ۇنەمى العىس ايتۋ سەزىمىن كوكەيىمە ۇيالاتىپ، ۇنەمى العىس ايتۋ سەزىمىن ارەكەتىمدە ايگىلەيمىن
توقسۋ اۋدانىنىڭ ورىنباسار اكىمى، وقۋ - اعارتۋ قىزمەت كوميتەتىنىڭ ورىنباسار شۋجيى احات ميجيت
مەن بالا كۇنىمنەن اۋىل - قىستاقتا تۇرمىس كەشىردىم، قىزمەتكە قاتىناسقاننان كەيىن دە ەڭ الدىمەن، اۋىل - قالاشىقتا قىزمەت ىستەدىم. اۋىل - قالاشىقتا قىزمەت ىستەگەن 10 نەشە جىلدا، مەن ءار ۇلت بۇقاراسىنىڭ كيەر كيىم، ىشەر اس، تۇرار جاي، ءجۇرىس - تۇرىس جاقتارىندا تۋىلعان وراسان زور وزگەرىستەرىنە، اسىرەسە، پارتيا 18 - قۇرىلتايىنان بەرى شينجياڭنىڭ ەكونوميكالىق دامۋ، وقۋ - اعارتۋ، عىلىم - تەحنيكا، حالىق تۇرمىسى قۇرىلىسى سياقتى جاقتاردا جان - جاقتى ىلگەرىلەۋشىلىكتەرگە قول جەتكىزگەندىگىنە، ءار ۇلت بۇقاراسىنىڭ تۇرمىسىنىڭ بارعان سايىن جاقسارعاندىعىنا كۋا بولدىم.
1996 - جىلى مەكتەپتەن وقۋ تاۋىسقاننان كەيىن، مەن ءبولىس بويىنشا شايار اۋدانى يىڭىمالى اۋىلىنا قىزمەتكە ورنالاستىم. اۋىل - قالاشىقتا قىزمەت ىستەگەن كەزىمدە، مەن جولداردىڭ وزگەرىسىن ايرىقشا تەرەڭ سەزىندىم. العاش قىزمەتكە قاتىناسقانىمدا، قىستاققا بارىپ، وتباسىلارىن ارالاعانىمدا ۆەلوسيپەد مىنەتىنمىن، بۇرىن قىستاق جولدارى دەرلىكتەي توپىراق جول بولاتىن، جاڭبىر نەمەسە قار جاۋعان كۇندەرى جول لاي - باتپاق بولىپ كەتەتىن دە، لاجىسىزدان قىستاقتا ايالداپ، جول كەپكەننەن كەيىن بارىپ اۋىلعا قايتاتىنمىن. جول تار بولعاندىقتان، سىرتتاعى ۇلكەن اۆتوكولىكتەر كىرە المايتىن دا، قىستاق تۇرعىندارىنىڭ اتىزدا ەككەن قاربىز، بۇرىش، قىزاناق سياقتى جەمىس - جيدەك، كوكونىستەرى تاسىپ اكەتۋگە قولايسىز بولاتىن. قازىر قىستاقتاردىڭ بارىنە اسفالت جول جەتكىزىلدى، جولدار كەڭەيتىلدى، قىستاق تۇرعىندارى ەككەن جەمىس - جيدەك، كوكونىستەر ساتىمەن تاسىپ اكەتىلىپ، بۇكىل ەلىمىزدىڭ جەر - جەرىندە ساتۋعا جونەلتىلەتىن بولدى. ديقاندار اۋقاتتاندى، اۋىل - قىستاق كوركەيدى، ءار ۇلت بۇقاراسىنىڭ باقىت كورسەتكىشى دە بارىنشا جوعارىلادى.
قازىر ءاربىر مەكەمەدەگى كادرلار مەن قىستاق تۇرعىندارى جۇپ قۇراپ، تۋىس بولدى، مەكەمەدە ۇنەمى كادرلاردىڭ ”مەن وسى اپتادا قىستاققا بارىپ تۋىسىما امانداسىپ قايتتىم، ونىڭ ءۇيىنىڭ اۋلاسى رەتتەلىپ، بارعان سايىن جايلى بولىپ بارادى ەكەن“ دەگەنىن ەستيمىز؛ قىستاقتا ۇنەمى قىستاق تۇرعىندارىنىڭ ”تۋىسىم ۇيىمە كەلدى، مەن ودان تاعى دا جاڭا ءبىلىم ۇيرەندىم“ دەگەنىن ەستيمىز. ولاردىڭ قانداستىق قارىم - قاتىناسى بولماسا دا، قانداستىق قارىم - قاتىناسى بار تۋىستاردان ارمان ەتەنە. ولار بىرگە ۇيرەنىپ، بىرگە ەڭبەك ىستەپ، ءوزارا اڭگىمەلەسىپ، كومەكتەسىپ - قارايلاسىپ، ۇلتتاردىڭ ۇلى ىنتىماعىنىڭ سۇيىسپەنشىلىككە تولى تاماشا جاعدايىن قالىپتاستىردى. قازىر ديقاندار استىق ەكسە قوسىمشا قاراجات بەرىلەدى، باعىمشىلىقپەن شۇعىلدانسا قوسىمشا قاراجات بەرىلەدى، اۋىل شارۋاشىلىق ماشينالارىن ساتىپ السا قوسىمشا قاراجات بەرىلەدى، ءۇي سالسا قوسىمشا قاراجات بەرىلەدى، تۇرمىسىندا قيىنشىلىعى بولسا ەڭ تومەنگى تۇرمىستى قامتاماسىزداندىرۋ قاراجاتى بەرىلەدى، اۋرۋ كورسەتسە ەمدەۋ قامسىزداندىرۋى بار، ”بەستە قامتاماسىزداندىرىلاتىن“ ادامداردى مەملەكەت باعادى، بالالار وقىعاندا وقۋ قاراجاتىن تاپسىرمايدى، ونىڭ ۇستىنە تەگىن جاتاق جانە تۇسكى تاماق بار، تۇرمىس بارعان سايىن جاقساردى.
قازىر شينجياڭنىڭ ءتۇرلى ىستەرى كۇننەن - كۇنگە وركەندەپ، حالىق تۇرمىسى قۇرىلىسىندا قۋانىشتى ىستەر ارت - ارتىنان تۋىلدى. وسى ناتيجەلەردىڭ بارىنە شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭداعى ءار ۇلت حالقىنا دەگەن ىقىلاستى قامقورلىعىنىڭ ارقاسىندا قول جەتكىزدىك، بۇل اۆتونوميالى رايوندىق پارتكومنىڭ جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن تاباندىلىقپەن دايەكتىلەندىرگەندىگىنىڭ، تياناقتاندىرعاندىعىنىڭ ارقاسى، تۋىسقان ولكە، قالالاردىڭ شينجياڭداعى ءار ۇلت حالقىنا دەگەن قالتقىسىز كومەگىنىڭ ارقاسى، شينجياڭداعى ءار ۇلت حالقىنىڭ ىنتىماقتاسا ءوزارا كومەكتەسىپ، قۇلشىنا كۇرەس جۇرگىزگەندىگىنىڭ ارقاسى.
ۇنەمى العىس ايتۋ سەزىمىن كوكەيىمە ۇيالاتىپ، ۇنەمى العىس ايتۋ سەزىمىن ارەكەتىمدە ايگىلەيمىن. پارتيا تالاي جىل تاربيەلەگەن، باۋلىعان پارتيالى كادر رەتىندە، مەن قاشاندا اۋەلگى ماقساتتى ۇمىتپاي، بورىشتى ەستە بەرىك ساقتاپ، قالتقىسىز ۇلەس قوسۋ، ەرلىكپەن ۇدەرە العا تارتۋ رۋحاني بەينەمدى ساقتاپ، ءىس جۇزىندىك ارەكەتىممەن ۇلتتار ىنتىماعىن نىعايتىپ، قاجىرلىلىقپەن كۇرەس جۇرگىزۋ ارقىلى شينجياڭنىڭ ءتۇرلى ىستەرىنىڭ دامۋىنا كۇش - قۋات قوسامىن. مەن ءار ۇلت كادرلارى مەن بۇقاراسىنىڭ بىرگە قۇلشىنۋىندا، شينجياڭنىڭ ەرتەڭىنىڭ، ءسوزسىز، بارعان سايىن كوركەم بولاتىندىعىنا كامىل سەنەمىن.
