ىلە قازاق اۆتونوميالى وبلىستىق پارتكومنىڭ تۇراقتى مۇشەسى، بىرلىكساپ ءبولىمىنىڭ باستىعى
پارحات ءسايدي
باس شۋجي شي جينپيڭ پارتيانىڭ 19 - قۇرىلتايىندا جاساعان بايانداماسىندا بىلاي دەپ اتاپ كورسەتتى: ۇلتتار ىنتىماعى، العاباسارلىعى تاربيەسىن تەرەڭدەتىپ، جۇڭحۋا ۇلتى ورتاق تۇلعا تانىمىن بەرىك ورناتىپ، ۇلتتاردىڭ ارالاسۋىن، ىشتەسۋىن، توعىسۋىن كۇشەيتىپ، ۇلتتاردىڭ اناردىڭ دانىندەي تىعىز ۇيىسىپ، بىرگە ىنتىماقتاسا كۇرەس جۇرگىزىپ، بىرگە گۇلدەنىپ - كوركەيىپ، دامۋىن جەبەۋ كەرەك. مەن مەملەكەتتە ءبىر تۇتاس قولدانىلاتىن ءتىل - جازۋدى ويداعىداي ۇيرەنۋ ۇلتتاردىڭ ارالاسۋىن، ىشتەسۋىن، توعىسۋىن كۇشەيتۋدىڭ العى شارتى ەكەنىن، ۇلتتار اراسىندا تەك ءوزارا ءتۇسىنىسۋ بولعاندا، ءبىر - بىرىنە قايىرىمدى بولعاندا، ءبىرىن - ءبىرى قۇرمەتتەگەندە عانا، ۇلتتىق سۇيىسپەنشىلىكتى اناعۇرلىم ويداعىداي تەرەڭدەتىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن ءبىر نيەت، ءبىر تىلەكپەن جۇزەگە اسىرۋدىڭ كۇشتى يراداسىن ورناتۋعا بولاتىندىعىن، ارماندى ءبىر نيەتتە جۇزەگە اسىرۋدىڭ قۇدىرەتتى كۇشىن ۇيىستىرۋعا بولاتىندىعىن تەرەڭ تانىپ جەتتىم.
مەملەكەتتە ءبىر تۇتاس قولدانىلاتىن ءتىل - جازۋدى ويداعىداي ۇيرەنۋ − ءاربىر جۇڭگو ازاماتىنىڭ وتەۋگە ءتيىستى جاۋاپكەرشىلىگى جانە بورىشى. پۋتۇڭحۋا جانە ارناعا تۇسىرىلگەن حانزۋ ءارىبى − ءبىزدىڭ مەملەكەتىمىزدىڭ جانە جۇڭحۋا ۇلتىنىڭ ءبىر تۇتاس قولداناتىن ءتىل - جازۋى، سۇيىسپەنشىلىكتىڭ دانەكەرى، قارىم - قاتىناس جاساۋدىڭ كوپىرى، جۇڭحۋا ۇلتىنىڭ ءۇنى. «جۇڭحۋا حالىق رەسپۋبليكاسىنىڭ نەگىزگى زاڭىنىڭ» 19 - تارماعىندا: «ەلىمىز بۇكىل مەملەكەتتە ءبىر تۇتاس قولدانىلاتىن پۋتۇڭحۋانى جالپىلاستىرادى» دەپ بەلگىلەنگەن؛ «جۇڭحۋا حالىق رەسپۋبليكاسىنىڭ وقۋ - اعارتۋ زاڭىندا»: «مەكتەپتەر بۇكىل مەملەكەتتە ءبىر تۇتاس قولدانىلاتىن پۋتۇڭحۋانى جالپىلاستىرۋى كەرەك» دەپ بەلگىلەنگەن؛ «مەملەكەتتىك ءتىل - جازۋ ىستەرىنىڭ <13 − بەسجىلدىق> جوباسىندا» 2020 - جىلعا بارعاندا، بۇكىل ەل كولەمىندە مەملەكەتتە ءبىر تۇتاس قولدانىلاتىن ءتىل - جازۋ نەگىزىنەن جالپىلاسادى دەپ ايقىن العا قويىلعان.
الايدا، «ءۇش ءتۇرلى كۇش» شينجياڭداعى ءار ۇلت بۇقاراسىنىڭ مەملەكەتتە ءبىر تۇتاس قولدانىلاتىن ءتىل - جازۋدى ۇيرەنىپ، وزىق مادەنيەت تاربيەسىن قابىلداپ، وسى زامانعى وركەنيەتتى تۇرمىستان يگىلىكتەنگەننەن كەيىن، دۇرىس پەن بۇرىستى ايقىن ايىرىپ، وزدەرىنىڭ سۇرقيا ماقساتى مەن جەكسۇرىن اككىلىگىن ءبىلىپ قويۋىنان قورىقتى. ءبىز مەملەكەتتە ءبىر تۇتاس قولدانىلاتىن ءتىل - جازۋدى ويداعىداي ۇيرەنۋ ءاربىر جۇڭگو ازاماتىنىڭ زاڭعا قۇرمەت ەتۋىنىڭ، زاڭدى ۇيرەنۋىنىڭ، زاڭعا بويسۇنۋىنىڭ، زاڭدى قولدانۋىنىڭ ناقتى بەينەلەنۋى ەكەنىن، مەملەكەتتە ءبىر تۇتاس قولدانىلاتىن ءتىل - جازۋدى ۇيرەنۋدى تەجەۋدىڭ زاڭعا قايشىلىق جاساعاندىق ەكەنىن، ءار ۇلت بۇقاراسى مەملەكەتتە ءبىر تۇتاس قولدانىلاتىن ءتىل - جازۋدى ويداعىداي يگەرگەندە عانا، شۇعىلالى جۇڭحۋا مادەنيەتىن اناعۇرلىم ويداعىداي ءتۇسىنىپ، ۇلتتاردىڭ ارالاسۋىن، ىشتەسۋىن، توعىسۋىن جەبەپ، اناعۇرلىم كوپ عىلىم - مادەنيەت بىلىمدەرىن ۇيرەنىپ، اناعۇرلىم ويداعىداي جۇمىستانۋ، ساۋدامەن اينالىسۋ ورايىنا يە بولا الاتىندىعىن جەتە تانۋىمىز كەرەك.
مەملەكەتتە ءبىر تۇتاس قولدانىلاتىن ءتىل - جازۋدى ويداعىداي ۇيرەنۋ − «بىرگە ىنتىماقتاسا كۇرەس جۇرگىزۋدىڭ، بىرگە گۇلدەنىپ - كوركەيۋدىڭ، دامۋدىڭ» التىن كىلتى، كەدەيلىكتەن ارىلىپ، بايۋ جولىنا تۇسۋدەگى نەگىزگى شەبەرلىك. شينجياڭنىڭ قوعامدىق جانە ەكونوميكالىق دامۋى از ۇلت بۇقاراسىنىڭ كەڭ كولەمدى ات سالىسۋىنان جانە بىرگە قۇلشىنۋىنان ايرىلا المايدى، جۇڭگو ازاماتى، شەكارا وڭىردەگى از ۇلت بۇقاراسى جونىنەن ايتقاندا، ەگەر مەملەكەتتە ءبىر تۇتاس قولدانىلاتىن ءتىل - جازۋدى بىلمەسە، ساياساتتى ويداعىداي تۇسىنە جانە يگەرە المايدى، جاڭالىقتاردى قابىلداۋ، جاڭا بىلىمدەردى يگەرۋ ءورىسى تارايادى، بۇل كوپشىلىكتىڭ كەدەيلىكتەن ارىلىپ، بايۋىنا تىكەلەي ىقپال جەتكىزەدى.
مەملەكەتتە ءبىر تۇتاس قولدانىلاتىن ءتىل - جازۋدى ويداعىداي ۇيرەنۋ − ۇلى وتاندى قىزۋ ءسۇيۋدىڭ، ۇلتتار ىنتىماعىن، ءدىن جاراسىمدىلىعىن جەبەۋدىڭ، قوعام ورنىقتىلىعى مەن باياندى تىنىشتىقتى ىلگەرىلەتۋدىڭ قاجەتى. شينجياڭ − ۇلى وتانىمىزدىڭ ايرىلماس ءبىر بولىگى، شينجياڭداعى ءار ۇلت − جۇڭحۋا ۇلتى شاڭىراعىنىڭ تامىرلاس مۇشەسى، شينجياڭداعى ءار ۇلتتىڭ مادەنيەتى − جۇڭحۋا مادەنيەتىنىڭ قۇرامداس بولىگى، بۇل داۋ جۇرمەيتىن شىندىق. كوپشىلىك بۇگىنگى باقىتتى تۇرمىسىمىز قايدان كەلدى؟ دەگەن ماسەلە جونىندە جاقسىراق ويلانۋى كەرەك. تاريحتاعى ءارقانداي كەزدە شينجياڭدا ءدال قازىرگىدەي جاراسىمدى، باي، باقىتتى، تىنىش جاعدايدىڭ بولىپ كورمەگەنىن اعا بۋىندارىمىزدان سۇراپ بىلۋىنە بولادى، تاريح پاراعىن اقتارىپ كورۋىنە دە بولادى. مەملەكەتتە ءبىر تۇتاس قولدانىلاتىن ءتىل - جازۋدى ويداعىداي ۇيرەنگەندە، جۇڭگو تاريحىن، جۇڭحۋا مادەنيەتىن اناعۇرلىم ويداعىداي تۇسىنۋگە، ۇلى پارتيانى، ۇلى وتاندى قىزۋ ءسۇيۋدى كۇشەيتۋگە بولادى.
ءتىل − قارىم - قاتىناس جاساۋدىڭ كوپىرى، جۇرەككە جول تارتۋدا، ءسوزسىز، باسىپ وتەتىن جول، ۇلتتار اراسىنداعى سۇيىسپەنشىلىكتى جەبەۋدىڭ شيپالى ءدارىسى. مەملەكەتتە ءبىر تۇتاس قولدانىلاتىن ءتىل - جازۋدى ويداعىداي ۇيرەنىپ، ءتىل تابىسقاندا، ءوزارا قۇرمەت، تۇسىنىك، قايىرىمدىلىق قالىپتاسادى، «ءۇش ءتۇرلى كۇشتىڭ» ورايدان پايدالانۋىنا مۇمكىندىك قالمايدى. كوپشىلىكتىڭ قىراعىلىقتى ارتتىرىپ، دۇرىس پەن بۇرىستى ايقىن ايىرىپ، جۇڭحۋا ۇلتىنىڭ مۇددەسىنە زيان جەتكىزەتىن، مەملەكەتتىڭ مۇددەسىنە زيان جەتكىزەتىن، ءبىزدىڭ باقىتتى تۇرمىسىمىزعا زيان جەتكىزەتىن ءسوز - ارەكەتتەرگە قارسى جۇرەكتىلىكپەن باتىل كۇرەس جۇرگىزىپ، وتباسىنا پايدالى، قوعامعا پايدالى، مەملەكەتكە پايدالى ادام بولىپ، كورىكتى مەكەنىمىزدى باتىلدىقپەن، تاباندىلىقپەن ويداعىداي قورعاۋىن، ويداعىداي قۇرۋىن ءۇمىت ەتەمىن.
