اۆتونوميالى رايوندىق ايەلدەر بىرلەستىگى پارتيا باسشىلىق گرۋپپاسىنىڭ ورىنباسار شۋجيى، ءتوراعا
اينۇر ماقسات
باس شۋجي شي جينپيڭ: «ايەلدەر − زاتتىق وركەنيەت پەن رۋحاني وركەنيەتتىڭ جاراتۋشىلارى، قوعامنىڭ دامۋى مەن العا باسۋىن ىلگەرىلەتەتىن ماڭىزدى كۇش. ايەلدەر بولماسا، ادامزات بولماق ەمەس، قوعام دا بولماق ەمەس» دەپ اتاپ كورسەتكەن. انا − بالانىڭ تۇڭعىش ۇستازى، انانىڭ دۇنيەگە كوزقاراسى، ومىرگە كوزقاراسى، قۇن كوزقاراسى بالانىڭ بۇكىل ومىرىنە تىكەلەي ىقپال جاسايدى.
ەگەر ءسىز انا بولساڭىز، بالاڭىزعا وتانىمىزدىڭ جۇڭحۋا حالىق رەسپۋبليكاسى ەكەندىگىن، ءبىزدىڭ بارلىعىمىزدىڭ جۇڭگولىق ەكەندىگىمىزدى ايتىڭىز. بالانىڭ العاشقى ۇستازى رەتىندە، قاي - قاشان دا ۇلى وتاندى قىزۋ ءسۇيۋدى، پارتياعا دەگەن العىستى سەزىمدى، ۇلتتاردىڭ ۇلى ىنتىماعى ۇستانىمىن بالاڭىزعا جەتكىزىڭىز، وسى يدەيا - كوزقاراستار بالاڭىزدىڭ جۇرەگىندە تەرەڭ تامىر تارتسىن.
ەگەر ءسىز انا بولساڭىز، بالاڭىزعا تاريحتى دۇرىس تانۋ كەرەكتىگىن ايتىڭىز، وعان جۇڭگونىڭ تاريحتىڭ ۇزاق بارىسىندا، شينجياڭداعى ءار ۇلت حالقىنىڭ بۇكىل ەلدەگى ءار ۇلت حالقىمەن بىرگە جۇڭگونىڭ كەڭ - بايتاق تەرريتورياسىن بىرگە اشىپ، قۇرىپ، قورعاپ، كوپ نەگىزدى، ءبىر تۇلعالى جۇڭحۋا ۇلتى ۇلى شاڭىراعىن بىرگە كوتەرگەندىگىن ايتىڭىز. بالاڭىزعا شينجياڭنىڭ جۇڭگو تەرريتورياسىنىڭ بولىنبەس ءبىر بولىگى ەكەندىگىن ايتىڭىز. بالاڭىزدىڭ دۇرىس تاريح كوزقاراسىن ورناتۋىنا دۇرىس ءىس - ارەكەتىڭىزبەن كومەكتەسىڭىز.
ەگەر ءسىز انا بولساڭىز، بالاڭىزعا شينجياڭداعى ءار ۇلت مادەنيەتىنىڭ جۇڭحۋا وركەنيەتىنىڭ قۇنارلى توپىراعىنا باستان - اياق تەرەڭ تامىر تارتقاندىعىن، جۇڭحۋا مادەنيەتىنىڭ ايرىلماس ءبىر بولىگى ەكەندىگىن ايتىڭىز. بالاڭىزعا كىتاپتى كوپ وقىپ، قۇلشىنا ۇيرەنىپ، مەملەكەتتە ءبىر تۇتاس قولدانىلاتىن ءتىل - جازۋدى ۇيرەنىپ جانە يگەرىپ، جۇڭحۋا مادەنيەتىن شىنايى مويىنداۋدى كۇشەيتىپ، ءداۋىردىڭ وزگەرىسىنە تىعىز ىلەسىپ، بارلىعىن قامتۋ، تاتۋ - ءتاتتى بولۋ، اشىق، كوپ نەگىزدى بولۋ ۇستانىمىن ورناتىپ، ءار ۇلتقا ورتاق رۋحاني مەكەن قۇرۋ كەرەكتىگىن ايتىڭىز.
ەگەر ءسىز انا بولساڭىز، بالاڭىزعا العىس ايتا ءبىلۋدى ۇيرەتىڭىز. ول ۇلى وتاننىڭ بۇگىنىن، شينجياڭنىڭ قازىرگى بەيبىتشىلىگى مەن تىنىشتىعىن كوممۋنيستىك پارتيانىڭ ءبىزدى باستاپ جۇزەگە اسىرعاندىعىن، ول شينجياڭداعى ءار ۇلت حالقىن قامتىعان بۇكىل ەل حالقىنىڭ بىرگە ىنتىماقتاسا كۇرەس جۇرگىزۋىنىڭ ناتيجەسى ەكەندىگىن ءبىلسىن. پارتيا ورتالىق كوميتەتىنىڭ قامقورلىعى، ىشكى وڭىرلەردەگى ولكە، قالالاردىڭ قالتقىسىز كومەگى شەكاراداعى ءار ۇلت بۇقاراسىنىڭ اناعۇرلىم تاماشا تۇرمىسقا تەزىرەك جەتۋىن، بۇكىل ەل حالقىمەن بىرگە جاپپاي دوڭگەلەك داۋلەتتى قوعام ورناتۋىن جەبەي ءتۇستى، وسىنىڭ ءبارى جۇڭحۋا ۇلتى ۇلى شاڭىراعىنىڭ تەرەڭ سۇيىسپەنشىلىگىن قامتىپ جاتىر. الۋعا عانا بار، العىس ايتۋدى بىلمەيتىن، قارىمجى قايتارۋدى بىلمەيتىن ءىستى ءبىز استە ىستەمەيمىز. بالاڭىزعا «اسىن ءىشىپ، اۋزىن ءسۇرتىپ، اناسىن تانىماي قالاتىن» جاقسىلىقتى بىلمەيتىن وپاسىز ادام استە بولماۋدى، جۇرەگى ماڭگى پارتياعا دەگەن العىستى سۇيىسپەنشىلىككە، العىستى سەزىمگە تولى ادام بولىپ، ءىس ىستەۋدى ايتىڭىز.
ەگەر ءسىز انا بولساڭىز، بالاڭىزدى زاڭدى ۇيرەنۋگە، زاڭدى بىلۋگە تاربيەلەڭىز. جۇڭگو زاڭمەن جونگە سالىناتىن مەملەكەت رەتىندە، مەملەكەت ىستەرىن زاڭ بويىنشا باسقارادى، زاڭعا بويسۇنۋشى قۇرمەت پەن سەنىمگە يە بولادى، زاڭعا قايشىلىق جاساۋشى زاڭنىڭ قاتاڭ جازاسىنا تارتىلادى، زاڭنان تىسقارى قالاتىن ادام بولمايدى، مەيلى قايسى ۇلت بولسىن، قانداي ادام بولسىن، ءسوز جوق، زاڭ كولەمىندە ارەكەت جاسايدى. بالاڭىزعا «زاڭعا بويسۇناتىندار، زاڭنان يمەنەتىندەر ەڭ كوڭىلدى ادامدار»، تاماشا بولاشاققا قول جەتكىزەم دەيدى ەكەن، ءسوزسىز، زاڭدى ۇيرەنەتىن، زاڭدى قۇرمەتتەيتىن، زاڭعا بويسۇناتىن، زاڭدى قولداناتىن تولىمدى ازامات بولۋ كەرەك دەيتىن ءجون - جوسىندى ۇعىندىرىڭىز.
ەگەر ءسىز انا بولساڭىز، بالاڭىزعا «ەكىبەتكەيلەردەن» ساق بولۋى كەرەكتىگىن ايتىڭىز. «ەكىبەتكەيلەر» كورىنىستە ءبىر ءتۇرلى، كومەسكىدە ءبىر ءتۇرلى، ولاردىڭ ءسوزى مەن ارەكەتى، ايتقانى مەن ىستەگەنى بىردەي ەمەس، ولار زىميان، جاۋىز كەلەدى، وزگەنى دە، ءوزىن دە زياندايدى. «ەكىبەتكەيلەر» «ءۇش ءتۇرلى كۇشتىڭ» قولشوقپارى بولدى، ولار پارتيا مەن مەملەكەتكە وپاسىزدىق جاساعان ساتقىندار. «ەكىبەتكەيلەر» «ءۇش ءتۇرلى كۇشپەن» بىردەي نامىسسىز سۇمپايىلار، ولار، ءسوز جوق، زاڭنىڭ قاتاڭ جازاسىنا تارتىلىپ، حالىقتىڭ قارعىسىنا قالادى. بالاڭىزعا وسىنداي ادامدارعا كەزىكسە، ولاردى دەر كەزىندە مالىمدەۋدى، ولارمەن باتىل كۇرەسۋدى ايتىڭىز، سوندا عانا بالاڭىز ازعىرۋ مەن قورقىتۋعا ەرىپ كەتۋدەن امان قالادى.
ەگەر ءسىز انا بولساڭىز، جوعارى ساپالى انا بولۋعا قۇلشىنىڭىز، قابىلەتىڭىز بەن ءمورالىڭىزدى جوعارىلاتىپ، وزىڭىزگە قاتاڭ تالاپ قويىپ، بالانىڭ ۇلگىسىنە اينالىڭىز. وسىناۋ جاڭا داۋىرگە شىن جۇرەكتەن العىس ايتىڭىز، شي جينپيڭ جولداستى ۇيتقى ەتكەن پارتيا ورتالىق كوميتەتىنە العىس ايتىڭىز، بۇگىنگى وزىڭىزگە تيەسىلى بارلىق نارسەلەرگە العىس ايتىڭىز، پارتياعا العىس ايتىپ، پارتيانىڭ ءسوزىن تىڭداپ، پارتياعا ىلەسىپ، جاڭا داۋىردە جاڭا ايەلدەردىڭ كوركەم داستانىن جازىڭىز.
