پۋ گاڭ بايمۇرات اۋعانباي وتباسىنىڭ سيىر قوراسىن تازالاۋدا. سۋرەتتى ەرىكتى ٴتىلشى گۇلزادا تۇسىرگەن
تيانشان تورى - شينجياڭ گازەتىنىڭ حابارى (ٴتىلشى يۇي شي حابارلايدى).”بايمۇرات، سەن قازىر ەزىلىپ ۇيىقتاي بەرگەنىڭدى قويىپسىڭ عوي، نەتكەن ەڭبەكشىل بولىپ كەتكەنسىڭ؟ “، ”تۋىسىم دۇرىس جول نۇسقادى، ەندى قيمىلداماسام، كىمگە بەت كەلە الامىن؟“.
ءۇرىمجى ەكونوميكالىق ـ تەحنيكالىق اشۋ رايونى (توۋتۇنحى رايونى) قوس وزەن اۋماعى ماجياجۋاڭزى قىستاعىندا، مالشى بايمۇرات اۋعانباي ٴار كۇنى اۆتوكولىكپەن جۇمىس ورنىنا بارىپ جۇمىس ىستەگەندە، قىستاق تۇرعىندارىنىڭ قويعان سۇراۋىنا جالىقپاي جاۋاپ بەرەدى.
ماجياجۋاڭزى قىستاعىنىڭ جاراتىلىستىق شارت ـ جاعدايى ناشار بولعاندىقتان، بۇرىن قىستاق تۇرعىندارىنىڭ اقشا تابۋ جولى ٴبىرشاما از بولاتىن، بايمۇرات تا سول سەبەپتەن سەرپىلە المادى، بۇل احۋال ەكونوميكالىق - تەحنيكالىق اشۋ رايونى (توۋتۇنحى رايونى) قوس وزەن وزىق جاساۋ كاسىپ سالاسى باقشاسى پارتيا ياچەيكاسىنىڭ شۋجيى، مەڭگەرۋشىسى پۋ گاڭمەن جۇپ قۇراپ، تۋىس بولعانعا دەيىن جالعاسقان.
العاش تانىسقان كەزدە پۋ گاڭ بايمۇراتتىڭ سيىردى اۋلادا باققانىن، ءارى بەتالدى جەم بەرگەنىن، تازالىق شارت ـ جاعدايىنىڭ دا ناشار ەكەنىن بايقايدى. ”سيىر باعۋدا جوعارى ونىمدىلىككە قول جەتكىزۋ ٴۇشىن، ٴسوز جوق، عىلمي جولمەن باعۋ، شەبەرلىكپەن يگەرۋ كەرەك“. پۋ گاڭ مال شارۋاشىلىق باعىمشىلىعى تەحنيكتەرىنەن اقىل سۇراپ، عىلمي جولمەن سيىر باعۋ كىتاپتارىن دا ساتىپ اكەلىپ، بايمۇراتپەن بىرگە قورادان ەكى ەلى اتتاپ شىقپاي، سيىرلارعا جاسىل جەم ـ ٴشوپتى تويا جەگىزۋدەن باسقا قاجەتتى قورەكتىك جەمدەردى تولىقتاۋعا دەيىن، ونان قۇرتتى تۇسىرۋگە جانە ىندەتتەن ساقتانۋعا دەيىن، ەكەۋى ٴبىر جاعىنان ىزدەنىس جاساسا، ەندى ٴبىر جاعىنان امالياتتان وتكىزدى.
ءبىر كۇنى بايمۇرات وتباسىنا امانداسا بارعان پۋ گاڭ قورىس-قوپاسى شىعىپ جاتقان سيىر قورانى كورەدى، ول بالاعى مەن جەڭىن ٴتۇرە سالىپ سيىر قوراعا كىرىپ جۇمىسقا كىرىسىپ كەتەدى. ”ول كەزدە سيىردىڭ ساسىق جاپاسى پۋ گاڭنىڭ اياعىنا جابىسىپ، ماڭايىنا شىبىن-شىركەي، ماسا قاپتاپ كەتكەن، مەن قاتتى ىڭعايسىزدانىپ، وعان ىستەمە دەدىم، ول سوزىمە مۇلدە قۇلاق اسپادى“، ـ دەدى بايمۇرات ەسكە الىپ. وسىنداي كىشى-گىرىم ىستەر ونى اسەرلەندىرىپ، بۇدان بىلاي ٴارقانداي شارۋا الدىندا بويكۇيەزدىككە سالىنباۋعا ىشتەي بەكىندىردى.
وسى ەكى جىلدا جوبالاۋ، ورىن تۇراقتاندىرۋ بويىنشا، قوس وزەن اۋماعى ٴۇرىمجى قالاسىنىڭ جاڭا كاسىپ سالاسى كوتەرىمدىلىك ٴوڭىرى رەتىندە ٴبىر توپ نەگىزدىك قۇرىلعى، ونەركاسىپكە قارجى قوسۋ سياقتى ٴتۇيىندى نىساندار وسى ارادا جەدەل ىلگەرىلەتىلدى. وزەن جاعالاعاننىڭ وزەگى تالمايدى، ماجياجۋاڭزى قىستاعى دا ەكونوميكالىق – تەحنيكالىق اشۋ رايونى (توۋتۇنحى رايونى) جاعىنان كاسىپ سالاسىن دامىتۋ جوباسىنا ەنگىزىلدى، قىستاق تۇرعىندارى تاربيەلەنۋ ارقىلى ىركەس – تىركەس كاسىپ سالاسى جۇمىسكەرىنە اينالىپ، كىرىستەرى ارتىپ، اۋقاتتانۋ جولى ونان ارى كەڭەيدى.
”قاپى قالماي قارمانىپ قال دەگەن. قازىر دامۋ جاعدايى وسىنشا جاقسى، سەنىڭ ەشقانداي ويىڭ جوق پا؟“، ـ دەپ سۇرادى پۋ گاڭ ٴبىر كۇنى بايمۇراتقا تەلەفون شالىپ.
”مەن دە كىرىسىمدى تاعى ٴبىراز جوعارىلاتسام دەيمىن، ٴبىراق نە ىستەرىمدى بىلمەي ءجۇرمىن“ ،-دەدى بايمۇرات پۋ گاڭنىڭ وزىنە جول كورسەتۋىن ٴوتىنىپ.
قولى بوساعاندا پۋ گاڭ بايمۇراتتى ارنايى ەرتىپ، قوس وزەن اۋماعىنداعى كەيبىر نىسان جۇمىس ورىندارىن اينالىپ، قۇرىلىس جۇمىسشىلارىنان رەمونتشى جۇمىسشىعا، ونان جۇك تاسۋشىعا دەيىن بارلىق ورىنداردى ٴبىر ـ بىرلەپ كورىپ شىقتى، بايمۇرات وزىنە ۇيلەسپەيتىنىن سەزىنەدى. قايتا – قايتا اقىلداسقاننان كەيىن، پۋ گاڭ اۆتوكولىك جۇرگىزۋ ونەرىنە ىسىلعان بايمۇراتقا قۇرىلىس ورنىنىڭ شاڭ ـ توزاڭىن باساتىن سۋ سەپكىش اۆتوموبيل ساتىپ الىپ، ٴۇيىنىڭ ماڭىنداعى قۇرىلىس ورنىندا جۇمىس ىستەپ، كىرىس كىرگىزۋىن ۇسىنىس ەتتى.
سۋ سەپكىش اۆتوموبيلدى ساتىپ العاندا كوپ جەردەن كورىپ، ساۋداگەرلەرمەن قايتا - قايتا باعا تالاسىپ، ماشينانىڭ قۋاتىن سىناپ كوردى … پۋ گاڭنىڭ كومەگىندە، بايمۇرات سۋ سەپكىش اۆتوموبيلدى قىستاققا ايداپ كەلەدى. كوپ وتپەي، سۋ سەپكىش اۆتوموبيل كاسىپ سالاسى باقشاسىندا جان ـ جاقتا جۇمىس جۇرگىزىپ، بايمۇراتتىڭ جىلدىق كىرىسى 100 مىڭ يۋانعا تايادى.
وسى بىرنەشە جىلدا پۋ گاڭنىڭ ”كىشى ـ گىرىم ىستەردى ويلاۋ، قيىن ىستەرگە الاڭداۋ، ٴىرى ىستەرگە بار پەيىلىن سالۋ“ سىندى ”ٴۇش قام جەۋى“ ارقىلى بايمۇرات وتباسىن سۇيەمەلدەيتىن”بولماشى ارەكەتتەرى“ ٴالى دە كوپ. پۋ گاڭنىڭ شابىتتاندىرۋىندا بايمۇراتتىڭ جىگەرى ٴتىپتى دە تاسقىنداي ٴتۇستى.
