندىرگىشتەردىڭ اقشاسىن كەلەر ايدا الدىڭعى جولعىمەن بىرگە قايتارايىن“.
”اسىقپا، قولىڭ قىسقا، نە كەرەك بولسا كەلىپ الا بەر“.
11 – ايدىڭ 24 – كۇنى كورلا قالاسى شينحۋا حالىققا قولايلى بازارى ۋاڭ جۇڭۋيدىڭ دامدەندىرگىش دۇكەنىنە ازىقتىق دامدەندىرگىشىن ساتىپ الۋعا كەلگەن ٴدىلاۋۇر احىمەت ۋاڭ جۇڭۋيمەن اڭگىمەلەسە باستادى.
بيىل جىل باسىندا كورلا قالاسى شينحۋا حالىققا قولايلى بازارىندا بازاردىڭ ورىنباسار ديرەكتورى بولىپ ىستەيتىن ٴدىلاۋۇر احىمەت مىندەتىنەن بوساپ، ٴوزى شارۋاشىلىق قۇرىپ، كورلا قالاسىنداعى 2 حالىققا قولايلى بازاردان جەكە – جەكە سامسا ارناۋلى ساتۋ دۇكەنىن اشتى.
”ۋاڭ اعاي ەكەۋمىزدىڭ تانىسقانىمىزعا 8 جىل بولدى، اعاي ەكەۋمىزدىڭ قارىم – قاتىناسىمىزدىڭ جاقسى ەكەنىن بازارداعىلاردىڭ بارلىعى بىلەدى“. ٴدىلاۋۇر بىلاي دەدى: ٴوزىمنىڭ شارۋاشىلىق قۇرعانىما ٴبىر جىل بولايىن دەدى، دۇكەننىڭ ۇن، دامدەندىرگىش سياقتى شيكىزات ماتەريالدارىن تۇگەل ۋاڭ اعايدان الىپ، قاي كەزدە اقشا تاپسام، سول كەزدە قايتارامىن.
تاياۋ جىلداردان بەرى كورلا قالاسى ”ۇلتتار ىنتىماعىنىڭ ۇلگىلى بازارىن“ قۇرۋدى وراي ەتىپ، ساۋداگەرلەر اراسىندا جۇپ قۇراپ، تۋىس بولۋ قيمىلىن ورىستەتىپ، ۇلتتار ىنتىماعىنداعى وزات تيپتەردى تاۋىپ، تاڭداپ، تۇلعالاپ، بازار ىشىندەگى ٴار ۇلت ساۋداگەرلەرىن ىنتىماقتاسىپ ٴبىر – بىرىنەن ۇيرەنۋدى، دوستاسىپ ٴوزارا توعىسۋدى كۇشەيتۋگە جەتەكتەپ، ٴبىر – بىرىمەن بىتە قايناسقان شارۋاشىلىق ورتاق تۇلعاسىن قالىپتاستىردى.
ۋاڭ جۇڭۋي مەن ٴدىلاۋۇر احىمەت سياقتى جۇپ قۇراپ، بىرگە دامىعان ىستەر كورلا قالاسىنداعى ٴارقايسى حالىققا قولايلى ءىرى بازارلاردا ٴالى دە كوپ.
كورلا قالاسى جيۋديڭ اۋىل شارۋاشىلىعى ونىمدەرىن تولايىم ساتۋ بازارىندا، جاڭ بيڭ مەن ٴيۇسۇپ موللاحۇننىڭ قوي ەتى دۇكەنى كورشىلەس بولىپ، ساۋدا جاعىندا ٴبىر – بىرىنە قارايلاسىپ، تۇرمىستا دا بىرگە تۋىسقان اعا - ىنىلەردەي بولىپ كەتتى.
”بۇگىن وزىمە تيەسىلى دۇكەنىم بولدى، مۇندا ٴيۇسۇپتىڭ كومەگىنە العىس ايتقىم كەلەدى“. جاڭ بيڭ بىلاي دەدى: ەكەۋمىزدىڭ تانىسقانىمىزعا تالاي جىلدىڭ ءجۇزى بولدى، العاشىندا تۇراقتى قىزمەتىم جوق ەدى، ٴيۇسۇپ مەنى ەرتىپ بازاردا قوي ەتىن ساتتى، بۇگىنگى دۇكەن اشىپ، ساۋدا ىستەگەن قوردى سونان تاۋدىم.
جاڭ بيڭعا ەڭ تەرەڭ اسەر قالدىرعانى − بىلتىر ول ٴبىر توپ زاكاز قابىلداعاندا، ەت جەتكىزەتىن جۇك اۆتوموبيل جوق ەدى، ٴيۇسۇپ بىلگەننەن كەيىن، كولىكپەن تاڭ اتقانشا قاربالاستاپ، قاريدارلاعا قوي ەتىن جەتكىزىپ بەرگەنى بولدى. ”وسى ىستەردى بالالارىم كوزىمەن كورىپ، ٴسىزدىڭ باۋىرمال باۋىرىڭىز بار دەپ قاتتى اسەرلەندى“. جاڭ بيڭ بىلاي دەدى: ەكى وتباسىمىزدىڭ بالالارى سىرلاس دوسقا اينالىپ، ۇيرەنۋ، تۇرمىس جاعىندا ٴبىر – بىرىنە كومەكتەسىپ، ٴدامدى - قۇجىرلارى بولسا ٴبولىسىپ جەيدى ءارى ەكى وتباسىمىز مەرەكە – مەيرامداردى بىرگە وتكىزەمىز.
”ٴدال وسىنداي جۇپ قۇراعان كوپتەگەن مەيىرىمدى ساۋداگەرلەر بازارعا قويۋ جاراسىمدىلىق الا كەلدى“. كورلا قالالىق ۇلتتار ىنتىماعىنىڭ بەرەكەلى شاڭىراعى كەڭسەسىنىڭ جاۋاپتىسى ايگۇل تۇردى بىلاي دەدى: بازار، ساۋداگەرلەر قاتىناسقان ۇلتتار ىنتىماعى دوستىق قيمىلىن مەرزىم سايىن ۇيىمداستىرىپ، ٴار ۇلت ساۋداگەرلەرىنىڭ مادەنيەت، تيجارات، تۇرمىس سياقتى سالالاردا بارىس – كەلىس جاساۋىن، ىشتەسۋىن، توعىسۋىن جەبەپ، بازاردا ۇلتتار ىنتىماعىنا بارلىق ساۋداگەرلەر ات سالىساتىن تاماشا ورتا قالىپتاستى.
11 – ايدىڭ 12 – كۇنى كورلا قالاسى حالىققا قولايلى 9 بازارعا ”ۇلتتار ىنتىماعىنىڭ ۇلگىلى بازارى“ ماڭدايشالىعىن اسىپ، جۇپ قۇراپ، تۋىس بولعان ساۋداگەرلەردىڭ ۋاكىلدەرىنە جۇرەكتەس بولۋ كارتچكاسىن تاراتتى.
