9 - ايدىڭ 1 - كۇنى ساعات 9 مولشەرىندە ءۇرىمجى قالاسى تيانشان رايونى يان - ان كوشەسى جيشۇن جولى سولتۇستىك الەۋمەتتىك اۋماق ۇلتتار ىنتىماعى شاعىن رايونىنىڭ تۇرعىنى ليۋ ۋىنحۋ بىرەۋدىڭ ەسىك قاققانىن ەستىپ ەسىكتى اشسا، كورشىسى قالميرا قايرات تاماق الىپ كەلگەن ەكەن. جوعارى قان قىسىمى ناۋقاسىنا شالدىققاننان كەيىن، ۇيىندە جالعىز تۇراتىن ليۋ ۋىنحۋ كورشىلەرى ەرەكشە كوڭىل بولەتىن كىسىگە اينالدى. جيشۇن جولى سولتۇستىك الەۋمەتتىك اۋماق ۇلتتار ىنتىماعى شاعىن رايونىنداعى تۇرعىنداردىڭ ىنتىماقتى، مەيىرىمدى بولعاندىعى، ءبىر - بىرىنە كومەكتەسىپ، قارايلاسقاندىعى ءۇرىمجى قالاسىنداعى 3324 ۇلتتار ىنتىماعى ۇلكەن اۋلاسىنىڭ (شاعىن رايون) ىقشام كورىنىسى.
2017 - جىلدان بەرى ءۇرىمجى قالاسى ۇلتتار ىنتىماعى ۇلكەن اۋلاسىن (شاعىن رايون)، ۇلتتار ىنتىماعىنداعى ونەگەلى وتباسىن، ۇلتتار ىنتىماعى بويىنشا جۇپ قۇراعان وتباسىن قۇرۋ سياقتىلار ارقىلى ءار ۇلت تۇرعىندارى اراسىنداعى ارالاسۋدى، ىشتەسۋدى، توعىسۋدى ۇزدىكسىز تەرەڭدەتتى. ءوزارا قارايلاسۋ، مەيىرىمدى بولۋ، ۇلكەندەردى قۇرمەتتەپ، كىشىلەردى ايالاۋ، وپالى بولۋ، باۋىرمال بولۋ سياقتى ءداستۇرلى اسىل قاسيەتتەر ۇلتتار ىنتىماعى ۇلكەن اۋلاسىنداعى (شاعىن رايون) ءار ۇلت تۇرعىندارىنىڭ ۇندەستىگى مەن داعدىسىنا اينالدى.
ءۇرىمجى قالاسى سايباق رايونى حوتان كوشەسى اۋماعى حوتان كوشەسى الەۋمەتتىك اۋماعىنىڭ تۇرعىنى روزىگۇل ءرامات جونىنەن العاندا، قازىرگى كورشىسى، الەۋمەتتىك اۋماقتىڭ كادرى چين ۋيمەن تانىسۋدىڭ ءوزى ءبىر باقىتتى ءىس.
2013 - جىلى تازالىق جۇمىسىمەن اينالىساتىن روزىگۇل وتىرعان ءۇيى شاعىلعاندىعى سەبەپتى، ءبىر مەزەت لايىقتى ءۇي تابا الماي قينالادى. چين ۋي مۇنان حابار تاپقاننان كەيىن، جان − جاقتان سۇراستىرىپ ءجۇرىپ وعان لايىقتى ءۇي تاۋىپ بەرەدى. جۇمىس بولسا چين ۋيمەن اقىلداسامىن، بالا تاربيەسى جونىندە چين ۋيدان كەڭەس سۇرايمىن، بىردەڭەگە ۋايىمداسام چين ۋيعا ايتامىن، 8 جىلدان استام ۋاقىت ارالاسۋ ارقىلى ەكەۋى ۇلتتار ىنتىماعى ۇلكەن اۋلاسىنداعى ”ەڭ ارداقتى اپەكەلى - سىڭلىلەرگە“ اينالدى. ”بالام دا جاقسى كورەدى، ونى ’چين شەشە‘ دەپ اتايدى“، - دەدى روزىگۇل.
حوتان كوشەسى الەۋمەتتىك اۋماعىندا 31 شاعىن رايون بار، مۇنىڭ ىشىندە 28ى ۇلتتار ىنتىماعى ۇلكەن اۋلاسى. وتباسىلارىنا سۇيىسپەنشىلىك، مەيىر جەتكىزۋ، ءوزارا ۇيرەنۋدى وتباسىلارىنا جەتكىزۋ، مادەنيەت، دەنە تاربيە قيمىلدارىن وتباسىلارىنا جەتكىزۋ، زاڭ ەرەجەنى، ساياساتتى وتباسىلارىنا جەتكىزۋ، تاماشا ورتانى وتباسىلارىنا جەتكىزۋدەي ”بەستى جەتكىزۋ“ قيمىلى ارقىلى ءار ۇلت تۇرعىندارىنىڭ سۇيىسپەنشىلىگى ۇزدىكسىز نىعايا ءتۇستى.
حوتان كوشەسى الەۋمەتتىك اۋماعىنىڭ تۇرعىنى روزى ابدوللا مەن لي جۇنۋي كەزىندە نەشە 10 جىل بىرگە قىزمەت ىستەگەن، ال قازىر ەسىكتەس كورشى. ”كىشكەنە نەمەرەم لي اتاسىنان اڭگىمە ەستۋگە قۇمار“. ”شىنىن ايتقاندا، لاۋليدىڭ ۇلى وعان مۇنان دا كەڭىرەك ۇيگە كوشۋدى كوپ ءناسيحاتتادى، ءبىراق ول قوسىلمادى. ءبىزدى قيمايتىندىعىن بىلەمىن“، - دەدى روزى.
سوڭعى جىلدارى ءۇرىمجى قالاسى ۇلتتار ىنتىماعى ۇلكەن اۋلاسىن (شاعىن رايون) قۇرۋ قيمىلىن ۇزدىكسىز بايىتۋدى دانەكەر ەتىپ، ءار ۇلت بۇقاراسىنىڭ قيمىلعا قاتىناسۋ بەلسەندىلىگى مەن ىرىقتىلىعىن تولىق جۇمىلدىرىپ، ءار ۇلت بۇقاراسىنىڭ وزدەرى تۇرعان اۋلاعا (شاعىن رايون) دەگەن تاۋەلدىلىك سەزىمىن، مويىنداۋ سەزىمىن، تابىس سەزىمىن ۇزدىكسىز كۇشەيتتى.
9 - ايدىڭ 1 - كۇنى تۇستە ءۇرىمجى جوعارى، جاڭا تەحنيكالىق كاسىپتەردى اشۋ رايونى (جاڭا قالا رايونى) ديوپۋ اۋىلى شۋانرىندۇن ورنالاستىرۋ شاعىن رايونىنداعى 47 جاستاعى ابىلەت ابدۇل ۇيىنەن 2 − 3 كيلومەتر قاشىقتىقتاعى كوكونىس باقشاسىنان قىزاناق، بۇرىش جانە ءسان قاباق سياقتى جاس كوكونىستەر العالى بارىپ، ۇيىنە قايتقان جولىندا كونە كورشىسى لي ۋيمينگە دە ءبىرازىن ارنايى اپارىپ بەردى. ”كوكونىس باقشاسىن بىرنەشە كورشى بىرلەسىپ مايعا العانبىز، جايشىلىقتا قولىمىز بوستارىمىز بارىپ كوكونىستى باپتاپ قويامىز. نەشە كۇننەن بەرى قاربالاستىقتان لي اعايدى جولىقتىرا المادىم، بۇگىن جول - جونەكەي سوعىپ امانداسا كەتكەنىم عوي“، - دەدى ول.
سول جىلدارى لي ۋيمين حىناننان شينجياڭعا كەلگەن كەزدە ابىلەتتىڭ اكەسى جات ەل، جات جەرگە كەلگەن ازاماتتى ءوز ۇيىندە تۇرۋعا ورنالاستىرىپ، تۇرمىس قيىنشىلىعىن شەشۋگە قول ۇشىن بەرگەن بولاتىن. سودان باستاپ ەكى وتباسى ايرىلماستاي سۇيىسپەنشىلىك ورناتقان. ”اكەم قايتىس بولعالى تالاي جىل بولدى، لي اعايمەن سۇيىسپەنشىلىگىمىز بۇرىنعىداي وتە جاقسى، قولىمىز تيگەندە ول كىسىگە بارىپ امانداسىپ تۇرامىز. ونىڭ ۇلىمەن بايلانىسىم ءتىپتى جاقسى، ءار كۇنى بىرگە قىزمەت ىستەۋدىڭ سىرتىندا، سەنبى، جەكسەنبى كۇندەرى دە ۇنەمى كوكونىس باقشاسىنا بارىپ كاۋاپ جەپ، اڭگىمەلەسىپ قايتامىز، قازىر بىرگە تۋعان تۋىستارداي بولىپ كەتتىك“، - دەدى ابىلەت.
”شاعىن رايوندا حانزۋ، ۇيعۇر، قازاق، حۇيزۋ سياقتى تۇرلىشە ۇلت بار، ءار ۇلت تۇرعىندارى وسى ارادا ۇرپاقتار بويى تاتۋ - ءتاتتى ءومىر ءسۇرىپ، بەرەكەلى ۇلكەن شاڭىراق قالىپتاستىردى. بۇل ارا مەيىرىمگە تولى، ىنتىماقتىلىق ءبار جەرىنەن مەن مۇندالايدى“، - دەدى ديوپۋ اۋىلدىق پارتكومنىڭ مۇشەسى، شۋانرىندۇن قىستاعى پارتيا باس ياچەيكاسىنىڭ شۋجيى شاۋ حىچيڭ.
